2 Kings 9

Hausa Arabic 2020 (أَتَّوْرَتْ دَ أَنَّبَاوَا)

← Chapter 8 Jump to: Chapter 10 →

1أَنَانً سَيْ أَنَّبِے أَلْيَسَعَ يَكِرَا طَيَ دَغَ ثِكِنْ ڧُنْ‌غِيَرْ أَنَّبَاوَا يَثٜىٰ مَسَ «يِشِرِ، كَطَوْرَ رِغَرْكَ دَ طَمَرَ، كَطَوْكِ ݣُولَبَرْ مَنْ ظَيْتُنْ أَ حَنُّنْكَ، كَتَڢِے رَمُواتْ تَڧَسَرْ غِلٜىٰيَدْ؞

2سَعَدَّ كَا إِسَ وُرِنْ، سَيْ كَنٜىٰمِ يٜىٰهُو طَنْ يٜىٰهُواْشَڢَتْ جِيكَنْ نِمْشِ؞ كَسَا يَتَاشِ دَغَ ثِكِنْ أَبُواْكَنْسَ كُشِغَ وَنِ طَاكِ؞

3سَعَنً كَطَوْكِ ݣُولَبَرْ مَنْ ظَيْتُنَّنْ كَظُبَ مَسَ عَكَيْ، سَعَنً كَثٜىٰ، ‹إِنْجِ يَهْوٜىٰهْ «نَكٜىٰٻٜىٰكَ سَرْكِنْ إِسْرَٰٓءِيلَ؞» › سَيْ كَبُوطٜىٰ ڧُواْڢَرْ كَغُدُ، بَابُ ٻَاتَ لُواْكَثِ؞»

4سَيْ وَنَّنْ سَوْرَيِنْ دَيَكٜىٰ أَنَّبِے يَتَڢِے رَمُواتْ تَڧَسَرْ غِلٜىٰيَدْ؞

5دَ يَشِغَ يَسَامِ مَنْيَنْ سُواْجُواْجِ سُنَتَارُواْ؞ سَيْ يَثٜىٰ «يَا شُوغَبَا، إِنَدَ سَڧُواْ دُواْمِنْكَ؞» سَيْ يٜىٰهُو يَثٜىٰ مَسَ «سَڧُوانْ غَ وَنٜىٰنٜىٰ عَثِكِنْمُ؟» أَنَّبِنْ يَثٜىٰ «ذُوَا غَرٜىٰكَ نٜىٰ، يَا شُوغَبَا!»

6سَيْ يٜىٰهُو يَتَاشِ، سُكَ شِغَ ثِكِنْ وَنِ طَاكِ؞ سَعَنً يَجُويٜىٰ مَيْ طِنْ عَكَنْ يٜىٰهُو، سَيْيَثٜىٰمَسَ «إِنْجِ يَهْوٜىٰهْ نَ إِسْرَٰٓءِيلَ، ‹نَا كٜىٰٻٜىٰكَ سَرْكِے عَكَنْ جَمَعَتَ إِسْرَٰٓءِيلَ؞

7ذَاكَ هَلَّكَرْ دَ غِدَنْ مَيْغِدَنْكَ أَهَبْ، دُواْمِنْ إِنْ حُكُنْتَ يٜىٰظٜىٰبٜىٰلْ عَكَنْ جِنِنْ أَنَّبَاوَنَ دَ نَسَوْرَنْ مَاسُ حِدِمَتَ وَطَنْدَ تَكَشٜىٰ؞

8ذَنْ هَلَّكَرْ دَ دُكَنْ غِدَنْ أَهَبْ دَغَ إِسْرَٰٓءِيلَ، كُواْوَنٜىٰ نَمِجِ، كُواْ شِے بَاوَ نٜىٰ كُواْ بَبَاوَ بَ، ذَنْ كَشٜىٰشِ؞

9ذَنْسَا غِدَنْ أَهَبْ يَذَمَ كَمَرْ غِدَنْ يٜىٰرُواْبُواْوَمْ طَنْ نٜىٰبَتْ دَ كُمَ كَمَرْ غِدَنْ بَعَشَ طَنْ أَهِيَ؞

