bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Nuer
/
Nuer Bible © Bible Society in South Sudan 1998,2012
/
2 Chronicles 35
2 Chronicles 35
Nuer Bible © Bible Society in South Sudan 1998,2012
← Chapter 34
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 36 →
1
Kä cu Yo-ci-yaa cäŋ bälä Kuɔth Nhial tim kä Jɛ-ru-tha-lɛm. Kä cua ruath dɛ̈ɛ̈l ca̱ŋ bälä näk kɛ cäŋ kä wäl ŋuaan kä pay in jio̱liɛn.
2
Kä cuɛ bööth palä kuany lätnikiɛn, kä cuɛ kɛ cuɔm lät rɛy luaak Kuɔth Nhial.
3
Kä cuɛ ji̱ Lii-bay tin cu ruac kɛ ji̱ I-thɛ-rɛl diaal kɛnɛ tin ca lëy Kuoth Nhial i̱, “La̱thɛ thanduk ruac Kuɔth rɛy luaak in ci Thɔ-lo-mon gat Dee-bid kuäär I-thɛ-rɛl ɛ la̱t. /Cia bi lɛ ŋot kɛ mi kap yɛnɛ kɛ wuɔ̱ɔ̱kun. Kä täämɛ la̱tdɛ Kuoth Nhial Kuothdun ikä kɛnɛ nɛɛkɛ ni ji̱ I-thɛ-rɛl.
4
Kä rialɛ rɔ̱ ikä kɛ thuk duëli guuri bua̱a̱ni, ce̱tnikɛ mëë ca la̱t ɛ kuäär I-thɛ-rɛl ni Dee-bid kɛnɛ gatdɛ ni Thɔ-lo-mon.
5
Cuɔ̱ŋɛ guäth in rɛl rɔ kɛɛl kɛ ji̱ Lii-bay kɛ thuk duëli gua̱ni, tin ba yɛ luäk.
6
Kä na̱kɛ rueeth deet ca̱ŋ bälä, kä lɛ̈yɛ rɔ̱, kä la̱tdɛ kä gaatmuɔɔri kɛ ɣöö ba la̱t ce̱tnikɛ ruac Kuɔth Nhial mëë cɛ la̱t Muthɛ.”
7
Kä cu Yo-ci-yaa ji̱ wec diaal moc kɛ rɔɔm kɛnɛ böwni kɛ kui̱ mucä ca̱ŋ bälä ti bathdɔɔri ti jiɛn diɔ̱k, kɛnɛ ɣɔ̱k ti bathdɔɔri diɔ̱k, kɛn diaal ŋunkɛ kuäär dhɔrɛ.
8
Kä cu ji̱ kɔaarɛ kɛ nɛy tin ca ka̱m la̱t rɛy luaak Kuɔth ni Ɣil-ki-yaa kɛnɛ Dhɛ-kar-yaa kɛ Yɛ-ɣi-el naath kɛ bööth palä kɛ ji̱ Lii-bay moc kɛ det ti bathdɔɔri rɛw wi̱cdɛ kur bäkɛl, kɛ thääk ti kur diɔ̱k kɛ kui̱ mucä ca̱ŋ bälä.
9
Kä cu bööth ji̱ Lii-bay ni Kɔ-nan-yaa kɛnɛ Cɛ-mɛ̈-yaa kɛnɛ däman ni Nɛ-tan-el kɛ Ɣä-cɛ̈b-yaa kɛ Yi-el kɛ Yo-dha-bad, ji̱ Lii-bay moc kɛ moc ca̱ŋ bälä kɛ det ti bathdɔɔri da̱ŋ dhieec kɛ thääk ti kur dhieec.
10
Kä cua la̱t rialikä, cu bööth palä cuɔ̱ŋ guäthdiɛn kɛ ji̱ Lii-bay kɛ bunkiɛn ce̱tnikɛ min ci kuäär ɛ lar.
11
Cua det ca̱ŋ bälä näk, cu bööth palä riɛmdiɛn kith guäth in jiaaŋ ji̱ Lii-bay kɛ.
12
Kä cukɛ muc in waŋkɛ la̱th gekä kɛ ɣöö bakɛ ka̱m naath kɛ thuk duëli gua̱ni buni, kɛ ɣöö bikɛ kɛ thöp Kuoth Nhial. Ce̱tnikɛ min ca gɔ̱r rɛy buɔk ŋuɔ̱tni ɛ Muthɛ. Kä cukɛ thääk la̱t bä inɔ.
13
Kä cukɛ det ca̱ŋ bälä bul ce̱tnikɛ mi ca lar. Kä cukɛ muc tin rɛl kɛ rɔ thal kɛ dhaar, kɛ thak kɛ thac, kä cukɛ jɛ nöŋ nɛy diaal kɛ pɛ̈th.
