bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Mossi
/
Mossi MPBU (WẼNNAAM SEBRE 2014)
/
2 Chronicles 18
2 Chronicles 18
Mossi MPBU (WẼNNAAM SEBRE 2014)
← Chapter 17
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 19 →
1
A Zozafat paama arzegs la waoogr wʋsgo. La yẽnda yõga reemd ne a Akaabe.
2
La yʋʋm bilf sẽn looge, a Zozafat yikame n na n kẽng Samaari n tɩ pʋʋs a Akaabe. Woto, a Akaab kʋʋ piis la niig ka tɛka, a Zozafat ne a poorẽ dãmba fãa yĩnga, la yaa sẽn na n yɩlẽ t'a Zozafat sõng-a t'a tɩ zab ne Ramot tẽngã sẽn be Galaadã.
3
Dẽ, Israyɛll dĩm a Akaab soka Zʋʋda dĩm a Zozafat yaa: «Yãmb na n sak n wa tũu maam n kẽng n tɩ zab ne Ramot tẽngã sẽn be Galaadã bɩ?» La a Zozafat yeelame: «N-yẽe! Tõnd na n tũu yãmb n kẽng zabrã. Yãmb zabr yaa mam zabre, la yãmb nebã zabr yaa mam nebã zabre.»
4
A Zozafat leb n yeela Israyɛll dĩmã yaa: «La mam kot-y lame tɩ y reng n sok Sẽn-Ka-Saab n gese.»
5
Dẽ, Israyɛll dĩmã tigma a no-rɛɛsdb kobs-naasã n sok-b yaa: «D tog n kẽng n tɩ zaba ne Ramot tẽngã sẽn be Galaadã bɩ, bɩ d tog n basame n ka kẽnge?» La bãmb fãa leokame n yeele: «Kẽng-y tɩ Sẽn-Ka-Saab na n ninga tẽngã rĩma nugẽ.»
6
La dĩm a Zozafat sokame yaa: «Dẽ yĩnga, Sẽn-Ka-Saabã no-rɛɛs ba a ye ka be ka tɩ tõnd tõe n leb n soka n gese?»
7
La Israyɛll dĩmã leoka a Zozafat yaa: «Ned a ye n ket tɩ d tõe n sok Sẽn-Ka-Saabã n gese, yaa a Yimla biig a Miise, la mam kis-a lame. Bala, a zɩ n togs maam koɛɛg sẽn noom maam ye, yaa koe-beed bala.» La a Zozafat yeelame yaa: «Bɩ rĩma ra gom woto ye.»
8
Dẽ, Israyɛll dĩmã boola a sõgen a ye n yeel-a t'a bool a Yimla biig a Miise t'a wa tao-tao!
9
Israyɛll dĩmã ne Zʋʋda dĩmã dag n yeelga b naam futu, la bãmb ned kam fãa dag n zaoo a naam geer n be zĩ-vɩʋʋg ning sẽn be Samaari tẽngã noorã. La bãngdbã rag n yɛsa b taoore n gomd b bãngrã goamã.
10
A Kenaana biig a Sedesiyaas dag n kuda kut yɩɩla, la a yeelame: «Ad Sẽn-Ka-Saab sẽn yeta: ‹Ne yɩɩn-bãmbã, fo na n tãa Siiri nebã hal n kʋ-b zãnga.› »
11
La bãngdbã fãa rag n gomda gom-yɛng n yetẽ: «Kẽng-y Ramot tẽngã sẽn be Galaad soolmẽ wã, tɩ y na n tõog-a lame! Sẽn-Ka-Saab na n ning-a-la dĩmã nugẽ.»
12
Ned ning rĩmã sẽn tʋm t'a tɩ bool a Miise wã yeela a Miise yaa: «Bãngdbã fãa zemsa taab noor a ye n gomd n kãabd dĩmã noogo. Bɩ fo me maan wa bãmba, n gom n kãab rĩma noogo.»
13
Dẽ, a Miise leok-a lame n yeele: «Mam wẽenda ne Sẽn-Ka-Saab sẽn vɩ wã, tɩ yaa bãmb sẽn na n yeel maam bũmb ninga bal la m na n togse.»
14
A Miise sẽn ta rĩmã nengẽ wã, rĩmã sok-a lame yaa: «Miise, d tog n kẽng n tɩ zaba ne Ramot tẽngã sẽn be Galaad soolmẽ wã bɩ, bɩ m tog n basame n ka kẽnge?» La a Miise leokame n yeele: «Kẽng-y tɩ y na n tõogame! La Sẽn-Ka-Saab na n kɩtame tɩ reeg tẽmsã.»
15
La rĩmã yeela a Miise yaa: «Naoor a wãn la m na n kɩt tɩ f wẽen tɩ f na n togs-m-la sɩd Sẽn-Ka-Saab yʋʋrã yĩnga?»
