2 Kings 15

Hausa Arabic 2020 (أَتَّوْرَتْ دَ أَنَّبَاوَا)

← Chapter 14 Jump to: Chapter 16 →

1أَ شٜىٰكَرَا تَعَشِرِنْ دَ بَݣَويْ تَمُلْكٍ سَرْكِے يٜىٰرُواْبُواْوَمْ نَبِيُ نَ إِسْرَٰٓءِيلَ، سَرْكِے عُزِّيَ طَنْ أَمَظِيَ يَڢَارَ مُلْكِ أَ يَهُودَ؞

2يَنَ دَ شٜىٰكَرَا غُواْمَشَا شِدَ سَعَدَّ يَڢَارَ مُلْكِ، يَكُمَيِ شٜىٰكَرَا حَمْسِنْ دَ بِيُ يَنَ مُلْكِ أَ عُرُوشَلِيمَ؞ سُونَنْ مَامَرْسَ يٜىٰكُواْلِيَ دَغَ عُرُوشَلِيمَ؞

3عُزِّيَ يَعَيْكَتَ أَبِنْدَ يَكٜىٰ دَيْدَيْ أَعِدُوانْ يَهْوٜىٰهْ كَمَرْ يَدَّ بَابَنْسَ أَمَظِيَ يَيِ؞

4عَمَّا بَعَكَوَرْدَ وُرَارٜىٰنْ سُجَّدَ دَ بَسُ دَاثٜىٰبَ، مُتَنٜىٰ كُوَ سُنْيِ تَظُوَ سُنَ مِيڧَ هَدَايُ دَ هَدَايُنْ ڧُواْنَ تُرَارٜىٰ أَوُرَارٜىٰنْ؞

5يَهْوٜىٰهْ يَا بُغِ سَرْكِے عُزِّيَ دَ ثُوتَرْ ڢَتَرْ جِكِے، وَنْدَ يَكَسَنْثٜىٰ تَرٜىٰ دَشِ حَرْ مُتُوَرْسَ؞ تُنْ ڢَارَوَرْ ثِيوُانْ، يَوَارٜىٰ كَنْسَ يَذَوْنَ أَوَنِ غِدَا شِ كَطَيْ؞ سَيْ يُواْتَمْ طَنْسَ يَلُورَ دَ غِدَنْ سَرْكِے يَنَ شُوغَبَنْثِنْ مُتَنٜىٰنْ ڧَسَرْ؞

6سَوْرَنْ أَيُّكَنْ عُزِّيَ دَ دُكَنْ أَبِنْدَ يَيِ سُونَ أَرُبُوثٜىٰ عَثِكِنْ لِتَّڢِنْ تَارِيحِنْ سَرَاكُنَنْ يَهُودَ؞

7عُزِّيَ يَكُواْمَ غَ كَاكَنِّنْسَ، عَكَ بِنّٜىٰشِ تَرٜىٰدَسُو عَبِرْنِنْ دَاوُدَ؞ سَعَنً طَنْسَ يُواْتَمْ يَغَاجٜىٰشِ يَذَمَ سَرْكِے؞ ﴿شٜىٰكَرَا 743 كَاڢِنْ حَيْڢُوَرْ عِيسَىٰ ﴾

8عَثِكِنْ شٜىٰكَرَا تَتَلَتِنْ دَ تَݣُوسْ تَمُلْكٍ سَرْكِے عُزِّيَ نَ يَهُودَ، سَرْكِے زَكَرِيَّا طَنْ يٜىٰرُواْبُواْوَمْ نَبِيُ نَ إِسْرَٰٓءِيلَ يَڢَارَ مُلْكِ أَ سَمَرِيَ؞ يَيِ مُلْكِ وَتَا شِدَ؞

9يَعَيْكَتَ مُغُنْتَا أَعِدُوانْ يَهْوٜىٰهْ ، كَمَرْ يَدَّ كَاكَنِّنْسَ سُكَيِ؞ بَيْ جُويَا دَغَ ذُنُبَنْ يٜىٰرُواْبُواْوَمْ طَنْ نٜىٰبَتْ بَ، وَطَنْدَ يَسَا إِسْرَٰٓءِيلَ سُكَيِ؞

10شَلُّمْ طَنْ يَبٜىٰشْ يَيِ ڧُلّٜىٰ ڧُلّٜىٰ سُكَ كَشٜىٰشِ أَغَبَنْ جَمَعَ؞ تَهَكَ شَلُّمْ يَهَوْ كُجٜىٰرَرْ مُلْكٍ زَكَرِيَّا؞