14
Kä kɛ kɔrɛ cukɛ rɔ lät ikä kɛ bööth palä, ala gaat Ä-ron lätkɛ thop kɛ mucni tin waŋkɛ kɛnɛ thio̱o̱l amäni wäär.
15
Kä cu këët din gaat A-thap te ni gua̱thnikiɛn tëë ca ka̱mkɛ ɛ Dee-bid, A-thap kɛnɛ Ɣe-man kɛ gök kua̱r ni Yɛ-du-thun. Kä ga̱a̱ŋ thukni luaak, cu ramɔ te ni gua̱thdɛ, kɛ ɣöö ci gaatmani ni ji̱ Lii-bay kɛ lätikä.
16
Inɔ ɛn cäŋ ɛmɔ cua ti diaal la̱t kɛ kui̱ ti̱mä ca̱ŋ bälä Kuɔth Nhial, kä cua muc tin waŋkɛ thöp wi̱i̱ yi̱kä Kuɔth Nhial, ce̱tnikɛ min ca lar ɛ kuäär ni Yo-ci-yaa.
17
Kä ji̱ I-thɛ-rɛl tëë te thi̱n ɛn cäŋ ɛmɔ, cukɛ ŋar ca̱ŋ bälä Kuɔth ŋar, kä cua ŋar ca̱ŋ mi̱eth mi thil thuɔp ŋar kɛ ni̱n bärɔw.
18
Kä cuɛ thil ti̱em ca̱ŋ bälä mi cua tim ce̱tkɛ jɛ ni mëë te gök ni Tha-muɛl teekä kä I-thɛ-rɛl. Kä cuɛ thil kuäär kä I-thɛ-rɛl mi cu ti̱em mi ce̱tkɛ mi ca la̱tdɛ ɛ kuäär ni Yo-ci-yaa kɛnɛ bööth palä kɛ ji̱ Lii-bay kɛ ji̱ Juda diaal kɛnɛ ji̱ I-thɛ-rɛl tin te thi̱n kɛ ji̱ Jɛ-ru-tha-lɛm la̱t.
19
Kä cua jɛn ti̱em ɛmɛ nyɔk kɛ wäl bädäk runi ruëc Yo-ci-yaa.
20
Kä kɛ kɔr kä ti diaal ti̱ti̱, mëë ci Yo-ci-yaa luak Kuoth rialikä, cu kuäär I-jëp ni Nɛko rɛmdɛ naŋ wee ko̱o̱r kä Kar-kɛ-mic kiir Yu-pɛ-ree-tidh, kä cu Yo-ci-yaa wä nyiëëny kɛ jɛ.
21
Duundɛ ɣöö cu Nɛko jɛ jäk kä naath wee i̱, “Ɛ gak ŋu kä te kamdan ɔ lö kuäär Juda? Ɣän /cä bä kɛ ɣöö bä nyiëëny kɛ ji̱, ɛ kɔnɛ thok duëël in te nɛy kɛ tɛr. Kä ci Kuoth ɣä jiök i̱ pɛ̈thni. Te Kuoth kɛɛl kɛ ɣä, cu jɛ ŋak, a ji̱ /cɛ bi näk.”
22
Kä duundɛ ɣöö /ken Yo-ci-yaa jɛ päl. Kä cuɛ lar ni ko̱r kɛ jɛ. /Kenɛ ruac Kuɔth in lat Nɛko jɛ liŋ, cukɛ nyiëëny kueer kä Mɛ-gi-do.
23
Kä cua kuäär ni Yo-ci-yaa bär kɛ bäär. Kä cuɛ raan kɔaarɛ jiök i̱, “Naŋni ɣä raar, ca ɣä moc buɔ̱t mi di̱i̱t.”
24
Kä cu raan kɔaarɛ jɛ woc rɛy thurbiɛɛlɛ, kä cuɛ jɛ kap rɛy thurbiɛɛl mi dɔ̱ŋ, kä cuɛ jɛ naŋ kä Jɛ-ru-tha-lɛm. Kä cuɛ li̱w, cua jɛ kony wi̱i̱ muɔ̱ni gua̱ni. Kä cua jɛ par ɛ ji̱ Juda diaal kɛnɛ ji̱ Jɛ-ru-tha-lɛm.
25
Kä cu gök ni Yir-mɛ-yaa jɛ ca̱k dit jiɛthkä lɔaac. Kä la wutni tin këët din kɛ män dit jiɛthkä lɔaac Yo-ci-yaa a kɛt mi jiɛth lo̱ckiɛn amäni walɛ.
26
Kä ca duɔth lätnikɛ, kɛ lätkɛ tin gɔw kɛ tin ca gɔ̱r rɛy buɔk ŋuɔ̱tni Kuɔth Nhial,
27
kɛ lätkɛ tëë nhiam kɛnɛ tin jɔak gɔ̱r rɛy buɔk kua̱ri I-thɛ-rɛl kɛnɛ Juda.
← Chapter 34
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 36 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36