bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Nuer
/
Nuer Bible © Bible Society in South Sudan 1998,2012
/
2 Chronicles 29
2 Chronicles 29
Nuer Bible © Bible Society in South Sudan 1998,2012
← Chapter 28
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 30 →
1
Kä cu Ɣidh-ki-yaa ruëc tok a tëë kɛ run ti jiɛn da̱ŋ rɛw wi̱cdɛ dhieec, kä cuɛ ruëc kä Jɛ-ru-tha-lɛm kɛ run ti jiɛn da̱ŋ rɛw wi̱cdɛ bäŋuan. Kä cɔalkɛ man i̱ Ä-bi-yaa nya Dhɛ-kar-yaa.
2
Kä cuɛ la̱t ni cuŋ nhiam Kuɔth Nhial, ce̱tnikɛ tëë diaal tëë ca la̱t ɛ gua̱n ni Dee-bid.
3
Kɛ ruɔ̱n ruëc Ɣidh-ki-yaa min nhiam kɛ pay in jio̱liɛn, cuɛ thiekni luaak Kuɔth lɛp, kä cuɛ kɛ nyɔk kɛ lätni.
4
Kä cuɛ bööth palä kɛnɛ ji̱ Lii-bay nööŋ, kä cuɛ kɛ ben dol kui̱ käny ca̱ŋ rɛy kal luaak Kuɔth,
5
kä cuɛ kɛ jiök i̱, “Liɛŋɛ ɣä, ji̱ Lii-bay! Ɛn täämɛ lɛ̈yɛ rɔ̱, kä yiacɛ luak Kuɔth Nhial, Kuoth guuri, naŋɛ jiäk raar guäth in rɛl gɔɔydɛ rɔ.
6
Kɛ ɣöö gua̱nikɔn /kenkɛ ŋa̱th, ca la̱t ni jiäk nhiam Kuɔth Nhial Kuothdan. Cikɛ Kuoth Nhial pa̱l ruëëc, /kenkɛ wi̱cdiɛn luɔc guäth cieŋä Kuɔth Nhial, cikɛ riet ni jɛ jɔkdiɛn.
7
Kä cikɛ ga̱k ni thiekni luaak kä thi̱n, kä ca yieny ni lɛmbäri, kä /ka̱n wäl in kur kur waŋ, kä thilɛ muc in waŋkɛ mi ca thöp Kuoth I-thɛ-rɛl guäth in rɛl gɔɔydɛ rɔ.
8
Kɛ kui̱c ɛmɔ ci kɛ̈c Kuɔth Nhial ben kä Juda kɛnɛ Jɛ-ru-tha-lɛm, kä cɛ kɛ jak kä ti diɛɛr kä dual kä ga̱y, ce̱tkɛ mi guɛcɛ jɛ mi kɛ nyinkun.
9
Kɛ kui̱c kä nɛmɛ, ɛ jɛn mëë na̱kɛ gua̱nikɔn, kä tekɛ gaatkɔn kɛ mänkɔn pecä mɔ.
10
Kä täämɛ ca lar ɛn ɣöö bakɔ ruac mat kɔnɛ Kuoth Nhial, Kuoth I-thɛ-rɛl, dɔ̱ŋ bi kɛ̈cdɛ jiɛn kä kɔn.
11
Kä täämɛ gaatkä /cuarɛ te talaaŋä, kɛ ɣöö ci Kuoth Nhial yɛ mɛk, kɛ ɣöö bia lät nhiamdɛ, kä bia wa̱ŋ wal tin kuɔ̱r kuɔ̱ɔ̱r, kä bia naath böth mi palkɛ jɛ.”
12
Kä cu ji̱ Lii-bay ti̱ti̱ rɔ jiɛc wäkɛ lät. Kä gaat Kɛ-ɣath, cua Ma-ɣath gat Ä-ma-thay kɛnɛ Yo-el gat Ä-dhar-yaa. Kä gaat Mɛ-ra-ri. Cua Kic gat Ɛ̈bdi kɛnɛ Ä-dhar-yaa gat Yɛ-ɣɛ̈-lɛl-el. Kä gaat Ger-con. Cua Yowa gat Dhima kɛnɛ E-dɛn gat Yowa.
