2 Kings 10

Hausa Arabic 2020 (أَتَّوْرَتْ دَ أَنَّبَاوَا)

← Chapter 9 Jump to: Chapter 11 →

1أَهَبْ يَنَدَ یَیَ مَظَا سَبَعِنْ وَطَنْدَ سُكٜىٰ ذَمَ أَ سَمَرِيَ؞ سَيْ يٜىٰهُو يَرُبُوتَ وَسِيڧَ يَعَيْكَ وَ دُكَنْ شُوغَبَنِّنْ بِرْنِنْ يٜىٰظِرٜىٰيٜىٰلْ دَ شُوغَبَنِّنْ كُواْوَثٜىٰ ذُرِيَ دَ كُمَ مَاسُ لُورَ دَ یَیَ مَظَا نَ أَهَبْ؞ يَثٜىٰ مُسُ،

2«یَیَ مَظَا نَ مَيْغِدَنْكُ سُنَ أَ حَنُّنْكُ، كُنَ كُمَ دَ دَوَكِ دَ كٜىٰكُنَنْ دُواْكِنْ يَاڧِ دَ بِرْنِ مَيْ كَتَنْ‌غَ تَرٜىٰدَ كَايَنْ يَاڧِ؞ تُنْدَ حَكَ يَكٜىٰ، تُواْ دَظَرَرْ كُنْ كَرْٻِ وَنَّنْ وَسِيڧَ،

3سَيْ كُذَاٻِ طَا مَڢِے ثَنْثَنْتَ دَغَ یَیَنْ سَرْكِے، كُنَطَشِ سَرْكِے أَمَدَدِنْ بَابَنْسَ؞ سَعَنً كُڢِتَ كُيِ يَاڧِ نَڟَرٜىٰ غِدَنْ سَرْكِنْكُ؞»

4عَمَّا سَيْ ڟُواْرُواْ مَيْ يَوَ يَكَامَسُ، سُكَثٜىٰ «عِدَنْ حَرْ سَرَاكُنَ بِيُ بَسُ عِيَ ڢُسْكَنْتَرْ يٜىٰهُو بَ، تُواْ، يَيَ ذَامُ عِيَ دَشِ؟»

5سَبُواْدَ حَكَ سَيْ شُوغَبَنْ غِدَنْ سَرْكِے دَ ڠُومْنَنْ بِرْنِنْ دَ دَتَّاوَا دَ مَاسُ لُورَ دَ یَیَنْ سَرْكِے سُكَ تَارُ سُكَ عَيْكَ وَ يٜىٰهُو ثٜىٰوَ «مُو بَايِنْكَ نٜىٰ؞ ذَامُ كُمَيِ دُكَنْ أَبِنْدَ كَثٜىٰ مُيِ؞ بَذَامُ نَطَ وَنِ سَرْكِے بَ؞ كَيِ دُكَنْ أَبِنْدَ يَيِ مَكَ دَيْدَيْ؞»

6سَيْ يٜىٰهُو يَرُبُوتَ مُسُ وَسِيڧَ تَبِيُ يَثٜىٰ، «عِدَنْ كُنَ غُواْيُوانْ بَايَنَ، كُنَ شِرِ كُيِ مِنِ بِيَيَّ، سَيْ كُثِثِّرٜىٰ كَوُنَنْ دُكَنْ یَیَنْ مَيْغِدَنْكُ، كُكَٰوُاْ مِنِسُ أَ يٜىٰظِرٜىٰيٜىٰلْ وَرْهَكَ غُواْبٜىٰ؞» یَیَ مَذَنْ سَرْكِے غُدَا سَبَعِنْ كُوَ سُنَ أَ حَنُّنْ مَنْيَنْ مُتَنٜىٰنْ بِرْنِنْ أَنَ رٜىٰنُوانْسُ؞

7سَعَدَّ وَسِيڧَرْ تَذُواْ حَنُّنْسُ، سَيْ سُكَ كَكَّامَ یَیَ مَذَنْ سَرْكِے غُدَا سَبَعِنْ سُكَ كَكَّشٜىٰ، سُكَ ثِثِّرٜىٰ كَوُنَنْسُ سُكَسَا عَݣُونْدُواْ سُكَ عَيْكَ وَ يٜىٰهُو أَ يٜىٰظِرٜىٰيٜىٰلْ؞

8دَ طَنْ عَيْكَ يَذُواْ يَڢَطَا وَ يٜىٰهُو ثٜىٰوَ أَنْكَٰوُاْ كَوُنَنْ یَیَنْ سَرْكِے، سَيْيَثٜىٰ «كُ أَجِيٜىٰسُ كَشِ بِيُ أَغَبَنْ ڧُواْڢَرْ بِرْنِ، عَبَرْسُ سَيْ غُواْبٜىٰ دَ سَڢٜىٰ؞»

