2 Kings 4

Hausa Arabic 2020 (أَتَّوْرَتْ دَ أَنَّبَاوَا)

1وَتَرَانَ مَاتَرْ وَنِ دَغَ ثِكِنْ ڧُنْ‌غِيَرْ أَنَّبَاوَا تَتَڢِے وُرِنْ أَلْيَسَعَ، تَكَيْ مَسَ كُوكَا تَثٜىٰ «مِجِنَ مَيْيِ مَكَ حِدِمَ يَمُتُ؞ كَكُمَ سَنِ ثٜىٰوَ شِے مَيْ ڟُواْرُوانْ يَهْوٜىٰهْ نٜىٰ؞ عَمَّا غَاشِ، وَنِ مَيْبِنْسَ بَاشِ يَذُواْ دُواْمِنْ يَݣُوشِ یَیَنَ بِيُ سُذَمَ بَايِنْسَ؞»

2أَلْيَسَعَ يَثٜىٰ مَتَ «مٜىٰ ذَنْيِ مِكِ؟ كِڢَطَا مِنِ، مٜىٰنٜىٰنٜىٰ كِكٜىٰ دَشِ أَغِدَا؟» تَا ثٜىٰ «يَا مَيْغِرْمَ، بَابُوَنِ أَبُ أَغِدَنْ سَيْدَيْ ڧَرَمِنْ تُلُنْ مَنْ ظَيْتُنْ؞»

3أَلْيَسَعَ يَثٜىٰ مَتَ «تُواْ، كِتَڢِے وُرِنْ مَڨُوبْتَنْكِ، كِيِ أَرُوانْ تُلُنَ دَغَ غَرٜىٰسُ وَطَنْدَ بَاسُ دَكُواْمٜىٰ عَثِكِ؞ كِتَبَّتَا سُنَدَ يَوَ؞

4سَعَنً سَيْ كِشِغَ ثِكِنْ طَاكِ، كٜىٰ دَ یَیَنْكِ مَظَا، كُكُلّٜىٰ ڧُواْڢَرْ؞ سَيْ كِڢَارَ جُويٜىٰ مَنْ عَثِكِنْ تُلُنَنْ؞ تُلُنْدَ يَثِكَ، سَيْ عَ أَجِيٜىٰ أَغٜىٰڢٜىٰ، عَثِيغَبَدَ جُويٜىٰوَ بِيدَبِے؞»

5مَثٜىٰنْ كُوَ تَتَڢِے؞ سَيْ تَشِغَ طَاكِ تَرٜىٰدَ یَیَنْتَ مَظَا، سُكَ كُلّٜىٰ ڧُواْڢَرْ؞ سَيْ تَڢَارَ جُويٜىٰ مَنْ ظَيْتُنْ طِنْ، یَیَنْتَ سُنَ تَكَٰوُاْ مَتَ تُلُنَ، عِتَ تَنَ تَجُويٜىٰ مَيْ عَثِكِ؞

6دَ تُلُنَنَّنْ سُكَ ثِكَ دُكَ، سَيْتَثٜىٰ وَطَنْتَ «كَكَٰوُاْ وَنِ تُلُ كُمَ؞» سَيْ يَثٜىٰ مَتَ «أَيْ بَابُوَنِ كُمَ!» سَيْ مَنْ يَدَيْنَ ظُبَ؞

7تَا تَڢِے تَڢَطَا وَ أَلْيَسَعَ مُتُمِنْ اللَّهْ ، سَيْيَثٜىٰ مَتَ «كِتَڢِے كِسَيَرْ دَ مَنْ، كِبِيَ بَاشِنْكِ، سَعَنً كٜىٰ دَ یَیَنْكِ ذَاكُ عِيَ رَايُ عَكَنْ أَبِنْدَ يَرَغُ؞»

