bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Mazanderani
/
Mazanderani GMB (گیله ماز)
/
Acts 25
Acts 25
Mazanderani GMB (گیله ماز)
← Chapter 24
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 26 →
1
فِستوس سِه روز بعدِ اینکه خودِشِه مُحلِ فرمانداری یه دِلِه بوما، قیصریه جی به اورشَلیمِ بَشَه.
2
اوجِه گَتِه کاهِنان و یهودِ قومِ گَتِشان اونِه پیش حاضِر هَبان و خودِشانِه شکایَتِ پولُس علیِه باگوتِن.
3
اوشان اصرارِ هَمرهَ فِستوسِ جی بِخَسَّن اوشانِ سَر مِنَّت بَنِه، پولُسِ به اورشَلیمِ روانه هَکونه، چون کمین نیشته بان تا راهِ دِلِه اونِه بَکوشَن.
4
وَلی فِستوس اوشانِ جواب باگوتِه: «پولُس قیصریه شهر زندان دِلِه دَرِه و مَن خَنَم بِزودی اوجِه بوشوم.
5
فِستوس باگوتِه شِیمی دِلِه اوشانیکه رَهبَرن، تانَن می هَمرهَ بییَن تا اگه این مَردای یه جی خَطایی سَر بَزه، خودِشانِه شکایتِ اونِ علیِه باگون.»
6
فِستوس بعدِ هَشت دَه روز که اوشانِ هَمرهَ دَبا، به قیصریه وَگَرِسِّه. وَ فردَئی مَحکمِه رِه تشکیل هَدَه و دستور هَدَه پولُسِ بیارِن.
7
وَختی پولُس دِلِه بوما، یَهودیِانی که اورشلیمِ جی بوما بان، اونِه دُور بییَسَن و بَدجور اِتهامایی اونِه بَزَن، وَلی نَتَّنِسَّن اوشانِ ثابت هَکُنَن.
8
پولُس خودِشه جی دِفاع هَکردِه و باگوتِه: «مَن نه یَهودِ شریعَت علیِه خطایی هَکُردَم نه مَعبد علیِه نه امپراطوری علیِه.»
9
فِستوس که خَسِّه یَهودیِان سَرمِنَّت بَنِه، پولُسِ باگوتِه: «خَنی بیشی اورشَلیمِ تا اوجِه این اِتهامانِ وَسین می وَر محاکمه هَبی؟»
10
پولُس جواب هَدَه: «مَن اَلان امپراطور مَحکمِه یه دِلِه هیسَم که اونه دِلِه بایسّی مُحاکمه هَبوم. شما خودِتان خوب دانید که مَن یَهودیانِ علیه هیچ خطایی نَکُردَم.
11
اَسه اَگه خَطایی هَکُردَم یا کاری میجی سَر بَزه که مرگِ مستَحَق هَبو، بَمِردَنِ جی ترسی نِدارَم. وَلی اَگه اِتهامایی که ایشان مَرِه زَنِن بیخُدیه، هیچکَس نَتَّنِه مَرِه اوشانِ دَس تَسلیم هَکونِه. مَن خَنَم می قضیِه امپراطورِ مَحکمِه یه دِلِه رسیدگی هَبو.»
12
فِستوس بعدِ اینکه خودِشِه شورای اعضای هَمرهَ مشورَت هَکردِه باگوتِه: «خَسّی تی قضیِه امپراطورِ مَحکمِه یه دِلِه رسیدگی هَبو؟ پَس به امپراطور مَحکمِه شونی!»
13
بعدِ اینکه چند روز بُگذشتِه، آگْریپاس پادشاه و بِرنیکی، فِستوسِ خُشامَدگویی وَسین، به شهرِ قیصریه بومَن.
14
وَ چون خیلی روزا اوجِه بُمانِسَّن، فِستوس پولُسِ قضیۀ رِه پادشاه وَسین تعریف هَکردِه و باگوتِه: «ایجِه ایتا مَردای دَرِه که فِلیکْس اونِه زندان دِلِه داشتِه.
