bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Nuer
/
Nuer Bible © Bible Society in South Sudan 1998,2012
/
2 Chronicles 28
2 Chronicles 28
Nuer Bible © Bible Society in South Sudan 1998,2012
← Chapter 27
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 29 →
1
Mëë took A-ɣadh kuäär tëë kɛ run ti jiɛn da̱ŋ rɛw, kä cuɛ ruëc kä Jɛ-ru-tha-lɛm kɛ run wäl bäkɛl. Kä cuɛ la̱t ni jiäk nhiam Kuɔth Nhial, /kenɛ guɔ̱ɔ̱r ni duɔ̱ɔ̱p gua̱n ni Dee-bid.
2
Cuɛ ku lɛ guɔ̱ɔ̱r ni duɔ̱p kua̱r thuk duëli kuec caam. Kä cuɛ la̱t ni pua̱ny kuthni Baal.
3
Kä cuɛ waŋ ni wal tin kuɔ̱r kuɔ̱ɔ̱r rɛy lo̱o̱lä I-nɔm, kä cuɛ thöp ni gaatkɛ ala muc mi waŋkɛ kɛ mac ce̱tkɛ duɔ̱ɔ̱p jiäkni tin la̱tkɛ ɛ do̱o̱r tëë ci Kuoth Nhial kɛ juɔc raar nhiam ji̱ I-thɛ-rɛl.
4
Kä cuɛ muc thöp kä waaŋɛ wal tin kuɔ̱r kuɔ̱ɔ̱r guäth palä kuthni guäyni wuɔ̱thni päämni, kɛnɛ thär jiɛn diaal tin tɔ̱ɔ̱c.
5
Kɛ kui̱c ɛmɔ cu Kuoth Nhial Kuothdɛ jɛ la̱t tëtdä kua̱r ji̱ A-thi-ri-ya, mëë cu jɛ joc a bɛ nɛy ti ŋuan käp ala pɛ̈ɛ̈c kä nɛɛkɛ, kä cua kɛ naŋ kä Da-math-kɛth. Kä cua jɛ lɛni la̱th tetdä kua̱r thuk duëli kuec caam, mëë cu jɛ joc, kä cua näk nɛy ti ŋuan.
6
Kä kɛ cäŋ kɛl cu Pɛ-kɛ̈ gat Rɛ-mɛ̈l-yaa nɛy ti bathdɔɔri ti kuɔ̱r wi̱cdɛ jiɛn da̱ŋ rɛw näk kä rɛm ji̱ Juda, kɛ ɣöö ca Kuoth Nhial Kuoth gua̱ni pa̱l ruëëc.
7
Kä cu Dhik-ri kɛnɛ wutni ko̱o̱r Ɛ-pa-rim gat kua̱r ni Mɛ̈-the-yaa kɛnɛ bo̱o̱th dhɔaar kua̱r ni Ɛ̈dh-ri-kɔm kɛ ram in guur ni kuäär ni Ɛl-ka-na näk.
8
Kä cu ji̱ thuk duëli kuec caam watkiɛn käp nɛy ti bathdɔɔri rɛw. Män kɛ dhɔɔl kɛ nyier. Kä cukɛ kuak ti ŋuan pɛc kä kɛ, tin cua naŋ kä Tha-mɛ-ria.
9
Kä cuɛ tekɛ gök Kuɔth Nhial mi cɔali O-dɛd ɛn wi̱ni. Kä cuɛ wä röm kɛ rɛm in bä kä Tha-mɛ-ria, kä cuɛ kɛ jiök i̱, “Kɛ ɣöö ci Kuoth Nhial, Kuoth guuri cɛ gaak kɛ ji̱ Juda ɛ jɛn cɛ kɛ jak kä jooc yɛn kɛ mɔ. Kä duundɛ ɣöö cia kɛ näk kɛ kɛ̈c lɔaac mi ci cop ni puɔ̱rä.
10
Kä ɛn täämɛ cia cu lot ni ɣöö bia män kɛnɛ wutni Juda kɛnɛ Jɛ-ru-tha-lɛm jak kä kuanykun. Kä /ka̱nɛ duer lät kä Kuoth Nhial Kuothdun?
11
Kä Täämɛ liɛŋɛ ɣä, luɔcɛ watkun tin cia pɛc jɔk, kɛ ɣöö ci waŋ lɔaac Kuɔth Nhial ben kä yɛ.”
12
Kä cu bööth Ɛ-pa-rim ni Ä-dhar-yaa gat Yo-ɣa-nan kɛnɛ Bɛ-rɛk-yaa gat Mɛ-ci-lɛ-moth kɛ Yɛ-ɣidh-ki-yaa gat Cɛ̈-lum kɛ Ä-ma-tha gat Ɣɛ̈d-lay gaak kɛ min ca la̱t ɛ rɛm.
