bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Mossi
/
Mossi MPBU (WẼNNAAM SEBRE 2014)
/
2 Chronicles 34
2 Chronicles 34
Mossi MPBU (WẼNNAAM SEBRE 2014)
← Chapter 33
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 35 →
1
Rĩm a Zoziyaas sẽn wa n na n deeg naamã t'a tara yʋʋm a nii, la a rɩɩ naamã yʋʋm pis-tã la a ye Zeruzalɛm.
2
A Zoziyaas maana sẽn tat Sẽn-Ka-Saab yam, n tũ a yaab a Davɩɩd naoor n ka bʋdg n leb goabg bɩ rɩtg ye.
3
Rĩm a Zoziyaas sẽn deeg a naamã tɩ yʋʋm niinẽ, n dag n ket n yaa biigã, yẽnda sɩngame n baood a ba a Davɩɩd Wẽnnaamã. La a sẽn deeg a naamã tɩ yʋʋm piig la a yiiblẽ, yẽnda sɩngame tɩ yɩlg Zʋʋda ne Zeruzalɛm soolmã n yiis maoong kʋʋb zĩisã, la a Aseera ra-lugdsã, ne bõn-naandgã b sẽn yõgã.
4
La b wãa Baall tẽn-kugã yẽnda nifẽ, la yẽnda kɩtame tɩ b wã wisd laasã sẽn dag n be b zutã, la a wã a Aseera ra-lugdsã, la wẽn-naandsã ne bõn-naandgã b sẽn yõgã, n neem-b n kɩt tɩ b lebg zom n wʋk b tomã n tɩ lob neb nins sẽn dag n maand maoong b zutã yaad zugu.
5
La a kɩt tɩ b yõog maan-kʋʋdb-kãens kõabã b tẽn-kugã zutu. Yɩɩ woto la yẽnda yɩlg Zʋʋda ne Zeruzalɛm tẽngã.
6
A Zoziyaas maana woto me Manaase, ne Efrayiim, la Sɩmyõ ne Neftali tẽmsã pʋsẽ, ne tẽms nins sẽn gilg bãmb n yaa raboodã pʋsẽ.
7
Yẽnda wãa tẽn-kugã, la a kɛ a Aseera ra-lugdsã, la a wã wẽn-naandsã, n neem-b n kɩt tɩ b lebg zom. Yẽnda sãama wisd laas nins fãa sẽn dag n be Israyɛll soolmã fãa pʋgẽ wã, la a lebg n wa Zeruzalɛm.
8
Rĩm a Zoziyaas sẽn deeg a naamã tɩ yʋʋm piig la a niinẽ, sẽn na n yɩl n yɩlg tẽngã ne Sẽn-Ka-Saab roogã, yẽnda tʋma a Atsaliya biig a Safãn ne tẽngã naab a Maseya, la a Yohakaaz biig a Yoha sẽn yaa sɛb-bĩngdã tɩ b tɩ maneg Sẽn-Ka-Saab sẽn yaa yẽnda Wẽnnaamã roogo.
9
Dẽ, bãmb kẽnga Maan-kʋʋd kãsem a Hilkiiza nengẽ n tɩ kɩsa ligd ning Leevi neb nins sẽn yaa dignoorã gũudbã sẽn dag n reeg Manaase buudã, ne Efrayiim buudã, la Israyɛll buud a taab nins sẽn ketã nengẽ, n paas Zʋʋda ne Benzame buudã nengẽ wã, la b lebg n wa Zeruzalɛm.
10
La b rɩka ligd-kãng n kɩs neb nins sẽn get Sẽn-Ka-Saab roogã tʋʋmd yellã. Dẽ, bãmb dɩka ligdã kõ neb nins sẽn tʋmd n na n maneg Sẽn-Ka-Saab roogã n paas-a pãngã.
11
La b kõ ra-wãadbã, la tãn-metbã tɩ b tõe n da kug-bɛd ne raad b sẽn tõe n tall n maneg Sẽn-Ka-Saab roogã, Zʋʋda rĩm-dãmbã sẽn sãamã.
12
Nebã rag n tʋmda b tʋʋmã ne pʋ-peelem. Sẽn dag n yaa b taoor dãmb n get tʋʋmdã yellã yaa Leevi nebã. Yaa a Yahat ne a Obadiya sẽn yaa a Meraari yagensã, la a Zakari ne a Mesulam sẽn yaa Kehat yagensã. La Leevi nin-bãmb fãa rag n yaa yʋʋmba.
13
La bãmb n dag n get te-zɩtbã yelle, ne sẽn tʋmd-b tʋʋm buud toay-toayã yelle. Leevi neb kẽer rag n yaa seb-bĩngdba, bɩ seb-gʋndba, wall rigno-gũudba.
14
Wakat ning b sẽn wa dɩkd ligdã nebã sẽn tall n wa Sẽn-Ka-Saab roogẽ wã, la Maan-kʋʋd a Hilkiiza yãnd Sẽn-Ka-Saabã tõogã b sẽn dag n kõ b tʋmtʋmd a Moyiisã sebre.
15
La Hilkiiza yeela a Safan yaa: «Gese, mam yãnda tõodã sebr Sẽn-Ka-Saab roogã pʋgẽ n dɩke.» Dẽ, yẽnda rɩka tõodã sebr n kɩs seb-gʋnd a Safan.
16
La seb-gʋnd a Safãn kẽnga rĩm a Zoziyaas nengẽ n tɩ yeel-a yaa: «Yãmb sẽn yeel y nebã tɩ b maan tʋʋmd ningã, b maaname.
