Hosea 3

Romani Baltic Latin (Biblija - Pe Baltitko Romani čib (Romanes) 2019)

← Chapter 2 Jump to: Chapter 4 →

1I phendiá Raj Devél mánge: “Džá nevéstyr, kam džuvliá, saví isyn kamly (piramni) romný romeste, ne saví kaméla i javire muršén. Ne tu kam la, adiáke-pac', syr Raj Devél sykavéla láska čhavorenge Izrailjoskirenge, savé dykhéna pal javire devlorende i vykedena mariklia ziumosa, so pekena lénge Najudýtka nácyi.

2Ĥáda, me kindjom la vaš péske pal dešupandž šékieli rup, i pal jekh pašésa xomiero ĥersto (jačmienjo).”

3I phendjom me láke: “Tu jačesape mánca but dyvesá; i tu butýr na javésa te kames javire muršén, i tu na javésa butýr nikoneskiri, i me javáva kadasavó-pac' vaš túke.”

4Pal-dová so čhavé Izrailjoskire jačénape but dyvesá bi kralískiro, bi thagarískiro, bi sventoné-dyibnáskiro, bi obsvencyndlé-stylbóskiro, bi efodóskiro, bi tierafimóskiro.

5Paló (poslie) davá čhavé Izrailjoskiro risjona, i jone javéna te rodén Ras-Devlés, léngire Devlés, i léngire kralís Davidós: i jone javéna te darén Rástyr-Devléstyr i te risjon ke Léskiro lačhipén dre palatuné (posliednia) dyvesá.

← Chapter 2 Jump to: Chapter 4 →