11سَوْرَنْ أَيُّكَنْ دَ زَكَرِيَّا يَيِ، سُنَ أَرُبُوثٜىٰ عَثِكِنْ لِتَّڢِنْ تَارِيحِنْ سَرَاكُنَنْ إِسْرَٰٓءِيلَ؞

12تَهَكَ مَغَنَرْ دَ يَهْوٜىٰهْ يَيِ وَ يٜىٰهُو تَا ثِكَ، مَيْ ثٜىٰوَ «ذُرِيَرْكَ ذَاسُيِ مُلْكٍ إِسْرَٰٓءِيلَ حَرْ ڟَارَا تَهُطُ؞» ﴿شٜىٰكَرَا 743 كَاڢِنْ حَيْڢُوَرْ عِيسَىٰ ﴾

13عَثِكِنْ شٜىٰكَرَا تَتَلَتِنْ دَ تَرَ تَمُلْكٍ سَرْكِے عُزِّيَ نَ يَهُودَ، سَرْكِے شَلُّمْ طَنْ يَبٜىٰشْ نَ إِسْرَٰٓءِيلَ يَڢَارَ مُلْكِ أَ سَمَرِيَ؞ يَيِ مُلْكِ وَتَ غُدَا؞

14سَيْ مٜىٰنَهٜىٰمْ طَنْ غَادِ يَهَوْرَ دَغَ تِرْظَ ذُوَا سَمَرِيَ، يَكَشٜىٰ سَرْكِے شَلُّمْ؞ تَهَكَ يَهَوْ كُجٜىٰرَرْ مُلْكٍ؞

15سَوْرَنْ أَيُّكَنْ دَ سَرْكِے شَلُّمْ يَيِ دَ ڧُلّٜىٰ ڧُلّٜىٰنْ دَ يَيِ، سُنَ أَرُبُوثٜىٰ عَثِكِنْ لِتَّڢِنْ تَارِيحِنْ سَرَاكُنَنْ إِسْرَٰٓءِيلَ؞

16أَ لُواْكَثِنْ دَ مٜىٰنَهٜىٰمْ يَكٜىٰ هَوْرُواْوَ دَغَ تِرْظَ، يَذُواْ يَهَلَّكَ غَرِنْ تِڢْسَ دَ مُتَنٜىٰنْ غَرِنْ، تَرٜىٰدَ ڧَوْيُكَنْ دَسُكٜىٰ كٜىٰوَيٜىٰ دَشِ، غَمَا مُتَنٜىٰنْ غَرِنْ سُنْڧِے سُكَرْٻٜىٰشِ؞ حَرْ مَا مَاتَا مَاسُ جُونَ بِيُ يَڟَڟَّٰغٜىٰ ثِكِنْسُ؞ ﴿شٜىٰكَرَا 743-738 كَاڢِنْ حَيْڢُوَرْ عِيسَىٰ ﴾

17أَ شٜىٰكَرَا تَتَلَتِنْ دَ تَرَ تَمُلْكٍ سَرْكِے عُزِّيَ نَ يَهُودَ، سَرْكِے مٜىٰنَهٜىٰمْ طَنْ غَادِ نَ إِسْرَٰٓءِيلَ يَڢَارَ مُلْكِ؞ يَيِ مُلْكِ شٜىٰكَرَا غُواْمَ أَ سَمَرِيَ؞

18مٜىٰنَهٜىٰمْ يَعَيْكَتَ مُغُنْتَا أَعِدُوانْ يَهْوٜىٰهْ ؞ دُكَنْ ݣُونَكِنْسَ بَيْ جُويَا دَغَ ذُنُبَنْ يٜىٰرُواْبُواْوَمْ طَنْ نٜىٰبَتْ بَ، وَطَنْدَ يَسَا إِسْرَٰٓءِيلَ سُكَيِ؞

19سَرْكِے ڢُلْ نَ أَسُّرِيَ يَكَٰوُاْ يَاڧِ عَڧَسَرْ إِسْرَٰٓءِيلَ؞ سَيْ سَرْكِے مٜىٰنَهٜىٰمْ يَبَا ڢُلْ كِلُواْ دُبُو تَلَاتِنْ دَ حُطُ نَأَظُرْڢَا دُواْمِنْ دَيْ يَتَيْمَكٜىٰشِ يَدَّ مُلْكِنْسَ ذَيْ كَڢُ سُواْسَيْ؞

