1 Kings 4

Malagasy 2004 (DIEM PROTESTANTA)

← Chapter 3 Jump to: Chapter 5 →

1I Salômôna mpanjaka no nanjaka tamin’i Israely manontolo.

2Ireto avy ny anaran’ny mpiasam-panjakana ambony teo aminy: I Hazarià zanakalahin’i Tsadôka no mpisorona;

3i Elihôrefa sy i Ahià, samy zanakalahin’i Sisà, no mpitantsoratra; i Jôsafata zanakalahin’i Ahiloda no mpitondratenin’ny mpanjaka;

4i Benaià zanakalahin’i Jôiadà no filohan’ny tafika; i Tsadôka sy i Abiatara no mpisorona;

5i Hazarià zanakalahin’i Natàna no filohan’ny governora; i Zaboda zanakalahin’i Natàna no mpisorona sady mpanolotsaina manokan’ny mpanjaka;

6i Ahisara no lehiben’ny tao an-dapa; i Adônirama zanakalahin’i Habdà no mpiandraikitra ny asa an-terivozona.

7Nanana governora 12 lahy izay nisolotena azy teo amin’i Israely manontolo koa i Salômôna; ireo no namatsy ny mpanjaka sy ny olona tao an-dapany ka nifandimby nisahana izany andraikitra izany iray volana isan-taona.

8Ireto avy ny anarany: Ny zanakalahin’i Hora no tany amin’ny faritra be tendrombohitra any Efraîma;

9ny zanakalahin’i Dekera no tao Makatsa sy Sahalbima ary Bety-Semesy sy Elôna-Bety-Hanàna;

10ny zanakalahin’i Heseda, tao Arobôta, no nisahana an’i Sôkao sy ny faritr’i Hefera manontolo;

11ny zanakalahin’i Abinadaba no nisahana an’i Dôra manontolo (nanambady an’i Tafata zanakavavin’i Salômôna izy);

12i Bahanà zanakalahin’i Ahiloda no nisahana an’i Tahanàka sy i Megidao ary ny faritr’i Bety-Seàna manontolo (ny faritr’i Bety-Seàna dia mihazo anilan’i Tsaretàna eo ambanin’i Jizrehela ary mipaka any Bety-Seàna sy Abela Mehôlà ka hatrany ankoatran’i Jôknehama);

13ny zanakalahin’i Gebera, tao Ramôta any Gilehada, no nisahana an’i Havôta-Jaîro izay fananan’i Jaîro zanakalahin’i Manase tao Gilehada, ary koa nisahana ny faritanin’i Argôba izay tao Basàna: tanàna enimpolo nisy manda manodidina sy hidy halimo ireo;

14i Ahinadaba zanakalahin’i Hidao no tao amin’ny faritr’i Mahanaîma;

15i Ahimahatsa no tao amin’ny faritr’i Naftalỳ (izy koa dia nanambady ny zanakavavin’i Salômôna nantsoina hoe Basemata);

16i Bahanà zanakalahin’i Hosay no tao amin’ny faritr’i Asera sy i Behalôta;

17i Jôsafata zanakalahin’i Paroa no tao amin’ny faritr’i Jisakara;

18i Simehỳ zanakalahin’i Elà no tao amin’ny faritr’i Benjamîna;

19i Gebera zanakalahin’i Orỳ no tao amin’ny tanin’i Gilehada mbamin’ny tanin’i Sihôna mpanjakan’ny Amôrita, ary ny tanin’i Hôga mpanjakan’i Basàna. Ankoatra ireo, dia mbola nisy koa governora iray tao amin’ny tanin’i Joda.

20Ary ny mponin’i Joda sy i Israely dia marobe tahaka ny fasika amoron-dranomasina. Nanan-kohanina sy hosotroina ireo ka niaina finaritra.

← Chapter 3 Jump to: Chapter 5 →