2 Kings 25

Hausa Arabic 2020 (أَتَّوْرَتْ دَ أَنَّبَاوَا)

← Chapter 24 Jump to:

1أَنَانً أَ شٜىٰكَرَا تَتَرَ تَمُلْكٍ سَرْكِے صَدِڧِيَ، أَ رَانَ تَغُواْمَ غَ وَتَنْ غُواْمَ، سَيْ سَرْكِے نٜىٰبُكَدْنٜىٰزَّرْ نَ بَابِيلَ يَذُواْ دَ دُكَنْ سُواْجُواْجِنْسَ دُواْمِنْ يَاڧِ دَ عُرُوشَلِيمَ؞ يَكٜىٰوَيٜىٰ بِرْنِنْ دُواْمِنْ يَاڧِ، يَكُمَ تَادَ أَبُبُوَنْ هَوْرَ كَتَنْ‌غَ دُواْمِنْ يَاڧِ؞

2عَكَ كٜىٰوَيٜىٰ بِرْنِنْ دَ يَاڧِ حَرْ ذُوَا شٜىٰكَرَا تَغُواْمَشَا طَيَ تَمُلْكٍ سَرْكِے صَدِڧِيَ؞

3أَ رَانَ تَتَرَ غَ وَتَنْ حُطُ، لُواْكَثِنْ دَ يُنْوَ تَيِ ڟَنَنِ عَبِرْنِنْ، كُمَ بَابُ عَبِنْثِ دُواْمِنْ مُتَنٜىٰ سُثِ،

4سَيْ عَكَ ڢَسَ وَنِ سَاشٜىٰ نَكَتَنْ‌غَرْ بِرْنِنْ؞ سَيْ دُكَنْ سُواْجُواْجِنْ سُكَ غُدُ دَ دَرٜىٰ تَوُرِنْ ڧُواْڢَرْ دَتَكٜىٰ ڟَكَانِنْ بَنْ‌غُواْ بِيُ، وَدَّ تَكٜىٰ كُسَدَ غُواْنَرْ سَرْكِے؞ سَعَدَّ سُواْجُواْجِنْ بَابِيلَ سُنَ كٜىٰوَيٜىٰ دَ بِرْنِنْ، سَرْكِے صَدِڧِيَ دَ سُواْجُواْجِنْسَ سُكَ غُدُ ذُوَا تَݣُورِنْ يُواْدَنْ؞

5عَمَّا سُواْجُواْجِنْ بَابِيلَ سُكَبِے سَرْكِے صَدِڧِيَ سُكَ كَامَ شِ أَ ڢِيلَيٜىٰنْ يٜىٰرِكُواْ؞ سَيْ دُكَنْ سُواْجُواْجِنْسَ سُكَ وَڟٜىٰ سُكَ بَرْ شِ؞

6سَعَنً سُواْجُواْجِنْ بَابِيلَ سُكَ كَامَ سَرْكِے صَدِڧِيَ سُكَ كَيْ وَ سَرْكِنْ بَابِيلَ أَغَرِنْ رِبْلَ؞ عَثَنْ سَرْكِنْ بَابِيلَ يَيَنْكٜىٰ مَسَ حُكُنْثِ؞

7سُكَ كَشٜىٰ یَیَ مَظَا نَ صَدِڧِيَ أَعِدَنُونْسَ؞ سَيْ سُكَ ثِثِّرٜىٰ مَسَ إِدَانُو سُكَسَا مَسَ سَرْڧَ، سُكَ طَوْكٜىٰشِ ذُوَا بَابِيلَ؞

8أَ رَانَ تَبَݣَويْ غَ وَتَنْ بِيَرْ، وَدَّ تَذَمَ شٜىٰكَرَا تَغُواْمَشَا تَرَ تَمُلْكٍ سَرْكِے نٜىٰبُكَدْنٜىٰزَّرْ نَ بَابِيلَ، نٜىٰبُظَرَدَنْ، شُوغَبَنْ یَنْ غَادِنْ سَرْكِنْ بَابِيلَ يَشِغَ عُرُوشَلِيمَ؞