10بَذَاعَ بِنّٜىٰ يٜىٰظٜىٰبٜىٰلْ بَ، كَرْنُكَ ذَاسُ ثِنْيٜىٰ جِكِنْتَ عَيَنْكِنْ يٜىٰظِرٜىٰيٜىٰلْ؞› » بَايَنْ ڢَطِنْ حَكَ سَيْ أَنَّبِنْ يَبُوطٜىٰ ڧُواْڢَ يَڢِتَ أَغُجٜىٰ؞

11سَعَدَّ يٜىٰهُو يَڢِتُواْ ذُوَا وُرِنْ سَوْرَنْ مَنْيَنْ سُواْجُواْجِنْ، سَيْ سُكَ تَمْبَيٜىٰشِ سُكَثٜىٰ «لَاڢِيَ دَيْ؟ مٜىٰيَكَٰوُاْ مَهَوْكَثِنَّنْ يَذُواْ وُرِنْكَ؟» يٜىٰهُو يَأَمْسَ مُسُ يَثٜىٰ «أَيْ، كُنْ سَنْ إِرِنْ مُتُمِنَّنْ دَ إِرِنْ مَغَنَرْسَ؞»

12سُكَثٜىٰ مَسَ «ڧَضْيَا كَكٜىٰيِ! ڢَطَا مَنَ أَبِنْدَ يَڢَطَا مَكَ!» يٜىٰهُو كُوَ يَثٜىٰمُسُ «مُتُمِنْ يَثٜىٰ، إِنْجِ يَهْوٜىٰهْ ، ‹نَكٜىٰٻٜىٰكَ كَذَمَ سَرْكِنْ إِسْرَٰٓءِيلَ؞› »

13نَنْ دَ نَنْ، سَيْ سُكَ تُوٻٜىٰ مَنْيَنْ رِيغُنَنْسُ، سُكَ شِمْڢِطَا أَ مَتَاكَنْ دُواْمِنْ يٜىٰهُو يَڟَيَ عَكَيْ؞ سَيْ سُكَ بُوسَ ڧَهُواْ سُنَ إِيهُ ثٜىٰوَ «يٜىٰهُو نٜىٰ سَرْكِے!»

14غَا يَدَّ يٜىٰهُو طَنْ يٜىٰهُواْشَڢَتْ جِيكَنْ نِمْشِ يَيِ ڧُلّٜىٰ ڧُلّٜىٰنْ كَشٜىٰ سَرْكِے يُواْرَمْ؞ أَ لُواْكَثِنْ كُوَ يُواْرَمْ دَ دُكَنْ سُواْجُواْجِنْ إِسْرَٰٓءِيلَ سُنَ أَ رَمُواتْ تَڧَسَرْ غِلٜىٰيَدْ سُنَ ڟَرٜىٰ ڧَسَرْ إِسْرَٰٓءِيلَ دُواْمِنْ كَدَ سَرْكِے هَظَيٜىٰلْ نَ سُورِيَ يَڢَاطَ مَتَ دَ يَاڧِ؞

15عَمَّا أَ لُواْكَثِنْ يُواْرَمْ يَا رِغَيَا كُواْمَ يٜىٰظِرٜىٰيٜىٰلْ، دُواْمِنْ جِنْيَ سَبُواْدَ رَوْنُكَنْ دَ سُرِيَاوَا سُكَيِ مَسَ عَيَاڧِ؞ سَيْ يٜىٰهُو يَثٜىٰ وَمَنْيَنْ سُواْجُواْجِ «دَيَكٜىٰ كُنَ غُواْيُوانْ بَايَنْ وَنَّنْ، سَيْ كُتَبَّتَرْ بَابُوَنْدَ يَبَرْ وَنَّنْ بِرْنِنْ ذُوَا يٜىٰظِرٜىٰيٜىٰلْ دُواْمِنْ يَبَادَ لَابَرِ؞»

