bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Mazanderani
/
Mazanderani GMB (گیله ماز)
/
Acts 1
Acts 1
Mazanderani GMB (گیله ماز)
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 2 →
1
اِی تئوفیلوس، مَن می اوَّلین کِتابِ، تمام اون کارانِ باره بَنویشتَم که عیسی اونه انجام هَدَئن و تَعلیمِ شِروع هَکُردِه
2
تا روزی که روح القُدُس طریقِ جی اون رَسولانی که انتخاب هَکوردِه رِه دَستوراتی هَدَه و ایما آسِمانِ سَمت جآر بَبِردِه هَبا.
3
عیسی بعدِ اینکه زَجر بَکشییَه، خودِش رِه رَسولانِ نِشان هَدَه و خِیلی کارانِ هَمرهَ ثابت هَکردِه که زندِه هَبا. پَس چِهل روزِ قدَر خودِش رِه اوشانِه ظاهر کانِه با و خُدایِ پادشاهی یه بارِه اوِشانِ هَمرهَ گَب زَنِه با.
4
یه بار وقتی اوشانه هَمرَه دَبا غذا بُخارِه اوشانِه دَستور هَدَه که: «اورشلیمِ شهرِ جی نَشین، بَلکِه اون وعدِه یه انتظارِ بَکِشین که میجی بِشنَوِسّین.
5
چون یحیی اُویه هَمرهَ غسلِ تَعمید دَنِه با، وَلی شما چَن روز دیگَه روح القُدُسِ هَمرهَ غسلِ تَعمید گیرنید.»
6
پس وَختِی که رَسولان هَمدیگَرِ هَمرَه جَم بان، عیسی یه جی بَپُرسیَن: «خُداوندا، اونِه موقِه اَلَانِ که تو اسرائیلِ پادشاهی رِه اونِه وَگِردانی؟»
7
عیسی جِواب هَدَه: «لازِم نیِه روزا و وَختایی که پیَر خودِشِه قدرتِ هَمرهَ مُعَیَّن هَکُردِه رِه بِدانین؛
8
وَلی وَختِی روح القُدُس شِیمی سَر نازِل هَبو، قُوَّت گیرنین و اورشلیمِ شهرِ دِلِه و تمام یهودیه و سامِره یه منطقه و دنیایِ دورترین نُخطه یه جی، می شاهِدان بونین.»
9
بعد اینکه عیسی این گَبِ بَزَه، هَمونجور که رَسولان نِگاه کانِه بان، آسِمانِ سَمت جآر بَبِردِه هَبا و اوشانِ چِشمِ وَر ایتا اَبر اونِه دُور هَکردِه و دِ اوشان عیسی رِه نَدییَن.
10
وَختی که عیسی دَبا بوشو و رَسولان آسِمانِ زُل بَزَه بان، یِدَفه دُتا مَردای که اِسبی قَوا داشتِن اوشانِ وَر بیَسَن
11
و باگوتِن: «اِی جَلیلی مَرداکان، چِرا ایسَین و آسِمانِ زُل بَزَین؟ هَمین عیسی که شِیمی میَن جی آسِمانِ سَمت جآر بَبِردِه هَبا، باز هَم وَگِردِنِه، هَمونجور که بَدییَین آسِمانِ سَمت جآر بَشَه.»
12
ایما رَسولان زیتونِ کوه جی که حدودِ یِک کیلومتر اورشَلیمِ شهرِ جی فاصِلِه داشتِه و فقط یَهودیان مُقَدَّسِ شنبِه روز تانِسَّن اینقدر شهری جی دور هَبون، به اورشَلیمِ وَگِرِسَّن.
13
وَختِی به اورشلیم بَرِسیَن، ایتا بالاخانِه که اوِشانِ منزلگاه با بَشَن. اوشانیکه اوجِه دَبان ایشان بان: پِطرُس و یوحنا، یعقوب و آندریاس، فیلیپُس و توما، بَرتولْما و مَتّی، حَلفایه ریکا یَعقوب، وطن پرست شَمعون، وَ یَعقوبِ ریکا یَهودا.
14
تمام اوشان، زِناکانِ هَمرهَ و مریم عیسی یه مآر و اونِه اَداشانِ هَمرهَ، یکدِل تمام خودِشانِ وَختِ دُعایِ سَر نَنِه بان.
15
ایتا اَزون روزان، پِطرُس اَداشان میَن که حدودِ صَد و بیس نفر بان، بییَساَ
16
و باگوتِه: «اِی اَداشان، مقَدَّس نِوشته های پِشگویی بایِسّی به حقیقَت بَرِسِه. اون نِوشته هایی که روح القُدُس خِیلی وَخت پیشان داوودِ پادشاه زَبانِ جی یَهودای بارِه باگوتِه. اونه بارِه که عیسی یه دَسگیر کُنندِگانِ راهنِما با.
17
چون اون ایتا اَمی جی با و این خِدمَتِ دِلِه سَهمی داشتِه.»
18
یَهودا خودِشِ شِرارتِ مزدِ هَمرهَ که خودِشِ خیانتِ وَسین هَیته با، ایتا زَمین بَهیِّه و هَموجه دَمربَکِتِه و بَتِرکِسِّه و اونِه دِل و رودِه دِرگا بَریختِه.
19
تمام اورشلیمِ مَردم این جریانِ جی خَبَردار هَبان وبه خودِشانِه زَبان اون مَحَلِ اِسمِ «حَقِلْدَما»، یَعنی زَمین خون بَنَن.
20
«مَزمورِ کِتابِ دِلِه بَنویشتِه: «”اونِه سِرِه مَتروکِه هَبو و دیگه هیچکَس اوجِه زندگی نَکُنِه،“ وَ: «”اونِه مقام و منصَبِ یِنَفَر دیگَه گیرنِه.“
21
پس لازِمِ یِنفر که هَمَش اون موقِه ایی که عیسی یه خداوند اَمِی هَمرهَ دَبا، اَمِی جَمع دِلِه بیِه.
22
یعنی یحیی تَعمیدِ موقِه تا روزی که عیسی اَمِی وَرِ جی جآر بَبِردِه هَبا. ایتا از این آدَمان بایِسّی اَمِی هَمرهَ عیسی یه زندِه هَبوسَّنِ شاهِد هَبو.»
23
اوشان دو نَفَرِ مُعَرِفی هَکُردَن: یوسِف که اونِه بَرسابا گونِه بان و اونِه یوستوسِ اِسمِ هَمرهَ هَم شِناسِنِه بان، وَ مَتیاس.
24
ایما اینجور دُعا هَکُردَن و باگوتَن: «اِی خُداوند، تو تمام آدَمانِ دِلِ جی خَبَر داری. تو خودِت اَمَرِه نَشان هَدِه این دُتای جی کُدام ایتا رِه اِنتخاب هَکُردی
25
تا این خِدمَت و رَسول هَبوسَّن هَگیره، خِدمتی که یَهودا اونِه پَس بَزه و جایی که اونِه دِل دَبا بَشَه.»
26
ایما قرعه تُووادَن و مَتیاسِ اِسم دَکِتِه. اینجوری اون یازدَه تا رَسول دیگَرِ مُلحَق هَبا.
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 2 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28