Psalms 70

Chinese TTVR (現代台語譯本羅馬字版)

← Chapter 69 Jump to: Chapter 71 →

1Siōng-tè ah, kiû lí chín-kiù góa; Siōng Chú ah, kiû lí kín lâi pang-chān góa.

2Goān siàu-siūⁿ beh hāi góa sìⁿ-miā ê lâng làu-khùi kiàn-siàu; goān ài góa siū hām-hāi ê lâng pāi-thè siū lêng-jio̍k.

3Goān tùi góa kóng “Hò͘, lí chhám ah” hiah-ê lâng, in-ūi kiàn-siàu thiat-thè.

4Goān chhē-kiû lí ê lâng lóng in-ūi lí hoaⁿ-hí khoài-lo̍k; goān him-bō͘ lí chín-kiù ê lâng sî-siông kóng, “Tio̍h chun Siōng-tè chòe tōa!”

5Chóng-sī góa khùn-khó͘ sàn-chhiah; Siōng-tè ah, kiû lí kóaⁿ-kín lâi góa chia. Lí sī góa ê pang-chān, góa ê chín-kiù; Siōng Chú ah, kiû lí m̄-thang iân-chhiân.

← Chapter 69 Jump to: Chapter 71 →