15
وَختِی اورشَلیم دَبام، گَتِه کاهِنان و یهودِ مَشایِخ اونِه اِتهامایی بَزَن و خَسَّن اون مَحکوم هَبو.
16
«اوشانِه باگوتَم رومیانِ دِلِه رَسم نیِه که متَهمی رِه، پیش اَز اونکه خودِشِه شاکیانِ هَمرهَ رو به رو هَبو و بِتَّنه اِتهامایی که اونِه زَنَن رِه خودِشه جی دِفاع هَکونِه، تَسلیم هَکُنَن.
17
وَختِی اوشان ایجِه بومَن، مَن مَتَّل نَکُردَم و فردای اون روز، مَحکَمِه رِه تَشکیل هَدَم و دستور هَدَم اونِه می وَر بیارِن.
18
وَختِی اونِه شاکیِان وَرِسَن تا گَب بَزِنِن، اونِه هیچکِدام از بَدِ کارایی که مَن اِنتِظار داشتِم، متَهم نَکُردِن.
19
بَلکِه خودِشانه دینِ بارِه و عیسی نامی که بَمِردِه و پولُس اِدعا کانِه با زندِه یه، جَرّ و بَحث هَکُردَن.
20
مَن که نِدانِسَّم چِطور بایِسّی اینجور قضیه رِه بَررِسی هَکُردَن، اونه جی بَپُرسیَم خَنِه به اورشَلیمِ بوشو تا اوجِه این اِتهامانِ وَسین مُحاکِمه هَبو.
21
ولی وختی که پولُس بِخَسِّه تا زندان دِلِه بُمانِه و اونِه قضیِه امپراطورِ محکمه یه دِلِه رسیدگی هَبو، دَستور هَدَم اونِه بِدارِن، تا روزی که بِتَّنَم اونِه امپراطورِ وَر روانه هَکونَم.»
22
ایما آگْریپاس، فِستوسِ باگوتِه: «دوس دارمِ خودَم اونِه گَبان رِه بِشنُئِم.» فِستوس باگوتِه: «فَردا اِشنَوِنی.»
23
فردَئی، آگْریپاس و بِرنیکی دَبدَبِه و کَب کَبه یه هَمرهَ بومَن و نظامی فرماندِهان و شَهرِ سَرشناسِ مَردِکانانِ هَمرهَ مَحکمِه یه سالنِ دِلِه بَشَن. فِستوسِ دَستور هَمرهَ پولُسِ بیاردِن.
24
فِستوس باگوتِه: «اِی آگْریپاسِ پادشاه، وَ اِی تمام حضار! تمام یهودِ مَردم چه ایجِه و چه اورشلیمِ دِلِه، این مَردای یه جی که دینین می وَر شکایت هَکُردَن. وَ داد و بیداد هَکُردَن که نباید زندِه بُمانِه.
25
وَلی مَن بِفَهمِسَّم که اون کاری نَکُردِه که اونِه سِزا بَمِردَن هَبو. وَ چون اون خودِش بِخَسِّه امپراطورِ مَحکَمِه یه دِلِه بوشو، مَنَم تَصمیم بِیتمَ اونِه به رومِ روانه هَکونَم.
26
وَلی مَن نِدانَم امپراطورِ وَسین چی بَنویسَم، اینه وَسین اونِه شِیمی وَرجه بیاردِم، مَخصوصاً شِیمی وَرجه اِی آگْریپاسِ پادشاه، تا اونه جی بازخواس هَکنیم و مَن یِچی بَنویشتَنِ وَسین بِدارَم.
27
چون عقلانی نیِه ایتا زندانی رِه امپراطورِ وَرجه روانه هَکونَم وَلی نَنویسَم اونِه اِتهامان چیِه.»
← Chapter 24
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 26 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28