bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Nuer
/
Nuer Bible © Bible Society in South Sudan 1998,2012
/
2 Chronicles 20
2 Chronicles 20
Nuer Bible © Bible Society in South Sudan 1998,2012
← Chapter 19
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 21 →
1
Kɛ kɔr kä nɛmɛ cu ji̱ Mo-ab kɛnɛ ji̱ Am-on, kɛ tha̱a̱ŋ ji̱ Me-on, wäkɛ nyiëëny kɛ Yɛ-ɣo-ca-pat.
2
Kä cua ben la̱r Yɛ-ɣo-ca-pat ɛ tha̱a̱ŋ nath i̱, “Tëë kɛ nɛy ti ŋuan tia̱ bëëni kä Ɛ-dɔm kɛnɛ kui̱ kiɛɛr, bäkɛ ben nyiëëny kɛ ji̱. Kä kɛn a kä A-dhɛ-dhun-ta-mar” (Min la Een-gɛ-di.)
3
Kä cu Yɛ-ɣo-ca-pat dual, kä cuɛ Kuoth Nhial pal, kä cuɛ wee bi nɛy diaal thɛɛk kä Juda kɛɛliw.
4
Kä cu ji̱ Juda diaal ben kɛ ɣöö ba Kuoth Nhial ben thiec kɛ luäk. Cukɛ ben wi̱i̱ni Juda diaal kɛ ɣöö ba Kuoth Nhial ben pal.
5
Kä cu Yɛ-ɣo-ca-pat cuɔ̱ŋ nhiam dolä ji̱ Juda kɛnɛ Jɛ-ru-tha-lɛm rɛy kal luaak Kuɔth in pay la̱t.
6
Kä cuɛ wee, “Aɣ Kuoth Nhial Kuoth gua̱a̱ri, ɛ ji̱n Kuoth Nhial in te nhial. Kä ji̱n ɛ nin ruaac kua̱r döri diaal. Kä buɔ̱m tekɛ ji̱, kä thilɛ ram mi dëë cuɔ̱ŋ nhiamdu.
7
Kä Kuothda, ɛ ji̱n ɛ nëë jooc ji̱ wec nhiam nɛɛniku ni ji̱ I-thɛ-rɛl, kä curi jɛ ka̱m gaat mäthdu ni A-bɛ-ram amäni cäŋ kɛl.
8
Kä cukɛ cieŋ thi̱n, kä ca ji̱ lät kä luak mi ba ji̱ pal thi̱n, larkɛ jɛ i̱,
9
‘Mi wä da̱k ben kä nɛy, ko̱r kiɛ juey kiɛ buɔth, ba̱kɔ cuɔ̱ŋ ɛn nhiam luaak ɛ mi, kä bakɔ ji̱ thiec kɛ kui̱ rikäda, bikɔ liŋ kä bikɔ kän.’
10
Täämɛ ji̱ Mo-ab kɛnɛ ji̱ Am-on kɛ ji̱ Päämni Ɛ-dɔm tin makɛ nɛy, nɛy tëë ci gua̱a̱ri pen ɣöö da̱kɛ kɛ mëë bäkɛ raar kä I-jëp, kä cukɛ wä a na̱n kɛ kɛ.
11
Kä nɛnkɛ täämɛ kɛn cuɔ̱l kɛ jɛ nɛy ti, ba nɛy ben tuk muun ëë ci ka̱m kɔ ala duŋda.
12
Kä täämɛ Kuothda, /cikɛ bi duäc? Kɛ ɣöö thilɛ nɛy buɔ̱m nhiam rɛ̈m ɛ di̱i̱t ɛ bä nɛy ben makɛ. Kä kɔn kui̱c nɛy mɔ dëëkɔ la̱tɔ, guic nɛy ni ji̱.”
13
Kä wutni Juda diaal kɛ mänkiɛn kɛ gaatkiɛn tekɛ cuŋä nhiam Kuɔth Nhial.
14
Kä cu yiëë Kuɔth Nhial ben kä Ya-ɣä-dhi-el gat Dhɛ-kar-yaa gat Bɛ-na-yaa gat Yi-el gat Mɛ̈-tɛ̈n-yaa, mi raan Lii-bay kä gaat A-thap, tëë cuŋä rɛy dolä.
