bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Mossi
/
Mossi MPBU (WẼNNAAM SEBRE 2014)
/
2 Chronicles 6
2 Chronicles 6
Mossi MPBU (WẼNNAAM SEBRE 2014)
← Chapter 5
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 7 →
1
Dẽ, rĩm a Salmo zẽka a koɛɛg n yeele: «Sẽn-Ka-Saabo, yãmb yeelame tɩ y rat n zĩnda zĩ-libsgẽ.
2
La mam me roog sẽn tar ziir n na n kõ yãmba. Tɩ yãmb tõe n zĩnd be wakat sẽn kõn sa yĩnga.»
3
Israyɛll zãma wã fãa rag n yasa yĩngri, la rĩm a Salmo wẽnemdame n tees-b n ning-b barka.
4
Dẽ, rĩm a Salmo yeelame: «Bɩ Sẽn-Ka-Saab sẽn yaa Israyɛll Wẽnnaamã yʋʋr paam waoogre. Bala, bãmb nug n pids kãabg ning bãmb noor sẽn dag n yaag n yeel m ba a Davɩɩd tɩ:
5
‹Hal daar ning mam sẽn yiis Israyɛll sẽn yaa mam nebã Ezɩpt tẽngã tɩ ta rũndã, mam ka yãk tẽng ba a yembr Israyɛll buudã tẽms sʋk n yeel tɩ b me roog tɩ mam yʋʋrã be a pʋgẽ ye. La m ka yãk ned ba a ye t'a yɩ Israyɛll sẽn yaa mam nebã naab ye.
6
La yaa Zeruzalɛm la m yãk n na n ning m yʋʋrã a pʋga. La mam yãka a Davɩɩd t'a yɩ Israyɛll sẽn yaa mam nebã naaba.
7
La m ba a Davɩɩd dag n data ne b sũur fãa n me roog Sẽn-Ka-Saab sẽn yaa Israyɛll Wẽnnaamã yʋʋr yĩnga,
8
la Sẽn-Ka-Saab yeela m ba a Davɩɩd yaa: ‹Fo sẽn tags n dat n me roog mam yʋʋrã yĩngã, fo maana neere.
9
La ade, ka na n yɩ foom n na n me roogã ye. Na n yɩɩ biig ning fo sẽn na n dogã n na n me roogã mam yʋʋrã yĩnga.›
10
Woto, Sẽn-Ka-Saab pidsa b kãabgã. Mam leda m ba a Davɩɩd zĩigẽ, n dɩt naam Israyɛll wa Sẽn-Ka-Saab sẽn dag n yeelã, la mam mee ro-kãngã Sẽn-Ka-Saab sẽn yaa Israyɛll Wẽnnaamã yʋʋr yĩnga.
11
La mam tol n ninga koglg ning kaoolã sẽn be a pʋgẽ wã Sẽn-Ka-Saab roogẽ wã, kaool ning bãmb sẽn dag n maan ne Israyɛll nebã.»
12
Rĩm a Salmo yalsa Sẽn-Ka-Saab tẽn-kugrã taoore, tɩ b nengã tees Israyɛll zãma wã fãa. La b zẽka a nus n tees yĩngr n na n pʋʋse.
13
A Salmo ra maana zaoor sẽn yaa zũud n dɩgl zaka tẽn-sʋka. Zaoorã woglem da yaa kãntɩɩg a nu, t'a yalma yaa kãntɩɩg a nu, t'a zãntlmã yaa kãntɩɩg a tãabo. A Salmo rʋʋ zaoorã zug n yĩgimd t'a nengã tees Israyɛll zãma wã fãa. Dẽ, b zẽka b nus yĩngr n
14
yeele: «Sẽn-Ka-Saab sẽn yaa Israyɛll Wẽnnaam, saasẽ ne tẽng zug ka, Wẽnnaam a to ka be sẽn zem yãmb ye. Yãmb tallda y kaoolã ne y pʋ-peelmã kãenkãe ne neb nins sẽn tũud yãmb ne b sũur fãa wã.
15
Yãmb pidsa kãabg ning yãmb sẽn dag n kãab m ba a Davɩɩd sẽn yaa yãmb tʋmtʋmdã. N-yẽe! Yãmb noorã sẽn yeel bũmb ninsã, yãmb pids-b-la rũndã ne yãmb mengã nusi.
