Hebrews 13

Oromo Bible (Kakuu Haaraaka) - No Year

← Chapter 12 Jump to:

1Akkuma obboleeyan Kiristaana waljaalattu waljaalala hinlakisina.

2Keessummaa bulchaa, namii garii adoo hinbeekin, akkas tolchinaan, ergamtu gubbaa bulche.

3Warra hidhaansa keessa jiru, akkuma waan hidhaansa keessa waliin jirtani qaabadha. Ka gaargala keessa jiruullee, akkuma waan ufillee gaargalu jirtani qaabadhaa.

4Namii cuftii fuudha ulfeessu malee, dhiirsaa fi niitiin wali lakkisanii gara dhibii yaa'uu hinmalle. Waaqii warra sharmuxaa fi ka aadaa fuudhaa ballessu ballessa itti mura.

5Jaalala beessee gula hin badiinaa; waan qabdan sifeefadhaa, maaliif Waaqii, “Anin isan hinlakkisu, isan biraa hindeemu” jedhe.

6Tanaaf garaa jabannee, “Aabboon qarqaarsa kiyyaa, anin homaa hinsodadhuu, namii maan na tolchuu danda'a?” jenna.

7Warra durii isan dura yaa'u, ka dubbii Waaqaa isanitti haasa'e qaabadhaa, akka warrii durii ta'ee du'e herregaa, dhugeeffachaa isanii gula yaa'aa.

8Yesus Kiristoon sunuma, ka kalee, ka ardhaatii fi ka haga jiruu jireenaa.

9Barachaan dhibiin ta qajeeltu hintahiin, dhugaa irraa isan hingorsiin. Fulaa seera sagalee gula yaa'anii irra, yo kennamsi naassuu Waaqaa garaa nu jabeesse guddoo dansaa, maaliif warrii seera sagalee gula yaa'ee qarqaarsa tokkollee hinarganne.

10Qaalloolleen waaroo Yihudii keessa hojjatuu, sooriyoo teenna fulaa itti qalan suni fuutee nyaachuun hintaatu.

11Qaallichii Yihudii guddan akka marroo cubbutiif sooriyoo qalu dhufa, dhiiga horii suni fuudhee fulaa guddoo Qulqullootiin seena, ammoo foon horii sun qa'eetti guban.

12Mar. roo waan kanaatiif Yesusiilleen akka dhiiga isaatiin cubbuu namaa irra qulqulleessu, balbala diraa alatti du'e.

13Tanaaf koottaa, gara isa alatti yaanne, ceera isaa fudhanna,

14maaliif nu dira haga barbara taahu lafa tana keessaa hinqamnu; nu dira hegerii dhufu eegannaa.

15Waan kanaaf nu yo cufa sooriyoo faaruu Waaqaa maqaa Yesusitiin, baasuu malle, akkas jechaan dhugeessa yo cufa nu afaan keennaan maqaa isaa dhugeesinu.

16Waan dansaa tolchuu fi walqarqaarsa hindidinaa. Waaqii sooriyoo akkanaa tanaatti ingammadaa.

17Nama isan dura deemuu saalfadhaa, dubbii warraa caqasaa. Warrii marroo Waaqii waan warrii tolchu warra gafatuuf yo cufa lubbuu teessan qorqorata. Yo isan warraa saalfattan, warrii gammadaan hujji ufii hojjata; ammoo yo isan saalfachuuf baattan laaleffachaan hojjatan, laalleeffachaan sun homaa isanii hinbaatu.

18Yo cufa Waaqaa nuu kadhadhaa. Nu akka qalbii dansaa qamnu inbeennaa, nu yo cufa waan dansaa tolchuu feena.

19Anin waan cufa irra, akka isan akka Waaqii hurrisee gara keessan na deebisu naa kadhattan isan kadhadha.

20Waaqii nagayaa, ka Aabboo keenna Yesus, tissaa hooliyyee guddaa, dhiiga waldhaqiisa barbaratiin du'a keessaa kaasee, akka fedhii isaa tolchitaniif, waan dansaa isan feetan cufa isanii ha kennuu. Ammallee innii karaa Yesus Kiristootiin waan isa gammachiisaa nu ha tolchu. Guddinnii haga jiruu jirennaa Kiristoo ha tahu! Ee'e jenne.

22Obboleyyani tiya, anini akka issani dubbi goorsa tana akka dansa caqaftani isan kadhadha; ergaani anini issanii xaafe tunini guddo dheertuuniti.

23Anin akka obboleessii keenna Ximotewos hidhaansa keessaa bahe isan beesisuu fedha. Anuu yo innii hurrisee dhufe, isa waliin gara keessan dhufeette isan arga.

24Warra isan dura yaa'uu fi gumii Waaqaa qulqulloo cufatti nagaa nuu himaa. Obboleeyyan lafa Ixaaliyaatii dhufte nagaa isanii dhaamti.

25Kennamsii naasuu Waaqaa isanii cufa waliin ha jiraatuu.

← Chapter 12 Jump to: