bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Mossi
/
Mossi MPBU (WẼNNAAM SEBRE 2014)
/
2 Chronicles 23
2 Chronicles 23
Mossi MPBU (WẼNNAAM SEBRE 2014)
← Chapter 22
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 24 →
1
Yʋʋm a yopoe soabã pʋga, maan-kʋʋd a Zehozada paama pãnga, n maan kaool ne tãb-biis kobs-kobs nanambsã. Yaa a Zeroham biig a Azariya, na a Yohanan biig a Ismayɛlle, la a Obɛɛb biig a Azariya, ne a Adaya biig a Maseya, la a Zikri biig a Elisafate.
2
Nin-bãmb yikame n saag Zʋʋda tẽmsã fãa, n tigs Leevi nebã, ne Israyɛll buudã nanambs tɩ b wa Zeruzalɛm.
3
La zãma wã fãa sẽn tigma maana kaool ne rĩmã Sẽn-Ka-Saab roogã pʋga. La a Zehozada yeel-b lame yaa: «Ade, rĩm a Akaazɩya biigã la woto, yẽnda n tog n dɩ naamã wa Sẽn-Ka-Saab sẽn dag n kãab n gom a Davɩɩd kambã wɛɛngẽ wã.
4
Dẽ wã, ad yãmb sẽn na n maan bũmb ninga. Maan-kʋʋdbã ne Leevi neb nins sẽn tog n maan b tʋʋmdã vʋʋsg daarã, na n weela taab sull a tãabo, sull a ye wã na n gũ Sẽn-Ka-Saab roogã rignoore,
5
tɩ sull a yembrã gũ na-yirã, t'a yembrã zĩnd rignoor ning b sẽn boond tɩ Yesoodã, la nebã fãa sẽn ketã na n zĩnda Sẽn-Ka-Saab wẽnd doogã zak pʋga.
6
Ned ba a ye ka tog n kẽ Sẽn-Ka-Saab roogã pʋg tɩ sã n ka maan-kʋʋdbã ne Leevi nebã sẽn tʋmd badaarã ye. Bãmb tõe n kẽeme, bala, b welga bãmb toore. La bɩ nebã fãa sak n maan Sẽn-Ka-Saab sẽn yeel bũmb ningã.
7
Leevi nebã na n gũbga rĩma. La bãmb ned kam fãa na n zãada a zab-teedo, la ned sã n kɩɩs n kẽ bɩ b kʋ-a, la bãmb tog n yãaga dĩmã a sẽn dabd zĩig ningã fãa.»
8
Leevi nebã ne Zʋʋda nebã fãa maana wa maan-kʋʋd a Zehozada sẽn yeel bãmb bũmb ningã. Dẽ, tãb-biis kobs-kobs nanambsã fãa peega a nebã. Yaa neb nins sẽn da sɩngd-b tʋʋma, la sẽn sigd-b tʋʋmã vʋʋsg raarã, bala, maan-kʋʋd a Zehozada ka bas ned ba a yembr t'a kuil ye.
9
Dẽ, maan-kʋʋd a Zehozada wʋka kãna, ne gãn-bɛd la gãn-bãooneg nins sẽn dag n yaa dĩm a Davɩɩd dẽndã sẽn dag n be Wẽnnaam doogã pʋgã, n kõ tãb-biis kobs-kobs nanambsã.
10
Yẽnda kɩtame tɩ nebã zãad b zab-teedã n yals sẽn sɩng ne Sẽn-Ka-Saab roogã rɩtg kɩrengã, n tɩ tãag a goabg kɩrengã, Sẽn-Ka-Saab roogã tẽn-kugrã sɛɛga, n yegl Sẽn-Ka-Saab roogã n gũbg rĩma.
11
La a Zehozada ne a kambã yiisa rĩma biig n fõgna naamã maanfo, la b kõ-a kãabgã kaset sebr n kõ-a naamã. La bãmb pʋdga yẽnda naam kaam n kelem n yeele: «Wẽnd na kaoos rĩmã.»
12
A Atali sẽn wʋm nebã sẽn zoet la b kaasdẽ n yetẽ tɩ Wẽnd na kaoos rĩma bʋrgã, yẽnda yikame n bʋʋg nebã Sẽn-Ka-Saab roogã pʋga.
13
La yẽnda sẽn gesã, a mikame tɩ rĩma yɛsa Sẽn-Ka-Saab roogã noore. La bar-pɛɛbdbã, ne tãb-biis kobs-kobs nanambsã ra yɛsa rĩma sɛɛgẽ. La tẽngã nebã fãa ra maanda sũ-noogo, la b ra peebda tãntãado, tɩ yʋʋmbã wẽed b yʋʋm teedã tɩ nebã yɩɩndẽ. Woto a Atali kẽesa a futã n kelem n yeele: «B zãmba maam, b zãmba maam!»
14
Dẽ, maan-kʋʋd a Zehozada kɩtame tɩ tãb-biis kobs-kobs nanambsã sẽn yaa tãb-biisã taoor dãmbã yi, la a yeel-b yaa: «Yiis-y-yã-a nebã sʋka! La ned ning sẽn na n pʋga pʋg-kãngã, bɩ b kʋ a soab ne zabr sʋʋga!» Bala, maan-kʋʋd a Zehozada rag n yeelame tɩ b ra kʋ-a Sẽn-Ka-Saab roogã zak pʋgẽ ye!
15
Dẽ, bãmb yõka a Atali n tall-a n tees na-yirã sẽnẽ, la bãmb sẽn ta na-yirã wiidi rignoorẽ wã, b kʋ-a lame.
16
A Zehozada, ne rĩmã, la nin-buiidã maana kaool tɩ bãmb na n yɩɩ Sẽn-Ka-Saabã nebã.
17
La nin-buiidã fãa tũu taab n kẽng zĩig ning a Baall doogã sẽn be wã, n tɩ tusa n lubi, la b wã a tẽn-kugã ne a wẽn-naandgã, la b kʋ Baall maan-kʋʋd a Matã tẽn-kugã taoore.
18
Dẽ zugẽ, a Zehozada rɩka Sẽn-Ka-Saab roogã tʋʋmd yell n kõ maan-kʋʋdbã, la ne Leevi nebã. A Davɩɩd da welg-b lame n kõ ned kam fãa ne a tʋʋmd Sẽn-Ka-Saab roogã pʋgã, tɩ wa a Moyiis tõogã sẽn gʋls to-to wã, bɩ b maand maoong sẽn yõogd bugum ne yɩɩl la sũ-noogo.
19
La Davɩɩd da kɩtame tɩ gũudb gũud Sẽn-Ka-Saab roogã rignoy sẽn na n yɩlẽ tɩ bũmb sẽn yaa rẽgd ra tõog n kẽ be ye.
20
Maan-kʋʋd a Zehozada kɩtame tɩ tãb-biis kobs-kobs nanambsã, la nanambsã, la nin-buiidã taoor dãmbã, la tẽngã nebã fãa peeg rĩmã n yiis Sẽn-Ka-Saab roogã pʋg n tũ yĩngr dignoorã n kẽ na-zakẽ wã, n zaoolg-a a naamã geer zugu.
21
Tẽngã nebã fãa rag n maanda sũ-noogo, la b sẽn kʋ a Atali ne zabr sʋʋgã poore, tẽngã gãanda bãane.
← Chapter 22
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 24 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36