9وَشٜىٰغَرِ دَ سَڢٜىٰ سَيْ يَڢِتَ ذُوَا عِنْدَ جَمَعَ سُكَ تَارُ سُنَ كَلُّوانْ كَوُنَنْ، يَثٜىٰ مُسُ «نِنٜىٰ نَايِ ڧُلّٜىٰ ڧُلّٜىٰ نَا كَشٜىٰ سَرْكِے، بَلَيْڢِنْكُ بَنٜىٰ؞ عَمَّا وَنٜىٰنٜىٰ يَكَشٜىٰ دُكَنْ وَطَنَّنْ؟

10كُسَنِ ڢَا ثٜىٰوَ كَلْمَرْ دَ يَهْوٜىٰهْ يَيِ غَمٜىٰدَ غِدَنْ أَهَبْ لَلَّيْ نٜىٰ ذَاتَ ثِكَ؞ غَمَا يَهْوٜىٰهْ يَا عَيْكَتَ أَبِنْدَ يَڢَطَا تَبَاكِنْ بَاوَنْسَ إِلْيَاسُ ثٜىٰوَ حَكَ ذَيْ ڢَرُ؞»

11سَعَنً يٜىٰهُو يَكَكَّشٜىٰ دُكَنْ مُتَنٜىٰنْ غِدَنْ أَهَبْ أَ يٜىٰظِرٜىٰيٜىٰلْ تَرٜىٰدَ دُكَنْ دَتَّاوَنْ أَهَبْ دَ أَبُواْكَنْ تَڢِيَرْسَ دَ ڢِرِسْتُواْثِے؞ تَهَكَ عَكَ بَرْ أَهَبْ بَابُ كُواْ مُتُمْ غُدَا؞

12يٜىٰهُو يَكَامَ حَنْيَ ذُوَا سَمَرِيَ؞ يَنَ عَكَنْ حَنْيَ يَكَيْ وُرِنْ دَ عَكٜىٰثٜىٰ دَشِ «ذَنْ‌غُوانْ مَكِيَايَ»،

13سَيْ يَهَطُ دَ وَطَنْسُ دَغَ غِدَنْ سَرْكِے أَهَظِيَ نَ يَهُودَ؞ سَيْ يَتَمْبَيٜىٰسُ يَثٜىٰ «كُو سُوَنٜىٰنٜىٰ؟» سُكَ أَمْسَ «مُو نَغِدَنْ أَهَظِيَ نٜىٰ؞ ذَامُتَڢِے غَيْسُوَرْ یَیَنْ غِدَنْ سَرْكِے دَ یَیَ مَظَا نَ سَرَوْنِيَ يٜىٰظٜىٰبٜىٰلْ؞»

14يٜىٰهُو يَثٜىٰ وَمُتَنٜىٰنْسَ «كُكَامَسُ دَ رَيْ!» سُكَ كَكَّامَ دُكَنْسُ أَرْبَعِنْ دَ حُطُ، سُكَ كَكَّشٜىٰسُ أَوَنِ رَامِ كُسَدَ ذَنْ‌غُوانْ مَكِيَايَ، بَابُ طَيَنْ دَ سُكَ بَرِ دَ رَيْ؞

15دَ يٜىٰهُو يَتَاشِ دَغَ وُرِنْ، سَيْ يَغَمُ دَ يٜىٰهُواْنَدَبْ طَنْ رٜىٰكَبْ يَنَ ذُوَا؞ يٜىٰهُو يَغَيْشٜىٰشِ يَثٜىٰ مَسَ «كُواْ كَطَوْكٜىٰنِ أَ ذُوثِيَارْكَ يَدَّ نَطَوْكٜىٰكَ أَ ذُوثِيَاتَ؟» يٜىٰهُواْنَدَبْ يَأَمْسَ يَثٜىٰ «ڨُورَيْ كُوَ!» يٜىٰهُو يَثٜىٰ «عِدَنْ حَكَنٜىٰ، تُواْ كَمِيڧَ مِنِ حَنُّنْكَ؞» يَمِيڧَوَ يٜىٰهُو حَنُّنْسَ؞ سَيْ يٜىٰهُو يَجَا شِ يَهَوْ كٜىٰكٜىٰنْ دُواْكِنْ يَاڧِنْسَ؞

16سَيْ يٜىٰهُو يَثٜىٰ مَسَ «ذُواْ تَرٜىٰدَنِ، كَغَ إِرِنْ ڨُوظُوانْ دَ نَكٜىٰ دَشِ غَ يَهْوٜىٰهْ ؞» سَيْ يٜىٰهُواْنَدَبْ يَتَڢِے تَرٜىٰ دَشِ عَثِكِنْ كٜىٰكٜىٰنْ دُواْكِنْسَ؞

