bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Mossi
/
Mossi MPBU (WẼNNAAM SEBRE 2014)
/
2 Chronicles 28
2 Chronicles 28
Mossi MPBU (WẼNNAAM SEBRE 2014)
← Chapter 27
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 29 →
1
A Akaaz sẽn wa n na n lebg rĩma, t'a tara yʋʋm pisi. La a rɩɩ naamã yʋʋm piig la a yoob Zeruzalɛm. Yẽnda ka maan sẽn tat Sẽn-Ka-Saab yam wala a yaab a Davɩɩd ye.
2
Yẽnda maana wa Israyɛll rĩm-dãmbã sẽn dag n maanã, n maan kut wẽn-naands baall yĩnga.
3
La yẽnda mengã yõoga wisd Bɛn-Hinom tãn-longẽ wã, la a yõog a kambã bugum, wa buud a taab nins Sẽn-Ka-Saabã sẽn dag n rig Israyɛll nebã taoorã sẽn dag n maand yel-beed ninsã.
4
Yẽnda maana maoong la a yõog tɩdar maoong kʋʋb zĩisẽ wã, la kunkuba zutu, la tɩ-bɛdã tẽngre.
5
Rẽ kɩtame, tɩ Sẽn-Ka-Saab sẽn yaa yẽnda Wẽnnaamã kɩt tɩ Siiri rĩmã tõog a Akaaz n yõg a neb wʋsg n tall n kẽng Damaase. La Sẽn-Ka-Saab leb n basame tɩ Israyɛll dĩmã tõog a Akaaze, n kʋ a neb wʋsgo.
6
A Remaliya biig a Peka kʋʋ Zʋʋda tãb-bi-gãndaad tus koabg la pisi daar a yembre. Bala, bãmb dag n basa Sẽn-Ka-Saab sẽn yaa bãmb ba-rãmbã Wẽnnaamã.
7
La Efrayiim gãndaoog a Zikri kʋʋ rĩma biig a Maseya, la a Aazrikam sẽn yaa sõgen-kãsengã, ne rĩmã pʋgdga a Ɛlkana.
8
Israyɛll kambã yõga b saam-biisã neb tus kobs yi. Yaa pagba, kom-dibli, la kom-pugli. La b leb n wʋka b paoong wʋsg n tall n loog Samaari.
9
La Samaari pʋgẽ wã, Sẽn-Ka-Saab no-rɛɛs a yembr n dag n be beenẽ t'a yʋʋr boondẽ t'a Obɛɛde. Yẽnda yiime n seg Israyɛll tãb-biisã sẽn lebg n wat Samaari wã n yeel-b yaa: «Ade, yaa Sẽn-Ka-Saab sũurã sẽn yik ne Zʋʋda nebã yĩng n kɩt tɩ bãmb bas tɩ yãmb tõog-ba, la yãmb kʋ-b-la ne sũ-yikr sẽn zẽk n tat hal saasẽ.
10
La moasã, yãmb gomdame tɩ y na n dɩka Zʋʋda ne Zeruzalɛm kambã n maan y yembse, la y tʋmtʋmd-pogse! Dẽ yĩnga, yãmb me ka beeg ne Sẽn-Ka-Saab sẽn yaa yãmb Wẽnnaamã sɩda?
11
Moasã, bɩ y kelg-y m koɛɛgã, lebs-y yembsã yãmb sẽn yõg y saam-biisã nengẽ wã tɩ b kuili, sã n ka rẽ, Sẽn-Ka-Saab sũurã na n yika ne yãmba.»
12
Efrayiim nebã nanambs kẽer yika ne sẽn kẽng-b zabrã n lebg n watẽ wã. Yaa a Yohanan biig a Azariya, a Mesilemot biig a Berekɩya, a Salum biig a Ezekɩyaas la a Adlayi biig a Amasa.
13
Bãmb yeel-b lame: «Da kẽ-y ne y sẽn yõg b rãmba ka ye. Bala, bõn-kãng na n kɩtame tɩ d beeg Sẽn-Ka-Saabo, yãmb sẽn gomdã yaa sẽn paasd tõnd beegrã ne d kongrã, tõnd zoe n tara kongr wʋsgo, la Sẽn-Ka-Saab sũ-puugrã bee Israyɛll zugu.»