8وَتَرَانَ أَلْيَسَعَ يَتَڢِے غَرِنْ شُنٜىٰمْ، عِنْدَ أَݣَويْ وَتَ مَثٜىٰ مَيْ أَرْزِڧِ؞ مَثٜىٰنْ تَنَاثٜىٰ مَسَ يَذُواْ يَثِ عَبِنْثِ أَغِدَنْتَ؞ تُنْدَغَ لُواْكَثِنْ، دُكْ سَعَدَّ يَكٜىٰ وُثٜىٰوَ تَوُرِنْ، سَيْ يَڟَيَ يَثِ عَبِنْثِ؞

9سَيْتَثٜىٰ وَمِجِنْتَ «نَا تَبَّتَا مُتُمِنْ دَيَكٜىٰ ذُوَا غِدَنْمُ أَ لُواْكَثِ لُواْكَثِ مُتُمْنٜىٰ مَيْ ڟَرْكِے نَ اللَّهْ ؞

10مُشِرْيَ مَسَ طَنْ ڧَرَمِنْ طَاكِ عَكَنْ سَمَنْ غِدَنْمُ، مُكُمَ ڠَرَ مَسَ؞ مُسَا غَدُواْ دَ تٜىٰبُرْ دَ كُجٜىٰرَ دَ ڢِتِلَ؞ تَهَكَ ذَيْسَامِ طَاكِنْ سَوْكَ دُكْ سَعَدَّ يَذُواْ؞»

11وَتَرَانَ سَعَدَّ أَلْيَسَعَ يَذُواْ غَرِنْ شُنٜىٰمْ، سَيْ يَهَوْرَ ذُوَا طَاكِنْسَ دُواْمِنْ يَهُوتَ؞

12يَثٜىٰ وَ غٜىٰهَظِ مَيْ مَسَ حِدِمَ يَتَڢِے يَكِرَا مَاتَرْ؞ سَيْ تَشِغَ تَڟَيَ أَغَبَنْسَ؞

13أَلْيَسَعَ يَغَيَ وَ غٜىٰهَظِ يَڢَطَا مَتَ ثٜىٰوَ «دَيَكٜىٰ كِنْدَامُ دَمُو حَرْ كِنْيِ مَنَ دُكَنْ أَلْحٜىٰرَنَّنْ، مٜىٰ كِكٜىٰسُواْ عَيِمِكِ؟ كِنَ سُواْ عَيِ وَسَرْكِے مَغَنَ كُواْ كُوَ عَيِ وَشُوغَبَنْ سُواْجُواْجِ مَغَنَ؟» تَا أَمْسَ تَثٜىٰ «أَعَ، إِنَ تَرٜىٰدَ مُتَنٜىٰنَ، بَانَ بُڧَاتَرْ كُواْمٜىٰ؞»

14أَلْيَسَعَ يَثٜىٰ وَ غٜىٰهَظِ «تُواْ، مٜىٰنٜىٰنٜىٰ ذَنْيِ مَتَ؟» غٜىٰهَظِ يَثٜىٰ «أَيْ، بَاتَدَ طَا، كُمَ مِجِنْتَ يَڟُوڢَ؞»

15أَلْيَسَعَ يَثٜىٰ «عَكِرَتَ تَذُواْ نَنْ؞» سَيْ تَذُواْ تَڟَيَ عَبَاكِنْ ڧُواْڢَرْ؞

16أَلْيَسَعَ يَثٜىٰ مَتَ «وَرْهَكَ شٜىٰكَرَا مَيْ ذُوَا ذَاكِ رِڧٜىٰ طَنْكِ دَ حَنُّوَنْكِ؞» تَا ثٜىٰ «أَعَ، رَنْكَيَدَطٜىٰ، مُتُمِنْ اللَّهْ ، كَدَ كَرُوطٜىٰنِ؞»

17مَاتَرْ كُوَ تَايِ ثِكِ؞ دَ شٜىٰكَرَا تَكٜىٰوَيُواْ تَحَيْڢِ طَا نَمِجِ أَدَيْدَيْ لُواْكَثِنْ دَ أَلْيَسَعَ يَڢَطَا مَتَ؞

