Hosea 6

Romani Baltic Latin (Biblija - Pe Baltitko Romani čib (Romanes) 2019)

← Chapter 5 Jump to: Chapter 7 →

1Dre smentnyma péskiri jone pe zlóko (ránko) javéna te rodén Man i te rakirén: ‘Javén, i risjovasa ame ke Raj Devél: pal-dová so Jov dukhadia, i Jov sastiakirela amen; Jov pekadiá amen, i Jov piriphandela amaré fránsy (rany).

2Paló duj dyvesá Jov džidiakirela amen; pe tríto dyvés Jov čhuvéla pe ĥerá amen, sob (kaj) aménge te dživás angíl Léskiro dykhibén.

3Aménge trej te džinas butýr, aménge trej te pričhuvas te džinas butýr Ras-Devlés, Léskiro javiben javéla syr zlóko, Jov javéla syr bryšýnd, syr ĥaratuno bryšýnd (pozdnjo), so paniakirela phuv.’

4‘O, Jefrieme, so Mánge te keráv túsa? O, Juda, so Mánge te keráv túsa? Pal-dová so tumarí patýv ke Me isyn sýrby tuča pe zlóko (ránko), i sýrby pahlyn (rosa) pe zlóko, saví syg xasjola (prodžála).

5Paldavá Me vyčingiravas len pir prorokénde, Me muliakiravas len Miré lavénca; i Miro séndo pe lénde javéla sýrby dud (svéto), so ĥazdélape.

6Pal-dová so Mánge isyn drieván pir iló lačhé-ilýtkima, a na svénto dyibén, i džinybén pal Mánde, Devléste, butýr, syr célo shačkiribén.

7Ne jone syr Adamo phagirdé Zavieto; odój jone jačade xohanés Man.

8Galaádo isyn fóro, dro savó dživéna bibahtalé, i jov isyn magirdó ratésa.

9Syr rozmaribnarja [rozmaribnytko šajka-ju.o.], kon podrakhela manušés te zamarél, adiáke-pac' i kampanija rašangiri zapasjola te zamarél pir drom ke Siehemo; čačes, jone keréna stetka (džungalé) réndy.

10Dro kher Izrailjoskiro Me dykhcjom trašano: odój kerélape Jeframoskiro biladžaipén; Izrailjo isyn magirdó.

11Adiáke-pac', vaš túke, Jude, sykado dyvés vaš givengiro sčhinyben, kiéli Me riskiráva Miré – manušéngire plienonen.

← Chapter 5 Jump to: Chapter 7 →