bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Nuer
/
Nuer Bible © Bible Society in South Sudan 1998,2012
/
2 Chronicles 26
2 Chronicles 26
Nuer Bible © Bible Society in South Sudan 1998,2012
← Chapter 25
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 27 →
1
Kä cu ji̱ Juda diaal gat Ä-mä-dhi-ya ni U-dhi-yaa jak kä kuäär kɛ gua̱a̱thdɛ a tëë kɛ run wäl bäkɛl.
2
Kä cuɛ E-loth täth, kä cuɛ luɔ̱c kä Juda, kɛ kɔr li̱eth gua̱n.
3
Kä mëë tookɛ kuäär, tëë kɛ run wäl bäkɛl. Kä cuɛ ruëc kä Jɛ-ru-tha-lɛm kɛ run ti jiɛn dhieec wi̱cdɛ rɛw. Kä cɔalkɛ man i̱ Yɛ-kɔl-yaa kä Jɛ-ru-tha-lɛm.
4
Kä cuɛ la̱t ni cuŋ nhiam Kuɔth Nhial, ce̱tnikɛ tëë diaal tëë ci gua̱n ni Ä-mä-dhi-ya kɛ la̱t.
5
Kä cuɛ Kuoth Nhial pal kɛ ni̱n Dhɛ-kar-yaa mëë nyuth jɛ ɣöö bɛ Kuoth luɔ̱th. Kä mɔ cɛ Kuoth Nhial thiec ɔ, la Kuoth Nhial jɛ a jak kä bum.
6
Kä cu U-dhi-yaa wä nyiëëny kɛ ji̱ Pi-li-thɛt, kä cuɛ päny Gɛ̈th kɛ päny Yɛ̈b-nee kɛ päny Ac-dod däk. Kä cuɛ wi̱i̱ la̱t rɛy cieŋ Ac-dod kɛnɛ rɛy cieŋni ji̱ Pi-li-thɛt tin kɔ̱ŋ.
7
Kä cu Kuoth ɛ luäk kɛ juc ji̱ Pi-li-thɛt kɛnɛ jalapni tin cieŋ kä Gur-baal, kɛ ji̱ Me-on.
8
Kä cu ji̱ Am-on ɛ luɔ̱ny tho̱lbo̱k, kä cu kɛ̈kdɛ kök a bɛ räth ni këth I-jëp, kɛ ɣöö bumɛ.
9
Kä cuɛ cuut täth kä Jɛ-ru-tha-lɛm kä thi̱i̱k in te gukä kɛnɛ thi̱i̱k lo̱o̱lä kɛ thok in te tho̱l, kä cuɛ kɛ jak kä ti buɔ̱m buɔ̱ɔ̱m.
10
Kä cuɛ cuutni täth rɛy dɔaar, kä cuɛ ji̱eeri tɛt, kɛ ɣöö tëë kɛ ɣɔ̱k ti nyin ŋuan thaar pa̱a̱m kɛnɛ rɛy kueer. Kä cuɛ tekɛ nɛy ti lät ka̱a̱kni bɛɛlkɛ kɛnɛ ka̱a̱k buɔ̱cnikɛ rɛy päämni kɛnɛ mun in gɔaa, ɛ mun mi gɔaa mi nhɔkɛ.
11
Kä tëë kɛ rɛm mi di̱i̱t mi luäŋ ko̱r, kɛ bun ti ce̱tkɛ pekdiɛn in ca gɔ̱rɛ bulkamiindɛ ni Yi-el kɛnɛ bööth ni Mɛ̈-the-yaa, guɛckɛ kɛ thi̱n ɛ ram kɛl kä ji̱ kɔaar kua̱r ni Ɣä-nɛ̈n-yaa.
12
Kä cu mat bööthni thuk duëli, tin te wi̱i̱ rɛmni a nɛy ti bathdɔɔri rɛw wi̱cdɛ kur bäkɛl.
