Isaiah 7

Zande

← Chapter 6 Jump to: Chapter 8 →

1Si ki ta du wa gere ti rago Aza nangia win Yotama, Yotama ki ngia wiri Uziya, nangia bakindo aYudo, ya Resini nangia bakindo aSurio ki ndu sa Yerusarema na Peka nangia win Remanya nangia bakindo aYisaraere ka so vura kuti he, ono i arengba nga ka dia ha te.

2Ho i agumba ha ni fu ngbatunga Dawidi ya, “Suria nakida kuti Efuraima,” kpoto Aza yo ki mwo na kpoto gako aboro yo wa angua nawo bire yo be yuge.

3Yekova ki ya fu Yesaya, “Mo kuru awere ka gbia Aza, oni na wiro nga Sarayasuba, bangbanda gu gene ime nga ga munga ku ngbi yo, ngba gu bakere gene ndu ku Ati Bazundahe yo,

4ki ya fu ko, ‘Mo gi nga ha, mo sungu zezeredi, ka mo gunde nga ya, ka ngbaduro kua nga mbiko agi agburukawe du ue re nagunda ya, na mbiko gu nzengerenzengere zinga nga ga Resini na ga Suria na ga wiri Remanya a ya

5Bambiko Suria ata bura kuti ro na Efuraima na win Remanya, niya,

6“Am ndu sa Yuda ki fudi he, ani di he ni gaani, ki moi win Tabere ni bakindo ku n he,”

7ya Gbia MBORI wẽ: Si aru nga te, si amánga nga a te.

8Bambiko ri Suria nga Damaseke, ri Damaseke ki ngia Resini. “ ‘(Garã ki du 65 i akuadi Efuraima rukutu ka i adu nga ni aboro berewe ya.)

9Ri Efuraima nga Somorona, ri Somorona ki ngia wiri Remariya. Ka oni aida nga paha ya, oni anyaka nga ni rengo te.’ ”

10Yekova ki gumba pai fu Aza berewe ki ya,

11“Mo sana Yekova nga ga Mbori tipa yuguyugupai; mo sana he tipa gu du dudungura rago yo watadu gu du ngbangbaturũ yo.”

12Ono Aza aya, “Mi asana nga he te, mi aásada nga Yekova a te.”

13Ko ki ya, “Ako ngbatunga Dawidi! Oni gi he awere. Si nga wiri toni pai bangironi wa oni nambusa aboro, a wo oni nikambusa gi Mbori a?

14Si du Gbia afu yuguyugupai fu roni tigako. Oni ngere, ngasu de adu na mobara ki batika kumba gude, ki yambu rimoko nga Imanuere

15Ko ari nzeme mamuanya na nzeme anyege ho ko ka ina pa basa gbigbitapai ni ki msia wenepai.

16Bambiko mbata gude nikaina pa basa gbigbitapai ki sia wenepai, gu ringara adu ni gbarasigbarasi he nga ga agu abakindo ue mo nagunde be yo.

17Yekova aye na ngbatunga arago ku ri ro na ku ri gamo aboro na ku ri ga bamo aborokporo nga agu arago ata ye nga mbata ya, tona ti rago guari Efuraima Yuda yo ― nga bakindo aAsuro.”

18Si aye ka du wa gere ni gu rago re ya Yekova apaa mbiko agu azn nadu digida rago yo ti ri adi Ezipeta yo, na mbiko agu anyege nadu ringara aAsuro yo

19Ami aye ka sunga dunduko rogo sarisari ngbungumu yo, na rogo siambia yo, na ku ri akiwe dunduko na ku ri abanambu dunduko.

20Ti gu rago re Gbia akpe ri aboro na mange merenduyo na gu musa i angbe he mbiti Di yo nga bakindo aAsuro si akpe maingba akpe dunduko a.

21Ti gu rago re boro ambu ti paranga nabagara na akandoro ue;

22ami mkafu mamunya ni bakere he, ni ari nzeme mamuanya mbiko ho; bambiko agu aboro ka nye ringara yo i ni ba sa sa ari nzeme mamuanya na nzeme anyege.

23Ti gu rago re, yo agiri bakakue adu ni 1,000, rengbe genoho na sekere feda 1,000, anguruza mkakura yo na akiwe a.

24Aboro aye koyo na aguanza na amboto, bambiko anguruza adu rogo ringara dunduko na akiwe;

25agu agangara i asopo ho mbata na gita dunduko, i ambeda nga koyo te bambiko gunde anguruza na akiwe; ono si anye ni ba tipa ta abaabagara koyo na akandoro ami simbi he.

← Chapter 6 Jump to: Chapter 8 →