bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Zande
/
Zande
/
Proverbs 28
Proverbs 28
Zande
← Chapter 27
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 29 →
1
Gbegberẽ boro naora ho boro ado nga fuo ni ni ya, ono ruru boro du ni eerẽ ni wa bahu.
2
Ho ringara nisa mungu ni dungu abazogo nidu rogo ho; ono be agu aboro du na rugatinapai na inahe si gaha nyaka ka ima ti ni.
3
Gu boro zingohe narungosi rungorungo aboro ni wa kina gu mai nafu ka si ambu nga riahe ya.
4
Agu aboro mbu ndika i natambua gbegberẽ aboro, ono agu yo naka kuti ndika i nadarã kangu na yo.
5
Gbigbita aboro aruga nga tiyo na ruru sarangbanga te, ono agu yo nagbata Yekova rugu tiyo na ni dunduko.
6
Gu rungorungo boro nata rogo gani rurupai ngba ki susi ti gu irakumuko nga irakeretu rogo gani apai.
7
Gu boro naka kuti ndika nga tatamana wiri boro, ono gu ni nga badiata na airaangbu nafu zee fu bani.
8
Gu boro nakiisa gani kumuko ni mokiisa na gu ku ri he, ni nadungura ha tipa gu ni du na nunga rungorungo boro.
9
Ka boro di tuni ku sa yo ti gia sangba ndika, zavura gani kpe si ni kina kere gbegberẽpai.
10
Gu boro naingisa ruru boro ku rogo gbigbitapai, ni ati kina ku rogo boro gani due; ono boro zanga pai ku ri ni adia wene ukumbo.
11
Irakumuko nga iratatamana bangirini, ono rungorungo boro du na rugatinapai nagbata kina ni.
12
Ho ruru boro nidi ni be pai, bakere taarimo nidu ho; ono ho gbegberẽ boro niguari ni ku ari, aboro nigbuku agbuka.
13
Gu boro naoka gani tiandika ni aú nga te, ono gu ni nakusa ha ki nimbu he, ni abí inapai.
14
Boro maku nga gu boro nagunde ti Yekova na uru; ono gu ni nanyakasa ngbaduni yo ati ku rogo gberãngbi.
15
Kere bazogorago ku ri rungorungo aboro du wa gbiriwogbiriwo bahu, watadu wa gu zíngizingi urisi.
16
Gu bazogo zanga rugatinapai nga kere barungosi aboro; ono gu ni nasoga marã mokiisa du ni biriki agízasi gani arame.
17
Ka boro du na ngbanga uka kure boro, ni dú ni merẽmerẽ boro dati kpioni; ka boro únda nga ni ya.
18
Gu boro nata rogo rurupai i abátasa ni abatasa, ono gu ni nga irakeretu rogo gani apai, ni ati ku rogo due yo.
19
Gu boro nasopa gani bino adú na bakere riahe be ni, ono gu ni napeka fuo kungba apai ni adú na rungo kpaima.
20
Gu boro du yososo ni akpátari be maku, ono gu ni naipisa tini ka du ni irakumuko azánga nga mbusa te.
21
Ngba nga pai na pa kparatise te; watadu sa mungu tipa kina wiri mbusuru riahe a te.
22
Iraringi naipisa tini fuo aukumuko, ka ni aina nga ha nga zingohe ayé ku ri ni ya.
23
Gu boro naza kura ni ni abí wenepai giza ki susi ti gu ni nazomia he ni kina mirãni gbua.
24
Gu boro nadĩ ga bani ahe watadu ga nani, niya, “Samungu nga ha te,” ni nga badiata na gu boro nagbarasa ahe.
25
Irakangadu nazingisa kpata, ono gu ni nakida kuti Yekova, ko akúmukosi ni.
26
Gu boro nakida kina kuti gani berã nga mumungo boro; ono gu ni nata ni tatamana i abátasa ni abatasa.
27
Gu boro nafu he fu rungorungo boro, zingo ahe amánga nga ni te, ono gu ni naoka bangirini abi dungu motiwa.
28
Ho gbegberẽ aboro niguari ni ku ari, aboro nigbuku agbuka, ono ho i nikpiki ni, ruru aboro ninge ange ki susi.
← Chapter 27
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 29 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31