16يٜىٰهُو يَشِرْيَ كٜىٰكٜىٰنْ دُواْكِنْ يَاڧِنْسَ يَهَوْ ذُوَا يٜىٰظِرٜىٰيٜىٰلْ، عِنْدَ يُواْرَمْ يَكٜىٰ ݣُونْثٜىٰ دُواْمِنْ رَشِنْ لَاڢِيَ؞ أَ لُواْكَثِنْ كُوَ، سَرْكِے أَهَظِيَ نَ يَهُودَ يَا رِغَيَا غَنْ‌غَرُواْ دُواْمِنْ يَغَيْ دَ يُواْرَمْ؞

17وَنِ طَنْ سِنْتِرِ يَنَ ڟَيٜىٰ أَطَاكِنْ طَنْ سِنْتِرِ عَكَنْ كَتَنْ‌غَرْ يٜىٰظِرٜىٰيٜىٰلْ، سَيْ يَهَنْ‌غِ يٜىٰهُو دَ مُتَنٜىٰنْسَ سُنَ ذُوَا، سَيْ يَطَغَ مُرْيَ يَسَنَرْ ثٜىٰوَ «غَا وَطَنْسُ عَكَنْ دَوَكِ سُنَ ذُوَا؞» سَرْكِے يُواْرَمْ يَثٜىٰ «أَ عَيْكَ وَنِ مَيْ هَوَنْ دُواْكِ يَجٜىٰ يَتَمْبَيٜىٰسُ يَثٜىٰ، ‹لَاڢِيَ كُوَ؟› »

18مَيْ هَوَنْ دُواْكِنْ يَتَڢِے وُرِنْ يٜىٰهُو يَثٜىٰ مَسَ «إِنْجِ سَرْكِے، ‹ذُوَانْكُ لَاڢِيَ كُوَ؟› » يٜىٰهُو يَثٜىٰ «إِنَا ضُوَنْكَ دَ ذَنْثٜىٰنْ لَاڢِيَ؟ كُواْمَ بَايَ كَبِينِ؞» طَنْ سِنْتِرِ يَسَنَرْ يَثٜىٰ «وَنْدَ عَكَ عَيْكَ يَكَيْ وُرِنْ مُتَنٜىٰنْ، عَمَّا بَايَ دَاوُاْوَ؞»

19عَكَ سَاكٜىٰ عَيْكَ وَنِ مَيْ هَوَنْ دُواْكِ يَجٜىٰ يَثٜىٰمُسُ «إِنْجِ سَرْكِے، ‹لَاڢِيَ كُوَ؟› » يٜىٰهُو يَسَاكٜىٰ ثٜىٰوَ «إِنَا ضُوَنْكَ دَ ذَنْثٜىٰنْ لَاڢِيَ؟ كُواْمَ بَايَ كَبِينِ؞»

20طَنْ سِنْتِرِ يَسَاكٜىٰ سَنَرْ يَثٜىٰ «وَنْدَ عَكَ عَيْكَ نَبِيُنْ يَكَيْ وُرِنْ مُتَنٜىٰنْ، عَمَّا شِے مَا بَايَ دَاوُاْوَ؞ شُوغَبَنْسُ كُوَ يَنَ تَڢِيَ كَمَرْ يٜىٰهُو طَنْ نِمْشِ، غَمَا غُدُنْ دُواْكِنْسَ كَمَرْ مَهَوْكَثِ نٜىٰ؞»

21سَرْكِے يُواْرَمْ يَبَادَ عُمَرْنِ يَثٜىٰ «كُشِرْيَ مِنِ كٜىٰكٜىٰنْ دُواْكِنَ!» سَيْ سَرْكِے يُواْرَمْ نَ إِسْرَٰٓءِيلَ دَ سَرْكِے أَهَظِيَ نَ يَهُودَ سُكَتَاشِ، كُواْوَ عَثِكِنْ كٜىٰكٜىٰنْ دُواْكِنْ يَاڧِنْسَ، دُواْمِنْ سُغَمُ دَ يٜىٰهُو؞ سُكَ كُوَ غَمُ عَكَنْ ڢِيلِنْ دَ دَا يَكٜىٰ نَ نَبُواتْ مُتُمِنْ يٜىٰظِرٜىٰيٜىٰلْ؞