15
Kä cuɛ wee, “Liɛŋɛ jɛ lö kuäär ni Yɛ-ɣo-ca-pat yɛnɛ nɛy diaal tin cieŋ kä Juda kɛnɛ Jɛ-ru-tha-lɛm! Nɛmɛ ɛ min lär Kuoth Nhial ɛ yɛ i̱, ‘/Cuarɛ rɔ luär kɛ kui̱ rɛ̈m ɛ di̱i̱t ɛmɛ. Kɛ ɣöö ko̱r /ciɛ duŋdun, ɛ duŋ Kuɔth.
16
Iruun wiaa nyiëënyɛ kɛ kɛ. Kä bikɛ ben kɛ duɔ̱ɔ̱p Dhidh. Kä bia kɛ jek kui̱ käny ca̱ŋ thukä lo̱o̱lä rɛy dɔaar Yɛ-ru-el.
17
Kä ɛn ko̱r ɛmɛ /cia bi tɛr, cuɔ̱ŋɛ gua̱thnikun, kä guɛcɛ Kuoth Nhial lö ji̱ Juda kɛ ji̱ Jɛ-ru-tha-lɛm, bɛ kɛ joc i̱di kɛ gua̱a̱thdun.’ /Cuarɛ dual kä /cuarɛ rɔ̱ luär. Iruun wiaa makɛ kɛ, bi Kuoth Nhial te kɛɛl kɛ yɛ.”
18
Ɛ jɛn cu Yɛ-ɣo-ca-pat rɔ goŋ a yiɛth nhiamdɛ piny, cu ji̱ Juda kɛnɛ ji̱ Jɛ-ru-tha-lɛm diaal rɔ yuɔr piny nhiam Kuɔth Nhial, palkɛ jɛ.
19
Kä cu ji̱ Lii-bay gaat Kora kɛnɛ gaat Kora rɔ̱ jiɛc puanykɛ Kuoth Nhial, Kuoth I-thɛ-rɛl kɛ jɔw mi di̱i̱t.
20
Kä cukɛ jiɛn nikɛ runwaŋ ɛlɔ̱ŋ, kä cukɛ wä rɛy dɔaar Tɛ-kowä. Kä min Kackɛ raar, cu Yɛ-ɣo-ca-pat cuɔ̱ŋ kä cuɛ wee, “Liɛŋɛ ruacdä yɛn ji̱ Juda kɛnɛ ji̱ Jɛ-ru-tha-lɛm! Ŋa̱thɛ ni Kuoth Nhial Kuothdun, kä bia buɔ̱m. Ŋa̱thɛ ruaac go̱kädɛ min cɛ lar. Kä bia kɛ cu joc.”
21
Kä min cɛ thuɔ̱k kɛ cuɔ̱m nath, cuɛ naath kuany ti ba Kuoth Nhial kët diit puɔnyä, a ca bieyni tin rɛl gɔɔydiɛn rɔ la̱th, kä cukɛ wä nhiam rɛ̈m, wäkɛ i̱, “La̱rɛ Kuoth Nhial tɛ̈th lɔaac, kɛ ɣöö thilɛ nhökdɛ pëk, amäni cäŋ kɛl.”
22
Kä min took kɛn kët din puɔnyä. Cu Kuoth Nhial ji̱ Am-on kɛnɛ ji̱ Mo-ab kɛ ji̱ päämni Ɛ-dɔm, tëë ba Juda ben mak, nyurikä joc.
23
Kä cu ji̱ Am-on kɛnɛ ji̱ Mo-ab nyiëëny kɛ ji̱ päämni Ɛ-dɔm, kä cukɛ kɛ thum Ɛ thum, kä mëë cikɛ thuɔ̱k kɛ näk ji̱ päämni Ɛ-dɔm, cu ramɔ ram min dɔ̱ŋ näk.
24
Kä min ci ji̱ Juda ben dho̱nyä rɛy dɔaar, cukɛ rɛm in di̱i̱t guic. Kä cukɛ jɛ nɛn tëë kɛ nɛy ti ci li̱w piny. Cuɛ thil ram mi cu rɔ bar.