17دَ يٜىٰهُو يَ إِسُواْ سَمَرِيَ، يَكَكَّشٜىٰ دُكَنْ وَنْدَ يَرَغُ دَغَ غِدَنْ أَهَبْ، بِسَغَ كَلْمَرْ دَ يَهْوٜىٰهْ يَيِ تَبَاكِنْ أَنَّبِے إِلْيَاسُ؞

18سَيْ يٜىٰهُو يَتَارَ مُتَنٜىٰنْ سَمَرِيَ يَثٜىٰ مُسُ «أَهَبْ يَيِ وَ بَعَلْ بَوْتَا كَطَنْ نٜىٰ كَوَيْ، عَمَّا يٜىٰهُو ذَيْ يِوَ بَعَلْ بَوْتَا ڢِيٜىٰدَ حَكَ؞

19كُكِرَا مِنِ دُكَنْ أَنَّبَاوَنْ بَعَلْ دَ دُكَنْ مَاسُ يِمَسَ سُجَّدَ تَرٜىٰدَ ڢِرِسْتُواْثِنْسَ؞ كَدَ عَبَرْ كُواْ مُتُمْ طَيَ، غَمَا إِنَدَ بَبَّرْ هَدَايَرْدَ نَكٜىٰسُواْ إِنْيِ وَ بَعَلْ؞ دُكَنْ وَنْدَ بَايَ نَنْ ذَاعَ كَشٜىٰشِ؞» عَمَّا يٜىٰهُو يَيِ وَيُواْ نٜىٰ دُواْمِنْ يَهَلَّكَ مَاسُ سُجَّدَ غَ بَعَلْ؞

20يٜىٰهُو يَعُمَرْتَ يَثٜىٰ «عَكٜىٰٻٜىٰ رَانَرْ مُهِمِّنْ تَارُواْ دُواْمِنْ يِنْ سُجَّدَ غَ بَعَلْ؞» عَكَ كُوَ كٜىٰٻٜىٰ أَنْكُمَيِ شٜىٰلَرْ رَانَرْ؞

21يٜىٰهُو يَعَيْكَ دَ سَڧُواْ ذُوَا كُواْعِنَ عَڧَسَرْ إِسْرَٰٓءِيلَ يَغَيَّثِ دُكَنْ مَاسُ سُجَّدَ غَ بَعَلْ سُذُواْ؞ دُكَنْسُ سُكَذُواْ، بَاوَنْدَ يَڢَسَ ذُوَا، حَرْ سُكَ ثِكَ غِدَنْ بَعَلْ مَڧِلْ؞

22يَثٜىٰ وَمَيْ لُورَ دَ رِيغُنَنْ يِنْ سُجَّدَ يَبَا كُواْوَنّٜىٰ مَيْيِ وَ بَعَلْ سُجَّدَ يَسَا؞ مُتُمِنْ كُوَ يَبَاسُ رِيغُنَنْ سُكَسَا؞

23سَيْ يٜىٰهُو يَشِغَ ثِكِنْ غِدَنْ بَعَلْ تَرٜىٰدَ يٜىٰهُواْنَدَبْ طَنْ رٜىٰكَبْ؞ سَعَنً يَثٜىٰ وَمَاسُيِ وَ بَعَلْ سُجَّدَ «كُدُوبَ سُواْسَيْ أَڟَكَانِنْكُ، كُتَبَّتَرْ بَابُوَنْدَ يَكٜىٰ سُجَّدَ غَ يَهْوٜىٰهْ أَڟَكِيَرْكُ، سَيْدَيْ كُو كَطَيْ؞»

24سُكَ شِغَ ثِكِ دُواْمِنْ سُمِيڧَ هَدَايَ تَڧُواْنَاوَا غَ بَعَلْ؞ يٜىٰهُو يَا رِغَا يَا سَا مُتَنٜىٰ تَمَٰنِنْ أَوَجٜىٰ سُكٜىٰوَيٜىٰ وُرِنْ، يَبَاسُ عُمَرْنِ ثٜىٰوَ «دُكْ وَنْدَ يَبَرْ وَنِنْدَ نَسَا أَ حَنُّنْكُ يَغُدُ، عَبَاكِنْ رَنْسَ نٜىٰ!»

