Hosea 13

Romani Baltic Latin (Biblija - Pe Baltitko Romani čib (Romanes) 2019)

← Chapter 12 Jump to: Chapter 14 →

1Kiéli rakirdiá Jefriémo (manušá Jefriemóskire rodycóstyr), to saré izdrandyne. Jov sys barjakirdó dro Izrailjo, ne syr jov kerdiá čoripén angíl Vaaloste (Vaalo), to jov xasijá.

2Akaná jone keréna gréhi butedýr i baredýr, i jone kerdé vaš péske vyčhudé muiá, ídoly rupéstyr pir péskiro džinybén, saré kadalé statuly kerdé grafarja (spiecy te risynen) dre vastytka butiá. I jone phenéna: ‘mek manušá, kon janéla svénto dyibén, te čamuden guruvorén.’

3Paldavá jone javéna syr migla (tumano) pe zlóko, syr pérvo pahlyn, saví sýges xasjola, syr šprija (miakina), so rosčhurdela riskiribnaskiri balvál krig givaobkeribnaskire šurnatyr (gumnostyr), syr thuv, so džála trubátyr (thuvalestyr).

4Ne Me som Raj-Devél, tyró Devél Jegiptóskire phuvjátyr, túke na trej te džinés javire devloren apríč Mánde: pal-dová so nane nijékh apríč Mánde, Savó zrakhéla.

5Me dykhcjom pal túte pe čhučí phuv, pe štéty, kaj sys baró šukipen.

6Kiéli lénde isys čaritka féldy, jone sys čale, jone sys pherdés čale i léngiro iló jačelas barikano, pal-dová so jone bistyrde pal Mánde.

7I Me javáva vaš lénge sýrby ščer (liévo), sýrby lieopardo pašýl drom javáva Me te dykháv ciamkes pal lénde.

8Me javáva te pirilav len sýrby ričyha (miedviedica), savjate xasiné tyknore; Me javáva te riskirav léngire-pašvarengiro kokalyco ke iló i Me javáva te pohav len sýrby ščeriha, a feldýtka murdalá (zvieri) javéna te roskušen len.

9Tu xasiakirdian pes, Izrailie, so tu san proti Mánde, proti Kodoleste, Savó podela vast túke. Kaj ža isyn dová sendári (králi), savó déla ráda te zrakhél tut dre saré tyré fórja? I kaj isyn tyré sendárja, pal savénde tu phendián: ‘De mánge kralís i thagar'jen?’

10Kaj isyn tyró králi akaná? Mek jov te zrakhél tut dre saré tyré fórja? Kaj isyn tyré sendárja, pal savénde tu phendián: “De aménge kralís i barydyrén.”

11Me dyjom túke kralís dre Mirí xolý, i Me lyjom les krig dro Miro isyn xoliakiribén.

12Čoripén Jefriemoskiro zaphandlo dro venzlo, a léskiro grého prirakhno.

13Dukh džuvliáte, savjake trej te bijanél, javéla pe léste: jov isyn čhavó na o baré-godiákiro, pal-dová so jov tedy te na javél odój, syr javéla cýro (časo) te bijandjol.

14Me vykinava len liunoskire/adoskire (Šeoloskire) zorjátyr, Me vyrakhava len meribnástyr. O Meribén! Kaj isyn Tyró žalo (meribnytko truta/iado)? O liúno (ado)? Kaj isyn tyrí zbierda (pobieda) [tyró xasibén-ju.o.]? Miré jakhéndyr garadó, sob (kaj) Me te sykavav iló vaš lénge.

15Mek Jefriémo i te luludjol maškír pšalénde, javéla balvál vastokóstyr: balvál Rástyr-Devléstyr javéla čhučé phuvjátyr, i Léskiri ĥanyngori javéla šukí, i léskiro folahar (fontano) pirijačéla (terdjola) te čhuvelpe. Jov keréla čhučó khoró (sasudo) kažnoné piraliatyr, kaj isyn kažno kuč khoró.

← Chapter 12 Jump to: Chapter 14 →