bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Mazanderani
/
Mazanderani GMB (گیله ماز)
/
Acts 22
Acts 22
Mazanderani GMB (گیله ماز)
← Chapter 21
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 23 →
1
«اِی آداشان و اِی پیران، می دِفاعیِه رِه که اَلان شِیمی عَرض رِساندِنَم گوش هَدین.»
2
وَختی اوشان بِشنَوِسَّن که پولُس عبرانیانِ زَبان اوشانِ هَمرَه گَب زَنِه، بیشتر ساکت هَبان. ایما پولُس باگوتِه:
3
«مَن یَهودی مَردای هیسَم و کیلیکیه تارسوسِ شهرِ دِلِه دُنیا بومَم، وَلی این شَهرِ دِلِه گَت هَبام. می اَجدادِ شریعَتِ کامِلاً، گامالائیلِ دَسِ جیر یاد بِیتَم و خُدای وَسین غیرَت داشتِم، هَمونجوری که شما همه امروز دارِین.
4
من ’اَهلِ طریقَت رِه‘ تا مرگ آزار رِساندِنه بام و اوشانِه چه زِنا و چه مَردای دَسگیر کانِه بام و زندان دِلِه توُوادِنِه بام.
5
کاهنِ اعظم و تمام یهودِ اعضای شورا تانَن این کارِ وَسین شهادت هَدئن، چون اوشانِ جی نامِههایی اَداشان وَسین که دَمشقِ دِلِه دَرِن بِیتَم تا اوجِه بوشوم و این اَهلِ طریقَتِ دَسگیر هَکُنَم و مجازاتِ وَسین به اورشَلیمِ بیارِم.
6
«وَلی وَختِی راه دِلِه دَمشقِ نَزیکی بونِه بام، ظُهر موقِه، یدَفه ایتا گَتِه نور که آدَمِ چِشمِ زَنِه با آسِمانِ جی می دُور بِتابِسِّه.
7
زَمین سَر بَکِتَم و ایتا صدا بِشنَوِسَّم که مَرِه گونِه با: ”شائول! شائول! چِرا مَرِه عذاب دَنی؟“
8
«بَپُرسیم: ”خداوندا، تو کی ایی؟“ «جَواب هَدهَ: ”من هَمون عیسی یه ناصریمِ که تو اونِه عذاب دَنی.“
9
می هَمراهِان نورِ بَدییَن، وَلی اونه صِدا که می هَمرهَ گَب زَنِه با رِه، نِشنَوِسَّن.
10
«بُاگوتَم: ”خُداوندا، چه هَکُنَم؟“ «خُداوَند مَرِه باگوتِه: ”وَرِس و به دَمشقِ بوشو. اوجِه اونچه که تو بایسّی اَنجام هَدی رِه، تِرِه گونَن.“
11
اوجه یه جی که مَن اون نورِ روشنایی جی کور هَبا بام، می هَمراهان می دَسِ بِیتَن وبه دَمشق بَبِردَن.
12
«دَمشقِ دِلِه، ایتا دیندارِ مَردای که اونِه اسم حَنانیا با و شریعَتِ اَنجام هَدَئنِ دِلِه غیرت داشتِه زندگی کانِه با. اون تمام یهَودیانِ میَن خُش نام با.
13
حَنانیا بوما و می وَر بیِسَا و باگوتِه: ”شائول اَداش! بینا هَباش!“ هَمون دَم، باز می چِشم سو دَکِتِه و اونِه بَدییَم.
14
«حَنانیا باگوتِه: ”اَمِی پیرانِ خدا تِرِه اِنتِخاب هَکردِه تا اونِه ارادِه رِه بِدانی و اون صالِح رِه بِینی و اونِه دَهَنِ جی گَبایی رِه بِشنُئی.
15
چون تو تمام مَردُمِ وَر، اونِه شاهِد بونی و اونچه که بدییَی و بِشنَوِسّیی رِه، شهادت دَنی.
16
اَسه چیه انتظار کَشِنی؟ وَرِس و اونِه اِسمِ دُخوان و غسلِ تَعمید بِگیر. وَ تی گُناهانِ جی پاک هَبو!“
17
«وَختِی به اورشَلیمِ وَگرِسَّم و دَبام مَعبدِ دِلِه دُعا هَکونَم، خَلسِه یه دِلِه بَشَم
18
و خداوَندِ بَدییَم که باگوتِه: ”عَجله هَکُن و هر چه زودتر اورشلیمِ جی بوشو، چون اوشان تی شهادتِ می بارِه قبول نُکانَن.“
19
«مَن بُاگوتَم: ”خداوندا، اوشان خُدِشان دانَن که مَن عبادتگاهانِ دِلِه شونه بام و اوشانیکه تِرِه ایمان داشتِن رِه، زندان دِلِه تُووادِنِه بام و زَنِه بام.
20
وَختِی تی شاهد استیفانِ خونِ ریزِنِه بان، مَن خودَم اوجِه ایسَه بام، اون کارِ هَمرهَ موافِق بام، وَ اونِه قاتِلانِ لِواسِ مواظب بام.“
21
«خداوند مَرِه باگوتِه: ”بوشو؛ چون مَن تِرِه دور دَکِتِه جاهای سَمت، غیرِ یهودیِان وَر روانه کانَم»
22
مَردم تا ایجِه پولُسِ گَبِ گوش دَنِه بان، وَلی وَختِی اینه باگوتِه خودشانِه صِدا رِه بُلَند هَکُردَن و داد بَزَن: «زمین رِه اینجور آدَمِ جی پاک هَکُنین، نباید اجازِه هَدین اینجور آدَم زندِه بُمانِه!»
23
اون موقِه ایی که اوشان شولِ هَمرهَ خودِشانِه قَوا رِه خودِشانِه سَرِ وَر تِکان دَنِه بان و خاک بُلَند کانِه بان،
24
فَرماندِه دستور هَدَه پولُسِ قلعه یه دِلِه بَبِرَن، شَلّاق بَزِنَن و اونه جی بازخواس هَکُنَن تا مَعلوم هَبو چیه وَسین مَردم اینجوری علیه اون داد کَشِنِن.
25
وَختِی که پولُسِ شَلّاق بَزَئن وَسین دَبِسِّنه بان، پولُس اَفسَری که اوجِه هیسَبا رِه، باگوتِه: «قانون شِمِرِه این اِجازه رِه دَنِه یِنَفَر که رومِ تابعیَتِ داره رِه بی اینکه مُحاکِمِه هَکُنین شَلاق بَزِنین؟»
26
اون اَفسَر وَختِیکه اینه بِشنَوسِّه، فرماندِه یه وَرجه بَشَه و اونِه باگوتِه: «هیچ دانی چی دَری هَکونی؟ چون این مَردای رومِ تابعیتِ داره!»
27
فَرماندِه پولُسِ وَرجه بوما و اونه جی بَپُرسیِه: «باگو بِیشَم، تو رومِ تابعیتِ داری؟» پولُس جِواب هَدَه: «آرِه، دارمِ.»
28
ایما فرماندِه باگوتِه: «مَن این تابعیَتِ بِدَس بیاردَنِ وَسین، خِیلی بَها هَدَم.» پولُس اونِه جواب باگوتِه: «وَلی مَن این تابِعیتِ هَمرهَ دُنیا بومَم!»
29
اوشان که قَرار با اونه جی بازخواس هَکُنَن، دَرجا خودِشانِه کِنار بَکِشیَن. فرماندِه هَم که بِفَهمِسِّه با ایتا رومی رِه دَسگیر هَکردِه، بَتِرسیِه.
30
فَردَئی، چون فرماندِه خَسِّه دقّت هَمرهَ بِفَهمِه که چِرا یَهودیِان پولُسِ مُتَّهم هَکُردَن، اونِه زندان جی آزاد هَکردِه و دستور هَدَه گَتِه کاهِنان و تمام یَهودِ شورایِ اعضا جَم هَبون. ایما، پولُسِ جیر بیاردِه تا اوشانِ پِیش حاضِر هَبو.
← Chapter 21
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 23 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28