9سَيْ يَسَا وُتَا أَ غِدَنْ يَهْوٜىٰهْ دَ غِدَنْ سَرْكِے دَ دُكَنْ غِدَاجٜىٰنْ مَنْيَنْ مُتَنٜىٰ نَ عُرُوشَلِيمَ؞

10سَيْ دُكَنْ سُواْجُواْجِنْ بَابِيلَ وَطَنْدَ سُكٜىٰ تَرٜىٰدَ نٜىٰبُظَرَدَنْ سُكَ رُشٜىٰ كَتَنْ‌غَرْ دَتَكٜىٰوَيٜىٰ عُرُوشَلِيمَ؞

11سَيْ نٜىٰبُظَرَدَنْ شُوغَبَنْ یَنْ غَادِنْ سَرْكِے يَكَامَ سَوْرَنْ مُتَنٜىٰنْ دَ سُكَ رَغُ ثِكِنْ بِرْنِنْ عُرُوشَلِيمَ دَ سُواْجُواْجِ وَطَنْدَ سُكَ مِيڧَ كَنْسُ وُرِنْسَ دَ سَوْرَنْ مُتَنٜىٰنْ، دُكَنْسُ يَكَيْسُ بَوْتَا عَ بَابِيلَ؞

12عَمَّا يَبَرْ وَطَنْسُ مُتَنٜىٰ مَڢِے تَلَوْثِ عَڧَسَرْ دُواْمِنْ سُيِ عَيْكِنْ نُواْمَ سُكُمَ لُورَ دَ غُواْنَكِنْ إِنَبِے؞

13سَيْ سُواْجُواْجِنْ بَابِيلَ سُكَ ڢَرْڢَسَ غِنْشِڧَنْ تَغُلَّ دَ أَمَلَنْكٜىٰنْ تَغُلَّ نَرِڧٜىٰ ضُوَ دَ ڧَتُوانْ ݣُونُوانْ تَغُلَّ وَنْدَ عَكٜىٰ كِرَنْسَ تٜىٰكُ وَطَنْدَ سُكٜىٰ أَ غِدَنْ يَهْوٜىٰهْ ؞ سُواْجُواْجِنْ سُكَ ݣُوشِ دُكَنْ ڧَرْڢٜىٰنْ تَغُلَّرْ ذُوَا بَابِيلَ؞

14سُكَ ݣُوشِ تُݣُونٜىٰنْ ڧَرْڢٜىٰ دَ شٜىٰبُرُواْرِ دَ أَبُبُوَنْ كَشٜىٰ ڢِتِلُ دَ تَاسُواْشِنْ رِڧٜىٰ تُرَارٜىٰ دَ دُكَنْ كَايَنْ تَغُلَّ وَطَنْدَ عَكٜىٰيِنْ أَمْڢَانِ دَسُو عَثِكِنْ غِدَنْ يَهْوٜىٰهْ ؞

15سُكَ كُمَ ݣُوشِ ݣُونُواْنِ نَݣُوشِ غَرْوَشِنْ وُتَادَ سَوْرَنْ ݣُونُواْنِ؞ دُكَنْ أَبِنْدَ يَكٜىٰ نَظِينَارِيَ دَ أَبِنْدَ يَكٜىٰ نَأَظُرْڢَا، نٜىٰبُظَرَدَنْ يَݣُوشٜىٰ يَتَڢِے دَسُو؞

16تَغُلَّرْ غِنْشِڧَيْ بِيُنَّنْ دَ تَڧَتُوانْ ݣُونُوانْ دَ عَكٜىٰ كِرَنْسَ تٜىٰكُ دَ تَدُكَنْ أَمَلَنْكٜىٰنْ مَاسُ رِڧٜىٰ ضُوَ وَطَنْدَ سَرْكِے سُلَيْمَٰنُ يَيِ دُواْمِنْ غِدَنْ يَهْوٜىٰهْ ، تَاڢِ غَبَنْ عَوْنَاوَا؞

