1 Chronicles 9

Guarani 2015 (Ñanderuete Ñe’ẽ Porã 2015)

← Chapter 8 Jump to: Chapter 10 →

1Ojepapa opaite Israelguakuérape, ha ojehai Israel retã ruvichakuéra kuatiañe’ẽme. Judayguakuéra ojereraha jepokuapýpe Babilóniape opoi haguére Ñanderuetégui.

2Ko’ãva oiko raẽ jevy itavakuérape: Israelguakuéra, pa’ikuéra, Leviguakuéra ha Ñanderuete rogaguasu rembiguaikuéra.

3Ha Jerusalénpe oiko: Juda ñemoñarenguéra, Benjamin ñemoñarenguéra, Efrain ha Manases ñemoñarenguéra;

4Juda ra’ykuéra apytégui ou Utai, kóva Amiud ra’y, kóva Omri ra’y, kóva Imri ra’y, kóva Bani ra’y, ko’ãva Peres ñemoñarenguéra, ha Peres, Juda ra’y.

5Ha Silonguakuéra, oiko Asaías, pe ijypykue, ha hendive ita’yrakuéra.

6Zera ra’ykuéragui, Jeuel ha ityvyrakuéra ndive oĩ 690 kuimba’e.

7Ha Benjamin tríbugui oike (Jerusalénpe): Salu, Mesulam ra’y, kóva Hodavías ra’y, kóva Asenua ra’y,

8Upéi Ibneías, Jeroham ra’y; ha Ela, Uzi ra’y, kóva Micri ra’y; ha Mesulam, Sefatías ra’y, kóva Reuel ra’y, kóva Ibnías ra’y.

9Ityvyrakuéra ha iñemoñarenguéra ndive oĩkuri 956 kuimba’e. Ko’ã kuimba’e ko’ãva hogaguasu ruvicha réra.

10Pa’ikuéra apytégui oĩ: Jedaías, Joiarib, Jaquin,

11Azarías, Hilcías ra’y, kóva Mesulam ra’y, kóva Sadoc ra’y, kóva Meraiot ra’y, kóva Ahitub ra’y, Ñanderuete rogaguasu rerekua ruvicha (pa’iguasu).

12Adaía, Jeroham ra’y, kóva Pasur ra’y, kóva Malquías ra’y, kóva Masai ra’y, kóva Adiel ra’y, kóva Jazera ra’y, kóva Mesulam ra’y, kóva Mesilemit ra’y, kóva Imer ra’y,

13ha ityvyrakuéra, hogaguasu ruvichakuéra ndive oĩ 1.760 kuimba’e ikatupyrýva Ñanderuete rogaguasu rembiapópe.

14Leviguakuéragui oĩ: Semaías, Hasub ra’y, kóva Azricam ra’y, kóva Hasabías ra’y, ko’ãva Merari ñemoñarenguéra:

15Bacbacar, Heres, Galal ha Matanías, Mica ra’y, kóva Zicri ra’y, kóva Asaf ra’y,

16ha Obadías, Semaías ra’y, kóva Galal ra’y, kóva Jedutun ra’y; ha Berequías, Asa ra’y, kóva Elcana ra’y, ha’e oikova’ekue umi Netofatgua tava’ikuérape.

17Ha umi okẽ ñangarekoharakuéra: Salum, Acub, Talmon, Ahiman ha ityvyrakuéra; Salum imburuvicha.

18Ko ára peve ko’ã Levi ñemoñare aty oiko tetã ruvicha rokẽ ñangarekohára ramo pe kuarahyresẽ gotyoguápe.

19Salum, Core ra’y, kóva Ebiasaf ra’y, kóva Cora ra’y ha ityvyrakuéra umi Cora rogaguasu ndive, ha’ekuéra oñangareko pe óga jojohuha rokẽ rehe. Itúvakuéra oñangareko haguéicha Ñanderuete róga rokẽ rehe.

20Ha Finees, Eleazar ra’y, oiko yma guive huvicha ramo; ha Ñanderuete oĩ hendive.

21Zacarías, Meselmías ra’y, oñangareko pe óga jojohuha rokẽ rehe.