16
Dẽ, a Miise leokame n yeel yaa: «Mam yãnda Israyɛll nebã gill sẽn sãeeg tãmsã zutu, wa piis sẽn ka tar pe-kɩɩm ye. La Sẽn-Ka-Saab yeelame: Nin-bãmbã ka leb n tar Soaal ye. Bɩ ned kam fãa lebg n kuil a yir ne bãane.»
17
Israyɛll dĩmã yeela a Zozafat yaa: «M dag n ka pĩnd n yeel yãmb tɩ nin-kãngã zɩ n togs maam koɛɛg sẽn noom tɩ sã n ka koe-beed bala?»
18
Dẽ, a Miise yeelame: «Bɩ y kelg-y Sẽn-Ka-Saab koɛɛga. M yãnda Sẽn-Ka-Saab tɩ b zao b geerẽ wã, tɩ saasẽ tãb-biisã yɛs b goabg la rɩtgo.
19
La Sẽn-Ka-Saab sokame: ‹Ãnda n na n belg Israyɛll dĩm a Akaabe, t'a kẽng Ramot tẽngã sẽn be Galaad soolmẽ wã n tɩ ki.› La ned n leok gomde, t'a to me leok gomd a to.
20
Woto, sɩɩg n wa n kolg Sẽn-Ka-Saab taoor n yeele: ‹maam n na n tɩ belg-a!› La Sẽn-Ka-Saab sok-a lame yaa: ‹Fo na n maana wãn-wãn n belg-a?›
21
Tɩ sɩɩgã yeele: ‹M na kẽngame, la m na n lebga zĩrẽ-beed sɩɩg a bãngdbã fãa noyẽ.› Dẽ, Sẽn-Ka-Saab yeel-a lame yaa: ‹Sã n yaa woto, f na n belg-a lame, la f na n tõog n tudg-a lame, kẽng n maan a boto!›
22
La a Miise leb n yeelame: ‹Ade, Sẽn-Ka-Saab basame tɩ zĩrẽ-beed sɩɩg kẽ y bãngdbã tɩ b gomda, la b yaool n yãka yam n na maan yãmb wẽnga.› »
23
Dẽ, la a Kenaana biig a Sedesiyaas kolg n wẽ a Miise noorã n yeele: «Yaa so-bʋg la Sẽn-Ka-Saab Sɩɩgã tũu n yi mam pʋgẽ wã n wa be fo pʋgẽ n gomda?»
24
La a Miise yeelame: «Fo sẽn n wat n zoet n kẽed ro-yaang n na n soondã la f na n bãnge.»
25
Woto, Israyɛll dĩmã yeelame yaa: «Yõk-y-yã a Miise, n tɩ kɩs tẽngã komber a Amo, la na-biig a Zoaase.
26
La y yeel-b yaa: ‹Dĩmã koɛɛg la woto: Kẽes-y nin-kãngã roogo, la y kõt a bur la koom bala, n gũud m sẽn na n lɛɛg n wa ne bãane.› »
27
La a Miise yeelame: «Yãmb sã n tɩ paam tõogr n lebg n wa, rẽnd Sẽn-Ka-Saab ka gom ne mam noor ye.» La a leb n yeel yaa: «Nebã fãa, bɩ y kelge.»
28
Dẽ, Israyɛll dĩmã, ne Zʋʋda dĩm a Zozafate, kẽng n na n tɩ zaba ne Ramot tẽngã sẽn be Galaad soolmẽ wã.
29
La Israyɛll dĩmã yeela a Zozafat yaa: «Ade, mam na n toeema fut n kẽng zabrã, la ne yãmba, bɩ y yeelg-y y naam fuugu.» Dẽ, Israyɛll dĩmã sɩd teema futu, tɩ b kẽng zabrã.
30
La Siiri dĩmã yaool n dag n kõ-a saar-dãmbã nanambs no-kãnga: «Da bao-y n na n zab-y ne nin-naaba, bɩ nin-zaalg ye, zab-y ne Israyɛll dĩmã bala.»
31
Dẽ, saar-dãmbã nanambse sẽn yãnd a Zozafatã, b yeelame: «Yaa Israyɛll dĩmã!» La woto, b fãa wẽnemdame n tɩ gũbg a Zozafate. La a Zozafat kelmame, la Sẽn-Ka-Saab wa sõng-a lame n kɩt tɩ b zãag n bas-a.
32
Bala, bãmb sẽn bãng tɩ ka Israyɛll dĩmã yĩnga, b loogame n bas-a.
33
La rao a yembr n waa n yãag a tãp n tão yaare tɩ yõk Israyɛll dĩmã kutã fuug sogbã zĩigẽ wã. Dẽ, dĩmã yeela sẽn tɛt-a saarã yaa: «Wẽnemd tɩ m yi zabrã sʋka, tɩ m paama sãmpogre.»
34
Zabrã wɩnga wʋsg badaare, la Israyɛll dĩmã kell n yalsa yĩngr a saarã pʋg hal tɩ ta zaabr Siiri nebã taoore, la wĩndgã lʋɩɩs wakate, yẽnda kiime.
← Chapter 17
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 19 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36