Isaiah 56

Zande

← Chapter 55 Jump to: Chapter 57 →

1Ya Yekova wẽ: “Oni ka kuti ruru sarangbanga, ki mangi rurupai, bambiko gi bata nikaye mbembedi, gi rurupai nikadu ni kusikusi he

2Boro maku nga gu ni namanga gere, na gu wiri boro naka kuti he nyanyaki, nga gu ni nabera pa rago sabiti, ka ni abasa nga pa ha ya, nabanda tini a ti manga gbigbitaapai.”

3Ka oni ídi nga fu gu kungba boro nakpamia tini na Yekova ni gumba pai ki ya, “Yekova akpara re ni rengo ti gako aboro,” ya; ka irazangada ya nga, “Oni ngere, mi nga ugu ngua,” a ya.

4Bambiko ya Yekova wẽ: “Fu agu airazangada naberã pa gimi arago sabiti, nasia agu apai nangba ti re ki ka kuti gi zungahe nyanyaki,

5mi afú rimo fu yo vuru gi bambu yo na vuru gimi angapa yo ni tingida pai, nga gu rimo ngba ki susi yamba yo yo ni awiri aboro nga akumba na ade; mi afú nyenye rimo fu yo nga gu i ka adia nga ha ku sa yo ya.

6“A wo gu kungba aboro nakpamia tiyo na mi nga Yekova, ka amanga pa ko, na ka kpi nyemu re, ka du ni gimi amoyambu, nga agu yo dunduko naberã pa rago sabiti, ka i abasa nga pa ha ya, ki ka kuti gi zungahe nyanyaki

7kina agi yo re mi ka ye na yo ku pati gi kparakpara ziazia bagangara yo, ki fu ngbarago fu yo rogo gi bambu kparakpe yo; gayo zozo amotumo na gayo amotumo mi aida pa ha aida ku ri gi bamotumo; bambiko i aya ti gi bambu wẽ bambu kparakpe nga ha tipa aboro dunduko

8Ya Gbia MBORI wẽ, nga gu ko nadungura gu gbandakagbandaka yo nga ga Yisaraere yo, Mi adungura akura yo fuo ko, ku ri gu gako yo i adungura yo.”

9Oni anya nvuo dunduko, oni ye ka rita ahe― na, oni anya du bire ngua yo dunduko a.

10Gako ababandarago nga airavuran, i dunduko nazanga inahe; i du wa kina kisikisi ngba aango, arengba nga ka gbokoda ya; narari musumo, ki pi sande, ki nikpi nyemu rame gbe.

11Aango na gomoro gbe; ami ambika nga be riahe rengbe wa sa te. Agu yo nga ababanda akandoro i zanga rugatinapai a; i sa tiyo du sa kina gayo apai, i ni ba sa sa sa kina gayo mosoro, wa du yo dunduko

12Ya yo, “Oni yé, ani di imekakue, ani hisi vurani na baripiro; gba ki du wa kina areme, nga bakere uru kii ki susi baringbisa ha.”

← Chapter 55 Jump to: Chapter 57 →