18أَنَانً بَايَنْ وَطَنْسُ شٜىٰكَرُ، وَتَرَانَ يَرُوانْ يَبِے بَابَنْسَ ذُوَا وُرِنْ مَاسُ غِرْبِے؞

19بَا ظَتُواْ سَيْيَثٜىٰ وَبَابَنْسَ «وَيُّواْ! كَيْنَ يَنَ مِنِ ثِيوُاْ! كَيْنَ يَنَ مِنِ ثِيوُاْ!» بَابَنْ يَثٜىٰ وَمَيْ مَسَ حِدِمَ «كَطَوْكٜىٰشِ كَكَيْ وَمَامَرْسَ؞»

20دَ يَكَيْشِ وُرِنْ مَامَرْ، سَيْ تَرِڧٜىٰشِ عَڧَڢَاڢُنْتَ حَرْ رَانَ أَڟَكَ، سَيْيَمُتُ؞

21سَيْ تَهَوْرَ طَاكِنْ مُتُمِنْ اللَّهْ نَّنْ، تَݣُونْتَرْدَ يَرُواْ أَغَدُوانْسَ، تَكُلّٜىٰ ڧُواْڢَرْ تَڢِتَ؞

22تَا عَيْكَ وَمِجِنْتَ يَعَيْكُواْ دَ مَيْ حِدِمَ تَرٜىٰدَ جَاكِ دُواْمِنْ تَنَسُواْ تَرُوغَ ذُوَا وُرِنْ مُتُمِنْ اللَّهْ تَدَاوُاْ؞

23مِجِنْتَ يَثٜىٰ «دُوانْمٜىٰ كِكٜىٰسُواْ كِتَڢِے يَنْذُ؟ بَ بِكٍ سَابُوانْ وَتَ بَ، بَ رَانَرْ هُوتُ تَمَكُواْ عَكٜىٰ ثِكِيبَ؞» تَا أَمْسَ «بَا كُواْمٜىٰ؞»

24عَكَ شِرْيَ مَتَ أَبِنْ ذَمَ عَكَنْ جَاكِنْ؞ تَاثٜىٰ وَمَيْ حِدِمَرْتَ «كَسَا جَاكِنْ يَيِ سَوْرِ، كَدَ كَسَ يَضَغٜىٰ سَوْرِنْسَ سَيْ نَڢَطِ حَكَ؞»

25سَيْ تَكَامَ حَنْيَ، تَتَڢِے وُرِنْ مُتُمِنْ اللَّهْ عَبَبَّنْ تُدُنْ كَرْمٜىٰلْ؞ سَعَدَّ مُتُمِنْ اللَّهْ يَهَنْ‌غُواْتَ تَنَ ذُوَا، سَيْيَثٜىٰ وَ غٜىٰهَظِ «غَا یَرْ غَرِنْ شُنٜىٰمْ ذُوَا؞

26يِغُدُ كَسَامٜىٰتَ، كَتَمْبَيٜىٰتَ كَثٜىٰ، ‹كِنْذُواْ لَاڢِيَ؟ مِجِنْكِ لَاڢِيَ يَكٜىٰ؟ طَنْكِ ڢَا؟› » سَيْتَأَمْسَ تَثٜىٰ «بَا كُواْمٜىٰ؞»

27عَمَّا دَ تَكَيْ وُرِنْ مُتُمِنْ اللَّهْ عَكَنْ بَبَّنْ تُدُنْ، سَيْ تَكَامَ ڧَڢَاڢُنْسَ؞ سَيْ غٜىٰهَظِ يَذُواْ يَتُرٜىٰتَ، عَمَّا مُتُمِنْ اللَّهْ يَثٜىٰ «أَعَ، كَبَرْتَ، دُواْمِنْ تَنَ ثِكِنْ بَڧِنْ ثِكِ مَيْ ڟَنَنِ؞ يَهْوٜىٰهْ كُوَ يَٻُواْيٜىٰ مِنِ أَبِنْ، بَيْ ڢَطَا مِنِبَ؞»

