bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Nuer
/
Nuer Bible © Bible Society in South Sudan 1998,2012
/
2 Chronicles 24
2 Chronicles 24
Nuer Bible © Bible Society in South Sudan 1998,2012
← Chapter 23
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 25 →
1
Kä mëë took Yo-ac kuäär tëë kɛ run bärɔw, kä cuɛ ruëc kɛ run ti jiɛn ŋuaan kä Jɛ-ru-tha-lɛm. Kä cɔalkɛ man i̱ Dhib-yaa kä Ber-cɛ-ba.
2
Kä cu Yo-ac la̱t ni gɔy nhiam Kuɔth Nhial kɛ ni̱n bo̱o̱thä palä ni Yɛ-ɣo-ya-da diaal.
3
Kä cu Yɛ-ɣo-ya-da Yo-ac kuen män da̱ŋ rɛw, cuɛ tekɛ dhɔɔl kɛnɛ nyier.
4
Kɛ kɔr kä mi tɔt cu Yo-ac ɛ lar i̱ bɛ luak Kuɔth Nhial bany.
5
Kä cuɛ bööth palä kɛ ji̱ Lii-bay dol, kä cuɛ kɛ jiök i̱, “Wiaa rɛy ciëŋ Juda, duɔlɛ yio̱w kä ji̱ I-thɛ-rɛl diaal, ti ba botni luak Kuɔth Nhial, Kuothdun run kä run. La̱tdɛ jɛ ɛn täämɛ.” Duundɛ ɣöö /ken ji̱ Lii-bay ɛ la̱t nikä kɛɛl.
6
Kä cu kuäär bo̱o̱th palä min di̱i̱t ni Yɛ-ɣo-ya-da cɔl, kä cuɛ jiök i̱, “Ɛŋu /ci ruac kɛ ji̱ Lii-bay ɔ, kɛ ɣöö dëë tho̱lbo̱k ëë ci Muthɛ ja̱ŋ Kuɔth Nhial ɛ thiec kä ji̱ I-thɛ-rɛl rɛl wä thol ɔ kä Juda kɛnɛ Jɛ-ru-tha-lɛm, kɛ kui̱ luaak Kuɔth ɔ?”
7
Kɛ ɣöö ci gaat ciek ɛ puɔ̱ny duerɛ ni Ä-thɛ̈l-yaa luak Kuɔth thur, kä ca tin diaal tëë ca lɛy rɛy luaak Kuɔth Nhial, wä pal ni kuoth Baal.
8
Kä kɛ ruac kua̱r, cua thanduk la̱t kä cua jɛ la̱th raar thok luaak Kuɔth Nhial.
9
Kä cua ruac jäk kä rɛy cieŋ Juda kɛnɛ Jɛ-ru-tha-lɛm, kɛ ɣöö ba tho̱lbo̱k ëë ci Muthɛ ja̱ŋ Kuɔth ɛ kɔn thol kä ji̱ I-thɛ-rɛl rɛy dɔaar nöŋ Kuoth Nhial.
10
Kä cu lo̱c ruëëcni kɛ nɛy diaal tɛɛth, kä cukɛ tho̱lbo̱kdiɛn nööŋ, kä cua kɛ ben la̱th rɛy thandukä amäni mëë cɛ thia̱a̱ŋ.
11
Kä mɔ ca thanduk nööŋ ji̱ kɔaar kua̱r ɔ rɛy luaak, mi cikɛ jɛ ŋa̱c i̱ te yio̱w ti ŋuan thi̱n, la bulkamiin kua̱r kɛnɛ bulkamiin bo̱o̱thä palä min di̱t, a bëë, ba yio̱w ben woc thi̱n, kä ba luɔc guäthdɛ. Kä la kɛn a lät ni ciaŋ, cukɛ yio̱w ti ŋuan thol.
12
Kä cu kuäär kɛnɛ Yɛ-ɣo-ya-da kɛ ka̱m nɛy tin ca ka̱m la̱t luaak Kuɔth Nhial, kä cukɛ ta̱a̱th kɛ ŋa̱a̱t jiɛn kɛ bel kɔk, kɛ ɣöö ba luak Kuɔth Nhial bany.
13
Kä nɛy tëë la̱t kɛ jɛ, cua la̱t tit, kä cu la̱t wä agɔaa. Cukɛ luak Kuɔth luɔc ni tääkädɛ mëë wal, a bɛ buɔ̱m ɛ tët.
14
Kä mëë cikɛ thuɔ̱k kɛ ba̱ny luaak, cukɛ duɔth yio̱o̱ni nöŋ kuäär kɛnɛ Yɛ-ɣo-ya-da, kä cua kɛ wä lät ni kuak luaak Kuɔth Nhial, kuak la̱t kɛ nyin mucä min waŋkɛ kɛ thääk wal tin kuɔ̱r kuɔ̱ɔ̱r, kɛ kuak dääpä kɛnɛ ciɛk in bo̱r. Kä thöpkɛ muc tin waŋkɛ ni ciaŋ rɛy luaak Kuɔth Nhial kɛ ni̱n teekä Yɛ-ɣo-ya-da.
