bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Mossi
/
Mossi MPBU (WẼNNAAM SEBRE 2014)
/
2 Chronicles 20
2 Chronicles 20
Mossi MPBU (WẼNNAAM SEBRE 2014)
← Chapter 19
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 21 →
1
Bõn-kãens zugẽ, Moaab nebã, ne Amo nebã, n paas Mao nebã, waame n na zab ne a Zozafate.
2
La b wa n togsa a Zozafat n yeel-a yaa: «Neb kʋʋng wʋsg sẽn yi ko-kãsengã rʋʋnde, sẽn sɩng ne Siiri, n wa n na n zab ne yãmba, la b bee Hatsatsõ-Tamaar sẽn dat n togs tɩ ‹Ɛnd-Gedi.› »
3
Dẽ, rabeem wʋsg yõka a Zozafate, t'a yãk yam n na n bao Sẽn-Ka-saabo, yẽnda moona no-loeer Zʋʋda tẽmsã fãa pʋsẽ.
4
Zʋʋda nebã tigmame n na n bao Sẽn-Ka-saabo. Nebã yii Zʋʋda tẽmsã fãa pʋsẽ n na n wa bao Sẽn-Ka-Saabo.
5
A Zozafat yalsa Zʋʋda ne Zeruzalɛm zãma wã sʋka, bãmb dag n tigma taab Sẽn-Ka-Saab roogã zak pʋg sẽn teesd zag-paalgã noorã.
6
La a yeelame yaa: «Sẽn-Ka-Saab sẽn yaa tõnd ba-rãmbã Wẽnnaam, yaa yãmb bal n yaa Wẽnnaam sẽn be saasẽ, la y rɩta naam soolem toay-toayã rĩundã fãa zutu. Yãmb tara pãng la tõogo, la ned ba a yembr ka tõe n yals yãmb taoor ye.
7
Tõnd Wẽnnaam, ka yãmb n dig tẽn-kãngã nebã Israyɛll sẽn yaa yãmb nebã taoore, n dɩk b tẽngã n kõ a Abrahaam sẽn yaa y zoa wã yagens sɩda?
8
Bãmb kẽe tẽngã n zĩndi, la b mee sɛk roog yãmb yĩnga, la y yʋʋrã yĩnga, n yeele:
9
‹Toog sã n wa paam tõndo: Sã n yaa tẽn-kũum, wall bã-longdem bɩ kom, tɩ tõnd sã n yals yãmb taoor do-kãngã y yʋʋrã sẽn be a pʋgẽ wã taoore, n kelem n bool yãmb d toogã pʋgẽ, yãmb na n leoka tõndo, n fãag-do.› »
10
«La moasã, ad Amo ne Moaab tẽngã nebã, la Seyɩɩr soolem ning sẽn be tãms sʋkã nebã, sẽn wa n na n zab ne tõndo. Yãmb sẽn wa n yiis Israyɛll kambã Ezɩpt soolmẽ wã, yãmb ka sak tɩ Israyɛll kambã kẽ b tẽmsẽ wã ye. Bala, bãmb gila tẽn-bãmb n loog n ka sãam-b ye.
11
La ade, nin-bãmbã sẽn dond tõnd bũmb ninga, yaa tɩ b wa n na n diga tõnd n yiis yãmb soolem ning y sẽn kõ tõndã pʋgẽ.
12
Tõnd Wẽnnaam, dẽ yĩnga, yãmb kõn kao bãmb bʋʋd sɩda? Bala, tõnd ka pãng ne zãma-kãngã sẽn wa n na n zab ne tõndã ye. Tõnd ka mi d sẽn na n maan bũmb ninga ye. Tõnd ninã geta yãmb bala.»
13
Zʋʋda nebã fãa rag n yasa Sẽn-Ka-Saabã taoor ne b zagsã rãmb fãa, b pagba, la b kamba.
14
Woto, Sẽn-Ka-Saab Sɩɩgã siga Leevi ned a Zakari biig a Azayɛll zug zãma wã sʋka. A Zakari yaa a Benaya biiga, t'a Benaya yaa a Yeyiyɛll biiga, t'a Yeyiyɛll yaa Leevi ned a Mataniya biiga, la bãmb yaa a Azaf yagense.
15
Dẽ, a Azayɛll yeelame yaa: «Yãmb sẽn yaa Zʋʋda, ne Zeruzalɛm nebã, la yãmb rĩm a Zozafate! Kelg-y neere, ad Sẽn-Ka-Saab sẽn yet yãmba: ‹Da zoe-y rabeem, la y ra yɛɛs-y zãma-kãngã taoor ye. Bala, zab-kãngã ka yãmb zabr ye, yaa Wẽnnaam zabre.›
16
Beoogo, bɩ y sig n zab ne y bɛɛbã. Ade, bãmb na n tũu Sɩts kunkubrã zug sorã n wa, la yãmb na n yãnda bãmb ko-soogã noor sẽn tees Yeruwɛll we-raoogã.
17
La bãng-y tɩ ka zabr la y na n zab ye. Kẽng-y be n tɩ yalse, yals-y yĩngr bal n ges fãagr ning Sẽn-Ka-Saab sẽn na n fãag Zʋʋda ne Zeruzalɛm nebã. Da zoe-y rabeem, la ra yɛɛs-y ye! Beoogo, bɩ y yi n seg-ba, la maam a Sẽn-Ka-Saab na n zĩnda ne yãmba.»
18
A Zozafat sẽn wʋm woto, a wõgemdame n fõgen a neng tẽng Sẽn-Ka-Saab taoore, la Zʋʋda ne Zeruzalɛm nebã fãa me wõgemdame n fõgen b nens tẽng Sẽn-Ka-Saab taoore.