13
Kä cukɛ kɛ jiök i̱, “/Cuarɛ nɛy tɔ̱ cia käp tɔ̱ no̱o̱ŋ ɛn wa̱nɛ mi, yɛn luɔtdɛ ni ɣöö banɛ Kuoth Nhial dui̱rikä kɛ duer mi banɛ mat kä dueran in wen. Kä dueran in wen di̱tdɛ ɛlɔ̱ŋ, a ci kɛ̈c lɔaacdɛ ben kä ji̱ thuk duëli kuec caam.”
14
Kä cu rɛm nɛy tin ca käp kɛnɛ pɛ̈ɛ̈c päl nhiam bööthni kɛnɛ duɔl kɛɛliw.
15
Kä cu nɛy tin ca ciöötkiɛn lat rɔ jiɛc, cua nɛy diaal tin ca käp kä thil bieyni moc kɛ bieyni, kä bieyni tin ca pɛc. Kä cua kɛ moc bieyni kɛnɛ wa̱a̱ri kɛ mi̱eth kɛ pi̱w, kä cua kɛ yi̱er. Kä cukɛ nɛy diaal tin /ca ja̱l luäŋ la̱th jio̱kni muɔ̱li. Kä cukɛ kɛ luɔ̱c nɛɛkiɛn kä Jɛ-ri-ko, wec nööri. Kä cukɛ loc kä Tha-mɛ-ria.
16
Ɛn guäth ɛmɔ cu kuäär ni A-ɣadh kuäär A-thi-ri-ya jäk kä raan go̱o̱rɛ luäk.
17
Kɛ ɣöö ci ji̱ Ɛ-dɔm Juda ben nyɔk kɛ mak, kä cua kɛ naŋ ala pɛ̈ɛ̈c.
18
Kä ci ji̱ Pi-li-thɛt wi̱i̱ Cɛ-pe-laa kɛnɛ Nɛ-gɛb kä Juda ben pɛc, kä ca Beth-cɛ-mɛc kɛ A-ya-lon kɛ Gä-dhe-roth kɛ Thoko kɛnɛ wi̱i̱kɛ kɛ Tim-naa kɛnɛ wi̱i̱kɛ kɛ Gim-dho kɛnɛ wi̱i̱kɛ ka̱n a cieŋkɛ thi̱n.
19
Nöŋ Kuoth Nhial Juda riɛk, kɛ kui̱ kua̱r Juda ni A-ɣadh, kɛ ɣöö cɛ la̱t ni jiäk kä Juda, kä cɛ thil ŋa̱th kɛ Kuoth Nhial.
20
Kä cu kuäär A-thi-ri-ya ni Tig-lath-pi-lɛ-thɛr ben moc ni jɛ riɛk, kä ɣöö derɛ ben luäk ni jɛ.
21
Kä cu A-ɣadh ŋɔak ka̱n rɛy luaak Kuɔth kɛnɛ dhɔr kua̱r kɛ bööth, kä cuɛ kɛ thöp kuäär A-thi-ri-ya ala tho̱lbo̱k. Duundɛ ɣöö /kenɛ jɛ luäk.
22
Kɛ jɛn gua̱a̱th in te kuäär ni A-ɣadh kɛ rik, cu gul tuɔ̱l ni thil ŋäthädɛ kɛ Kuoth Nhial.
23
Kä cuɛ thöp ni kuth ji̱ Da-math-kɛth tëë juɔckɛ jɛ muc. Kɛ ɣöö caarɛ jɛ i̱, “Min ci kuth kua̱r A-thi-ri-ya ji̱ A-thi-ri-ya luäk, bäkɛ thöp muc kɛ ɣöö dɔ̱ŋ dëë ɣä luäk.” duundɛ ɣöö cua däk ni jɛ kɛnɛ nɛɛkɛ diaal.
24
Kä cuɛ kuak luaak Kuɔth dol guäth kɛl, kä cuɛ kɛ tiëëth ni ŋëëtni. Kä cuɛ thi̱ekni luaak Kuɔth Nhial gäk kä thi̱n, kä cuɛ yi̱kni lät kä ca̱a̱r kä Jɛ-ru-tha-lɛm.
25
Kä wi̱i̱ Juda diaal, cuɛ gua̱th pali kuthni guäyni la̱t, kɛ ɣöö bɛ wal wa̱a̱ wäŋɛ kuth kɔ̱kiɛn, kuɛ Kuoth Nhial, Kuoth gua̱ni lɛ jak kä gak.
26
Kä cua duɔth lätnikɛ ni tukädɛ cu mäni guutdɛ gɔ̱a̱r rɛy buɔk kua̱ri Juda kɛnɛ I-thɛ-rɛl.
27
Kä cu A-ɣadh li̱w, kä cua jɛ kony rɛy wec kä Jɛ-ru-tha-lɛm. /Ka̱n jɛ naŋ guäth kunyä kua̱ri. Kä cu gatdɛ ni Ɣidh-ki-yaa ruëc kɛ gua̱a̱thdɛ.
← Chapter 27
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 29 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36