25
Kä cu Yɛ-ɣo-ca-pat ben kɛnɛ nɛɛkɛ bäkɛ ben pɛɛc, cukɛ ɣɔ̱k ti ŋuan, kɛ kuak ti ŋuan bieyni, kɛ kuak ti ŋuan ti tekɛ kök mi di̱i̱t pëc rɔ, amäni ɣöö cu thil ni gua̱a̱th mi kapkɛ kɛ, cukɛ kɛ dëth kɛ ni̱n diɔ̱k kɛnɛ ŋuandiɛn.
26
Kɛ ŋuan ni̱ni cukɛ duɔl Lo̱o̱lä Bɛ-ra-kaa, kä cukɛ Kuoth Nhial puany kɛ tin diaal tin cɛ la̱t. Ɛ jɛn thar kä min cɔalkɛ gua̱a̱th ɛ mɔ i̱ Lo̱o̱l Bɛ-ra-kaa amäni walɛ.
27
Kä cu ji̱ Juda kɛ ji̱ Jɛ-ru-tha-lɛm rɔ̱ ri̱t lockɛ jɔk a böthkɛ kɛ ɛ Yɛ-ɣo-ca-pat, wäkɛ kä Jɛ-ru-tha-lɛm kɛ tɛ̈th lɔaac, kɛ ɣöö ci Kuoth Nhial ji̱ tɛ̈riɛn joc.
28
Kä mëë cikɛ cop kä Jɛ-ru-tha-lɛm, cukɛ wä luaak Kuɔth Nhial kɛ kaaŋni kɛnɛ thuɔmni.
29
Kä cu kua̱r ɣɔaa, dual kɛ Kuoth Nhial mëë ca liŋ i̱ ci Kuoth Nhial ko̱r ji̱ I-thɛ-rɛl tɛr.
30
Kä cu Yɛ-ɣo-ca-pat ruëc kɛ mal, kɛ ɣöö ci Kuothdɛ jɛ ka̱m lɔ̱a̱ŋ kä ji̱ thieekädɛ.
31
Cu Yɛ-ɣo-ca-pat Juda ruac. Kä mëë tookɛ ruëc tëë kɛ run ti jiɛn diɔ̱k wi̱cdɛ dhieec, kä cuɛ ruëc kä Jɛ-ru-tha-lɛm kɛ run ti jiɛn da̱ŋ rɛw wi̱cdɛ dhieec. Kä cɔalkɛ man i̱ Ä-dhu-baa nya Cil-ɣi.
32
Kä cuɛ guɔ̱ɔ̱r ni duɔ̱p gua̱n ni Atha, /kenɛ ri̱t thi̱n. Kä cuɛ la̱t ni cuŋ nhiam Kuɔth Nhial.
33
Kä /ka̱n gua̱th palä kuthni guäyni woc kä ŋot naath /ken kɛn lɔcdiɛn ni ka̱m Kuoth gua̱ni.
34
Kä cua duɔth lätni Yɛ-ɣo-ca-pat ni tukä cu mäni guutdɛ gɔ̱a̱r rɛy buɔk cäätdä go̱kä ni Yeɣu gat Ɣä-na-ni, min ca gɔ̱a̱r rɛy buɔk kua̱ri I-thɛ-rɛl.
35
Kɛ kɔr kä nɛmɛ, cu Yɛ-ɣo-ca-pat kuäär Juda mat kɛnɛ Ä-ɣɛ̈dh-yaa kuäär I-thɛ-rɛl, mëë ci dueer la̱t.
36
Cukɛ mat kɛ ta̱th babuurä mi bi wä kä Tar-cic, cukɛ jɛ la̱t kä Ɛ-dhon-ga-bɛr.
37
Kä cu Ɛ-li-dhɛr gat Do-da-wa-ɣu kä Ma-re-ca, ruac lat kɛ kui̱ Yɛ-ɣo-ca-pat wee i̱, “Kɛ ɣöö cia mat yɛnɛ Ä-ɣɛ̈dh-yaa, bi Kuoth Nhial tin diaal tin ci lat däk.” Kä bɛ babuur tiath a /cɛ bi wä kä Tar-cic.
← Chapter 19
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 21 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36