2 Kings 8

Hausa Arabic 2020 (أَتَّوْرَتْ دَ أَنَّبَاوَا)

← Chapter 7 Jump to: Chapter 9 →

1دَا مَا أَلْيَسَعَ يَڢَطَا وَمَثٜىٰنْدَ يَمَيْدَ رَنْ طَنْتَ دَغَ مَتَتُّو ثٜىٰوَ تَتَاشِ دَ عِيَلِنْتَ سُغُدُ ذُوَا وَنِ وُرِے، غَمَا يَهْوٜىٰهْ يَثٜىٰ ذَيْ عَيْكَ دَ يُنْوَ عَڧَسَرْ حَرْ شٜىٰكَرَا بَݣَويْ؞

2سَيْ مَثٜىٰنْ تَتَاشِ تَيِ كَمَرْ يَدَّ مُتُمِنْ اللَّهْ يَڢَطَا مَتَ؞ تَا تَڢِے دَ عِيَلِنْتَ سُكَ ذَوْنَ عَڧَسَرْ مُتَنٜىٰنْ ڢِلِسْتِيَ شٜىٰكَرَا بَݣَويْ؞

3بَايَنْ وَطَنَّنْ شٜىٰكَرُ بَݣَويْ، سَيْ مَثٜىٰنْ تَكُواْمَ دَغَ ڧَسَرْ ڢِلِسْتِيَ؞ تَا تَڢِے وُرِنْ سَرْكِے تَكَيْ كُوكَنْتَ دُواْمِنْ يَسَا أَ مَيَرْ مَتَ دَ غِدَنْتَ دَ غُواْنَرْتَ؞

4سَرْكِے كُوَ يَسَا غٜىٰهَظِ يَبَاشِ لَابَرِنْ دُكَنْ أَيُّكَنْ بَنْ مَامَاكِنْ دَ أَلْيَسَعَ يَيِ؞

5سَعَدَّ يَكٜىٰ ڢَطَا وَسَرْكِے عَكَنْ يَدَّ أَلْيَسَعَ يَتَادَ مَتَتُّو، سَيْغَا مَثٜىٰنْ دَ أَلْيَسَعَ يَمَيْدَ رَنْ طَنْتَ تَشِغُواْ تَنَ كُوكَا غَ سَرْكِے يَسَا أَ مَيَرْ مَتَ دَ غِدَنْتَ دَ كُمَ غُواْنَرْتَ؞ سَيْ غٜىٰهَظِ يَثٜىٰ «رَنْكَيَدَطٜىٰ، يَا سَرْكِے، غَ مَثٜىٰنْ! غَا كُمَ طَنْتَ وَنْدَ أَلْيَسَعَ يَمَيْدَ رَنْسَ!»

6دَ سَرْكِے يَتَمْبَيِ مَاتَرْ، سَيْ تَڢَطَا مَسَ؞ سَعَنً سَرْكِے يَعُمَرْثِ طَيَ دَغَ ثِكِنْ دَتَّاوَنْسَ يَتَبَّتَرْ ثٜىٰوَ أَنْمَيَرْ مَتَ دَ دُكَنْ أَبِنْدَ يَكٜىٰ نَاتَ، تَرٜىٰدَ دُكَنْ رِيبَرْ غِرْبِنْ دَ عَكَيِ أَوُرِنْ تُنْدَغَ رَانَرْ دَ تَبَرْ ڧَسَرْ حَرْ ذُوَا لُواْكَثِنْ دَ تَ دَاوُاْ؞

7أَلْيَسَعَ يَتَڢِے دِمَشْڧُ لُواْكَثِنْ دَ سَرْكِے بٜىٰنْهَدَدْ نَ سُورِيَ يَنَ ثِكِنْ رَشِنْ لَاڢِيَ؞ سَيْ وَنِ يَڢَطَا وَ بٜىٰنْهَدَدْ ثٜىٰوَ أَلْيَسَعَ مُتُمِنْ اللَّهْ يَذُواْ حَرْ نَنْ غَرِنْ؞

8دَ سَرْكِے يَجِ حَكَ، سَيْيَثٜىٰ وَ هَظَيٜىٰلْ يَطَوْكِ ݣَوْتَا يَتَڢِے وُرِنْ مُتُمِنْ اللَّهْ ؞ سَعَنً يَسَا أَلْيَسَعَ يَنٜىٰمِ نُڢِنْ يَهْوٜىٰهْ أَمَدَدِنْسَ، كُواْ شِ سَرْكِے ذَيْ وَرْكٜىٰ دَغَ ثِيوُانْسَ؞

9هَظَيٜىٰلْ يَڢِتَ ذُوَا وُرِنْ أَلْيَسَعَ تَرٜىٰدَ ݣَوْتَرْ كَايَ مَاسُ ݣَوْ إِرِنَّ دِمَشْڧُ، وَطَنْدَ رَاڧُمَ أَرْبَعِنْ سُكَ طَوْكَ؞ دَ يَ إِسُواْ غَبَنْ أَلْيَسَعَ سَيْيَثٜىٰ «طَنْكَ سَرْكِے بٜىٰنْهَدَدْ نَ سُورِيَ يَعَيْكٜىٰنِ إِنْ تَمْبَيٜىٰكَ كُواْ ذَيْ وَرْكٜىٰ دَغَ ثِيوُانْسَ؟»