16
Moasã, Sẽn-Ka-Saab sẽn yaa Israyɛll Wẽnnaam, bɩ y pids kãabg ning yãmb sẽn dag n kãab m ba a Davɩɩd sẽn yaa yãmb tʋmtʋmdã. Yãmb dag n yeelame: Fo yagensã sã n gũus ne b yel-manesmã, la b tũ maam wa fo sẽn tũ maamã, ned ka na n kong bãmb sʋkã sẽn na n led fo zĩigẽ n dɩ naamã Israyɛll ye.»
17
Woto yĩngã, Israyɛll Wẽnnaam, bɩ y pids kãabg ning yãmb sẽn dag n kãab a Davɩɩd sẽn yaa yãmb tʋmtʋmdã.
18
Dẽ yĩnga, Wẽnnaam tõe n zĩnda ninsaalb sʋk dũni zug sɩda? Ade, saasã, ne saasẽ-saasẽ ka tõe n deeg yãmb a Wẽnnaam ye. Dẽ, roog ning mam sẽn me wã na n maana a wãn n tõog n deeg yãmba?
19
La baoosgo, Sẽn-Ka-Saab sẽn yaa mam Wẽnnaam, bɩ y wʋm mam sẽn yaa yãmb tʋmtʋmdã pʋʋsgo, ne m kosgã, la y kelg mam sẽn yaa yãmb tʋmtʋmdã sẽn kelemd n boond yãmbã.
20
Bɩ y Puk-y y nin wĩndg la yʋng n ges ro-kãngã, bala, yaa zĩig yãmb sẽn yeel tɩ y na n puka y belmã a pʋgẽ! Moasã, bɩ y kelg m pʋʋsgã m sẽn be zĩ-kãngã n pʋʋsd-y wã.
21
Maam, a Salmo, la Israyɛll sẽn yaa yãmb nebã sã n wẽnemd n tees zĩ-kãngã n kos yãmba, bɩ y kelg-do. Bɩ y zĩnd-y saasẽ y sẽn beẽ wã n kelg tõndo, la y kõ-d sugri.
22
Ned sã n beeg a to, tɩ b yeel a soab t'a wẽene, tɩ wẽenegã tũud ne kãab-wẽnse, nin-kãng sã n wa yãmb doogã pʋga, n yals yãmb tẽn-kugrã taoor n wẽene,
23
bɩ y zĩnd y zĩigẽ wã saasẽ n kelg la y leoke. La y bʋ y tʋmtʋmdbã bʋʋd n kɩt tɩ sẽn ka tar-a bʋʋmã paam sɩbgre, tɩ b bãng tɩ nin-tɩrgã tara bʋʋm.
24
Israyɛll sẽn yaa yãmb nebã bɛɛb sã n tõog bãmb b sẽn beeg yãmba yĩnga, b sã n tek yam n kos sugri, la b waoog yãmb yʋʋrã, la b pʋʋs yãmb n kos yãmb ro-kãngã pʋgẽ,
25
bɩ y zĩnd y zĩigẽ wã saasẽ n kelg-ba. Bɩ y kõ Israyɛll sẽn yaa yãmb nebã sugr b beegrã yĩnga, la y kɩt tɩ b lebg n wa tẽng ning yãmb sẽn kõ bãmb ne b yaab-rãmbã pʋgẽ.
26
Yĩngrã sã n wa pag tɩ saag ka leb n niida, yãmb nebã sẽn beeg yãmb yĩnga, b sã n wẽnemd n tees zĩ-kãngã n pʋʋse, b sã n waoog yãmb yʋʋrã la b bas b yel-wẽnã, yãmb sẽn sɩbg bãmba yĩnga,
27
bɩ y zĩnd y zĩigẽ wã saasẽ n kelge, la y kõ y tʋmtʋmdbã, ne Israyɛll sẽn yaa yãmb nebã sugri. Woto, yãmb na n zãmsa bãmb tɩ b rɩk so-sõng ning b sẽn tog n tũ wã, la y kɩt tɩ saagã ni yãmb tẽngẽ wã, tẽng ning yãmb sẽn dag n kõ y nebã tɩ yaa b pʋɩɩrã.