22دَ يُواْرَمْ يَهَطُ دَ يٜىٰهُو سَيْيَثٜىٰمَسَ «يٜىٰهُو، لَاڢِيَ كَذُواْ؟» يٜىٰهُو يَأَمْسَ يَثٜىٰ «يَيَ كُوَ ذَيْ ذَمَ لَاڢِيَ، تُنْدَيَكٜىٰ مَيْتَنْثِ دَ بَوْتَرْ غُمَكَنْ دَ مَامَرْكَ يٜىٰظٜىٰبٜىٰلْ تَكَٰوُاْ سُنَانَنْ دَيَوَ؟»

23يُواْرَمْ يَجُويٜىٰ دُواْكِنْسَ يَغُدُ يَنَثٜىٰ وَ أَهَظِيَ «كَيْ! وَنَّنْ ثِنْ أَمَانَ نٜىٰ، أَهَظِيَ!»

24يٜىٰهُو يَجَا بَكَنْسَ دَ دُكَنْ ڧَرْڢِنْسَ، يَسَكٜىٰ كِبِيَ، تَهَرْبِے يُواْرَمْ ڟَكَانِنْ كَڢَطَرْسَ حَرْ تَسُواْكِ ذُوثِيَارْسَ؞ سَيْ يُواْرَمْ يَڢَاطَ ثِكِنْ كٜىٰكٜىٰنْ دُواْكِنْسَ؞

25يٜىٰهُو يَثٜىٰ وَ بِدْكَرْ مَيْ حِدِمَرْسَ «كَڢِتَرْدَ جِكِنْ، كَجٜىٰڢَرْ أَغُواْنَرْ نَبُواتْ مُتُمِنْ يٜىٰظِرٜىٰيٜىٰلْ؞ كُواْ كَتُنَ دَ رَانَرْ دَمُكٜىٰ تَڢِيَ تَرٜىٰدَ أَهَبْ بَابَنْسَ، سَيْ يَهْوٜىٰهْ يَڢَطِ وَنَّنْ كَلْمَ غَمٜىٰدَشِ؟

26غَمَا يَهْوٜىٰهْ يَثٜىٰ مَسَ، ‹نَا ضَنْڟٜىٰ ثٜىٰوَ ذَنْسَاكَ مَكَ عَكَنْ وَنَّنْ ڢِيلِنْ، سَبُواْدَ جِنِنْ نَبُواتْ دَ نَیَیَنْسَ وَنْدَ نَغَ جِيَ؞› دُواْمِنْ حَكَ كَطَوْكٜىٰشِ كَجٜىٰڢَرْ أَنَنْ ڢِيلِنْ نَبُواتْ، بِسَغَ مَغَنَرْ يَهْوٜىٰهْ ؞»

27دَ سَرْكِے أَهَظِيَ نَ يَهُودَ يَغَ حَكَ، سَيْ يَغُدُ يَبِے حَنْيَرْ بٜىٰتْ هَغَّنْ؞ يٜىٰهُو كُوَ يَبِے شِ يَيِ إِيهُ يَثٜىٰ «كُهَرْبٜىٰ شِ، شِے مَا!» سُكَ هَرْبٜىٰ شِ عَثِكِنْ كٜىٰكٜىٰنْ دُواْكِنْسَ دَيْدَيْ يَنَ تَڢِيَ أَ هَوَنْ غُرْ، وَنْدَ يَكٜىٰ كُسَدَ إِبْلٜىٰيَمْ؞ سَيْ يَغُدُ ذُوَا مٜىٰغِدُّواْ يَمُتُ أَوُرِنْ؞

28دَتَّاوَنْسَ سُكَ طَوْكٜىٰشِ ثِكِنْ كٜىٰكٜىٰنْ دُواْكِنْ يَاڧِ ذُوَا عُرُوشَلِيمَ، سُكَ بِنّٜىٰشِ ثِكِنْ كَبَرِنْسَ تَرٜىٰدَ كَاكَنِّنْسَ عَبِرْنِنْ دَاوُدَ؞

