1 Chronicles 7

Guarani 2015 (Ñanderuete Ñe’ẽ Porã 2015)

← Chapter 6 Jump to: Chapter 8 →

1Isacar ra’ykuéra oĩkuri irundy: Tola, Fuva, Jasub ha Simron.

2Tola ra’ykuéra: Uzi, Refaías, Jeriel, Jahmai, Jibsam ha Semuel, ko’ãva itúva rogaguasu ruvicha. Tola ñemoñarenguéra ojepapava’ekue David árape, 22.600 kuimba’e ipy’aguasuetéva.

3Uzi ra’y Izarías; ha Israhías ra’ykuéra: Miguel, Obadías, Joel ha Isías; oñondivepa 5 mburuvicha.

4Ha iñemoñarenguéra oĩkuri ituvakuéra rogaguasu rupi 36.000 kuimba’e ñorãirõ reheguáva; ha’ekuéra heta hembireko ha heta ita’ýra.

5Ha ityvyrakuéra opaite Isacar ñemoñarenguéra ndive ojepapa rire oĩ 87.000 ipy’aguasuetéva.

6Benjamin ra’ykuéra oĩkuri mbohapy: Bela, Béquer ha Jediael.

7Bela ra’ykuéra: Ezbon, Uzi, Uziel, Jerimot ha Iri; 5 itúva rogaguasu ruvicha, kuimba’e ipy’aguasúva ha iñemoñarenguéragui ojepapa 22.034 kuimba’e.

8Béquer ra’ykuéra: Zemira, Joas, Eliezer, Elioenai, Omri, Jeremot, Abías, Anatot ha Alámet; ko’ãva Béquer ra’y meme.

9Ha ojepapa iñemoñarenguéra itúva rogaguasu ruvicha reheve, ha ojejohu 20.200 kuimba’e oñorãirõkuaáva.

10Jediael ra’y, Bilhan; ha Bilhan ra’ykuéra: Jeus, Benjamin, Eud, Quenaana, Zetan, Tarsis ha Ahisáhar.

11Ko’ãva Jediael ra’y meme, hogaguasu ruvichakuéra rupi, kuimba’ekuéra ipy’aguasuetéva, 17.200 osẽkuaáva ñorãirõme.

12Supim ha Hupim, Hir ra’ykuéra; ha Husim, Aher ra’y.

13Neftali ra’ykuéra: Jahzeel, Guni, Jézer ha Salum, ãva Bilha ñemoñarenguéra.

14Manases ra’ykuéra: Asriel, ikuña memby, peteĩ kuña Siriaygua, ha’e imemby avei Maquir, Galaad ru.

15Ha Maquir omenda Maaca rehe, Hupim ha Supim reindy. Ha (Maquir ryvy) mokõiha Zelofehad. Zelofehad itajýrante.

16Ha Maaca, Maquir rembireko, imemby peteĩ kuimba’e, ha oñembohéra ichupe Peres; ha itykéra héra Seres, ha ita’yrakuéra: Ulam ha Réquem.

17Ulam ra’y Bedan. Ãva Galaad ra’ykuéra, kóva Maquir ra’y, kóva Manases ra’y.

18Ha heindy Hamoléquet, imemby: Isod, Abiezer ha Mahala.

19Ha Semida ra’ykuéra: Ahian, Siquem, Likhi ha Aniam.

20Efrain ñemoñarenguéra: Sutela, ita’ýra Bered, ita’ýra Táhat, ita’ýra Elada, ita’ýra Táhat,

21ita’ýra Zabad, ita’ýra Sutela, ha Ézer ha Elad. Umi Gatkuéra ojukava’ekue Ézer ha Eládpe omondaségui ijovechakuérape.

22Ha Efrain, itúva, heta ára ombyasy ichupekuéra, upévare ityke’yrakuéra omoangapyhy ichupe.

23Upéi ha’e oiko hembireko ndive, ha’e hyeguasu ha imemby peteĩ mitãkuimba’e, ha ombohéra ichupe Bería, oikógui hógape jepy’apýpe.

24Ha itajýra Seera omopu’ã Bet-horon iguy pegua ha Bet-horon yvate pegua, ha avei Uzen-seera.

25Ko Beria ra’y Refa, ita’ýra Résef, ita’ýra Télah, ita’ýra Tahan,

26ita’ýra Laadan, ita’ýra Amiud, ita’ýra Elisama,

27ita’ýra Nun, ita’ýra Josue.

28Ha ijyvy ha hóga oĩ Bet-élpe, itava’ikuéra reheve; ha kuarahyresẽ gotýo oĩ Naaran; ha kuarahyreike gotýo oĩ Gézer, itava’ikuéra reheve; Siquem, itava’ikuéra reheve; Aja, itava’ikuéra reheve.

29Ha Manases ra’ykuéra oiko: Bet-seánpe, itava’ikuéra reheve; Taanac, itava’ikuéra reheve; Megído, itava’ikuéra reheve; ha Dor, itava’ikuéra reheve. Ko’ã távape Israel ra’y Jose, ñemoñarenguéra oikova’ekue.

30Aser ra’ykuéra: Imna, Isva, Isvi, Beria, ha heindy Sera.

31Beria ra’ykuéra: Héber ha Malquiel, kóva Birzait ru.

32Ha Héber ra’ykuéra: Jaflet, Somer, Hotam, ha heindy Súa.

33Jaflet ra’ykuéra: Pasac, Bimhal ha Asvat. Ãva Jaflet ra’ykuéra.

34Ha Sémer ra’ykuéra: Ahi, Rohga, Jehuba ha Aram.

35Ityke’ýra Hélem ra’ykuéra: Zofa, Imna, Seles ha Amal.

36Zofa ra’ykuéra: Súa, Harnéfer, Sual, Beri, Imra,

37Béser, Hod, Sama, Silsa, Itran ha Beera.

38Jéter ra’ykuéra: Jefune, Pispa ha Ara.

39Ha Ula ra’ykuéra: Ara, Haniel ha Rezía.

40Ko’ãva Aser ñemoñarenguéra omoakãva hogaguasukuéra, huvichakuéra ramo; ha’ekuéra soldádo ruvicha (ikatupyrýva) ha ojepapa rire, ipoguy peguáva ikatúva ojapyhy ñorãirõ rembiporu, ojejohu 26.000 kuimba’e.

← Chapter 6 Jump to: Chapter 8 →