17
Yãmb tʋmtʋmdbã tigsa ligd ning sẽn be Wẽnd doogẽ wã n kɩs neb nins sẽn get Sẽn-Ka-Saab roogã tʋʋm yellã taoor dãmba.»
18
Seb-gʋnd a Safãn leb n yeela rĩma yaa: «Maan-kʋʋd a Hilkiiza kɩsa maam sebre.» La yẽnda karma sebrã rĩma taoore.
19
B sẽn karem tõodã sebr tɩ rĩm a Zoziyaas wʋm goam nins sẽn gʋls sebrã pʋgẽ wã, yẽnda pãrsa a futu.
20
Rĩmã yeela maan-kʋʋd a Hilkiiza ne a Safãn biig a Ayikam, la a Miise biig a Abdõ, ne seb-gʋnd a Safãne, la rĩmã tʋmtʋmd a Aazaya yaa:
21
«Kẽng-y n tɩ sok-y Sẽn-Ka-Saab n bãng sebr ning b sẽn yãndã goam võor n wa togs maam ne Israyɛll la Zʋʋda nebã fãa. Bala, Sẽn-Ka-Saab sũur puuga wʋsg ne tõndo. Bala, tõnd yaab-rãmbã rag n ka sak seb-kãngã goamã ye, la b ka maan wa b sẽn gʋls a pʋgẽ wã me ye.»
22
Maan-kʋʋd a Hilkiiza ne rĩmã sẽn yãk b rãmbã kẽnga a Hasra biig a Tokhat biig a Salum sẽn yaa fu-bĩngdã pag a Ulda sẽn yaa Wẽnnaam no-rɛɛsã nengẽ. Pʋg-kãng dag n bee Zeruzalɛm tẽngã sag-paall a yembr pʋga. Bãmb sẽn togs pagã n sɛ,
23
pagã yeela bãmb yaa: «Ade, Sẽn-Ka-Saab sẽn yaa Israyɛll Wẽnnaamã yetame: Tɩ yeel-y ned ning sẽn tʋm-a yãmb mam nengẽ wã,
24
tɩ mam na n kɩtame tɩ toog paam tẽn-kãngã ne a nebã, wa sẽn zems goam nins fãa sẽn gʋls sebrã pʋgẽ tɩ Zʋʋda rĩmã karem n yãndã.
25
La yaa bãmb sẽn bas maam n yõog wisd n kõ wẽn-naandsã yĩnga, la b maan tʋʋm-wẽns buud fãa n beeg maamã yĩng n kɩt tɩ mam sũurã yik ne tẽn-kãngã, n ka na n tol n sig ye.»
26
La y tɩ yeel Zʋʋda rĩmã sẽn tʋm yãmb tɩ y wa sok Sẽn-Ka-Saabã yaa: «Sẽn-Ka-Saab sẽn yaa Israyɛll Wẽnnaamã yetame: ‹Sã n yaa ne goam nins fo sẽn wʋmã, na n yɩɩ woto bala.›
27
La fo sẽn wʋm b sẽn wilg mam sẽn na n maan Zeruzalɛm ne a nebã to-to, tɩ fo sũurã sãam tɩ f sik f meng mam taoorã, bɩ f bãng tɩ fo sẽn sik f meng n pãrs f futã, n yãb mam taoorã, mam me wʋmame. Yaa Sẽn-Ka-Saab n yeele.»
28
Ade, mam na n kɩtame tɩ f sak f saam-dãmba n gãand f yaoogẽ ne bãan n ka tol n yãnd tood nins mam sẽn na n kɩt tɩ tẽn-kãngã paama ye. La b kẽng n tɩ togsa rĩmã gom-kãens fãa.
29
Rĩmã kɩtame tɩ b tigim Zʋʋda ne Zeruzalɛm kãsem-dãmbã.
30
Rĩmã kẽnga Sẽn-Ka-Saab roogẽ wã ne Zʋʋda la Zeruzalɛm nebã fãa, ne maan-kʋʋdbã la Leevi nebã, ne tẽngã nin-buiidã fãa, sẽn sɩng ne kãsem n tɩ tãag yao zʋʋga. Dẽ, b karma goam ning fãa sẽn gʋls kaoolã sebrã b sẽn yãnd Sẽn-Ka-Saab roogã pʋgẽ wã goamã fãa, tɩ nebã fãa kelge.
31
Rĩmã yika a zĩigẽ wã n yals Sẽn-Ka-Saabã taoor n maan kaool t'a na n tũu Sẽn-Ka-Saabo, la a sak bãmb tõodã, ne b noyã, la b zãmsgã ne a sũurã fãa, la a yamã fãa, wa kaoolã goam b sẽn gʋls sebrã pʋgẽ wã.
32
La yẽnda kɩtame tɩ neb nins fãa sẽn dag n wa Zeruzalɛmã, ne Benzame la Zeruzalɛm nebã, naag yẽnda n wẽene. La b maana wa b yaab-rãmbã tõogã sẽn yeelã.
33
Dẽ zugẽ, a Zoziyaas menesa tẽms a taabã wẽnnaam-dãmbã sẽn yaa yel-beedã, Israyɛll nebã sẽn dag n tarã. La a modga neb nins fãa sẽn dag n be Israyɛll pʋgẽ wã tɩ b waoog Sẽn-Ka-Saab sẽn yaa bãmb Wẽnnaamã. A Zoziyaas vɩɩmã tɛka, a ka tol n bʋdg baa bilf n bas Sẽn-Ka-Saab sẽn yaa bãmb yaab-rãmb Wẽnnaam ye.
← Chapter 33
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 35 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36