2 Kings 19

Hausa Arabic 2020 (أَتَّوْرَتْ دَ أَنَّبَاوَا)

← Chapter 18 Jump to: Chapter 20 →

1دَ سَرْكِے هٜىٰزٜىٰكِيَ يَجِ مَغَنَرْسُ، سَيْ يَيَيَّاغٜىٰ رِغَرْسَ، يَسَا رِيغُنَنْ نُونَ بَڧِنْ ثِكِ؞ سَيْ يَشِغَ غِدَنْ يَهْوٜىٰهْ ؞

2يَعَيْكَ عٜىٰلِيَكِمْ شُوغَبَنْ غِدَنْ سَرْكِے دَ شٜىٰبْنَ مَرُبُوثِ، تَرٜىٰدَ مَنْيَنْ ڢِرِسْتُواْثِے، دُكَنْسُ سَنْيٜىٰ دَ رِيغُنَنْ نُونَ بَڧِنْ ثِكِ، ذُوَا وُرِنْ أَنَّبِے عِشَايَ طَنْ أَمُواظْ؞

3سُكَثٜىٰ وَ عِشَايَ «إِنْجِ هٜىٰزٜىٰكِيَ، ‹يَوْ رَانَرْ بَڧِنْ ثِكِ ثٜىٰ، رَانَرْ حُكُنْثِ دَ ڧَسْڧَنْثِ؞ مُنَ كَمَرْ یَیَنْ دَ سُكَذُواْ غَ حَيْڢُوَ عَمَّا بَابُ ڧَرْڢِنْ دَ ذَاعَ حَيْڢٜىٰسُ؞

4مَيْ يِوُوَ يَهْوٜىٰهْ اللَّهْ نْكَ يَلُورَ دَ دُكَنْ مَغَنْ‌غَنُنْ غُواْرِنَّنْ نَوَكِيلِنْ أَسُّرِيَ، وَنْدَ شُوغَبَنْسَ سَرْكِنْ أَسُّرِيَ يَعَيْكَ يَيِ وَ اللَّهْ مَيْ رَيْ؞ مَيْ يِوُوَ يَهْوٜىٰهْ اللَّهْ نْكَ ذَيْ ڟَاوَتَا وَ مَغَنْ‌غَنُنَّنْ دَ يَجِ؞ كَيْ ڢَا، سَيْ كَتَادَ أَدُّعَرْكَ سَبُواْدَ ضَغُواْوَرْ جَمَعَرْكَ؞› »

5بَايَنْدَ عِشَايَ يَكَرْٻِ سَڧُوانْ سَرْكِے هٜىٰزٜىٰكِيَ دَغَ دَتَّاوَنْ سَرْكِے،

6سَيْ يَبَادَ أَمْسَ يَثٜىٰ «كُڢَطَا وَشُوغَبَنْكُ ثٜىٰوَ ‹إِنْجِنِ يَهْوٜىٰهْ ، كَدَ كُجِڟُواْرُواْ سَبُواْدَ مَغَنْ‌غَنُنْ غُواْرِنَّنْ دَ كُكَجِ وَكِلَنْ سَرْكِنْ أَسُّرِيَ سُكَيِ عَكَيْنَ؞

7غَاشِ، نِے دَكَيْنَ ذَنْسَا مَسَ وَنِ رُوحٌ دَ ذَيْسَا يَجِ وَتَ جِيتَ جِيتَرْ دَ ذَاتَسَا يَكُواْمَ ڧَسَرْسَ؞ عَثَنْ ذَنْسَا عَكَشٜىٰشِ دَ تَكُواْبِے؞› »

8دَ وَكِيلِنْ سَرْكِے يَكُواْمَ، سَيْ يَغَمُ دَ سَرْكِنْ أَسُّرِيَ يَنَ يَاڧِ دَ لِبْنَ، غَمَا وَكِيلِنْ يَجِ لَابَرِ ثٜىٰوَ سَرْكِنْ يَا رِغَا يَا بَرْ بِرْنِنْ لَكِشْ؞

9أَنَانً سَيْ سَرْكِنْ أَسُّرِيَ يَسَامِ لَابَرِ ثٜىٰوَ سَرْكِے تِرْهَكَ نَ إِتِيُواْڢِيَ يَڢِتُواْ دَ سُواْجُواْجِنْسَ دُواْمِنْ سُيَاڧٜىٰشِ؞ سَيْ سَرْكِے يَعَيْكَ دَ یَنْ عَيْكَ ذُوَا وُرِنْ هٜىٰزٜىٰكِيَ ثٜىٰوَ

