Job 35

Amharic Tigrinya (መፅሓፍ ቅዱስ)

← Chapter 34 Jump to: Chapter 36 →

1ኤሊሁ መሊሱ ኸምዙይ ኢሉ ተዛረበ፦

2እዙይ ፅድቂ ኸም ዝኾነዶ ትሓስብ ኣለኻ? ወይ ከዓ ኣብ ቅድሚ እግዚኣብሄር “ፃድቕ እየዶ” ትብል ኣለኻ?

3ንስኻ እንታይ ጥቕሚ ኣለካ? “ሓጢኣት ሰሪሐ ኻብ ዝረኽቦ ብዝበለፀ፥ ሓጢኣት እንተ ዘይሰሪሐ እንታይ እረብሕ?” ኢልካ ጠይቕካ ኢኻሞ።

4ነዙይስ ኣነ ኽምልሰልካ፤ ኣነ ንኣኻን ምሳኻ ንዘለዉ ብፆትካን ክምልስ እየ።

5እስኪ ኣዒንትኻ ናብ ሰማይ ኣቢልካ ጠምት፤ ነቲ ኻባኻ ልዕል ዝበለ ደመናውን ተመልከቶ።

6ሓጢኣት እንተ ገበርካ፥ እንታይ ትጐድኦ? በደልካ እንተ በዝሐኸ እንታይ ትገብሮ?

7ፃድቕ እንተ ኾንካ እንታይ ትህቦ? ካብ ኢድካ ዝቕበሎኸ እንታይ እዩ?

8ሓጢኣትካ ነዝ ከማኻ ዝበለ ሰብ እዩ ዝጐድእ፤ ፅድቅኻውን ንወዲ ሰብ እዩ ዝጠቕም።

9ካብ ብዝሒ ግፍዒ ዝተልዓለ ሰባት የእውዩ፤ ካብ ቅልፅም ሓያላት ዝተልዓለውን ዘናግፍ ንምርካብ ይፅውዑ።

10ግና ብለይቲ መዝሙር ዝህብ፥ ካብ እንስሳት ምድሪ ብዝበለፀ ዝምህረና፥ ካብ ኣዕዋፍ ሰማይውን ኣብሊፁ ጥበበኛታት ዝገብረና፥ ፈጣሪየይ እግዚኣብሄር ኣበይ እዩ ዝብል የለን።

12ኣብኡ ስለ ትዕቢት ክፉኣት ሰባት የእውዩ፤ ንሱ ግና ኣይምልሰሎምን።

13ብሓቂ እግዚኣብሄር ንኸንቱ ነገር ኣይሰምዕን፤ እቲ ዅሉ ዝኽእል ኣምላኽ ኣይምልከቶን።

14ምናዳ “ኣይሪኦን” እንተ በልካ ደኣ ኸመይ ኢሉ ኽሰምዐካ! ፍትሒ ኣብ ቅድሚኡ ኣሎ፤ ንስኻውን ተፀበዮ።

15እግዚኣብሄር ተቘጢዑ ንሰብ ዘይቐፅዖ፤ ንሓጢኣትውን ሸለል ዝብሎዶ፥ ይመስለካ ኣሎ?

16ስለዙይውን ኢዮብ ብኸንቱ ኣፉ ይኸፍት፤ ብዘይ ፍልጠት ከዓ ዘረባ የብዝሕ።

← Chapter 34 Jump to: Chapter 36 →