15
Kä täämɛ Yɛ-ɣo-ya-da ca wut mi dɔaŋ mi tëë run ti ŋuan, cuɛ li̱w a tëë kɛ run ti kuɔ̱r wi̱cdɛ jiɛn diɔ̱k.
16
Kä cua jɛ kony därwec Dee-bid rɛy kua̱ri, kɛ ɣöö cɛ ti gɔw la̱t kä I-thɛ-rɛl, kɛ kui̱ Kuɔth kɛnɛ dhɔrɛ.
17
Kä kɛ kɔr li̱eth Yɛ-ɣo-ya-da, cu bööth Juda kuäär ben lät kä malɛ luthä. Kä cu kuäär kɛ liŋ.
18
Kä cukɛ luak Kuɔth Nhial Kuoth gua̱ni lo̱k. Kä cua wä pal ni kuoth Ä-ce-rim kɛnɛ kolaaŋ. Kä cu kɛ̈c Kuɔth ben kä Juda kɛnɛ Jɛ-ru-tha-lɛm, kɛ kui̱ dui̱rädiɛn.
19
Kä cu Kuoth Nhial gök jäk kä rɛydiɛn, kɛ ɣöö bɛ kɛ wä juɔ̱c jɛ. Kä cäŋ ni mëë ca kɛ la̱t kɛn ti̱ti̱, /ken kɛn ɛ liŋ.
20
Kä cu yiëë Kuɔth Nhial ben kä Dhɛ-kar-yaa gat bo̱o̱thä palä ni Yɛ-ɣo-ya-da. Kä cuɛ rɔ cuŋ nhiam nath, kä cuɛ kɛ jiök i̱, “Nɛmɛ ɛ jɛn min laar Kuoth ɛ i̱, ‘Ɛŋu /ci yɛn luëëkä luth ɔ? Mɔ cia wä nöŋ ni rɔ̱ riɛkɔ. Kɛ ɣöö cia Kuoth pa̱l ruëëc amäni yɛn cɛ yɛ pa̱l ruëëc.’ ”
21
Kä duundɛ ɣöö cua lät kä mi jiääk, kä cua bök kɛ dööl amäni mëë cɛ li̱w rɛy kal luaak Kuɔth kɛ ruac kua̱r.
22
Kä duundɛ ɣöö cu kuäär ciaaŋ ëë gɔaa ëë ca nyuɔ̱th jɛ ɛ Yɛ-ɣo-ya-da pa̱l ruëëc. Kä cuɛ gatdɛ ni Dhɛ-kar-yaa jak kä bökɛ kɛ dööl. Kä min li̱w Dhɛ-kar-yaa, cuɛ wee, “Ci Kuoth Nhial ti lätdi ti mal lɛ nɛn, a bɛ ji̱ duäc!”
23
Kɛ thuɔ̱k runä, cu rɛm ji̱ A-thi-ri-ya Yo-ac ben mak. Kä cukɛ Juda kɛnɛ Jɛ-ru-tha-lɛm käp, kä cua bööth diaal näk rɛy nath. Kä cukɛ pɛ̈ɛ̈c ti ŋuan jäk kä kuäär Da-math-kɛth.
24
Kä cäŋ ci rɛm A-thi-ri-ya ben kɛ nɛy ti tɔt, la Kuoth Nhial kä ka̱m ji̱ I-thɛ-rɛl ti ŋuan, kɛ ɣöö ca Kuoth Nhial, Kuoth gua̱ni pa̱l ruëëc. Kä cua luk ɛmɔ la̱th wi̱i̱ Yo-ac.
25
Kä cu ji̱ A-thi-ri-ya Yo-ac ba̱ny piny kɛ buɔ̱ɔ̱t ti ŋuan. Kä cu ji̱ kɔaarɛ jɛ ca̱p mi jiääk kɛ kui̱ gatdä Yɛ-ɣo-ya-da bo̱o̱th palä mëë cɛ näk, kä cukɛ jɛ näk rɛy kölikɛ. Kä cua jɛ kony därwec Dee-bid, kä duundɛ ɣöö /ka̱nɛ kony rɛy kɔ̱a̱kni kua̱ri.
26
Kä nɛy tëë ca̱pkɛ ca̱p mi jiääk ɛ Dha-bad gat Cim-ath kä A-mon kɛnɛ Yɛ-ɣo-dha-bad gat Cim-rith kä Mo-ab.
27
Kɛ kui̱ gankɛ ci go̱o̱k ti ŋuan ruac kɛ jɛ, kɛ kui̱ luaak Kuɔth in cɛ bany, cakɛ gɔ̱a̱r rɛy warɛgakä ŋi̱i̱cni rɛy buɔk kua̱r. Kä cu gatdɛ ni Ä-mä-dhi-ya ruëc kɛ gua̱thdɛ.
← Chapter 23
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 25 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36