22Umi ojeporavova’ekue okẽ ñangarekohára ramo oĩkuri 212, herakuéra ojehaíva itava’ikuérape, peteĩ kuatiañe’ẽme. David ha Samuel, pe proféta, omoĩ ichupekuéra ko tembiapo kóvape.

23Upéicha ha’ekuéra, ita’yrakuéra ndive, oha’ãrõ oservi hag̃ua hi’arakuérape Ñanderuete róga rokẽ rerekua ramo ha pe óga jojohuha ñangarekohára ramo.

24Ha oĩ okẽ ñangarekoharakuéra irundyve yke gotýo: Kuarahyresẽ, kuarahyreike, nórte ha sur gotýo.

25Ha ityvyrakuéra, oikóva itava’ikuérape, ou jepi oipytyvõ hag̃ua ichupekuéra peteĩ semána pukukuépe.

26Umi Leviguakuéra apytégui oĩ irundy kuimba’e omotenondéva opaite tembiapo, ha oĩmba ipoguýpe umi koty’i ha mba’erepyeta Ñanderuete rogaguasu pegua.

27Ko’ãva poguýpe opyta umi koty Ñanderuete rogaguasu jerekuévo oĩva oñangareko porã hag̃ua, ha oipe’a hag̃ua Ñanderuete róga rokẽnguéra ko’ẽ ko’ẽ rehe ha’ekuéra opyta avei pyharépe.

28Ko’ãva apytégui oĩ avei umi oñangarekóva Ñanderuete rogaguasu rembiporukuéra rehe, ko’ã tembiporu ojepapa ojeporu mboyve ha ojeporu rire, ojekuaa hag̃ua oĩmbaha.

29Ha ambue ijapytepekuéra pópe opyta umi tembiporu ojeporúva Ñanderuete róga kotyguasu oñemboykéva pa’ikuérape, ha oñangareko hag̃ua pe trígo ku’i, víno, acéite, mba’e ryakuã porã ha jukýre.

30Pa’ikuéra apytépe oĩ umi ojapóva acéite hyakuã porãva.

31Ha Matatías, peteĩ Levigua, Salum, ra’y ypykue peteĩ Coraygua, ojapo umi pan oñekuave’ẽtava Ñanderuete rógape.

32Ha Coat ra’ykuéra apytégui oĩ umi ojapóva umi pan ojehechaukáva Ñanderuete róga kotyguasúpe, oñemboykéva pa’ikuérape, ha oñembopyahu meme sábadope g̃uarã.

33Oĩ avei umi opurahéiva, umi Levi rogaguasu ruvicha, ha’ekuéra oiko Ñanderuete róga kotykuérape, ha ndojapói ambue tembiapo, opurahéi hag̃uánte oĩ upépe ára ha pyharekuépe.

34Ko’ã Levi rogaguasu ruvicha oiko Jerusalénpe.

35Gabaónpe oikohína Jehiel, Gabaon táva ruvicha, ha hembireko héra Maaca;

36ha ita’ýra ypykue Abdon, upéi Zur, Cis, Báal, Ner, Nadab,

37Gedor, Ahío, Zacarías ha Miclot;

38ha Miclot ra’y Simeam. Ko’ãva oiko avei ityke’yrakuéra ndive Jerusalénpe.

39Ner ra’y, Cis; Cis ra’y, Saul; ha ita’yrakuéra: Jonatan, Malquisúa, Abinadab ha Es-báal.

40Jonatan ra’y, Merib-báal; ha kóva ra’y Mica.

41Ha Mica ra’ykuéra: Piton, Mélec, Tarea ha Acaz.

42Acaz ra’y, Jara; Jara ra’ykuéra: Alémet, Azmávet ha Zimri; ha Zimri ra’y, Mosa.

43Mosa ra’y, Bina; kóva ra’y Refaías; kóva ra’y Elasa; ha kóva ra’y Azel.

44Ha Azel ita’ýra 6, ha péicha herakuéra: Azricam, Bocru, Ismael, Searías, Obadías ha Hanan. Ko’ãva Azel ra’y meme.

← Chapter 8 Jump to: Chapter 10 →