Hosea 8

Romani Baltic Latin (Biblija - Pe Baltitko Romani čib (Romanes) 2019)

← Chapter 7 Jump to: Chapter 9 →

1Pričhuvén rógo (truba) ke uštá tumaré. Jov, vérgo, javéla syr órlo (kído) proti Kher Ráskire-Devléskiro, pal-dová so jone phagirdé Miro Zavieto i kerdé búnto proti Miro Zakóno.

2Izrailjo javéla zoralés te kharel Man: ‘Miro Dévla, ame džinésa tut!’

3Izrailjo čhurdyjá saró lačhipén: o vérgo javéla te tradelpe pal léste.

4Jone čhuvéna kral'jén kokoré, ne na Mándyr (by Miro); jone čhuvéna thagar'jen (kniaz'jen) bi Miré-laveskiro. Léngire rupéstyr i suvnakástyr jone keréna péske ídoly pe péskiro xasibén.

5Tyró guruvoro jačkirdiá tut, e, Samárija! Mirí xolý ĥazdyjápe proti lénde. Syr ĥará (dlúges) javéla ke dová, kiéli jone jačénape bibangipnaskire.

6I davá guruvoro adiáke-pac' Izrailjostyr: grafári (spieco te risynel) vyčhindia davá, i paldavá jov isyn na devel. Kadavá guruvoro Samarijakiro javéla phagirdó pe koterá.

7Jone posieindle balvál, i jone sčhinena štormo: syr givá lénde sarésa na javéna pe ĥerój (koloso); na javéla pribaripen dro jaržó. Kóli i vybarjola lénde vari-so, to e čúža manušá nakhavena (proglyninena) jaržó (giv).

8Izrailjo adiáke-pac' isyn nakhado (proglynindlo): akaná jone jačné maškír Najudýtka nácyi sýrby khoró (sasudo), so na pir iló nikonéske.

9Pal-dová so jone giné ke Asuro (Asirija) sýrby buso (diko) óslo (miegári), so jekhdžinó psiréla, a Jefriémo zmiešynelaspe počastunkenca (pal lové) javire – manušytkoné nacyienca, sob (kaj) te den patýv léske.

10Na dykhí pe dová, so jone bičhavenas (pokindle) počastúnki (dáry) maškír Najudýtka nácyi, akaná Me kedava len i jone léna te čuinen (te piridživen) pharés tel ĥámo kralístyr, thagar'jengirestyr.

11Pal-dová so Jefrieimo kerdiá but altári (žertvieniki) vaš grého, jone jačné vaš léske syr altári te kerén gréhi.

12Me čhindjom vaš léske baré lavá Miré Zakonóstyr, ne jov pogindia len pal čúža [dívna-ju.o.] phenybena.

13Jone janéna džidó mas syr svénto dyibén Mánge, i jone xána les, ne Me, Raj-Devél, na prilava len.’ Akaná Me javáva te ripirav léngiro čoripén i te sendiakirél len pal léngire gréhi: jone risjona pale ke Jegípto.

14Izrailjo bistyrdia pal Léskire Sozdyibnaskireste, i jone čhudé péske mangipnytka štéty (kapiščy), i o Juda adiáke-pac' butedýr kerdiá péske fórja zoralé vantasa: ne Me bičhaváva jag pe léskire fórja, i joj pohala léngire baré felatiniá / kolová (dvorcy).

← Chapter 7 Jump to: Chapter 9 →