28
Kom sã n kẽ tẽngã, walla bã-loangdg ka rẽ bɩ wãoong ne gãnem, wall sʋy bɩ kalwaar sã n kẽ tẽngã, wall b bɛɛbã n wa n gũbg tẽngã, baa sẽn yaa yel-beed la bãag ning fãa,
29
Sẽn yaa bũmb ning fãa yĩng la b pʋʋsd bɩ b kot yãmba, a sã n yaa nin-yɛnga, bɩ Israyɛll tõrã fãa sẽn yaa yãmb nebã n kote, ned kam fãa sũur sẽn sãam ne toog ning sẽn paama wã, n zẽk a nus n tees ro-kãngã,
30
bɩ y zĩnd y zĩigẽ wã saasẽ n kelg-ba, la y kõ-b b yel-wẽnã sugri, la y keo ned kam fãa wa sẽn zems a tʋʋmã. Bala, yãmb n mi a sũurã tagsgo, sɩdã, yaa yãmb y yembr bal n mi ninsaalbã fãa sũyã tagsgo.
31
Woto b na zoee yãmba, la b sak yãmb b vɩɩm fãa tɛk tẽng ning yãmb sẽn kõ-d ba-rãmba pʋgẽ.
32
Woto me, sãan sẽn ka Israyɛll buudã sẽn yaa yãmb nebã sã n yi zĩ-zãrgẽ n wa yãmb yʋʋrã yĩnga, la y nug pãngã, ne y tʋʋm kãsemsã yĩnga, n wa ro-kãngã pʋg n pʋʋs yãmba,
33
bɩ y zĩnd y zĩigẽ saasẽ n kelg-a, la y maan wa sãanã sẽn kot yãmb bũmb ningã n kõ-a, tɩ buud nins fãa sẽn be dũniyã zugã tõe n bãng yãmb yʋʋrã, la b zoe yãmb wa Israyɛll nebã sẽn yaa yãmb nebã sẽn zoet yãmbã. La b bãng tɩ y yʋʋrã bee ro-kãngã mam sẽn me wã pʋga.
34
Yãmb nebã sã n yi n na n tɩ zab ne b bɛɛbã n sak n tũ sor ning yãmb sẽn wilg-bã, bãmb sã n wẽnemd n tees tẽng ning yãmb sẽn yãkã, la roog ning mam sẽn me yãmb yʋʋrã yĩngã n pʋʋs yãmba,
35
bɩ y zĩnd y zĩigẽ wã saasẽ n kelg b pʋʋsgã ne b kosgã, la y sõng-ba.
36
Sẽn-Ka-Saabo, ned ka be n ka beegdẽ ye, la yãmb nebã sã n beeg yãmba, tɩ yãmb sũurã yik ne-ba, tɩ yãmb bas tɩ bɛɛbã tõog-ba, n yõg-b n kẽes yembd tẽn-zãrgẽ wall tẽng sẽn pẽ pʋga,
37
bãmb sã n zĩnd b yembdã tẽng pʋgẽ, n tags n tek yam n kos sugri, n yõk yãmb sɛɛg n yeele: «Tõnd beegame, tõnd maana sẽn ka zemse, tõnd yaa bɛɛgdba!»
38
Bãmb sã n zĩnd b yembdã tẽng pʋg n wẽnemd n bao yãmb ne b sũyã fãa, ne b yamã fãa, la b sã n wẽnemd n tees soolem ning yãmb sẽn kõ b yaab-rãmbã, la tẽng ninga, la roog ning mam sẽn me yãmb yʋʋrã yĩngã n pʋʋse,
39
bɩ y zĩnd y zĩigẽ wã saasẽ n kelg b pʋʋsgã ne b kosgã, la y leok-ba, la y kõ y nebã sẽn beeg yãmbã sugri.
40
La moasã mam Wẽnnaam, puk-y y nin, la y yok y tʋb n kelg sẽn pʋʋsd-b yãmb do-kãngã pʋgã.
41
Moasã, Wẽnnaam Sẽn-Ka-Saabo, yik-y-yã, wa-y y vʋʋsgã zĩigẽ, yãmb ne y pãngã sẽn pukd kaoolã koglg ningã pʋgã! Sẽn-Ka-Saabo, bɩ y maan-kʋʋdbã pid ne yãmb fãagrã, la sẽn tũud yãmb ne sɩdã kɩdem ne sũ-noogo
42
Wẽnnaam Sẽn-Ka-Saabo, da bas-y y nin-tũusdgã ye, tẽeg-y yãmb tʋmtʋmd a Davɩɩd maan-sɩdã yelle.
← Chapter 5
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 7 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36