bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Sotho
/
Sotho 1951 (BIBELE)
/
2 Kings 25
2 Kings 25
Sotho 1951 (BIBELE)
← Chapter 24
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
1
Ka tšatši la lesome la kgwedi ya lesome ya ngwaga wa senyane wa pušo ya Tsedekia gwa tla Nebukadinetsara kgoši ya Babele ka madira a gagwe ka moka, a lwa le motse wa Jerusalema, ba o dulela, ba o rakelela ka dibo tše ba di agilego.
2
Motse wa dula o rakeletšwe go iša ngwageng wa lesome le motšo o tee wa pušo ya Tsedekia.
3
Ka la senyane la kgwedi ya bone, ge tlala e šetše e godile, go sa hlwe go le bogobe setšhabeng go batho ba naga yeo,
4
motse wa tsenwa ke manaba; bahlabani ka moka bošego bjoo ba tšhaba ka kgoro ya mo gare ga merako e mebedi e šikago le tšhemo ya kgoši. Bakaladea ge ba wela motse thoko tšohle, kgoši ya tšea ka tsela e yago molaleng.
5
Bakaladea ba e hlomarela, ba e swara molaleng wa Jeriko, madira a yona ka moka a šwalalane a e tlogetše.
6
Ba swara kgoši, ba tla nayo ba e iša go kgoši ya Babele kua motseng wa Ribila; ba mo sekiša gona moo.
7
Ba bolaya bana ba Tsedekia yena a lebeletše, ba tsebo mo gonya mahlo, ba mo tlema ka diketane tše pedi tša mphiri, mme a išwa Babele.
8
Ka la go šupa la kgwedi ya bohlano ya ngwaga woo wa lesome le metšo e senyane wa pušo ya Nebukadinetsara kgoši ya Babele gwa rotoga Nebusaradani molaodi wa dikala mohlanka wa kgoši ya Babele, a tla Jerusalema.
9
A tšhuma Ngwako wa Morena, le ngwako wa kgoši, le nywako ka moka ya Jerusalema; nywako yohle e megolo a e tšhuma ka mollo.
10
Gomme dira ka moka tša Bakaladea tše di bego di na le molaodi eo wa dikala, tša phušola merako ya Jerusalema thoko tše go fela.
11
Mašalela a a bego a šetše motseng, le ba ba bego ba thobile ba ikgafela kgoši ya Babele, le mašalela a setšhaba, Nebusaradani o ba išitše bothopša.
12
Molaodi eo a šadiša babotlana ba naga gore e be balemi ba mašemo a merara le a mabele.
13
Dikokwane tšela tša mphiri tša Ngwakong wa Morena, le dikoloinyana tša dinkgo tša meetse, le mogopo o mogolo wola wa mphiri o bego o le Ngwakong wa Morena, Bakaladea ba di phumakile; mphiri wa tšona ba o iša Babele.
14
Le dibjana, le digo, le mefaka, le meruswana ya diorelo, le thoto ka moka ya mphiri e bego e le ya go dira mo Ngwakong wa Morena, ba di tšere.
15
Molaodi wa dikala a tšea le meruswi ya magala, le meruswi ya go foka, ka moka tše e bego e le tša gauta le tša silifera.
16
Ge e le dikokwane tšela tše pedi, le mogopo o mogolo, le dikoloinyana tša dinkgo tša meetse, tše Salomo a di diretšego Ngwako wa Morena, mphiri wa dilo tšeo ka moka e be e le o montši o sa kago wa elwa.
17
Kokwane e tee ya tšona e be e na le meelo e lesome le metšo e selelago, e na le hlogo ya mphiri godimo ga yona, ye e bego e na le meelo e meraro e eya godimo, le mologo wola wa marapa o bego o tatetše hlogo ya kokwane, ka moka e be e le mphiri. Le kokwane yela ya bobedi e be e le bjalo, e na le mologo wa yona.
18
Molaodi wa dikala a swara Seraya moperisita e mogolo, le Tsefanya moperisita wa bobedi, le baleti ba mojako ba bararo.
19
Mo motseng a swara molaodi wa bahlabani, le bakgoma ba bahlano ba mošate ba a ba hweditšego motseng, le mongwadi wa molaodi wa dira e bego e le yena moepi wa dira tša setšhaba sa naga, le banna ba masome a selelago ba setšhaba sa naga ba ba bego ba le mo motseng.
20
Banna ba, Nebusaradani molaodi wa dikala o ba swere a ba iša go kgoši ya Babele kua motseng wa Ribila.
21
Kgoši ya Babele ya ba hlaba ya ba bolaya gona moo Ribila motseng wa naga ya Hamathi; ya ba gona go thopša ga Bajuda, ba tloga nageng ya gabo.
22
Ge e le mašalela a nageng ya Juda, ao Nebukadinetsara kgoši ya Babele a bego a a šadišitše, o a beetše Gedalia morwa wa Ahikama morwa wa Safane, a ba mokgoma wa bona.
23
Ya na ya re ge balaodi bohle ba dira gotee le banna ba bona, ge ba ekwa gobane kgoši ya Babele o beile Gedalia, ba tla go yena Gedalia motseng wa Mitsipa. E be e le Isimaele morwa wa Nethanya, le Johanana morwa wa Karea, le Seraya morwa wa Thanumethe wa Nethofa, le Jaasanya morwa wa monna e mongwe wa Maaka; ba tla le banna ba bona.
24
Bona le banna ba bona Gedalia o bile o ba enetše a re: Le se ke la boifa bahlanka ba Bakaladea; dulang mo nageng ye le le balata ba kgoši ya Babele; ke mo le tlogo phela gabotse.
25
Fela, ka kgwedi ya go šupa, Isimaele morwa wa Nethanya morwa Elisama wa moloko wa kgoši, a tla a na le banna ba lesome, ba bolaya Gedalia le Bajuda le Bakaladea ba ba bego ba na nae motseng wa Mitsipa.
26
Ke mo batho ka moka, ba banyane le ba bagolo, le balaodi ba dira, ba falaletšego Egipita gobane ba boifa Bakaladea.
27
Ka ngwaga wa masome a mararo a metšo e šupago ya ge Joyakini kgoši ya Juda a išitšwe bothopša, ka tšatši la masome a mabedi a metšo a šupago la kgwedi ya lesome le metšo e mebedi, Efila-Merodaka kgoši ya Babele o ntšhitše Joyakini kgoši ya Juda kgolegong; e be e le ka ngwaga wa pele wa pušo ya gagwe.
28
A bolela le yena ka botho, a mo dudiša sedulong sa pele mo go magoši a bego a na nae motseng wa Babele.
29
A mo apola diaparo tša kgolego, a mo fa dijo tša mošate ka mehla yohle a sa phela.
30
Kgoši ya mo nea dipabalelo tša ka mehla tša tšatši le lengwe le le lengwe ka mehla yohle a sa phela.
← Chapter 24
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25