20سَرْكِے مٜىٰنَهٜىٰمْ يَسَامُواْ كُطِنْ دَغَ مَاسُ أَرْزِڧِ نَ إِسْرَٰٓءِيلَ تَوُرِنْ سَا كُواْوَنّٜىٰنْسُ يَبِيَ هَرَاجِنْ أَظُرْڢَا حَمْسِنْ؞ وَنَّنْ كُطِنْ يَبَا سَرْكِنْ أَسُّرِيَ؞ سَيْ سَرْكِنْ أَسُّرِيَ يَكُواْمَ، بَيْ كَٰوُاْ يَاڧِ كَنْ ڧَسَرْ إِسْرَٰٓءِيلَ بَ؞

21سَوْرَنْ أَيُّكَنْ سَرْكِے مٜىٰنَهٜىٰمْ دَ دُكَنْ أَبِنْدَ يَيِ سُونَ أَرُبُوثٜىٰ عَثِكِنْ لِتَّڢِنْ تَارِيحِنْ سَرَاكُنَنْ إِسْرَٰٓءِيلَ؞

22مٜىٰنَهٜىٰمْ يَكُواْمَ غَ كَاكَنِّنْسَ؞ سَيْ ڢٜىٰكَهِيَ طَنْسَ يَغَاجٜىٰشِ يَذَمَ سَرْكِے؞ ﴿شٜىٰكَرَا 738-737 كَاڢِنْ حَيْڢُوَرْ عِيسَىٰ ﴾

23أَ شٜىٰكَرَا تَهَمْسِنْ تَمُلْكٍ سَرْكِے عُزِّيَ نَ يَهُودَ، سَيْ ڢٜىٰكَهِيَ طَنْ مٜىٰنَهٜىٰمْ يَڢَارَ مُلْكٍ إِسْرَٰٓءِيلَ أَ سَمَرِيَ؞ يَيِ مُلْكِ شٜىٰكَرَا بِيُ؞

24يَعَيْكَتَ مُغُنْتَا أَعِدُوانْ يَهْوٜىٰهْ ؞ بَيْ جُويَا دَغَ ذُنُبَنْ يٜىٰرُواْبُواْوَمْ طَنْ نٜىٰبَتْ بَ، وَطَنْدَ يَسَا إِسْرَٰٓءِيلَ سُكَيِ؞

25سَيْ شُوغَبَنْ سُواْجُواْجِنْسَ ڢٜىٰكَ طَنْ رٜىٰمَلِيَ، يَيِ ڧُلّٜىٰ ڧُلّٜىٰنْ كَشٜىٰشِ تَرٜىٰدَ مُتَنٜىٰ حَمْسِنْ دَغَ غِلٜىٰيَدْ؞ سُكَ كُوَ كَشٜىٰشِ أَوُرِے مَيْ كَتَنْ‌غَ نَغِدَنْ سَرْكِے أَ سَمَرِيَ تَرٜىٰدَ أَرْغُوابْ دَ أَرِيٜىٰ؞ تَهَكَ ڢٜىٰكَ يَهَوْ كُجٜىٰرَرْ مُلْكٍ ڢٜىٰكَهِيَ؞

26سَوْرَنْ أَيُّكَنْ ڢٜىٰكَهِيَ دَ دُكَنْ أَبِنْدَ يَيِ سُونَ أَرُبُوثٜىٰ عَثِكِنْ لِتَّڢِنْ تَارِيحِنْ سَرَاكُنَنْ إِسْرَٰٓءِيلَ؞ ﴿شٜىٰكَرَا 737-732 كَاڢِنْ حَيْڢُوَرْ عِيسَىٰ ﴾

27أَ شٜىٰكَرَا تَهَمْسِنْ دَ بِيُ تَمُلْكٍ سَرْكِے عُزِّيَ نَ يَهُودَ، ڢٜىٰكَ طَنْ رٜىٰمَلِيَ يَڢَارَ مُلْكٍ إِسْرَٰٓءِيلَ أَ سَمَرِيَ؞ يَيِ مُلْكِ شٜىٰكَرَا عَشِرِنْ؞

28يَعَيْكَتَ مُغُنْتَا أَعِدُوانْ يَهْوٜىٰهْ ؞ بَيْ جُويَا دَغَ ذُنُبَنْ يٜىٰرُواْبُواْوَمْ طَنْ نٜىٰبَتْ بَ، وَطَنْدَ يَسَا إِسْرَٰٓءِيلَ سُكَيِ؞