10«كُثٜىٰ وَ سَرْكِے هٜىٰزٜىٰكِيَ نَ يَهُودَ، ‹كَدَ كَيَرْدَ اللَّهْ نْكَ وَنْدَ كَكٜىٰ دُواْغَضَ عَكَيْ يَرُوطٜىٰكَ ثٜىٰوَ بَذَاعَ بَادَ عُرُوشَلِيمَ أَ حَنُّنْ سَرْكِنْ أَسُّرِيَ بَ؞

11أَيْ، كَاجِ يَدَّ سَرَاكُنَنْ أَسُّرِيَ سُكَيِ دَ دُكَنْ ڧَسَاشٜىٰ، يَدَّ سُكَ هَلَكَاسُ غَبَاطَيَ؞ كَيْ نٜىٰ كَنَ غَنِ ذَاكَ كُٻُتَ؟

12كَاكَنِّنَ سُكَ هَلَّكَ مُتَنٜىٰنْ غُواْظَنْ دَ نَ هَرَنْ دَ نَ رٜىٰظٜىٰڢْ دَ نَ عَيْدَنْ وَطَنْدَ سُكٜىٰ أَ تٜىٰلَسَّرْ؞ بَابُ كُواْ طَيَ دَغَ ثِكِنْ أَلُّواْلِنْسُ وَنْدَ يَ عِيَ كُٻُتَرْ دَسُو!

13إِنَا نٜىٰ سَرْكِنْ هَمَتْ دَ سَرْكِنْ أَرْڢَدْ سُكٜىٰ عَيَوْ؟ إِنَا كُمَ سَرْكِنْ بِرْنِنْ سٜىٰڢَرْوَيِمْ دَ سَرْكِنْ هٜىٰنَ، كُواْ نَ إِوَّ؟› »

14سَرْكِے هٜىٰزٜىٰكِيَ يَكَرْٻِ وَسِيڧَرْ دَغَ حَنُّنْ یَنْ عَيْكَنْ، يَكَرَنْتَ؞ سَيْ يَهَوْرَ دَ عِتَ ثِكِنْ غِدَنْ يَهْوٜىٰهْ ، يَشِمْڢِطَا وَسِيڧَرْ أَغَبَنْ يَهْوٜىٰهْ ؞

15سَيْ هٜىٰزٜىٰكِيَ يَيِ أَدُّعَ غَ يَهْوٜىٰهْ يَثٜىٰ، «يَا يَهْوٜىٰهْ اللَّهْ نَ إِسْرَٰٓءِيلَ، سَرْكِنْ دَيَكٜىٰ ذَمَ عَبِسَنْ حَلِتُّو مَاسُ ڢِكَڢِكَيْ، كَيْ كَطَيْ نٜىٰ اللَّهْ نَدُكَنْ مُلْكُواْكِنْ دُونِيَا؞ كَيْ نٜىٰ كَايِ سَمَ دَ دُونِيَا؞

16يَا يَهْوٜىٰهْ ، كَكَسَ كُنّٜىٰ كَجِ، كَبُوطٜىٰ عِدَنُونْكَ كَغَنِ، كَسَوْرَرِ مَغَنْ‌غَنُنْ غُواْرِنْ دَ سَرْكِے سٜىٰنَّكٜىٰرِبْ يَكٜىٰيِ مَكَ، كَيْ اللَّهْ مَيْ رَيْ؞

17أَغَسْكِيَ كَمْ، يَا يَهْوٜىٰهْ ، سَرَاكُنَنْ أَسُّرِيَ سُنْ هَلَّكَرْ دَ أَلْعُمَّيْ دَ ڧَسَاشٜىٰ دَيَوَ؞

18سُنْ كُمَ جٜىٰڢَرْ دَ أَلُّواْلِنْ أَلْعُمَّنْ عَثِكِنْ وُتَا سُكَ هَلَاكَسُ، غَمَا سُو غُمَكَنٜىٰ، صِڢُّواْڢِنٜىٰ كَوَيْ وَطَنْدَ یَنْ أَدَمْ سُكَيِ دَ حَنُّوَنْسُ دَغَ إِتَاثٜىٰ دَ دُوَڟُو؞

19يَنْذُ يَا يَهْوٜىٰهْ اللَّهْ نْمُ، مُنَ ضُواْڧُوانْكَ، كَكُٻُتَرْ دَمُو دَغَ حَنُّنْ سَرْكِے سٜىٰنَّكٜىٰرِبْ دُواْمِنْ دُكَنْ مُلْكُواْكِنْ دُونِيَا سُسَنِ ثٜىٰوَ كَيْ كَطَيْ نٜىٰ اللَّهْ ، يَا يَهْوٜىٰهْ ؞»