28سَعَنً تَثٜىٰمَسَ «مَيْغِرْمَ، نَا ضُواْڧٜىٰكَ يَرُواْ نٜىٰ؟ بَنْڢَطَا مَكَ كَدَ كَرُوطٜىٰنِبَ؟»

29سَيْ أَلْيَسَعَ يَثٜىٰ وَ غٜىٰهَظِ «يِمَظَا! طَوْكِ سَنْدَنَ أَ حَنُّنْكَ، كَتَڢِے غِدَنْ مَثٜىٰنَّنْ؞ عِدَنْ كَغَمُ دَ وَنِ أَ حَنْيَ، كَدَ كَغَيْشٜىٰشِ؞ كُواْ وَنِ يَغَيْشٜىٰكَ، كَدَ كَأَمْسَ؞ كَݣُونْتَرْ دَ سَنْدَنَّنْ أَ ڢُسْكَرْ يَرُوانْ؞»

30مَثٜىٰنْ تَثٜىٰ وَ أَلْيَسَعَ «نَا ضَنْڟٜىٰ دَ سُونَنْ يَهْوٜىٰهْ مَيْ رَيْ دَ كُمَ رَنْكَ، بَذَنْبَرْ كَبَ؞» دُواْمِنْ حَكَ سَيْ يَتَاشِ يَتَڢِے تَرٜىٰدَ عِتَ؞

31غٜىٰهَظِ يَا رِغَا يَايِ غَبَ يَݣُونْتَرْدَ سَنْدَنْ عَكَنْ ڢُسْكَرْ يَرُوانْ، عَمَّا بَابُ مُواْڟِ كُواْ عَلَمَرْ رَيْ؞ سَبُواْدَ حَكَ يَدَاوُاْ يَسَدُ دَ أَلْيَسَعَ يَثٜىٰ مَسَ «يَرُوانْ بَيْ تَاشِبَ؞»

32دَ أَلْيَسَعَ يَشِغَ طَاكِنْ، يَتَرَرْ أَنْݣُونْتَرْدَ يَرُوانْ غَاوَا أَغَدُوانْسَ؞

33سَيْ أَلْيَسَعَ يَشِغَ يَكُلّٜىٰ ڧُواْڢَرْ دَغَ شِے سَيْ يَرُوانْ، يَيِ أَدُّعَ غَ يَهْوٜىٰهْ ؞

34سَعَنً يَݣُونْتَ عَكَنْ جِكِنْ يَرُوانْ؞ يَسَا بَاكِنْسَ عَكَنْ بَاكِنْ يَرُوانْ، حَكَمَا عِدَنُونْسَ أَعِدَانُنْ يَرُوانْ دَ كُمَ حَنُّوَنْسَ عَكَنْ حَنُّوَنْ يَرُوانْ؞ دَيَمِيڧٜىٰ كَنْسَ عَكَنْ يَرُوانْ، سَيْ جِكِنْ يَرُوانْ يَيِ طُمِ؞

35أَلْيَسَعَ يَتَاشِ يَيِ تَڢِيَ يَنَ كَيْ دَ كَٰوُاْوَ عَثِكِنْ طَاكِنْ؞ يَسَاكٜىٰ ݣُونْتَ يَمِيڧٜىٰ عَكَنْ يَرُوانْ؞ سَيْ يَرُوانْ يَيِ أَتِشَوَ سَوْ بَݣَويْ، سَيْ يَبُوطٜىٰ عِدَنُونْسَ؞

36أَلْيَسَعَ يَكِرَا غٜىٰهَظِ يَسَا مَامَرْ يَرُوانْ تَذُواْ؞ غٜىٰهَظِ يَكِرَوُاْتَ تَذُواْ؞ دَتَشِغَ سَيْ أَلْيَسَعَ يَثٜىٰ «كِطَوْكُواْ طَنْكِ؞»

