Isaiah 8

Zande

← Chapter 7 Jump to: Chapter 9 →

1Yekova ki ya fere, “Mo di bakere o zezerenge mbisa, ki ke pai ri he ni gu kekepai nga ga aboro, ‘Ga Maere-sararasa-baza.’ ” Si wa ka i ya, Gbarasapai naipisa tihe, gbuahe naika.

2Mi arogo kangará adezirepai ka ke pai fere, nangia Uriaya nangia boromotumo na Zekaraya nangia wiri Yeberekaya.

3Mi arimi koyo du denebi ni, ri adu na mobara, ki batika kumbagude Yekova ki ya fere, “Mo yambu rimoko nga Maere-sararasa-baza;

4bambiko mbata fu ina gude gu kpe nga, ‘Buba’ watadu ‘Nina’ i aroga ga Damaseke ũkumuko ku sa yo na ga Somorona gbugbu ahe ku mbata yo fu bakindo aAsuro.”

5Yekova ki gumba pai fere berewe ki ya:

6“Bambiko wa agi aboro re abasa pa aime Siroa nga gu nafu yee, ki ngba na Resini na win Remanya;

7si du, oni ngere awere, Gbia naye na ime Di ti ni ku ri yo, nga uriwo ho du ni bakere he, nga bakindo aAsuro na gako taarimo; ko ki fu rogo gaha agene ime dunduko ki hisi gaha agango ime dunduko a;

8ko ki fu ki susi ku Yuda yo, ko ki nifu ri arago dunduko ki nyasi he, ki da ku ngba gose; Ako Imanuere, zara pupoko arengba na bakia ga ringara.”

9Oni nga aboro, i kúadi roni, oni yúngura; oni ye turoni, agu roni dunduko du gn ngbi yo; oni síkpa tironi oni ki yungura, oni sikpa tironi oni ki yungura.

10Oni sáki pai dagba roni wa sa, ono si ayé ka du gbua; oni gúmba pai, ono si arú nga te, bambiko Mbori du na ani.

11Bambiko wo Yekova agumba pai fere na nyanyaki beko ku ri re, ki mrugu re ya ka mi nita nga ngba gene agi aboro re ya, niya:

12“Ka mo ya nga ti gu tabura agi aboro re naya ti ni tabura nga ha ya, ka mo gunde nga wa gunde yo a ya, ki du na kio be he a ya.

13Ono oni kpara Yekova ni ziazia ko nga ga arimbasa ko; ko oni ka gunde ti ko, ko oni ka kio be ko

14Ko adu wa kparakpara rago fu ngbatunga aYisaraere ue, ni mbia kota, ni mbia nzingiri pai a, ni gbina na ni gbina batukandu tipa araki Yerusarema yo.

15Agu yo akota ni dungu yo mbiko ho; i ki nitiwi ki mkuadi; i ki du ni zizi yo, i ki niga na yo.”

16Mo vodi dezirepai, ki dika yugopai dagba gimi abawiriki

17Mi asunguda Yekova naoka kpakpuko ti ngbatunga Ya koba, mi amaa bangire tipa ko

18Oni ngere. Am na agu agude Yekova afu yo fere du ni yuguyugupai ni nriwopai Yisaraere yo be Yekova nga ga arimbasa ko, naraka Bagangara Siona yo.

19Ho i ka ya ni fu roni, “Oni ndu fuo airasoroka na abinza nga agu yo nafura ni patapata na urumo fugo,” a nga aboro ka gbata pai be gayo Mbori te? Ka i gbata pa unga aboro dagba kangba aboro yo?

20Oni ndu sa rugute na sa dezirepai! Ka i afura nga kuti gi pai re ya, ni rengo ka girarago adu nga tipa yo ya.

21Ono i asusa asusa rogo ringara, bakere rungo ki nimangi yo na gomoro a; si ki ta ye ka du wa gere, ho gomoro ka manga yo ni, i abirã tiyo ki nigberẽ ngbayo yo fu gayo bakindo na fu gayo Mbori, ki sa kpakpuyo ku an yo,

22i angera ku sende no, mo ngére, rungo ki du na bitimo, baka bangirise na ima; i ado yo ku sa yo rogo nduunduu bitimo yo.

← Chapter 7 Jump to: Chapter 9 →