10أَلْيَسَعَ يَثٜىٰ «جٜىٰ كَغَيَ مَسَ ذَيْ وَرْكٜىٰ، عَمَّا يَهْوٜىٰهْ يَا نُونَ مِنِ ثٜىٰوَ لَلَّيْ ذَيْ مُتُ؞»

11أَلْيَسَعَ يَكَڢَ وَ هَظَيٜىٰلْ عِدُواْ سَيْ دَ هَظَيٜىٰلْ يَجِ كُنْيَا؞ سَعَنً أَلْيَسَعَ يَڢَشٜىٰ دَ كُوكَا؞

12سَيْ هَظَيٜىٰلْ يَتَمْبَيٜىٰشِ يَثٜىٰ «رَنْكَيَدَطٜىٰ، دُوانْمٜىٰ كَكٜىٰ كُوكَا؟» أَلْيَسَعَ يَأَمْسَ يَثٜىٰ «سَبُواْدَ نَسَنْ مُغُنْتَارْ دَ ذَاكَيِ وَمُتَنٜىٰنْ إِسْرَٰٓءِيلَ؞ ذَاكَ ڧُواْڧُّواْنٜىٰ كَتَنْ‌غَرْ بِرَنٜىٰنْسُ، ذَاكَ كَكَّشٜىٰ سَمَارِنْسُ دَ تَكُواْبِے، ذَاكَ ڢَرْڢَشٜىٰ كَوُنَنْ يَارَنْسُ ڧَنَانَا عَڧَسَا، ذَاكَ يَيَّاغٜىٰ ثِكِنْ مَاتَا مَاسُ جُونَ بِيُ؞»

13هَظَيٜىٰلْ يَثٜىٰ «يَيَ نِے بَاوَنْكَ ذَنْعِيَ يِنْ بَبَّنْ أَبُ كَمَرْ حَكَ، نِے دَ نَكٜىٰ كَمَرْ كَرٜىٰ؟» أَلْيَسَعَ يَثٜىٰ مَسَ « يَهْوٜىٰهْ يَا نُونَ مِنِ ثٜىٰوَ ذَاكَ ذَمَ سَرْكِنْ سُورِيَ؞»

14دَ هَظَيٜىٰلْ يَكُواْمَ سَيْ بٜىٰنْهَدَدْ يَتَمْبَيٜىٰشِ يَثٜىٰ «مٜىٰنٜىٰنٜىٰ أَلْيَسَعَ يَڢَطَا مَكَ؟» هَظَيٜىٰلْ يَثٜىٰ «أَلْيَسَعَ يَثٜىٰ لَلَّيْ ذَاكَ وَرْكٜىٰ؞»

15عَمَّا وَشٜىٰغَرِ سَيْ هَظَيٜىٰلْ يَطَوْكِ بَرْغُواْ يَجِڧَ أَ ضُوَ يَرُڢٜىٰ ڢُسْكَرْ سَرْكِے، حَرْ سَيْ دَ يَمُتُ؞ تَهَكَ هَظَيٜىٰلْ يَهَوْ كُجٜىٰرَرْ مُلْكٍ بٜىٰنْهَدَدْ؞ ﴿شٜىٰكَرَا 848-841 كَاڢِنْ حَيْڢُوَرْ عِيسَىٰ ﴾

16أَ شٜىٰكَرَا تَبِيَرْ تَمُلْكٍ سَرْكِے يُواْرَمْ طَنْ أَهَبْ نَ إِسْرَٰٓءِيلَ، سَرْكِے يٜىٰهُواْرَمْ طَنْ يٜىٰهُواْشَڢَتْ نَ يَهُودَ يَڢَارَ مُلْكِ؞

17يٜىٰهُواْرَمْ يَنَدَ شٜىٰكَرَا تَلَاتِنْ دَ بِيُ سَعَدَّ يَذَمَ سَرْكِے، يَكُوَ يِمُلْكِ أَ عُرُوشَلِيمَ شٜىٰكَرَا تَݣُوسْ؞

18عَمَّا يٜىٰهُواْرَمْ يَبِے مُوغُوَرْ حَنْيَرْ سَرَاكُنَنْ إِسْرَٰٓءِيلَ كَمَرْ يَدَّ غِدَنْ أَهَبْ سُكَيِ، غَمَا يَا عَوْرِ یَرْ أَهَبْ؞ تَهَكَ يَعَيْكَتَ مُغُنْتَا أَعِدُوانْ يَهْوٜىٰهْ ؞

19عَمَّا يَهْوٜىٰهْ بَيْ سُواْ يَهَلَّكَ ڧَسَرْ يَهُودَ بَ سَبُواْدَ بَاوَنْسَ دَاوُدَ، تُنْدَيَكٜىٰ يَيِ مَسَ مَغَنَ ثٜىٰوَ ذَيْبَاشِ ڢِتِلَرْ مُلْكٍ حَرْ أَبَدَا، شِ دَ ذُرِيَرْسَ؞