13
Kä gaat Ɛli-dha-pan cua Cim-ri kɛnɛ Yɛ-i-el. Kä gaat A-thap cua. Dhɛ-kar-yaa kɛnɛ Mɛ̈-tɛ̈n-yaa.
14
Kä gaat Ɣe-man cua. Yɛ-ɣi-el kɛnɛ Cimi. Kä gaat Yɛ-du-thun kɛnɛ Cɛ-mɛ̈-yaa kɛ U-dhi-el.
15
Cukɛ gaatmani rol, kä cukɛ rɔ lɛy, kä cukɛ luak Kuɔth Nhial wä yiɛc ce̱tnikɛ min ci kuäärɛ lar, kɛ ruac Kuɔth Nhial.
16
Kä cu bööth palä duel rɛ̈ci rɛy luaak Kuɔth wä yiɛc. Kä cukɛ tin jiäk diaal nööŋ raar rɛy luaak Kuɔth Nhial, cua kɛ ben la̱th rɛy kal luaak Kuɔth. Kä cu ji̱ Lii-bay kɛ woc rɛy wec, cuakɛ naŋ ni rɛy lo̱o̱lä Kid-ron.
17
Kä cukɛ yi̱ec luaak tok kɛ cäŋ in jio̱l kä pay in nhiam, kä kɛ bädäk ni̱ni kä pay, cukɛ cop duëël in wä luaak Kuɔth. Kä kɛ ni̱n bädäk ti kɔ̱ŋ cukɛ cop niɛ rɛy luaak Kuɔth, cukɛ jɛ thuk kɛ wal bäkɛl ni̱ni kä pay in jio̱liɛn.
18
Kä cukɛ kuäär ni Ɣidh-ki-yaa ben jiök i̱, “Ca̱kɔ luak Kuɔth Nhial thuk kɛ yiëc kɛɛliw, yi̱k in la muc ti waŋkɛ a thöpkɛ thi̱n kɛnɛ kuakɛ diaal, kɛ tharbët in la juray nhiam Kuɔth a te thi̱n kɛnɛ kuakɛ diaal.
19
Kä cakɔ kuak diaal tëë ci kuäär ni A-ɣadh kɛ naŋ, guäth ëë thilɛ jɛ ŋa̱th kɛ Kuoth Nhial lɛy. A kɛn ɛ nhiam yi̱kä Kuɔth Nhial.”
20
Ɛ jɛn cu kuäär ni Ɣidh-ki-yaa keer nikɛ runwaŋ, kä cuɛ bööth wec diaal dol, kä cukɛ wä luaak Kuɔth Nhial.
21
Kä cukɛ thääk bärɔw kɛ rueeth rɔɔmni da̱ŋ bärɔw kɛ dɛy rɔɔmni da̱ŋ bärɔw, kɛ thääk deet böwni da̱ŋ bärɔw nööŋ, kɛ ɣöö bakɛ thöp ala muc dui̱rä kɛ kui̱ kuäärä kɛnɛ kui̱ ji̱ Juda. Kä cuɛ bööth pala tin la gaat Ä-ron jiök i̱ thöpɛ kɛ wi̱i̱ yi̱kä Kuɔth Nhial.
22
Kä cukɛ thääk näk, kä cu bööth palä riɛm ka̱n, kä cua jɛ wä kiɛth wi̱i̱ yi̱kä. Kä cukɛ rueeth rɔɔmni nääk, kä cua riɛmdiɛn kiɛth wi̱i̱ yi̱kä. Kä cukɛ dɛy rɔɔmni näk, kä cua riɛmdiɛn kiɛth wi̱i̱ yi̱kä.
23
Kä cua thääk deet böwni tin la nyin dui̱rä nööŋ nhiam kua̱r kɛnɛ ji̱ dolä, kä cukɛ kɛ buk,
24
Kä cu bööth palä kɛ näk, kä cua riɛmdiɛn ben wuɔc wi̱i̱ yi̱kä, luɛlkɛ jɛ dueer nɛɛni diaal. Kɛ ɣöö ci kuäär ɛ lar i̱ muc in waŋkɛ kɛnɛ muc kɛ kui̱ dui̱rä, bä kɛ la̱t kɛ kui̱ nɛɛni diaal.
