bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Mazanderani
/
Mazanderani GMB (گیله ماز)
/
Acts 18
Acts 18
Mazanderani GMB (گیله ماز)
← Chapter 17
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 19 →
1
بعدِ این، پولُس آتنِ جی به قُرِنتُس شهر بَشَه.
2
اوجِه ایتا یَهودی مَردای یه هَمرهَ، که اونِه اِسم آکیلا و پونتوسِ منطقه یه جی با آشنا هَبا. اون خودِشِه زِنا پْریسکیلایه هَمرهَ جدیدَاً ایتالیایِ جی بوما با، چون رومِ امپراطور کْلودیوس دستور هَدَه با که تمام یَهودیِان رومِ جی بوشون. پولُس اوشانِ بَدییَین وَسین بَشَه،
3
وَ اینه خاطری که اون هَم اوشانِ مِثان چادِر دوتِه، اوشانِ وَرجه بُمانِسّه و مَشغولِ کار هَبا.
4
پولُس هر مقدَّسِ شَنبه عبادتگاهِ دِلِه یَهودیِان و یونانیِان هَمرهَ بَحث کانِه با و تَقَلّا کانِه با اوشانِه قانع هَکونِه.
5
وَختِی سیلاس و تیموتائوس مَقدونیه جی بومَن، پولُس تمام خودِشِه وخَتِ خُدای کَلامِ وَسین بَنَه با، یَهودیانِ شهادت دَنِه با که مسیحِ موعود هَمون عیسائِه.
6
وَلی وَختِی یَهودیِان پولُسِ هَمرهَ مخالفت هَکُردَن و عیسی رِه ناسِزا باگوتَن، پولُس اون شهرِ خاک و خُلِه خودِشِه لِواسِ جی بتِکاندِه و اوشانِه باگوتِه: «شِیمی خون شِیمی گَردَن دَبو! مَن تقصیر کار نیَم. مین بعد، غیرِ یهودیِان وَرجه شونَم.»
7
ایما عبادتگاهِ جی دِرگا بَشَه و تیتوس یوستوسِ سِرِه بَشَه که آدَمِ خداپَرسّی با و اونه سِرهِ عبادتگاهِ وَرجه با.
8
وَلی عبادتگاهِ رئیس کْریسپوس تمام خودِشِه خانِواده یه هَمرهَ خداوَندِ ایمان بیاردِن. هَمینجورم قُرِنتُسِ اَهالی جی خیلیان وَختِی پِیغامِ بِشنَوِسَّن، ایمان بیاردِن و غسلِ تَعمید هِیتَن.
9
ایتا شُو خُداوَند رویایِ دِلِه پولُسِ باگوتِه: «نَتِرس! گَب بَزِن و ساکت نَباش!
10
چون مَن تی هَمرَه دَرَم و هیچکی نَتّنِه خودِشِه دَسِ دِراز هَکونِه تا تِرِه صدمِه بَزَنِه، چون این شهرِ دِلِه خِیلی آدَم دارم.»
11
پَس، پولُس یه سال و نیم اوجِه بُمانِسّه و خُدایِ کلامِ اوشانِه تعلیم هَدَه.
12
وَلی اون موقِه که گالیو، اَخائیه یه منطقه یه حاکِم با، یَهودیِان هَمدَس هَبان پولُسِ سَر بَریختِن و اونِه مَحکَمِه بیاردِن.
13
اوشان باگوتِن: «این آدَم مَردمِ قانع کانِه خدا رِه ایتا رَوِشِ هَمرهَ که خلافِ شَریعَتِ پَرَسِش هَکُنَن.»
14
ایما وَختِی پولُس خَسِّه گَب بَزِنِه، گالیو یَهودیان باگوتِه: «اِی یَهودیِان اَگِه جُرم یا جِنایَتی دَر کار با، مَن دلیلی داشتِم شِیمی شکایتِ گوش هَدَم.
15
وَلی اوجِه جی که شِیمی مُرافِه کلمات و اِسمها و شِیمی شریعَتِ مَسئَلِه هیسه، پَس شما خودِتان اونِه بَررسی هَکُنین. مَن نَخنَم اینجور چیزانِ بارِه داوَری هَکُنَم.»