25دَظَرَرْ يَغَمَ مِيڧَ هَدَايَ، سَيْيَڢِتَ يَثٜىٰ وَمَاسُ غَادِ دَ مَنْيَنْ سُواْجُواْجِ «كُشِغَ مَظَا كُكَكَّشٜىٰسُ دُكَ؞ كَدَ كُيَرْدَ وَنِ يَكُٻُثٜىٰ!» سُكَ كَشٜىٰسُ دَ تَكُواْبِے سُكَجٜىٰڢَرْ دَ جِكُنَنْسُ وَجٜىٰ؞ سَعَنً سُكَ شِغَ ثِكِ ثِكِنْ غِدَنْ بَعَلْ،

26سُكَ ڢِتَرْدَ دُوڟٜىٰنْ سُجَّدَرْ بَعَلْ وَجٜىٰ سُكَسَا مَسَ وُتَا؞

27سُكَ ڢَرْڢَسَ دُوڟٜىٰنْ سُجَّدَرْ بَعَلْ دَ كُمَ غِدَنْسَ، سُكَ مَيْدَشِ وُرِنْ بَايَنْ غِدَا؞ حَكَكُمَ يَكٜىٰ هَرْوَيَوْ؞ ﴿شٜىٰكَرَا 841-814 كَاڢِنْ حَيْڢُوَرْ عِيسَىٰ ﴾

28تَهَكَنٜىٰ يٜىٰهُو يَكَوَرْدَ سُجَّدَرْ بَعَلْ دَغَ إِسْرَٰٓءِيلَ؞

29عَمَّا يٜىٰهُو بَيْ جُويَا دَغَ ذُنُبَنْ يٜىٰرُواْبُواْوَمْ طَنْ نٜىٰبَتْ بَ، وَنْدَ يٜىٰرُواْبُواْوَمْ يَسَا إِسْرَٰٓءِيلَاوَا سُكَ عَيْكَتَ، وَتُواْ تَوُرِنْ كَڢَ صِڢُّواْڢِنْ یَنْ بِجِمَيْ نَظِينَارِيَ وَطَنْدَ يَكَڢَ طَيَ أَ بٜىٰتٜىٰلْ، طَيَ كُمَ أَ دَنْ؞

30سَيْ يَهْوٜىٰهْ يَثٜىٰ وَ يٜىٰهُو «تُنْدَيَكٜىٰ كَا عَيْكَتَ أَبِنْدَ يَكٜىٰ مَيْݣَوْ غَ عِدَنُونَ، كَكُمَيِ وَغِدَنْ أَهَبْ دُكَنْ أَبِنْدَ يَكٜىٰ أَ ذُوثِيَاتَ، إِنَ يِمَكَ أَلْڧَوَرِ ثٜىٰوَ ذُرِيَرْكَ ذَاسُيِ مُلْكٍ إِسْرَٰٓءِيلَ حَرْ ڟَارَا تَهُطُ؞»

31عَمَّا يٜىٰهُو بَيْ كِيَايٜىٰ كُواْيَرْوَرْ يَهْوٜىٰهْ اللَّهْ نَ إِسْرَٰٓءِيلَ دَ دُكَنْ ذُوثِيَارْسَبَ؞ بَيْ دَيْنَ ذُنُوبِنْ يٜىٰرُواْبُواْوَمْ وَنْدَ يَسَا إِسْرَٰٓءِيلَاوَا سُكَ عَيْكَتَ بَ؞

32عَݣُونَكِنْنَنْ، يَهْوٜىٰهْ يَا ڢَارَ ضَغٜىٰ ڢَاطِنْ يَنْكِنْ ڧَسَرْ إِسْرَٰٓءِيلَ؞ سَرْكِے هَظَيٜىٰلْ نَ سُورِيَ يَڨُوثٜىٰ يَنْكُنَنْ إِسْرَٰٓءِيلَ دَ يَاڧِ،

33دَغَ كُواْغِنْ يُواْدَنْ وَجٜىٰنْ غَبَسْ، حَرْ ذُوَا غَرِنْ أَرُواْوٜىٰرْ عَݣُورِنْ كُواْغِنْ أَرْنُوانْ، وَتُواْ دُكَنْ يَنْكِنْ غِلٜىٰيَدْ دَ بَشَنْ، عِنْدَ مُتَنٜىٰنْ ذُرِيَرْ غَدْ دَ نَ رَعُبَيْنُ دَ نَ مَنَسّٜىٰ سُكٜىٰ دَ ذَمَ؞

34سَوْرَنْ أَيُّكَنْ يٜىٰهُو دَ دُكَنْ أَبِنْدَ يَيِ دَ دُكَنْ إِيكُوانْ مُلْكِنْسَ سُنَ أَرُبُوثٜىٰ عَثِكِنْ لِتَّڢِنْ تَارِيحِنْ سَرَاكُنَنْ إِسْرَٰٓءِيلَ؞

35يٜىٰهُو يَكُواْمَ غَ كَاكَنِّنْسَ، عَكَ بِنّٜىٰشِ أَ سَمَرِيَ؞ يٜىٰهُواْوَهَظْ طَنْسَ يَغَاجٜىٰشِ يَذَمَ سَرْكِے؞

36يٜىٰهُو يَيِ مُلْكٍ إِسْرَٰٓءِيلَ أَ سَمَرِيَ شٜىٰكَرَا عَشِرِنْ دَ تَݣُوسْ؞

← Chapter 9 Jump to: Chapter 11 →