25
Kä cu Ɣidh-ki-yaa ji̱ Lii-bay ka̱m la̱t rɛy luaak Kuɔth Nhial kɛ thuɔmni ce̱tnikɛ mëë ca la̱rɛ ɛ Muthɛ kɛnɛ gökdɛ ni Gad kɛ gök Kuɔth ni Na-than. Ɛn nɛmɛ laarɛ Kuoth Nhial kɛ thok göökni.
26
Kä cu ji̱ Lii-bay cuɔ̱ŋ kɛ thuɔmni ti cät kɛ nyin Dee-bid, kä cu bööth palä cuɔ̱ŋ kɛ kaaŋni.
27
Kä cu kuäär wee, ɛ muc tin waŋkɛ thöpkɛ wi̱i̱ yi̱kä. Kä min tuɔkɛ muc tin waŋkɛ kɛ thöp, kä cua diit puɔnyä Kuɔth tok bä, kä cua thuɔmni kɛnɛ kaaŋni cu puɔ̱t.
28
Kä cu nɛy diaal pal, kä kɛtkɛ diit ɛ ji̱ kët din, kä cu jɔw kaaŋä cu päl. Kä cu kɛn ti diaal ti̱ti̱ te thi̱n amäni mëë ci muc in waŋkɛ thuɔ̱k kɛɛliw.
29
Kä mëë ci muc thuɔ̱k, cu kuäär kɛnɛ nɛy tin te kɛɛl kɛ jɛ rɔ goŋ kɛ pal.
30
Kä cu kuäär kɛnɛ bööth ji̱ Lii-bay jiök i̱ puanyɛ Kuoth Nhial kɛ diit tëë gɔ̱a̱rkɛ ɛ Dee-bid kɛnɛ gok ni A-thap. Kä cukɛ diit puɔnyä kɛt kɛ tɛ̈th lɔaac, kä cukɛ rɔ goŋ palkɛ.
31
Kä cu Ɣidh-ki-yaa wee, “Ɛn täämɛ cia rɔ lëy Kuoth Nhial. Biakɛ kä nööŋɛ luuri, kɛnɛ muc tɛthkä lɔaac rɛy luaak Kuɔth.” Kä cu duɔl luuri kɛnɛ muc tɛth kä lɔaac nööŋ. Kä ramɔ luäŋ duɔ̱ɔ̱r kɛ nööŋɔ kɛ ca̱r lɔaacdɛ a jɛ nööŋ muc in waŋkɛ.
32
Kä cu pek mucni tin waŋkɛ tin ca nööŋ ɛ duɔl, cu ka thääk ti jiɛn bärɔw, kɛ rueeth rɔɔmä ti kuɔ̱r, kɛ dɛy rɔmni ti kur rɛw. Kɛn ti̱ti̱ kɛn diaal kɛ muc tin waŋkɛ.
33
Kä cu muc tin ca lɛy pekdiɛn a thääk ti kur bäkɛl, kɛ det ti bathdɔɔri diɔ̱k.
34
Kä duundɛ ɣöö cu bööth palä kuɛ̈ɛ̈, /ca muc diaal tin waŋkɛ dëë luäŋ kɛ jiëŋ. Kä cu ji̱ Lii-bay rɔ̱ lɛy, kä cukɛ kɛ luäk, amäni mëë ci la̱t thuɔ̱k. (Kɛ ɣöö ji̱ Lii-bay ŋa̱th nikɛn kä bööth palä kɛ lëy pua̱nynikiɛn.)
35
Kä kɛ gek mucni tin waŋkɛ, cuɛ tekɛ? Thio̱o̱l mucni nyuaakä, kɛ muc kɔŋä tin thöpkɛ kɛɛl kɛ muc tin waŋkɛ. Inɔ cu pal rɛy luaak Kuɔth Nhial cu loc thi̱n.
36
Kä cu Ɣidh-ki-yaa kɛnɛ nɛy diaal lo̱ckiɛn tɛɛth kɛ ɣöö ci Kuoth kɛ luäk kɛ lätni kä ti̱ti̱ diaal.
← Chapter 28
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 30 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36