bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Nuer
/
Nuer Bible © Bible Society in South Sudan 1998,2012
/
2 Chronicles 32
2 Chronicles 32
Nuer Bible © Bible Society in South Sudan 1998,2012
← Chapter 31
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 33 →
1
Kä kɛ kɔr ŋäthä mi ci Ɣidh-ki-yaa jɛ la̱tdɛ, cu kuäär A-thi-ri-ya ni Thɛ̈n-kɛ-rib Juda ben mac. Kä cuɛ wi̱i̱ tin buɔ̱m buɔ̱ɔ̱m go̱l, caarɛ jɛ i̱ dɔ̱ŋ bɛ kɛ ma̱c rɔ.
2
Kä min ci Ɣidh-ki-yaa jɛ ŋa̱c ɛn ɣöö bä Thɛ̈n-kɛ-rib kɛ ɣöö bɛ ben nyiëëny kɛ ji̱ Jɛ-ru-tha-lɛm,
3
cuɛ ca̱p mi cu jɛ luäk cäp kɛnɛ ji̱ kɔarɛ kɛ rɛm i̱ ba waŋ pi̱i̱ni min te piny wec gök.
4
Kä cu nɛy ti ŋuan rɔ̱ mat, kä cukɛ wäŋ diaal kɛnɛ löli tin lony pi̱kiɛn kɛ rɛy wec gäk. Kä cukɛ wee, “Ɛŋu bi kua̱r A-thi-ri-ya pi̱ ti ŋuan ben jëk ɔ?”
5
Kä cuɛ lät ɛlɔ̱ŋ banyɛ gua̱th tin ci tëth kä päny, kä cuɛ biɛɛni ta̱th wi̱i̱dɛ. Kä cuɛ päny mi dɔ̱ŋ täth jɔk pa̱a̱ny in wen. Kä cuɛ duël yiën wec Dee-bid täth ɛ bum. Kä cuɛ yio̱w köör ti ŋuan täth kɛnɛ köötni.
6
Kä cuɛ bööth kuany wi̱i̱ nath, kä cuɛ kɛ mat guäth kɛl nhiamdɛ dɛɛkä wec thok kal, kä cuɛ ruac kɛ kɛ comɛ kɛ wëë i̱,
7
“Buɔ̱mɛ, kä cuɔmɛ rɔ̱. Kä /cuarɛ dual, kä /cuarɛ rɔ luär kuäär A-thi-ri-ya kɛnɛ rɛm ɛ di̱i̱t ɔ te kɛɛl kɛ jɛ mɔ. Kɛ ɣöö te kɔn kɛɛl kɛ buɔ̱m mi di̱tni jɛn kä buɔ̱mdɛ.
8
Tëë kɛɛl kɛ rɛm ri̱eŋ. Kä te kɔn kɛɛl kɛ Kuoth Nhial, Kuothdan, bɛ kɔn luäk, kä bɛ ko̱ran tɛr.” Kä cu naath ŋa̱th kɛ min ci Ɣidh-ki-yaa kuäär Juda jɛ lar.
9
Kɛ kɔr kä nɛmɛ, min te kuäär A-thi-ri-ya ni Thɛ̈n-kɛ-rib kɛnɛ rɛmdɛ kɛɛliw go̱l La-kic, cuɛ raan jäk kä kuäär Juda ni Ɣidh-ki-yaa kä Jɛ-ru-tha-lɛm kɛnɛ ji̱ Juda diaal tin cieŋ kä Jɛ-ru-tha-lɛm wëë i̱,
10
“Nɛmɛ ɛ min laar kuäär A-thi-ri-ya ni Thɛ̈n-kɛ-rib ɛ i̱, ‘Ɛ winith ŋääthi mɔ, mɔ ca ji̱ go̱lɔ kä Jɛ-ru-tha-lɛm?
11
Kä ci Ɣidh-ki-yaa, bath ni yɛ kɛ ɣöö bia li̱w kɛ buɔth kɛnɛ rɛw, kɛ ɣöö cɛ yɛ jiök i̱, “Bi Kuoth Nhial Kuothdan kɔn kän tetdä kua̱r A-thi-ri-ya?”