19
La a Kehat yagensã, ne a Koore yagensã sẽn yaa Leevi buudã nebã yikame n zẽk b koees ne pãnga, n pẽg Sẽn-Ka-Saab sẽn yaa Israyɛll Wẽnnaamã.
20
La vẽkembeoog yibeoog pĩnda, nebã yikame n yi n na n kẽng Tekoa we-raoogẽ wã. Bãmb sẽn wa n loogdẽ wã, a Zozafat yeel-b lame: «Zʋʋda ne Zeruzalɛm nebã, kelg-y maam, teeg-y Sẽn-Ka-Saabo, la bãmb na n tebenda yãmba, kɩs-y b no-rɛɛsdbã sɩda, la yãmb na n tõogame!»
21
Woto, a Zozafat yẽsa ne nebã, la a yãk yɩɩn-yɩɩndb Sẽn-Ka-Saab yĩnga, tɩ b na n lʋɩ tãb-biisã taoore, n pẽgd Sẽn-Ka-Saab b sẽn yaa pʋ-peelem soabã yĩng n yetẽ: «Pẽg-y Sẽn-Ka-Saabo! Bala, bãmb nonglmã paada wakat fãa!»
22
La wakat ning bãmb sẽn zẽk b koees n yɩɩnd pẽgr yɩɩlã, Sẽn-Ka-Saab kɩtame tɩ zũnglug zĩnd Amo ne Moaabe, la Seyɩɩr soolem ning sẽn be tãms sʋkã nebã sẽn dag n wa Zʋʋda wã sʋka, tɩ b kʋ taaba.
23
Amo ne Moaab nebã naaga taab n zab ne neb nins sẽn yit-b Seyɩɩr soolem ning sẽn be tãms sʋkã, n kʋ-b zãnga. Bãmb sẽn kʋ Seyɩɩr nebã zãng n sɛ, bãmb wẽnemdame n kʋ taaba.
24
Zʋʋda nebã sẽn ta kunkubr ning zug b sẽn dʋʋd n get we-raoogã, bãmb wẽnemdame n ges kʋʋngã sẽn beẽ wã sẽnẽ, la b mikame tɩ yaa kũum bal n dʋre, ned ba a yembr ka põs ye.
25
Woto, a Zozafat ne a nebã kẽngame n tɩ zɛ b paoongã, la b yãnda rũms wʋsgo, la arzegse, ne kũum wʋsgo, la te-sõama buud toor-toore. Ned kam fãa wʋkame hal n ka tõe n tʋk ye. La yaa rasem a tãab la bãmb sẽn dɩk n zɛ teedã, bala, teedã rag n yaa wʋsgo.
26
La rasem a naasã daare, bãmb tigma taab Beraka tãn-longẽ wã n pʋʋs Sẽn-Ka-Saabã barka, yaa rẽ n kɩt tɩ b boond zĩ-kãng tɩ Beraka hal tɩ ta rũndã.
27
Dẽ, a Zozafat lʋɩɩ Zʋʋda ne Zeruzalɛm nebã fãa taoore, tɩ b lebg n leb Zeruzalɛm ne sũ-noogo, Sẽn-Ka-Saab sẽn fãag bãmb b bɛɛbã nusẽ wã yĩnga.
28
Bãmb wẽe kʋla, la b wãag ruudsi, la b peebd tãntãad n kẽ Zeruzalɛm hal n ta Sẽn-Ka-Saab roogẽ wã.
29
Soolem-dãmb a taabã sẽn wʋm tɩ Sẽn-Ka-Saab sõnga Israyɛll n zab ne b bɛɛbã, Wẽnnaam dabeem zoees yõka bãmba.
30
Woto, a Zozafat soolmã zĩnda bãane, la yẽnda Wẽnnaamã kõ-a-la vʋʋsg tẽngã todsã fãa pʋsẽ.
31
A Zozafat rɩɩ naam Zʋʋda soolmã pʋga. Yẽnda sẽn wa n na n deeg naamã t'a tara yʋʋm pis-tã la a nu, la yẽnda zĩnda Zeruzalɛm n dɩ naamã yʋʋm pisi la a nu, a ma wã yʋʋr la a Azuba, n yaa a Sɩlki biiga.
32
A Zozafat tũ a ba a Aaza naoor n ka tol n bʋdg ye. Yẽnda maana sẽn yaa neer Sẽn-Ka-Saab nifẽ.
33
La baoosgo, b kell n ka menes maoong kʋʋb zĩisã ye. Bala, nebã rag n nan ka loe b sũyã zãng fasɩ ne Wẽnnaam ning sẽn yaa bãmb yaab-rãmbã wẽnnaamã ye.
34
A Zozafat tʋʋm a taabã a sẽn maanã sɩngr n tɩ tãag a baoosg fãa gʋlsa a Hanani biig a Zehu sebrã pʋgẽ, la yaa seb-kãng la b tall n gʋls Israyɛll rĩm-dãmbã sebre.
35
Dẽ zugẽ, Zʋʋda rĩm a Zozafat tɩ maana lageng ne Israyɛll dĩm a Akaazɩya, la a Akaazɩya yaool n dag n maanda wẽnga.
36
Bãmb lagma taab n na n maan koom kogond sẽn na n kẽnd Tarsɩɩse. Bãmb maana koom kogendã Esɩyõ Gebɛɛr tẽngã.
37
La Maresa tẽng rao a Dodawayu biig a Eliyezɛɛr togsa a Zozafat pĩnd-n-bãngr goam n yeel-a yaa: «Fo sẽn tɩ naag f meng ne a Akaazɩya wã yĩnga, Sẽn-Ka-Saab na n sãama fo tʋʋma.» La koom kogendã sãamame n ka tol n tõog n kẽng Tarsɩɩs ye.
← Chapter 19
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 21 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36