37تَا ذُواْ تَدُرْڧُسَ تَڧَڢَاڢُنْسَ، تَرُسُنَ حَرْ ڧَسَا، سَعَنً تَطَوْكِ طَنْتَ تَڢِتَ؞

38وَنِ لُواْكَثِ سَعَدَّ أَلْيَسَعَ يَكُواْمَ غِلْغَلْ، أَنَ يُنْوَ عَڧَسَرْ؞ سَعَدَّ ڧُنْ‌غِيَرْ أَنَّبَاوَا سُكٜىٰ ظَوْنٜىٰ كٜىٰوَيٜىٰ دَشِ، أَلْيَسَعَ يَثٜىٰ وَمَيْيِ مَسَ حِدِمَ «كَسَا بَبَّرْ تُكُنْيَ أَوُتَا، كَدَڢَ وَڧُنْ‌غِيَرْ أَنَّبَاوَا عَبِنْثِ؞»

39طَيَ دَغَ ثِكِنْ مَاسُ حِدِمَرْ يَشِغَ دَاجِ دُواْمِنْ يَسَامُواْ غَنْيَيٜىٰ نَثِ؞ سَيْ يَسَامِ كَبٜىٰوَرْ دَاجِ، يَطٜىٰبُواْ یَیَنْتَ يَرِڧٜىٰ أَ رِغَرْسَ يَكَٰوُاْ غِدَا؞ يَيَيَّنْكَ يَظُبَ عَتُكُنْيَرْ عَبِنْثِنْ بَاتَرٜىٰدَ سَنِ كُواْ مٜىٰنٜىٰنٜىٰبَ؞

40عَكَ ظُبَ وَمُتَنٜىٰنْ سُثِ؞ عَمَّا سَعَدَّ سُكٜىٰ ثِكِنْ ثِنْ عَبِنْثِنْ، سَيْ سُكَيِ إِيهُ سُكَثٜىٰ «يَا مُتُمِنْ اللَّهْ ، أَݣَويْ دَڢِ عَثِكِنْ عَبِنْثِنَّنْ!» سَيْ سُكَڧِ ثِنْ عَبِنْثِنْ؞

41سَيْ أَلْيَسَعَ يَثٜىٰ «عَكَٰوُاْ غَارِ؞» دَ عَكَ كَٰوُاْ، سَيْ يَجُويٜىٰشِ عَثِكِنْ تُكُنْيَرْ عَبِنْثِنْ، يَثٜىٰ مُسُ «كُرَبَ وَمُتَنٜىٰنْ دُواْمِنْ سُثِ؞» يَكُمَ كَسَنْثٜىٰ بَابُوَنِ أَبِنْ دَامُوَ؞

42وَنِ مُتُمْ دَغَ بَعَلْ سْحَلِشَ يَكَٰوُاْوَ مُتُمِنْ اللَّهْ دُنْڧُلٜىٰنْ غُرَاسَ عَشِرِنْ دَ عَكَيِ دَغَ نُونً ڢَارِ نَهَڟِنْ بَلٜىٰ؞ يَكُمَ كَٰوُاْ طَنْيٜىٰنْ كَوُنَنْ حَڟِ عَبُهُنْسَ؞ أَلْيَسَعَ يَثٜىٰ «عَبَا مُتَنٜىٰ سُثِ؞»

43عَمَّا مَيْ حِدِمَرْسَ يَثٜىٰ «كَنَ غَنِ وَنَّنْ ذَيْ إِشٜىٰ مُتُمْ طَرِے؟» أَلْيَسَعَ يَثٜىٰ مَسَ «كَبَاسُ سُثِ، غَمَا يَهْوٜىٰهْ نٜىٰ يَثٜىٰ ذَاسُثِ حَرْ مَا سُبَرْ سَوْرَ؞»

44مَيْ حِدِمَرْ يَبَاسُ عَبِنْثِنْ، سُكَثِ حَرْ مَا سُكَ بَرْ سَوْرَ، بِسَغَ مَغَنَرْ يَهْوٜىٰهْ ؞

← Chapter 3 Jump to: Chapter 5 →