Leviticus 12

Romani Baltic Latin (Biblija - Pe Baltitko Romani čib (Romanes) 2019)

← Chapter 11 Jump to: Chapter 13 →

1I phendiá Raj Devél Mojzáske dasavé lavá:

2“Phen Izrailjoskire čhavénge: kóli džuvlý pharjola i bijanéla čhavores (bijatós), tedy joj iavéla nažužy eftá (bitrinéngiro deš) dyvesá; syr dre dyvesá lákire žužakiribnaskire mén'ki, joj iavéla nažužy;

3pe ohtóto (bidujéngiro déšto) dyvés občhinelape léste (čhavoreste) léskiri loč (plot') pe jagóro (pe krajo);

4i trijánda trin dyvesá bangi joj te bešél te žužakirelpe péskire ratendyr; nisó, so isyn svénto, láke naštý te čilavel, i ke svénto štéto naštý te javél, paka prodžána lákire-žužakiribnaskire dyvesá.

5Kóli joj bijanéla čhajorja, to tedy dre péskire-žužakiribnaskire dyvesá joj iavéla nažužy duj kurke, i šovdešá šov dyvesá joj isyn bangi te bešél te žužakirelpe péskire ratendyr.

6Syr prodžána lákire žužakiribnaskire dyvesá pal čhavéste ci pal čhate, láke trej te janel jekhe-beršytkones bakrores vaš célo shačkiribén i terné golumbicos ci gorlica dro svénto dyibén pal grého, ke zagiibén dre skedyibnáskiri šátra ke rašái;

7jov janéla davá angíl Raste-Devléste, i žužakirela la, i joj iavéla žužy péskire rateskire thadypnastyr. Ĥáda, isyn Zakóno pal čhavoreskiro ci čhajorjakiro bijanypén.

8Kóli joj naštý te janel bakrores, to tedy mek te lel dujén gorlicen ci dujén ternen ĥolumben, jekhés vaš célo shačkiribén, a javirés dro svénto dyibén (žértva) pal grého, i žužakirela la rašái, i joj iavéla žužy.”

← Chapter 11 Jump to: Chapter 13 →