20عِشَايَ طَنْ أَمُواظْ يَعَيْكَ وَ هٜىٰزٜىٰكِيَ دَ سَڧُواْ يَثٜىٰ، «إِنْجِ يَهْوٜىٰهْ اللَّهْ نَ إِسْرَٰٓءِيلَ، ‹نَجِ أَدُّعَرْكَ غَمٜىٰدَ سَرْكِے سٜىٰنَّكٜىٰرِبْ نَ أَسُّرِيَ؞›

21غَا مَغَنَرْ دَ يَهْوٜىٰهْ يَيِ غَمٜىٰدَ سٜىٰنَّكٜىٰرِبْ؞ ‹بُدُرْوَ ذُوثِيَاتَ سِهِيُواْنَ تَنَ رٜىٰنَكَ، تَنَيِ مَكَ غُواْرِ؞ ذُوثِيَاتَ عُرُوشَلِيمَ تَنَ كَطَ كَنْتَ دَ دَارِيَا يَدَّ كَكٜىٰ غُدُ؞

22وَنٜىٰنٜىٰ كَكٜىٰيِ مَسَ ذَاغِ دَ رٜىٰنِ؟ وَنٜىٰنٜىٰ كَكٜىٰ بُوطٜىٰ بَاكِنْكَ عَكَنْسَ؟ وَنٜىٰنٜىٰ كَكٜىٰ طَغَ مَسَ كَيْ؟ أَيْ دَنِے كَكٜىٰ غَابَا، نِے مَيْ ڟَرْكِے نَ إِسْرَٰٓءِيلَ!

23تَیَنْ عَيْكَنْكَ كَيِ وَ عُبَنْ‌غِجِ غُواْرِ؞ كَثٜىٰ تَيَوَنْ كٜىٰكُنَنْ يَاڧِنْكَ، كَاهَوْ كَنْ تُدَّيْ مَڢِے ڟَيِ، حَرْ إِيَاكَرْ ڟَوُانْ تُدَّنْ لٜىٰبَنُوانْ؞ كَاݣُونْتَرْ دَ عِتَتُوَنْ سٜىٰدَ مَڢِے ڟَيِ، دَ عِتَتُوَنْ ڢِرْ مَڢِے ݣَوْ؞ كَاثٜىٰ كَاكَيْ إِيَاكَرْ تُدَّنْ لٜىٰبَنُوانْ، كَاشِغَ ثِكِ ثِكِنْ كُرْمِنْتَ؞

24كَنَ تَاڧَمَ دَ رِجِيُواْيِنْدَ كَتُواْنَ كَشَا ضُوَنْدَ بَنَڧَسَرْكَبَ؞ كَاتُواْشٜىٰ دُكَنْ رَاڢُڢُّكَنْ مَصَرْ دَ تَاكَاوَرْ تَڢِنْ ڧَڢَرْ سُواْجُواْجِنْكَ؞

25« ‹بَكَجِبَ؟ تُنْ تُنِ نَشِرْيَ حَكَ ذَيْ ڢَرُ؞ تُنْ ݣُونَكِنْ دَا نَشِرْيَ أَبِنْدَ نَكٜىٰ ثِكَاوَا يَنْذُ، وَتُواْ يَدَّ ذَاكَ مَيْدَ بِرَنٜىٰ مَاسُ كَتَنْ‌غَ كُڢَيْ،

26يَدَّ مَذَوْنَنْ بِرَنٜىٰنْ ذَاسُ رَسَ ڧَرْڢِے، ذَاسُجِڟُواْرُواْ سُضِكِثِے، سُذَمَ كَمَرْ ثِيَوَ أَدَاجِ، كَمَرْ ڧأَنَانً غَنْيَيٜىٰ، كَمَرْ ڟِرُواْ عَكَنْ رُڢِنْ طَاكِ، وَنْدَ إِسْكَ تَبُوشٜىٰ كَاڢِنْ يَيِ غِرْمَ؞

27نِے ڢَا إِنَ سَنٜىٰدَ ذَمَنْكَ، دَ ڢِتَرْكَ دَ شِغُواْوَرْكَ، دَ ذَاڢِنْ ڢُشِنْكَ عَكَيْنَ؞

28دَيَكٜىٰ كَيِ ڢُشِے مَيْ ذَاڢِ عَكَيْنَ، كُمَ لَابَرِنْ غِرْمَنْ كَنْكَ يَكَيْ كُنّٜىٰنَ، تُواْ، ذَنْسَا ڧُوغِيَتَ أَهَنْثِنْكَ إِنْسَا لِنْظَمِنَ عَبَاكِنْكَ؞ ذَنْ جُويَرْ دَكَيْ كَكُواْمَ تَهَنْيَرْدَ كَڢِتُواْ؞› »