17كُواْوَنٜىٰ غِنْشِڧِ ڟَيِنْسَ يَيِ ڧَڢَا عَشِرِنْ دَ بَݣَويْ، كَنْسَ نَتَغُلَّ كُمَ يَيِ ڧَڢَا حُطُ دَ رَبِے؞ كُواْوَنٜىٰ كَنْ غِنْشِڧِنْ يَنَدَ أَدُوانْ ذَانِ ذَانِنْ رَاغَرْ سَرْڧَ دَ نَیَیَنْ رُمَّنْ؞

18نٜىٰبُظَرَدَنْ شُوغَبَنْ یَنْ غَادِنْ سَرْكِنْ بَابِيلَ يَطَوْكِ سٜىٰرَيَ بَبَّنْ ڢِرِسْتِ دَ زَڢَنِيَ مَيْ بِيٜىٰ دَشِ، تَرٜىٰدَ ڢِرِسْتُواْثِے عُكُنْ دَسُكٜىٰ غَادِنْ ڧُواْڢَرْ شِغَ غِدَنْ يَهْوٜىٰهْ ؞

19دَغَ مُتَنٜىٰنْ دَ حَرْ يَنْذُ سُنَ ثِكِنْ بِرْنِنْ، يَطَوْكِ وَنِ شُوغَبَنْ سُواْجُواْجِ دَ دَتَّاوَا بِيَرْ نَسَرْكِے؞ يَكُمَ طَوْكِ مَرُبُوثِ نَشُوغَبَنْ سُواْجُواْجِنْ ڧَسَرْ وَنْدَ يَكٜىٰ طَوْكَرْ مُتَنٜىٰ أَ عَيْكِنْ سُواْجَ، تَرٜىٰدَ وَطَنْسُ مُتَنٜىٰ سِتِّنْ دَ عَكَ سَامُ عَثِكِنْ بِرْنِنْ؞

20نٜىٰبُظَرَدَنْ يَݣُوشِ مُتَنٜىٰنَّنْ دُكَ يَكَٰوُاْوَ سَرْكِنْ بَابِيلَ أَغَرِنْ رِبْلَ؞

21سَيْ سَرْكِنْ بَابِيلَ يَكَشٜىٰسُ أَنَنْ رِبْلَ ثِكِنْ يَنْكِنْ هَمَتْ؞ تَهَكَ عَكَ ݣُوشِ مُتَنٜىٰنْ يَهُودَ تِلَسْ دَغَ ڧَسَرْسُ ذُوَا بَوْتَا؞

22سَرْكِے نٜىٰبُكَدْنٜىٰزَّرْ نَ بَابِيلَ يَسَا غٜىٰدَلِيَ طَنْ أَهِكَمْ جِيكَنْ شَڢَنْ يَذَمَ ڠُومْنَنْ مُتَنٜىٰنْ دَ سُكَ رَغُ عَڧَسَرْ يَهُودَ؞

23سَعَدَّ دُكَنْ سَوْرَنْ شُوغَبَنِّنْ سُواْجُواْجِنْ يَهُودَ دَ سُكَ غُدُ دَغَ سُواْجُواْجِنْ بَابِيلَ سُنْ جِ أَنْسَا غٜىٰدَلِيَ يَذَمَ ڠُومْنَ، سَيْ سُكَذُواْ وُرِنْسَ أَ مِظْڢَ؞ سُونٜىٰ إِسْمَٰعِيلُ طَنْ نٜىٰتَنِيَ دَ يُواْهَنَنْ طَنْ كَرٜىٰيَ دَ سٜىٰرَيَ طَنْ تَنْهُمٜىٰتْ مُتُمِنْ نٜىٰتُواْڢَ دَ يَعَظَنِيَ طَنْ مُتُمِنْ مَعَكَتْ دَ سَوْرَنْ سُواْجُواْجِنْسُ؞

