bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Mossi
/
Mossi MPBU (WẼNNAAM SEBRE 2014)
/
2 Chronicles 25
2 Chronicles 25
Mossi MPBU (WẼNNAAM SEBRE 2014)
← Chapter 24
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 26 →
1
A Amatsɩya sẽn wa n na n lebg rĩmã t'a rag n tara yʋʋm pisi la a nu, la a rɩɩ naamã yʋʋm pisi la a wɛ Zeruzalɛm. La yẽnda ma wã yʋʋr da boondame t'a Zewohadan, n yit Zeruzalɛm.
2
A Amatsɩya maana sẽn yaa neer Sẽn-Ka-Saabã nifẽ, la ka yɩ ne-a sũurã fãa ye.
3
La yẽnda naamã sẽn wa n paam pãnga, yẽnda kɩtame tɩ kʋ yẽnda zakã pʋgẽ neb nins sẽn dag n kʋ yẽnda rĩmã sẽn dag n yaa yẽnda ba wã.
4
La yẽnda ka kʋ nin-kʋʋdbã kamb ye, yẽnda maana wa sẽn gʋls a Moyiis tõogã sebr pʋgẽ wã. Sẽn-Ka-Saab goma be n yeel yaa: «Ba-rãmb ka tog n ki b kamb beegr yĩng ye. La kambã me ka tog n ki b ba-rãmb beegr yĩng ye. Ned kam fãa na n ki a meng beegr yĩnga.»
5
A Amatsɩya tigma Zʋʋda ne Benzame nebã, n yalsg-b roog-roogo, n vigl neb koabg-koabg la neb tusr-tusr nanambse. La a kɩtame tɩ b sõd sẽn dag n tar-b yʋʋm pisi bɩ sẽn yɩɩd rẽndã wã, la b paama neb sẽn ta tus kobs-tã sẽn mi zabr sõama n tõe n zã kãnd la gãong n zabe.
6
La Amatsɩya baoo gãndaad tus-koabg Israyɛll pʋgẽ, n yao-b wanzuri talã koabga, n kɩt tɩ b lebg a tãb-biisi.
7
La Wẽnnaam dao a yembr n wa yẽnda nengẽ n wa yeel-a yaa: «N'na! Ra bas-y tɩ Israyɛll tãb-biis wa naag yãmb ye. Bala, Sẽn-Ka-Saab ka be ne Israyɛll ne Efrayiim nebã ye!»
8
Bãmb tãb-biisã sã n wa naag yãmba, baa ne yãmb pãngã sẽn yaa to-to ningã fãa, Wẽnnaam na n kɩtame tɩ y bɛɛbã tõog-yã. Bala, yaa Wẽnnaam n tar pãng n tõe n kɩt tɩ b tõoge, wall a kɩt tɩ b ra tõog ye.
9
Dẽ, a Amatsɩya soka Wẽnnaam daoã yaa: «La m na maana wãn moasã ne wanzuri talã koabgã mam sẽn kõ Israyɛll tãb-biisã?» La Wẽnnaam daoã leoka yẽnda n yeel-a yaa: «Sẽn-Ka-Saab tõe n kõo foom sẽn yɩɩd dẽnda.»
10
Woto, a Amatsɩya kɩtame tɩ tãb-biis nins sẽn yi Efrayiim n wa wã leb b tẽngẽ. Dẽ, tãb-bi-bãmb sũurã yika wʋsg ne Zʋʋda nebã, la bãmb lebg n kuila ne sũ-yikr wʋsgo.
11
Dẽ, a Amatsɩya paama pãnga, la yẽnda talla a tãb-biisã n kẽng yamsem longẽ wã, n tɩ kʋ Seyɩɩr kambã tus-piiga.
12
Zʋʋda nebã leb n yõga bãmb neb tus-piig vɩɩse, n tall-b n dʋ pĩig sẽn lug zug n tus-b tɩ b lʋɩ n bedse.
13
Baoosgo, Israyɛll ne Efrayiim tãb-biis nins a Amatsɩya sẽn dag n kɩt tɩ b lebg kuil n ka naag yẽnda zabrẽ wã, b lebg n kẽe Zʋʋda tẽmsã pʋs sẽn sɩng ne Samaari, hal n tãag Bɛt-Horon neb sẽn ta tus a tã, la b fã paoong wʋsg n tall n looge.