29أَ شٜىٰكَرَا تَغُواْمَشَا طَيَ تَمُلْكٍ سَرْكِے يُواْرَمْ طَنْ أَهَبْ نٜىٰ، أَهَظِيَ يَڢَارَ مُلْكِ أَ يَهُودَ؞

30لُواْكَثِنْ دَ يٜىٰظٜىٰبٜىٰلْ سَرَوْنِيَ مَامَرْ سَرْكِے تَجِ ثٜىٰوَ يٜىٰهُو يَذُواْ يٜىٰظِرٜىٰيٜىٰلْ، سَيْ تَيِ شَاڢٜىٰ شَاڢٜىٰ أَ ڢُسْكَرْتَ، تَڠَرَ غَاشِنْ كَنْتَ، سَيْ تَلٜىٰڧَ تَتَغَ؞

31دَ يٜىٰهُو يَكَيْ ڧُواْڢَرْ ذَيْ شِغَ، سَيْ يٜىٰظٜىٰبٜىٰلْ تَتَادَ مُرْيَرْتَ تَثٜىٰ مَسَ «يَا كَيْ مَيْ كَشٜىٰ شُوغَبَنْسَ كَمَرْ يَدَّ ظِمْرِ يَيِ، لَاڢِيَ كَذُواْ؟»

32دَ يٜىٰهُو يَطَغَ إِدَانُو يَغَنْتَ، سَيْيَثٜىٰ «وَنٜىٰنٜىٰ يَكٜىٰ غُواْيُوانْ بَايَنَ؟ كُواْ أَݣَويْ وَنِ؟» سَيْ بَابَانِّ بِيُ كُواْ عُكُ سُكَ نُونَ كَنْسُ غَرٜىٰشِ؞

33يٜىٰهُو يَثٜىٰ مُسُ «كُجٜىٰڢَ تَڧَسَا!» سُكَ جٜىٰڢَتَ تَتَغَ، جِنِنْتَ يَظُبَ كُواْعِنَ عَبَنْ‌غُوانْ دَ كُمَ أَجِكِنْ دَوَكِنْ؞ سَيْ يٜىٰهُو يَسَا دَوَكِنْسَ سُكَ تَتَّاكَ جِكِنْتَ؞

34سَعَنً يٜىٰهُو يَشِغَ غِدَنْ سَرْكِے يَثِ عَبِنْثِ؞ بَايَنْ حَكَ سَيْيَثٜىٰ «أَ جٜىٰ أَبِنّٜىٰ مَاتَرْ نَنْ مَيْ لَعَنَ غَمَا عِتَ یَرْ سَرْكِے ثٜىٰ؞»

35عَمَّا دَ سُكَجٜىٰ سُطَوْكٜىٰتَ بَسُ تَرَرْ دَ كُواْمٜىٰبَ، سَيْدَيْ ڧَشِنْ كَنْتَ دَ نَڧَڢَاڢُنْتَ دَ نَتَڢِنْ حَنُّنْتَ كَطَيْ؞

36دَ سُكَ دَاوُاْ سُكَ ڢَطَا مَسَ، سَيْيَثٜىٰ «وَنَّنْ يَثِكَ كَلْمَرْ دَ يَهْوٜىٰهْ يَيِ تَبَاكِنْ بَاوَنْسَ إِلْيَاسُ مُتُمِنْ تِشْبٜىٰ ثٜىٰوَ ‹أَ يَنْكِنْ يٜىٰظِرٜىٰيٜىٰلْ كَرْنُكَ ذَاسُثِ نَامَنْ جِكِنْ يٜىٰظٜىٰبٜىٰلْ؞

37ذَاعَ وَرْوَڟَ جِكِنْتَ كُواْعِنَ عَتَتَّاكَ كَمَرْ كَاشِنْ دَبَّ أَ ڢِيلِنْ يَنْكِنْ يٜىٰظِرٜىٰيٜىٰلْ، يَدَّ بَابُوَنْدَ ذَيْ عِيَ ثٜىٰوَ «يٜىٰظٜىٰبٜىٰلْ ثٜىٰ وَنَّنْ؞» › »

← Chapter 8 Jump to: Chapter 10 →