13
Kä cu rɛm in te kɔriɛn a nɛy ti bathdɔɔri ti kur diɔ̱k wi̱cdɛ bärɔw wi̱cdɛ kur dhieec, nɛy ti lua̱ŋkɛ ko̱r, ti dëë kuäär luäk kɛ ko̱r kɛ ji̱ tɛ̈rɛ.
14
Kä cuɛ rɛm kɛɛliw lät kä kötni kɛnɛ mutni, kɛ kɔ̱mni, kɛ yiëëth mi la̱thkɛ kath ran, kɛ bääri kɛ guiy piwitdä.
15
Kä cuɛ makanɛ la̱t kä Jɛ-ru-tha-lɛm, mi la̱tkɛ ɛ nɛy ti ŋa̱ckɛ lät, kɛ ɣöö ba la̱th kä cuut kɛnɛ guɔ̱ɔ̱k, ti ba bääri yuɔr kɛnɛ pääm tin di̱t. Kä cu kɛ̈kdɛ räth ɛlɔ̱ŋ, kä cuɛ buɔ̱m ɛlɔ̱ŋ kɛ ɣöö cɛ luäk jëk kä Kuoth.
16
Kä mëë ci U-dhi-yaa buɔ̱m, cuɛ rɔ liak kɛ liak mi cu jɛ däk. Kɛ ɣöö cɛ Kuoth Nhial Kuothdɛ yak, kä cuɛ wä luaak Kuɔth kɛ ɣöö bɛ wal tin kuɔ̱r kuɔ̱ɔ̱r wä waŋ wi̱i̱ yi̱kä min la wal a waŋkɛ thi̱n.
17
Kä cu bo̱o̱th palä ni Ä-dhar-yaa kɛnɛ bööth palä Kuɔth ti jiɛn bädäk ti ca rɔ com wä kɔɔrɛ rɛcɔ.
18
Kä cukɛ jɛ jiök i̱, “/Ciɛ cuɔ̱ŋ kä ji̱ U-dhi-yaa, ɛn ɣöö bi Kuoth Nhial wa̱ŋ wal tin kuɔ̱r kuɔ̱ɔ̱r, nhiam bööthni palä tin la gaat Ä-ron, tin ca lɛy kɛ ɣöö bikɛ wal waŋ. Wër raar rɛy luaak, kɛ ɣöö ci duer la̱t, kä ci thil luth kä Kuoth Nhial ni Kuoth.”
19
Kä U-dhi-yaa te thak wäŋä wal tin kuɔ̱r kuɔ̱ɔ̱r te̱tädɛ kɛ ɣöö bɛ wal waŋ, cu lɔcdɛ jiääk. Kä min gakɛ kɛ bööth palä, cu dhɔp päl raar nhiamkaandɛ, a te bööth palä rɛy luaak Kuɔth Nhial nhiam yi̱kä min la wal a waŋkɛ thi̱n.
20
Kä cu bo̱o̱th palä min di̱i̱t ni Ä-dhar-yaa kɛnɛ bööth palä diaal jɛ guic, kä nɛnɛ cuɛ tekɛ dhɔp nhiam kaandɛ! Kä cukɛ jɛ ɔak raar kɛ pɛ̈th, kä jɛn puɔ̱nydɛ cuɛ pɛ̈th kɛ wä raar, kɛ ɣöö ci Kuoth Nhial ɛ duäc.
21
Kä cuɛ tekɛ dhɔp amäni lia̱a̱dɛ, kä cuɛ cieŋ, guäthdɛ kärɔa kä cua ŋok rɛy luaak Kuɔth. Kä cu gatdɛ ni Yo-tham wec ruac.
22
Kä cua duɔth lätni U-dhi-yaa ni tukä cu mäni guut, cakɛ gɔ̱r ɛ gök ni I-ca-yaa gat A-modh.
23
Kä cuɛ li̱w, kä cua jɛ kony, guäth in la kua̱r ɛ kuɔnykɛ thi̱n, kɛ ɣöö cikɛ wee, “Tëë kɛ jɔk gupä mi jiääk.” Kä cu gatdɛ ni Yo-tham ruëc kɛ gua̱a̱thdɛ.
← Chapter 25
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 27 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36