29سَيْ عِشَايَ يَثٜىٰ وَ هٜىٰزٜىٰكِيَ، «غَا أَبِنْدَ ذَيْ ذَمَ مَكَ عَلَمَ؞ أَوَنَّنْ شٜىٰكَرَا ذَاكُثِ دَغَ أَبِنْدَ يَڟِيرَا دَ كَنْسَ؞ أَ شٜىٰكَرَا تَبِيُنْ كُمَ ذَاكُثِ أَبِنْدَ يَڟِيرَا دَغَ نَشٜىٰكَرَا تَڢَرْكُوانْ؞ عَمَّا أَ شٜىٰكَرَا تَ عُكُنْ، كُيِ نُواْمَ، كُيِ غِرْبِے، كُشُوكَ غُواْنَكِنْ إِنَبِے، كُثِ أَمْڢَانِنْسُ؞

30ضَغُواْوَرْ غِدَنْ يَهُودَ ذَاسُ يَلْوَتَ، ذَاسُ كَڢُ سُيَلْوَتَ كَمَرْ إِتَاثٜىٰنْ دَ سَيْوُاْيِنْسَ سُكَ سَوْكَ ثِكِنْ ڧَسَا، رَسَّنْسَ عَبِسَ كُمَ سُكَ بَادَ یَیَ؞

31غَمَا دَغَ عُرُوشَلِيمَ ضَغُواْوَرْ جَمَعَ ذَاتَ ڢِتُواْ، دَغَ بَبَّنْ تُدُنْ سِهِيُواْنَ ذَاعَ سَامِ ڧُنْ‌غِيَرْ وَطَنْدَ سُكَ ڟِيرَا؞ كِيشِنْ ڧَوْنَرْ يَهْوٜىٰهْ مَيْ ضُنْدُنَا نٜىٰ ذَيْ يِوَنَّنْ؞»

32«سَبُواْدَ حَكَ، إِنْجِ يَهْوٜىٰهْ غَمٜىٰدَ سَرْكِنْ أَسُّرِيَ، « ‹بَذَيْ شِغَ بِرْنِنَّنْبَ، كُواْ يَهَرْبِے كِبِيَ عَثِكِنْتَ، كُواْ كُوَ يَذُواْ مَتَ دَ غَرْكُوَ، كُواْ يَتَارَ ڧَسَا دُواْمِنْ يَهَوْ تَكَتَنْ‌غَرْتَ؞

33حَنْيَرْدَ يَبِے يَذُواْ نَنْ، عِتَثٜىٰ ذَيْبِے يَكُواْمَ، كُمَ بَذَيْ شِغَ بِرْنِنَّنْ بَ؞ نِے يَهْوٜىٰهْ نَا ڢَطَا؞

34غَمَا ذَنْ ڟَرٜىٰ بِرْنِنَّنْ دُواْمِنْ إِنْ كُٻُتَرْ دَشِ، سَبُواْدَ غِرْمَنْ سُونَنَ دَ كُمَ سَبُواْدَ بَاوَنَ دَاوُدَ؞› »

35أَ دَرٜىٰنَّنْ مَلاَىِٕكَنْ يَهْوٜىٰهْ يَتَڢِے وُرِنْ سَنْسَنِنْ يَاڧِنْ أَسُّرِيَ يَكَشٜىٰ مُتُمْ دُبُو طَرِے دَ دُبُو تَمَٰنِنْ دَ بِيَرْ؞ وَشٜىٰغَرِ دَ عَكَ تَاشِ، سَيْغَا غَوَوَّكِ كُواْعِنَ؞

36سَيْ سَرْكِے سٜىٰنَّكٜىٰرِبْ نَ أَسُّرِيَ يَتَاشِ يَكُواْمَ ڧَسَرْسَ؞ يَكُوَ ذَوْنَ عَبِرْنِنْ نِنٜىٰبَ؞

37وَتَرَانَ يَايِنْ دَيَكٜىٰ سُجَّدَ أَطَاكِنْ غُنْكِنْسَ نِسْرُواكْ، سَيْ یَیَنْسَ مَظَا أَدْرَمّٜىٰلٜىٰكْ دَ شَرٜىٰظٜىٰرْ سُكَ كَشٜىٰشِ دَ تَكُواْبِے، سُكَ غُدُ ذُوَا ڧَسَرْ أَرَرَاتْ؞ سَعَنً وَنِ طَنْسَ مَيْ سُونَ عٜىٰسَرْهَدُّوانْ يَغَاجٜىٰشِ يَذَمَ سَرْكِے؞

← Chapter 18 Jump to: Chapter 20 →