2 Kings 6

Hausa Arabic 2020 (أَتَّوْرَتْ دَ أَنَّبَاوَا)

← Chapter 5 Jump to: Chapter 7 →

1وَتَرَانَ ڧُنْ‌غِيَرْ أَنَّبَاوَا سُكَثٜىٰ وَ أَلْيَسَعَ «كَغَا وَنَّنْ وُرِنْ دَمُكٜىٰ ذَمَ ڧَرْڧَشِنْ شُوغَبَنْثِنْكَ يَكَاسَ مَنَ أَيْنُنْ؞

2بَرِ مُتَڢِے بَاكِنْ كُواْغِنْ يُواْدَنْ عِنْدَ كُواْوَ ذَيْ عِيَ سَارُواْ غُنْ‌غُمٜىٰنْ إِتَاثٜىٰ، مُيِ وَكَنْمُ وُرِنْ ذَمَ أَوُرِنْ وَنْدَ ذَيْ إِشٜىٰمُ؞» أَلْيَسَعَ يَأَمْسَ «كُتَڢِے؞»

3سَيْ طَيَ دَغَ ثِكِنْ أَنَّبَاوَنَّنْ يَنَاثٜىٰ وَ أَلْيَسَعَ يَتَڢِے تَرٜىٰدَسُو، سَيْ يَيَرْدَ؞

4سَيْ يَتَڢِے تَرٜىٰدَسُو؞ دَ سُكَ إِسَ كُواْغِنْ يُواْدَنْ، سُكَ ڢَارَ يَنْكَنْ عِتَتُوَ؞

5سَعَدَّ وَنِنْسُ يَكٜىٰ سَارَنْ إِتَاثٜىٰ، سَيْ كَنْ غَاتَرِ نَبَڧِنْ ڧَرْڢٜىٰ يَڢِتَ يَڢَاطَ ثِكِنْ ضُوَ؞ سَيْ مُتُمِنْ يَيِ إِيهُ يَثٜىٰ «وَيُّواْ، مَيْغِدَا! غَاشِ، غَاتَرِنْ نَأَرُواْ نٜىٰ؞»

6أَلْيَسَعَ يَتَمْبَيٜىٰشِ يَثٜىٰ «أَعِنَا نٜىٰ يَڢَاطِ؟» دَ يَنُونَاوَ أَلْيَسَعَ وُرِنْ، سَيْ أَلْيَسَعَ يَكَرْيٜىٰ سَنْدَا يَجٜىٰڢَ أَوُرِنْ، كَنْ غَاتَرِنْ كُوَ يَتَاشِ عَبِسَ كَنْ ضُوً؞

7أَلْيَسَعَ يَثٜىٰ مَسَ «كَسَا حَنُّ كَطَوْكَ؞» سَيْ يَسَا حَنُّنْسَ يَطَوْكَ؞

8أَنَانً سَعَدَّ سَرْكِنْ سُورِيَ يَكٜىٰ يَاڧِ دَ إِسْرَٰٓءِيلَ، يَنٜىٰمِ شَوَرَرْ مَنْيَنْ سُواْجُواْجِنْسَ يَثٜىٰ «ذَامُ كَڢَ سَنْسَنِنْ يَاڧِنْمُ أَوُرِے كَاظَا؞»

9عَمَّا أَلْيَسَعَ مُتُمِنْ اللَّهْ يَعَيْكَ وَسَرْكِنْ إِسْرَٰٓءِيلَ دَ سَڧُواْ ثٜىٰوَ «كَلُورَ كَدَ كَبِے وُرِے كَاظَا، دُواْمِنْ سُرِيَاوَا ذَاسُ غَنْ‌غَرَ تَوُرِنْ دُواْمِنْ يَاڧِ؞»

10سَيْ سَرْكِنْ إِسْرَٰٓءِيلَ يَعَيْكَ دَ سَڧُواْ ذُوَا وُرِنْ دَ مُتُمِنْ اللَّهْ يَيِ مَغَنَ عَكَيْ؞ سَرْكِنْ كُوَ يَكَنْ ذَوْنَ دَ شِرِ أَوُرَارٜىٰنَّنْ؞ وَنَّنْ يَيِ تَڢَرُوَ بَ سَوْ طَيَبَ، بَ سَوْ بِيُبَ؞

11سَرْكِنْ سُورِيَ يَدَامُ سُواْسَيْ عَكَنْ وَنَّنْ؞ يَتَارَ مَنْيَنْ سُواْجُواْجِنْسَ يَتَمْبَيٜىٰسُ يَثٜىٰ «كُڢَطَا مِنِ وَنٜىٰنٜىٰ دَغَ ثِكِنْمُ يَكٜىٰ تُواْنَ وَ سَرْكِنْ إِسْرَٰٓءِيلَ أَسِيرِنْمُ؟»