14
Woto, tãb-biisã basa yembsã b sẽn dag n yõgã, ne paoongã b sẽn dag n wʋkã kãsem-dãmba taoore, la zãma wã fãa taoore.
15
La neb nins b sẽn pʋd-b yʋy n boolã yikame n bels yembsã. Bãmb dɩka teed nins tãb-biisã sẽn tall n wa wã, n yeelg b rãmb nins sẽn yaa b bɛɛlã, la b kõ-b futu, neooda, rɩɩbo, la b tɩp b noadã, la b rɩk neb nins fãa sẽn dag n ka tõe n kẽna n zombg bõense, n tall-b n kẽng b saam-biisã nengẽ Zeriko sẽn yaa koms tẽngã. Dẽ, bãmb lebg n leba Samaari.
16
Wakat-kãnga, dĩm a Akaaz tʋmame tɩ b tɩ kos Asiiri rĩmã sõngre.
17
Bala, Edom nebã rag n leb n waame n zab ne Zʋʋda nebã n tõog-b n yõg-b neb n looge.
18
La Filistẽ-dãmbã me rag n yiime n tɩ zab ne tẽms nins sẽn be londẽ wã, la Negɛɛv sẽn yaa Zʋʋda soolmã: Yaa Bɛt-Semeese, Ayalõ, Gederote, Soko ne a tẽn-bãoonegã, Timna ne a tẽn-bãoonegã, Gimzo ne a tẽn-bãoonegã, n deeg-b n sooge.
19
Sɩda, rĩm a Akaaz yĩng kɩtame tɩ Sẽn-Ka-Saab ning Zʋʋda nebã yãnde, bala, a Akaaz rag n kɩtame tɩ nebã maan sẽn ka zems ne Sẽn-Ka-Saabo.
20
La Asiiri rĩm a Tɩlgat-Pilnezɛɛr sẽn wa wã a basa a Akaaz sõngr n zab ne-a.
21
La a Akaaz kong n yãka Sẽn-Ka-Saab roogã teedã, ne na-yirã, la a Kug-zĩidbã zakẽ teedã, n kõ Asiiri rĩma, la baoosg zãnga rẽ ka sõng-a ye.
22
La yẽnda sẽn wa n be toogã pʋgã, a kell n maana sẽn ka zems n beeg ne Sẽn-Ka-Saab n paase.
23
A Akaaz maana maoong n kõ Damaas nebã sẽn tõog yẽnda wã wẽn-naands n yeel yaa: «Siiri nebã wẽn-naandsã sẽn sõngd-bã yĩngã, mam me na n maana maoong n kõ-b tɩ b wa sõng-ma.» La yaa wẽn-naands bãmb n wa ne a Akaaz ne Israyɛll nebã sãoongo.
24
A Akaaz wʋka Wẽnnaam doogã teed fãa n pãb n wã, la a pag Sẽn-Ka-Saab roogã kʋɩlemsã, la a maan tẽn-kug n ning Zeruzalɛm so-yagsã fãa zutu.
25
Yẽnda maana maoong kʋʋb zĩis Zʋʋda tẽmsã fãa pʋsẽ, n na n yõog tɩdar n kõt buud a taabã wẽnnaam-dãmbã, yẽnda maana woto n beeg Sẽn-Ka-Saab sẽn yaa yẽnda yaab-rãmbã Wẽnnaamã.
26
A Akaaz tʋʋm a taabã fãa ne bũmb ning fãa, a sẽn maanã, a sɩngr ne a baoosg fãa gʋlsa Zʋʋda ne Israyɛlle, rĩm-dãmbã sebr pʋga.
27
A Akaaz kiime n bʋʋg a saam-dãmba, la b muma yẽnda Zeruzalɛm tẽngã pʋga, la ka yɩ rĩm-dãmbã yaadẽ ye. La a biig a Ezekɩyaas leda yẽnda zĩigẽ n dɩ naamã.
← Chapter 27
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 29 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36