24سَيْ غٜىٰدَلِيَ يَرَنْڟٜىٰ مُسُ دَ سَوْرَنْ سُواْجُواْجِنْسُ يَثٜىٰ «كَدَ كُجِڟُواْرُوانْ دَتَّاوَنْ بَابِيلَ دَمُكٜىٰ دَسُو؞ كُذَوْنَ عَڧَسَرْ، كُيِ بِيَيَّ دَ سَرْكِنْ بَابِيلَ، ذَاكُ سَامِ ذَمَنْ لَاڢِيَ؞»

25عَمَّا أَوَتَ نَبَݣَويْ نَوَنَّنْ شٜىٰكَرَا، إِسْمَٰعِيلُ طَنْ نٜىٰتَنِيَ جِيكَنْ عٜىٰلِشَمَ، طَيَ دَغَ ثِكِنْ دَنْ‌غِنْ سَرْكِے تَرٜىٰدَ مُتَنٜىٰ غُواْمَ سُكَ كَشٜىٰ غٜىٰدَلِيَ؞ سُكَ كُمَ كَشٜىٰ مُتَنٜىٰنْ يَهُودَ دَ نَ بَابِيلَ دَسُكٜىٰ تَرٜىٰدَ غٜىٰدَلِيَ أَ مِظْڢَ؞

26سَيْ دُكَنْ مُتَنٜىٰنْ، بَبَّ دَ ڧَرَمِ، تَرٜىٰدَ شُوغَبَنِّنْ سُواْجُواْجِ سُكَتَاشِ سُكَ غُدُ ذُوَا ڧَسَرْ مَصَرْ، غَمَا سُنَ ڟُواْرُوانْ مُتَنٜىٰنْ بَابِيلَ؞

27أَ شٜىٰكَرَا تَتَلَتِنْ دَ بَݣَويْ بَايَنْدَ عَكَ كَيْ سَرْكِے يٜىٰهُواْيَكِنْ بَوْتَا عَكَ كُمَسَا شِ عَكُرْكُكُ، سَيْ عٜىٰبِلْمٜىٰرُواْدَكْ يَذَمَ سَرْكِنْ بَابِيلَ؞ أَوَنَّنْ شٜىٰكَرَا أَ رَانَ تَعَشِرِنْ دَ بَݣَويْ غَ وَتَنْ غُواْمَشَا بِيُ، سَيْ سَرْكِے عٜىٰبِلْمٜىٰرُواْدَكْ يَجِ تَوْسَيِنْ يٜىٰهُواْيَكِنْ، يَڢِتَرْ دَشِ دَغَ كُرْكُكُ؞

28سَرْكِے عٜىٰبِلْمٜىٰرُواْدَكْ يَيِ وَ سَرْكِے يٜىٰهُواْيَكِنْ مَغَنَرْ أَلْحٜىٰرِ، يَكُمَ بَاشِ مَڟَيِ ڢِيٜىٰدَ سَوْرَنْ سَرَاكُنَنْ دَسُكٜىٰ أَ حَنُّنْسَ عَ بَابِيلَ؞

29عَكَ يَرْدَ وَسَرْكِے يٜىٰهُواْيَكِنْ يَتُوٻٜىٰ رِيغُنَنْسَ نَكُرْكُكُ؞ دَغَ لُواْكَثِنَّنْ، يَيِ تَثِنْ عَبِنْثِ تَرٜىٰدَ سَرْكِنْ بَابِيلَ دُكَنْ سَوْرَنْ ݣُونَكِنْ رَنْسَ؞

30سَرْكِے عٜىٰبِلْمٜىٰرُواْدَكْ يَسَا عَكَ تَنَدَوَ سَرْكِے يٜىٰهُواْيَكِنْ أَبِنْ بِيَنْ بُڧَاتَ نَيَوْ دَكُلُّمْ حَرْ دُكَنْ ݣُونَكِنْ رَنْسَ؞

← Chapter 24 Jump to: