Isaiah 53

Zande

← Chapter 52 Jump to: Chapter 54 →

1Da idi pa gu pai gi ani he? Yugu yo be Yekova fu da?

2Bambiko ko asono ku bangmko wa fogo tomohe, wa gu tarã ngua nakura ti ugu sende; kpakpuko na ngbanyako angba nga ti rani ho ani anibi ko ni te, ngbanya adu nga ti ko ka ani akpi nyemu ko ti ni te

3I apayasi ko, aboro ki gindiga ko a; rungorungo boro nangia ko naimdi pa imisiriapai; i apayasi ko wa gu boro i moko kpakpuse ti ni, ka ani aberã nga pa pa ko ya.

4Ko au gaani imisiriapai ni rengo ki aka gaani arungo; ono ani aberẽ pa ko wa mbusimbusi ko, nga gu ko Mbori ataki ko, ki nirungosi ko.

5Ono I ahogi ko tipa gaani samungu, i aimisi ko tipa gaani irairaapai; mbugo gaani zereda adu ku ri ko, ani ahu mbiko gako amandoro.

6Ani nangbuo angbuo dunduko wa kina akandoro; ani sa tirani ni ba sa sa sa kina gaani apai; Yekova moi gaani irairapai dunduko ku ri ko.

7I arungosi ko, i aumbasi pa ko, ka ko aza nga ngbako ya; i aye na ko wa wiri kandoro i andu na u sa imo ru, wa kandoro nakpara nga barangba gu boro nakpe mangeru ya, a wo ko aza nga ngbako ya

8I adi ko ku sa yo tipa rungosi na tipa sarangbanga; da dagba ngbatungako naberẽ he ya i aba ko ku sa yo ti ringara unga aboro, ni mbusimbusi ko tipa ga gimi aboro samungu?

9I akodi murãko na ga gbegberẽ aboro, rago kpioko ko adu na airakumuko, wa ko avura nga manga zuu ya, biriki adu nga kpotoko yo a te.

10Ono si angba ti Yekova ka mbusa ko; ko ki fu ko sa imisiriapai; ho ko ka maa mbisimoko ni ni motumo tipa ingapai, ko abi ngbatungako abi, ko agizasi gako arame agizasi; gu pai Yekova akpi nyemu he si amaa pai be ko;

11ko abi gu imisiri sunge nga ga mbisimoko pai ki rengbe bangiriko wenengaĩ; gi ruru moyambu adia pai ri dungu aboro mbiko gako inahe; ko aáka gayo irairaapai dũ.

12Si du mi akpára ukumbo fu ko ti ni na gu kikindigi pa yo, ko akpáraka gbugbu ahe na nyanyaki aboro; bambiko ko azogo mbisimoko fu kpio, i agedi ko na atiandika; ono ko aaka gu ingaapai nga ga dungu yo, ki nikpari tipa atiandika.

← Chapter 52 Jump to: Chapter 54 →