14
A Amatsɩya sẽn tɩ zab ne Edom nebã n tõog n lebgdẽ wã, yẽnda talla Seyɩɩr kambã wẽn-naands n wa, la a rɩk-b tɩ b lebg yẽnda wẽnnaam-dãmb n wõgemd bãmb taoor n waoog-b la a yõogd wisd n kõt-ba.
15
Woto kɩtame tɩ Sẽn-Ka-Saab sũur puug ne a Amatsɩya, la bãmb tʋma b no-rɛɛs t'a wa yeel-a yaa: «Bõe tɩ f waoog wẽnnaam-dãmbã sẽn ka tõog n fãag b neb fo meng nugẽ?»
16
No-rɛɛsã sẽn wa n gomdã wakate, a Amatsɩya leokame yaa: «Ãnda soab n yãk foom tɩ f sagend rĩmã? Bas f goamã woto, tɩ b ra wa kʋ-f ye.» Dẽ, no-rɛɛsã baasa a pĩnd-n-bãngr goamã n yeel-a yaa: «Moasã, mam miime tɩ Wẽnnaam yãka yam n na sãam foom, fo sẽn ka kelg mam saglsã yĩngã.»
17
Dẽ zugẽ, Zʋʋda rĩm a Amatsɩya zĩnda ne a nebã n yẽse, a kɩtame tɩ b tɩ yeel Israyɛll rĩm a Zehu biig a Yohakaaz biig a Zoaas yaa: «Wa-y tɩ d zab taaba.»
18
La Israyɛll dĩm a Zoaas tʋmame tɩ b tɩ yeel Zʋʋda rĩm a Amatsɩya yaa: «Libã gõaag n tʋm tɩ b tɩ yeel Libã sɛɛdr tɩɩgã yaa: ‹Rɩk f bi-puglã n kõ-m biigã t'a maan a paga›, la Libã we-rũng a yembr n wa n pɩʋʋg n tab gõaagã.
19
Ade, fo yetame: ‹mam tõoga Edom nebã.› La fo sũurã yaa noogo, tɩ f waoogd f menga. La pĩnd n pa f zĩigẽ. Bõe yĩng tɩ f baood n na n wã f meng la f naag Zʋʋda nebã fãa me wã?»
20
La a Amatsɩya ka kelg ye. Bõn-kãng rag n yita Wẽnnaam nengẽ. Bala, bãmb dag n datame tɩ Israyɛll nebã tõog-ba. Bãmb sẽn waoog Edom nebã wẽn-naandsã yĩnga.
21
Woto, Israyɛll dĩmã a Zoaas kẽngame tɩ yẽnda ne Zʋʋda rĩm a Amatsɩya seg taab Zʋʋda tẽng a yembr sẽn boond tɩ Bɛtsemees n na n zabe.
22
La Israyɛll nebã tõoga Zʋʋda nebã, la bãmb ned kam fãa zoe n kuila a yiri.
23
Israyɛll rĩm a Zoaas yõka Zʋʋda rĩm a Amatsɩya Bɛtsemees n talla n kẽng Zeruzalɛm. La yẽnda luba Zeruzalɛm lalgã sẽn tat kãntɩɩg kobs-naase, sẽn sɩng ne Efrayiim noore, n tall n ta lalgã gõdrẽ.
24
La yẽnda wʋka sãnemã la wanzuri wã, la teed nins fãa sẽn dag n be Wẽnnaam doogã pʋgẽ a Obɛɛd Edom nengẽ wã. La a wʋk na-yirã arzegsã fãa, la a yõg yembs n tall n leb Samaari.
25
Zʋʋda rĩm a Zoaas biig a Amatsɩya kell n vɩɩmda yʋʋm piig la a nu, Israyɛll dĩm a Yohakaaz biig a Zoaas kũumã zugẽ.
26
A Amatsɩya tʋʋmã a taabã a sẽn maanã sɩngr n tɩ tãag baoosg fãa gʋlsa Israyɛll ne Zʋʋda rĩm-dãmbã kibayã sebr pʋga.
27
Sẽn sɩng ne wakat ning a Amatsɩya sẽn bas Sẽn-Ka-Saabã tũubã, neb n sed ne taab Zeruzalɛm n dat n kʋ-a, la a Amatsɩya zoeeme n kẽng Lakɩɩse. La b tʋma neb tɩ b pʋgla n kẽng Lakɩɩs tẽng n tɩ kʋ.
28
La b tall-a-la ne wiidi n wa mum-a Zʋʋda tẽngã pʋgẽ n naag a saam-dãmbã.
← Chapter 24
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 26 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36