bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Mossi
/
Mossi MPBU (WẼNNAAM SEBRE 2014)
/
2 Chronicles 26
2 Chronicles 26
Mossi MPBU (WẼNNAAM SEBRE 2014)
← Chapter 25
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 27 →
1
Zʋʋda nebã naaga taab n yãk a Oozɩyaas sẽn dag n tar yʋʋm piig la a yoobã, n kɩt t'a lebg rĩm n led a ba a Amatsɩya zĩigẽ.
2
Yɩɩ a Oozɩyaas n tõog n lebs n me Elat tẽngã n kɩt t'a leb Zʋʋda soolem, rĩm a Amatsɩya sẽn ki n bʋʋg a saam-dãmbã zugẽ.
3
A Oozɩyaas sẽn wa n na n deeg naamã t'a rag n tara yʋʋm piig la a yoobe, la yẽnda rɩɩ naamã yʋʋm pis-nu la a yiib Zeruzalɛm. Yẽnda ma wã yʋʋr la Yekoliya n yaa Zeruzalɛm bi-pugla.
4
Yẽnda maana sẽn yaa tɩrg Sẽn-Ka-Saab nifẽ. Yẽnda kell n maana wa a ba a Amatsɩya sẽn dag n maanã.
5
A Oozɩyaas baoo Wẽnnaam a Zakari vɩɩmã tɛka. A Zakari yaa ned sẽn dag n tar Wẽnnaam vẽnegr bãngre. La wakat ninga a Oozɩyaas sẽn dag n baood Sẽn-Ka-Saabã sasa, Sẽn-Ka-Saab dag n sõngd-a lame.
6
A Oozɩyaas kẽng n tɩ zaba ne Filistẽ-dãmbã, n wã Gate, ne Yabne la Asdood lalsã. La yẽnda maneg n mee tẽms Asdood pʋgẽ, ne Filistẽ-dãmbã soolem pʋga.
7
Wẽnnaam sõnga yẽnda t'a zab ne Filistẽ-dãmbã, ne Araab-rãmb nins sẽn be Gʋʋr-baalã, la Mawõ tẽngã nebã n tõoge.
8
La Amo nebã me rag n yaooda a Oozɩyaas yõor yaoodo, la yẽnda yʋʋrã da zẽkame n saag n ta hal Ezɩpte, bala, a pãngã rag n lebga wʋsgo.
9
A Oozɩyaas mee gãs-bɛd Zeruzalɛm lalgã zugu. Yaa tẽngã rignoorẽ wã, la rignoor ning sẽn be lal-gõdrẽ wã, ne rignoor ning sẽn teesa tãn-longã, la lalgã pẽkẽ dignoorã zugu. La a paas-b-la pãnga.
10
La yẽnda mee gãsd we-raoogẽ wã, la a tu buls wʋsgo, bala, yẽnda rag n tara rũms wʋsg kũnkubã ne zĩ-lamsẽ. A Oozɩyaas rag n tara ka-koaadb londã, la bãadã pʋse, la tar reezẽ tɩɩs pʋt Karmell tãngã zugu, tɩ neb gũudẽ. Sɩdã, yẽnda rag n nonga koobo.
11
A Oozɩyaas rag n tara tãb-biis sẽn mi zabr sõama n tõe n zabe. La b rag n weela bãmb sull-sull sõadg ning seb-gʋnd a Yeyiyɛlle, la seb-gʋnd a Maseya sẽn sõd sõadgã wakatã. La yaa a Hananiya sẽn yaa rĩmã nanambg a yembrã n dag n so bãmba.
12
La nanambs nins sẽn dag n so-b tãb-bi-gãndaadã sõor yaa tus a yi la kobs yoobe.
13
La bãmb dag n soo tãb-biis tus kobs-tã la a yopoe la kobs-nu, sẽn tõe n zab ne pãng la raood n sõng rĩmã n zab ne a bɛɛbã.
14
A Oozɩyaas kõ-a tãb-biisã fãa gãndo, kãna, kut-pugli, gãn-tigsi, tãbdo, la loobse.
15
Yẽnda kɩtame tɩ tʋʋm-mitb maan zab teed sẽn yaa bɛd sẽn tõe n tall n tão pɛɛm la lob kug-bɛda. La yẽnda ning-b-la gãsd nins sẽn be b lalgã gõadẽ wã. A Oozɩyaas yʋʋrã zẽkame n saag zĩig fãa, bala, Wẽnnaam sõng-a-la ne sõngr sẽn yaa toor zalle, hal t'a wa tar pãng wʋsgo.
16
La yẽnda sẽn wa n mik t'a pãngã lebga wʋsgã, yẽnda wuka a meng tɩ wa ne a sãoongo. Bala, yẽnda maana sẽn ka zems ne Sẽn-Ka-Saab sẽn yaa yẽnda Wẽnnaamã. Yẽnda kẽe Sẽn-Ka-Saab roogã pʋg n na n yõog tɩdar wisd tẽn-kugrã zugu.
17
Dẽ, maan-kʋʋd a Azariya pʋgla a Oozɩyaas n kẽ ne Sẽn-Ka-Saab maan-kʋʋdb pis-nii sẽn tar sũ-keelem.
18
Bãmb gɩdga rĩmã n yeel-a yaa: «Dĩma Oozɩyaase, ka yãmb n tog n yõog wisd n kõ Sẽn-Ka-Saab ye. Yaa a Aarõ yagensã b sẽn welg toor tɩ b yaa maan-kʋʋdbã bal n tog n maan bõn-kãnga! Bɩ y yi sɛk roogã pʋga, bala, yãmb maanda sẽn ka zemse, la bõn-kãng ka na n yɩ waoogr yãmb yĩng Sẽn-Ka-Saab taoor ye.»
19
Rĩm a Oozɩyaas sẽn wa n zãad wisd yõogr laagã, a sũurã yika ne maan-kʋʋdbã. La wakat ning a sũurã sẽn wa n yik ne maan-kʋʋdbã, wãood n puk a rĩirẽ wã maan-kʋʋdbã taoore, Sẽn-Ka-Saab roogã pʋga, wisd yõogr tẽn-kugrã sɛɛgẽ.
20
La maan-kʋʋd kãsmã a Azariya ne maan-kʋʋdb a taabã sẽn wẽnemd n ges yẽnda, b mikame tɩ wãood n be a rĩirẽ wã! Dẽ, bãmb yiis-a-la tao-tao, la yẽnda mengã yãgame na n yi, bala, Sẽn-Ka-Saab meng n sɩbga.
21
A Oozɩyaas paa ne a wãoodã n tãag a kũum. La yẽnda sẽn dag n yaa wãoorã yĩnga, b ning-a-la kɛɛng n ka leb n bas-a t'a kẽ Sẽn-Ka-Saab roogã pʋg ye. A biig a Zotam n dag n get a zakã yelle, la a soolmã me yelle.
22
A Oozɩyaas tʋʋmã a taabã a sẽn maanã sɩngr n tɩ tãag a baoosgã fãa, yaa Amots biig a Ezayi n gʋlse.
23
A Oozɩyaas kiime n bʋʋg a saam-dãmba, la b mum-a-la toor rĩm-dãmbã yaadẽ, bala, b rag n yetame t'a yaa wãoore.
← Chapter 25
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 27 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36