Nehemiah 10

Ewe 2014 (EƲEGBE BIBLIA)

← Chapter 9 Jump to: Chapter 11 →

1Ame siwo ɖo ŋkɔ ete lawoe nye anyigbaa dzikpɔla Nexemya, Xaxalya vi Zedekiya.

2Seraya, Azarya, Yeremya,

3Pasxur, Amarya, Malkiya,

4Xatus, Sebanya, Malux,

5Xarim, Meremot, Obadya,

6Daniɛl, Gineton, Barux,

7Mesulam, Abiya, Miyamin,

8Maazya, Bilgai kple Semaya; woawoe nye nunɔlawo.

9Levi viwo: Yesua Azanya vi, Binui si tso Xenadad viŋutsuwo dome kple Kadmiel,

10wo tɔ bubuwoe nye: Sebanya, Hodiya, Kelita, Pelaya, Xanan,

11Mixa, Rexob, Xasabya,

12Sekur, Serebya, Sebanya,

13Hodiya, Bani kple Beninu,

14Dukɔ la ƒe tatɔwo: Pareos, Paxat-Moab, Elam, Zatu, Bani

15Buni, Azgad, Bebai

16Adoniya, Bigevai, Adin

17Ater, Xizkiya, Azur,

18Xodiya, Xasum, Bezai,

19Xarif, Anatot, Nebai,

20Magpias, Mesulam, Xezir,

21Mesezabeel, Zadok, Yadua,

22Pelatya, Xanan, Anaya

23Hosea, Xananya, Xasub

24Xaloxes, Pilxa, Sobek,

25Rexum, Xasabna, Maaseya,

26Axiya, Xanan, Anan

27Malux, Xarim kple Baana.

28Dukɔmetɔ mamlɛawo, nunɔlawo, Levi viwo, agbonudzɔlawo, hadzilawo, gbedoxɔ me dɔwɔlawo kple ame siwo katã ɖe wo ɖokui ɖa tso dukɔ bubuwo me tɔ siwo va le míaƒe anyigba dzi dome le Mawu ƒe Se la nu, míawo ŋutɔ, mía srɔ̃wo kple mía viŋutsu kpakple mía vinyɔnu siwo nyagbe tsi ate ŋu ase nu si gblɔm míele gɔme ko la,

29míekpe ɖe mía nɔvi dukɔa me bubumewo ŋu hele atam kam be míazɔ ɖe Mawu ƒe Se si wòde to eƒe dɔla Mose dzi la nu, be míalé Aƒetɔ, mía Aƒetɔ ƒe sewo katã, kɔnuwo kple ɖoɖowo me ɖe asi, eye míawɔ wo dzi. Ne míetu atam sia la, fiƒode neva mía dzi.

30Míatsɔ mía vinyɔnuwo ana anyigbaa dzi tɔwo viŋutsuwo woaɖe o, eye míaɖe wo vinyɔnuwo na mía viŋutsuwo o.

31Ne anyigbaa dzi tɔwo tsɔ woƒe adzɔnuwo alo agblemenukuwo vɛ le dzudzɔgbe alo ŋkeke kɔkɔe aɖe dzi be yewoadzra la, míaƒle wo o. Le ƒè adrẽlia sia ƒe adrẽlia me la, míade agble o, eye ne míaƒe fe le ame aɖe ŋu la, míatsɔe akee.

32Míetsɔe ɖo mía ɖokui dzi hã be ƒe sia ƒe la, mía dome ame sia ame nadzɔ klosalo gram atɔ̃ be woatsɔ ga si míakpɔ to nudzɔdzɔ sia me la anɔ nu siwo ahiã hena subɔsubɔ le mía Mawu ƒe aƒeme la wɔm.

33Nu siawo ƒe ɖewoe nye: vɔsabolo, gbe sia gbe nuɖuɖuvɔsa, gbe sia gbe numemevɔsa, dzudzɔgbewo, dzinu yeye vɔsawo, ŋkeke ɖoɖiwo, nu kɔkɔeawo kple vɔsa hena Israel ƒe nuvɔ̃wo ɖeɖeɖa kpakple mía Mawu ƒe aƒe la ŋudɔwo katã.

34Nenema ke mí nunɔlawo, Levi viwo kple dukɔ hahoa míedzidze nu ɖe nakenana dzi be Israel ƒe to vovovoawo nanɔ etsɔtsɔ va mía Mawu ƒe aƒe la me ɖɔlim le wo nɔewo dome ƒè sia ƒè. Woanɔ etsɔm vɛ le ɣeyiɣi ɖoɖiwo dzi be woatsɔe anɔ dzo dom le Aƒetɔ, mía Mawu ƒe vɔsamlekpui dzi abe ale si woŋlɔe ɖi le Se la me ene.

35Míetsɔe ɖo mía ɖokui dzi hã be ƒe sia ƒe la, míatsɔ míaƒe agblemenuku gbãtɔwo kple míaƒe atikutsetse gbãtɔwo ava Aƒetɔ ƒe aƒe la me.

36Míatsɔ mía viŋutsu ŋgɔgbeviwo kple míaƒe aƒemelãwo: nyiwo, alẽwo kple gbɔ̃wo ƒe vi gbãtɔwo ava na nunɔla siwo le subɔsubɔdɔ wɔm le mía Mawu ƒe aƒe la me abe ale si woŋlɔe ɖe Se la me ene.

37Nenema ke míatsɔ amɔwɔ gbãtɔwo, míaƒe nudzɔdzɔ gbãtɔ, míaƒe kutsetseti ɖe sia ɖe ƒe tsetse gbãtɔ, míaƒe aha kple míaƒe ami gbãtɔwo ava na nunɔlawo le mía Mawu ƒe aƒe la me. Míadzɔ míaƒe agblemenukuwo ƒe akpa ewolia na Levi viwo, ame siwo dzɔa nuwo ƒe akpa ewolia le míaƒe agblededuwo me la.

38Ne Levi viawo le nu ewolia dzɔm la, ele be nunɔla aɖe si nye Aron ƒe dzidzimevi la nanɔ wo ŋu. Levi viawo atsɔ nu ewolia siwo wodzɔ la ƒe ƒuƒoƒo ƒe akpa ewolia ayi nudzraɖoƒexɔwo me le mía Mawu ƒe aƒe la me.

39Xɔ siawo mee Israel-dukɔmeviwo kple Levi viwo atsɔ nuku, aha kple ami siwo wodzɔ la ayii. Xɔ siawo mee gbedoxɔa me tsikunu kple agba vovovoawo nɔna. Afi mawo kee nunɔla siwo le subɔsubɔdɔ wɔm kple agbonudzɔlawo kpakple hadzilawo hã nɔna. Nuawo nayi alea be míagblẽ mía Mawu ƒe aƒe la ɖi ɣeaɖekeɣi o.

← Chapter 9 Jump to: Chapter 11 →