12
Kä /ciɛ jɛn Ɣidh-ki-yaa mëë däk gua̱th pali kuthni kɛnɛ yi̱knikiɛn kɛɛl, kä cu ji̱ Juda kɛnɛ ji̱ Jɛ-ru-tha-lɛm wee, “Bia pal nhiam Yi̱kä kɛl, kä bia muc waŋ thi̱n?”
13
Kä /kui̱c yɛn min cakɔ lät kä ji̱ dööri tin kɔ̱ŋ? Kä ka ni kɛn kuth dööri tɔ̱tɔ̱ mɔ /ka̱n nɛɛkiɛn luäk ɔ tetkädä?
14
Kä ɛ kuoth in mith rɛy kuthni dööri diaal tëë ci gua̱a̱r kɛ däk, ci nɛɛkɛ luäk ɔ, tetädä mɔ, mɔ dëë Kuothdun yɛ ben luäkɔ tetkädä?
15
Kɛ kui̱c ɛmɔ täämɛ ɛ Ɣidh-ki-yaa /ci yɛ kaŋ kɛ duɔ̱ɔ̱p ɛmɔ, kä /cuarɛ jɛ ŋäth, kɛ ɣöö thilɛ Kuoth mi ci nɛɛkɛ kiɛ kuäärɛ met kän tetkädä kiɛ tetni gua̱a̱ri. Kä ɛ pëk mi ni̱n di bi Kuothdun yɛ luäk kɛ jɛ mɔ?’ ”
16
Kä cu ji̱ kɔar Thɛ̈n-kɛ-rib ruac mi jiäk lat kɛ kui̱ Kua̱r ni Kuoth kɛnɛ ja̱ŋdɛ ni Ɣidh-ki-yaa.
17
Kä cuɛ warɛgak gɔ̱r mi cɛ Kuoth Nhial, Kuoth I-thɛ-rɛl kueth thi̱n i̱, “Ce̱tdɛ kɛ kuth döri tëë /ken nɛɛkiɛn me̱t kän te̱tkädä. Kä Kuoth Ɣidh-ki-yaa /cɛ nɛɛkɛ bi luäŋ kɛ luäk tetkädä.”
18
Kä cu ji̱ kɔaarɛ ɛ lat kɛ jɔw mi di̱i̱t kɛ thok ji̱ Juda, kɛ ɣöö bi ji̱ Jɛ-ru-tha-lɛm tin te pa̱nyni dual kä bikɛ rɔ̱ cu luär, a deekɛ wec cu käp.
19
Kä cukɛ ruac kɛ kui̱ Kuɔth Nhial, ce̱tkɛ min la kɛnɛ ruac kɛ kui̱ kuthni wec muɔ̱ɔ̱n, tin la̱tkɛ ɛ naath kɛ tetkiɛn.
20
Kä cu kuäär ni Ɣidh-ki-yaa kɛnɛ gök ni I-ca-yaa gat A-modh pal kɛ kui̱ ruac ɛ mɔ.
21
Kä cu Kuoth Nhial jääk ja̱k min cu wutni ko̱o̱r kɛ bööth diaal tin te därwec kua̱r A-thi-ri-ya näk. Kä cu kuäär A-thi-ri-ya loc wi̱i̱dɛ kɛ pöc mi di̱i̱t. Kä min cɛ wä duëël kuɔthdɛ, cu tha̱a̱ŋ gankɛ jɛ ben näk.
22
Inɔ cu Kuoth Nhial Ɣidh-ki-yaa luäk kɛnɛ ji̱ Jɛ-ru-tha-lɛm tetdä kua̱r A-thi-ri-ya ni Thɛ̈n-kɛ-rib, kɛnɛ ji̱ tɛ̈rɛ diaal. Kä cukɛ tekɛ mal tuɔ̱ŋni diaal.