29أَ لُواْكَثِنْ مُلْكٍ سَرْكِے ڢٜىٰكَ نَ إِسْرَٰٓءِيلَ، سَرْكِے تِغْلَتْ ڢِلٜىٰسٜىٰرْ نَ أَسُّرِيَ يَذُواْ يَڨُوثٜىٰ غَرِنْ إِيُوانْ دَ أَبٜىٰلْ بٜىٰتْ مَعَكَ دَ يَنُواْوَ دَ كٜىٰدٜىٰشْ دَ حَزُوارْ دَ غِلٜىٰيَدْ دَ غَلِيلِ دَ دُكَنْ يَنْكِنْ ڧَسَرْ نَڢْتَلِ؞ يَكُمَ ݣُوشِ مُتَنٜىٰ ذُوَا بَوْتَا أَعَسُّرِيَ؞

30هُواْشٜىٰيَ طَنْ عٜىٰلَ يَيِ ڧُلّٜىٰ ڧُلّٜىٰ يَكَشٜىٰ سَرْكِے ڢٜىٰكَ طَنْ رٜىٰمَلِيَ؞ تَهَكَ يَهَوْ كُجٜىٰرَرْ مُلْكِنْسَ أَ شٜىٰكَرَا تَعَشِرِنْ تَمُلْكٍ سَرْكِے يُواْتَمْ طَنْ عُزِّيَ؞

31سَوْرَنْ أَيُّكَنْ ڢٜىٰكَ دَ دُكَنْ أَبِنْدَ يَيِ سُونَ أَرُبُوثٜىٰ عَثِكِنْ لِتَّڢِنْ تَارِيحِنْ سَرَاكُنَنْ إِسْرَٰٓءِيلَ؞ ﴿شٜىٰكَرَا 740-736 كَاڢِنْ حَيْڢُوَرْ عِيسَىٰ ﴾

32أَ شٜىٰكَرَا تَبِيُ تَمُلْكٍ سَرْكِے ڢٜىٰكَ طَنْ رٜىٰمَلِيَ نَ إِسْرَٰٓءِيلَ، يُواْتَمْ طَنْ عُزِّيَ يَڢَارَ مُلْكٍ يَهُودَ؞

33يَنَ دَ شٜىٰكَرَا عَشِرِنْ دَ بِيَرْ سَعَدَّ يَذَمَ سَرْكِے، يَكُمَيِ شٜىٰكَرَا غُواْمَشَا شِدَ يَنَ مُلْكِ أَ عُرُوشَلِيمَ؞ سُونَنْ مَامَرْسَ يٜىٰرُشَ، یَرْ ظَدُواكْ؞

34يَعَيْكَتَ أَبِنْدَ يَكٜىٰ دَيْدَيْ أَعِدُوانْ يَهْوٜىٰهْ ، كَمَرْ يَدَّ بَابَنْسَ عُزِّيَ يَيِ؞

35عَمَّا دُكْدَهَكَ، بَعَكَوَرْدَ وُرَارٜىٰنْ سُجَّدَ دَ بَسُ دَاثٜىٰبَ، مُتَنٜىٰ سُنْيِ تَظُوَ سُنَ مِيڧَ هَدَايُ دَ هَدَايُنْ ڧُواْنَ تُرَارٜىٰ أَوُرَارٜىٰنْ؞ يُواْتَمْ يَكُمَ غِنَا ڧُواْڢَرْ غِدَنْ يَهْوٜىٰهْ وَدَّ تَكٜىٰ أَوُرِے مَڢِے ڟَيِ؞

36سَوْرَنْ أَيُّكَنْ يُواْتَمْ دَ دُكَنْ أَبِنْدَ يَيِ سُونَ أَرُبُوثٜىٰ عَثِكِنْ لِتَّڢِنْ تَارِيحِنْ سَرَاكُنَنْ يَهُودَ؞

37عَݣُونَكِنْ نٜىٰ يَهْوٜىٰهْ يَڢَارَ عَيْكَ دَ سَرْكِے رٜىٰظِنْ نَ سُورِيَ دَ سَرْكِے ڢٜىٰكَ طَنْ رٜىٰمَلِيَ نَ إِسْرَٰٓءِيلَ سُكَيْوَ يَهُودَ يَاڧِ؞

38يُواْتَمْ يَكُواْمَ غَ كَاكَنِّنْسَ، عَكَ بِنّٜىٰشِ تَرٜىٰدَسُو عَبِرْنِنْ كَكَنْسَ دَاوُدَ؞ سَيْ طَنْسَ أَهَظْ يَغَاجٜىٰشِ يَذَمَ سَرْكِے؞

← Chapter 14 Jump to: Chapter 16 →