20لُواْكَثِنْ دَ سَرْكِے يٜىٰهُواْرَمْ يَنَ مُلْكِ عَڧَسَرْ يَهُودَ، سَيْ مُتَنٜىٰنْ عٜىٰدُوامْ سُكَيِ مَسَ تَاوَيٜىٰ، سُكَ نَطَ وَكَنْسُ سَرْكِے؞

21دُواْمِنْ حَكَ، سَيْ يٜىٰهُواْرَمْ يَڢِتَ دَ دُكَنْ كٜىٰكُنَنْ دُواْكِنْ يَاڧِنْسَ ذُوَا غَرِنْ ظَيِرْ؞ سُواْجُواْجِنْ عٜىٰدُوامْ سُكَ كٜىٰوَيٜىٰشِ أَوُرِنْ، عَمَّا دَ دَرٜىٰ سَيْ يٜىٰهُواْرَمْ يَبُغٜىٰسُ يَغُدُ، سُواْجُواْجِنْسَ كُمَ سُكَ وَرْوَڟٜىٰ ذُوَا غِدَاجٜىٰنْسُ؞

22هَرْوَيَوْ عٜىٰدُوامْ تَنَ تَتَاوَيٜىٰ غَ مُلْكٍ يَهُودَ؞ أَ لُواْكَثِ طَيَ نٜىٰ غَرِنْ لِبْنَ عِتَمَا تَيِ تَاوَيٜىٰ؞

23سَوْرَنْ أَيُّكَنْ يٜىٰهُواْرَمْ دَ دُكَنْ أَبِنْدَ يَيِ سُونَ أَرُبُوثٜىٰ عَثِكِنْ لِتَّڢِنْ تَارِيحِنْ سَرَاكُنَنْ يَهُودَ؞

24يٜىٰهُواْرَمْ يَكُواْمَ غَ كَاكَنِّنْسَ عَكَ كُمَ بِنّٜىٰشِ تَرٜىٰدَسُو عَبِرْنِنْ دَاوُدَ؞ سَيْ أَهَظِيَ طَنْسَ يَغَاجٜىٰشِ يَذَمَ سَرْكِے؞ ﴿شٜىٰكَرَا 841 كَاڢِنْ حَيْڢُوَرْ عِيسَىٰ ﴾

25أَ شٜىٰكَرَا تَغُواْمَشَا بِيُ تَمُلْكٍ سَرْكِے يُواْرَمْ طَنْ أَهَبْ نَ إِسْرَٰٓءِيلَ، أَهَظِيَ طَنْ سَرْكِے يٜىٰهُواْرَمْ نَ يَهُودَ يَڢَارَ مُلْكِ؞

26أَهَظِيَ يَنَدَ شٜىٰكَرَا عَشِرِنْ دَ بِيُ سَعَدَّ يَڢَارَ مُلْكِ؞ يَيِ شٜىٰكَرَا طَيَ يَنَ مُلْكِ أَ عُرُوشَلِيمَ؞ سُونَنْ مَامَرْسَ أَتَلِيَ نٜىٰ، جِيكَرْ سَرْكِے عُوامْرِ نَ إِسْرَٰٓءِيلَ؞

27دَيَكٜىٰ أَهَظِيَ يَ عَوْرِ یَرْ أَهَبْ نٜىٰ، سَيْ يَيِ تَڢِيَ أَ مُوغُوَرْ حَنْيَرْ غِدَنْ أَهَبْ، يَنَ عَيْكَتَ مُغُنْتَا أَعِدُوانْ يَهْوٜىٰهْ ؞

28سَرْكِے أَهَظِيَ نَ يَهُودَ يَبِے سَرْكِے يُواْرَمْ نَ إِسْرَٰٓءِيلَ ذُوَا يَاڧِ دُواْمِنْ سُيَاڧٜىٰ سَرْكِے هَظَيٜىٰلْ نَ سُورِيَ؞ أَ رَمَ تَڧَسَرْ غِلٜىٰيَدْ، سُرِيَاوَا سُكَيِ وَ سَرْكِے يُواْرَمْ رَوْنِ؞

29سَيْ سَرْكِے يُواْرَمْ يَكُواْمَ بِرْنِنْ يٜىٰظِرٜىٰيٜىٰلْ دُواْمِنْ عَيِ مَسَ جِنْيَرْ رَوْنُكَنْ دَ سُرِيَاوَا سُكَيِ مَسَ أَ رَمُواتْ؞ سَيْ سَرْكِے أَهَظِيَ طَنْ يٜىٰهُواْرَمْ نَ يَهُودَ يَغَنْ‌غَرَ دُواْمِنْ يَظِيَرْثٜىٰ شِ دَيَكٜىٰ يَنَ ثِيوُاْ؞

← Chapter 7 Jump to: Chapter 9 →