23
Kä cu nɛy ti ŋuan Kuoth Nhial nöŋ muc kä Jɛ-ru-tha-lɛm, kä cua Ɣidh-ki-yaa kuäär Juda moc kɛ ti gɔw, kä niɛ guäth ɛ mɔ cua jɛ ŋa̱c ɛ dör diaal.
24
Ɛn ni̱ni tɔ̱tɔ̱ cuɛ Ɣidh-ki-yaa moc kɛ juey mi guic ni näkdɛ, kä cuɛ Kuoth Nhial pal. Kä cuɛ jɛ loc, kä cuɛ jɛ moc nyuuth.
25
Duundɛ ɣöö /ken Ɣidh-ki-yaa min ca lät kä jɛ ɛ Kuoth nyoth, kɛ ɣöö te lɔcdɛ kɛ liak. Kɛ kui̱c ɛ mɔ cu kɛ̈c Kuɔth ben kä jɛ kɛ Juda kɛ Jɛ-ru-tha-lɛm.
26
Duundɛ ɣöö cu ɣidh-ki-yaa rɔ ri̱t liakä Lɔaacdɛ, jɛn kɛ ji̱ Jɛ-ru-tha-lɛm. Kä /ken kɛ̈c Kuɔth Nhial lɛ ben kä kɛ, kɛ ni̱n ruëc Ɣidh-ki-yaa.
27
Kä ɛn Ɣidh-ki-yaa tëë kɛ ria̱ŋ mi di̱i̱t kɛnɛ luth. Kä tëë kɛ gua̱th tɔ̱wä cikä min bo̱r kɛnɛ da̱a̱p, kɛ guiy ti tëë kök mi di̱t kɛ dɛy wal ti ŋi̱r kɛ kötni, kɛ kuak ti ŋuan kä di̱t kökdiɛn.
28
Kä tëë kɛ gua̱a̱th mi tɔ̱ɔ̱wɛ bɛlkɛ thi̱n kɛ kɔaŋ kɛ liɛɛth. Kä cuɛ gua̱th ɣɔ̱ɔ̱k ti gööl kɛnɛ gua̱th deet la̱t bä.
29
Kä cuɛ rɔ lät kä wi̱i̱, kɛ ɣöö ci Kuoth ɛ moc kɛ ria̱ŋ mi di̱i̱t. Ɣɔ̱k ti ŋuan kɛnɛ det.
30
Kä ɛ jɛn ɛ nëë gääk waŋ pi̱i̱ni nhiam Gii-ɣɔn, kä cuɛ kɛ tët lööl mi wä kɛ kɛ piny kui̱ kony ca̱ŋ wec Dee-bid. Kä cu nyinkɛ diaal tëë cɛ la̱t gɔw.
31
Kä mëë ci buɔ̱n mi ca ja̱k ɛ ruëëc Bɛ̈-bi-lɔn ben ba jɛ ben thiec kɛ kui̱ nyuuthni tin ga̱ykɛ naath tëë ci tuɔɔk rɛy muɔ̱ɔ̱n, cu Kuoth ɛ pa̱l jɛ, ɣɔ̱nɛ jɛ kɛ ɣöö bɛ tin diaal tin te lɔɔcdɛ ŋa̱c.
32
Kä cua lät Ɣidh-ki-yaa diaal, kɛ ciɛŋkɛ tin gɔw gɔ̱a̱r rɛy nyuuthä go̱kä ni I-ca-yaa gat A-modh, rɛy buɔk kua̱ri Juda kɛnɛ kua̱r I-thɛ-rɛl.
33
Kä cuɛ li̱w, kä cua jɛ kony wi̱i̱ pa̱a̱m guäth in te muɔ̱n gan Dee-bid thi̱n. Kä cu ji̱ Juda diaal kɛnɛ ji̱ Jɛ-ru-tha-lɛm jɛ moc kɛ luth mi di̱i̱t kɛ lia̱a̱dɛ. Kä cu gatdɛ ni Ma-na-thɛ ruëc kɛ gua̱a̱thdɛ.
← Chapter 31
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 33 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36