16
پَس اوشانِه داوَری یه تَختِ پِیش جی دِرگا هَکردِه.
17
تمام اوشان عبادتگاهِ رئیس سوسْتِنِسِ سَر بَریختِن و اونِه حاکم تَختِ پیش بَزَن. وَلی گالیو هیچکدام از ایشانه اَهمیّت نَده.
18
پولُس بعدِ اینکه خِیلی زَمان قُرِنتُسِ دِلِه بُمانِسّه، اَداشانِ هَمرهَ خدافظی هَکردِه و دَریای راهه جی سوریه سَمت بَشَه. این سَفرِ دِلِه، پْریسکیلا و آکیلا هَم اونِه هَمرهَ دَبان. پولُس کِنخْریه یه دِلِه خودِشِه سَرِ بِتراشیِه، چون اینجور نَذر هَکُردِ با.
19
وَختِی به اَفِسُس شهر بَرِسیَن، پولُس خودِشِه هَمسَفَران جی سیفا هَبا و خودِش به عبادتگاه بَشَه و یَهودیِان هَمرهَ بَحث هَکردِه.
20
اون موقِه که اوشان پولُسِ جی بِخَسَّن یِذرِه بیشتَر اوشانِ هَمرهَ بُمانِه، پولُس قَبول نَکُردِه.
21
وَ اوشانِ هَمرهَ خداحافظی هَکردِه، باگوتِه: «اَگه خدا بِخواد باز هَم شِیمی وَرجه هَنَم.» ایما ایتا کِشتی سَوار هَبا و اَفسُسِ جی بَشَه.
22
وَختِی قیصریه دِلِه کِشتی یه جی جیر بوما، بَشَه و کلیسای مَردمِ ملاقات هَکردِه، ایما اَنطاکیه یه سَمت رادَکِتِه.
23
چن وَخت اوجِه بُمانِسّه و باز سَفرِ وَسین راهی هَبا، اون تمام غَلاطیه و فْریجیه یه منطقه یه جا به جا رِه گَردِنِه با و تمام شاگِردانِ تَقویت کانِه با.
24
اون روزا، ایتا یهودِی که اونِه اِسم آپولُس و اسکندریه جی با به اَفسُس بوما. اون سخَنرانی هَکِردَنِ دِلِه اُسّا با و نِوشتِه های مُقَدَّسِ رِه خِیلی خوب دانِسِّه؛
25
خداوَندِ راهِ دِلِه آموزش بِیته با و روحِ حرارتِ هَمرهَ گَب زَنِه با و دُرُسی یه هَمرهَ عیسی یه بارِه تعلیم دَنِه با، هر چَن فقط یحیی یه تَعمیدِ جی خَبَر داشتِه.
26
آپولُس جرأتِ هَمرهَ یَهودیانِ عبادَتگاهِ دِلِه شروع به گَب بَزَئن هَکردِه. ولی وختی پْریسکیلا و آکیلا اونِه گَبِ بِشنَوِسَّن، اونِه ایتا گوشِه بَکشین و خُدای راه رِه درستَر اونِه نِشان هَدَئن.
27
آپولُس وَختِی خَسِّه به منطقه اَخائیه بوشو، آداشان اونِه تَشویق هَکُردَن و شاگِردانِ وَسین بَنوِشتن اونِه گَرمی یه هَمرهَ قبول هَکُنَن. وَختِی آپولُس اوجِه بَرِسیَه، اوشانیکه فیضِ جی ایمان بیارد بان رِه، خِیلی کمَک هَکردِه.
28
چون هَمه یه چِشمِ وَر یهودیانِ هَمرهَ بَحث کانِه با، وَ اوشانِ عَقایدِ قُوّت هَمرهَ رَد کانِه با، وَمُقَدَّسِ نِوشتِه های هَمرهَ ثابت کانِه با که مَسیحِ موعود هَمون عیسائِه.
← Chapter 17
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 19 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28