12سَيْ طَيَ دَغَ ثِكِنْسُ يَأَمْسَ يَثٜىٰ «رَنْكَيَدَطٜىٰ، بَابُوَنِ؞ أَيْ، أَنَّبِے أَلْيَسَعَ نَ إِسْرَٰٓءِيلَ نٜىٰ يَكٜىٰ ڢَطَا وَسَرْكِنْ إِسْرَٰٓءِيلَ دُكْ مَغَنَرْ دَ كَكٜىٰيِ، كُواْ أَطَاكِنْ ݣُونَنْكَ؞»

13سَيْ سَرْكِے يَبَادَ عُمَرْنِ أَ نٜىٰمِ عِنْدَ أَلْيَسَعَ يَكٜىٰ دُواْمِنْ عَكَامَشِ؞ عَكَ كُوَ سَامِ لَابَرِ ثٜىٰوَ يأَنَانً أَ دُواْتَنْ؞

14سَيْ سَرْكِے يَعَيْكَ دَ سُواْجُواْجِ مَاسُيَوَ دَ دَوَكِ دَ كٜىٰكُنَنْ دُواْكِ ذُوَا وُرِنْ؞ سُكَ تَڢِے دَ دَرٜىٰ سُكَ كٜىٰوَيٜىٰ غَرِنْ؞

15لُواْكَثِنْ دَ مَيْ حِدِمَرْ أَلْيَسَعَ، مُتُمِنْ اللَّهْ ، يَتَاشِ دَ سَڢٜىٰ يَڢِتَ، سَيْ يَغَ سُواْجُواْجِ دَ دَوَكِ دَ كٜىٰكُنَنْ دُواْكِ سُنْ كٜىٰوَيٜىٰ غَرِنْ؞ سَيْ مَيْ حِدِمَرْ يَيِ إِيهُ يَثٜىٰ «أَيَّ، مَيْغِدَانَ! مٜىٰ ذَامُيِ يَنْذُ؟»

16أَلْيَسَعَ يَثٜىٰ مَسَ «كَدَ كَجِڟُواْرُواْ، غَمَا وَطَنْدَ سُكٜىٰ تَرٜىٰدَمُو، سُنْڢِے وَطَنْدَ سُكٜىٰ تَرٜىٰدَسُو؞»

17أَلْيَسَعَ يَيِ أَدُّعَ غَ يَهْوٜىٰهْ يَثٜىٰ «يَا يَهْوٜىٰهْ ، إِنَ ضُواْڧُوانْكَ، كَبُوطٜىٰ عِدَنُونْسَ يَغَنِ؞» سَيْ يَهْوٜىٰهْ يَبُوطٜىٰ إِدَانُنْ سَوْرَيِ مَيْ حِدِمَ، سَيْ يَغَ مَنْيَنْ تُدَّنْ دَسُكٜىٰ كٜىٰوَيٜىٰ دَ أَلْيَسَعَ ثِكٜىٰ دَ دَوَكِ دَ كٜىٰكُنَنْ دُواْكِ نَوُتَ؞

18دَ سُورِيَاوَنْ سُكَ غَنْ‌غَرَ كُسَ دُواْمِنْ سُڢَاطَ مَسَ دَ يَاڧِ، سَيْ أَلْيَسَعَ يَضُواْڧِ يَهْوٜىٰهْ يَثٜىٰ «يَا يَهْوٜىٰهْ ، كَسَا سُذَمَ مَكَڢِ!» يَكُوَ أَمْسَ أَدُّعَرْسَ يَسَا سُكَ ذَمَ مَكَڢِ؞

19سَيْ أَلْيَسَعَ يَثٜىٰ مُسُ «بَوَنَّنْ عِتَثٜىٰ حَنْيَرْبَ، بَكُمَ نَنْ نٜىٰ غَرِنْبَ؞ كُبِينِ ذَنْ كَيْكُ وُرِنْ مُتُمِنْ دَ كُكٜىٰ نٜىٰمَ؞» سَعَنً يَجَاسُ ذُوَا سَمَرِيَ؞

20نَنْ دَنَنْ دَسُكَ شِغَ بِرْنِنْ سَمَرِيَ، سَيْ أَلْيَسَعَ يَيِ أَدُّعَ غَ يَهْوٜىٰهْ يَثٜىٰ «كَبُوطٜىٰ مُسُ إِدَانُو دُواْمِنْ سُغَنِ؞» سَيْ يَهْوٜىٰهْ يَبُوطٜىٰ عِدَنُونْسُ سُكَغَ كَنْسُ أَڟَكِيَرْ سَمَرِيَ؞

21دَ سَرْكِنْ إِسْرَٰٓءِيلَ يَغَنْسُ سَيْيَثٜىٰ وَ أَلْيَسَعَ «بَابَ، إِنْكَشٜىٰسُ؟ إِنْكَشٜىٰسُ يَنْذُ؟»

22أَلْيَسَعَ يَثٜىٰ «أَعَ، بَذَاكَ كَشٜىٰسُبَ؞ أَيْ، كُواْ سُواْجُواْجِنْ دَ عَكَنْ كَامَ أَوُرِنْ يَاڧِ بَعَيِنْ مُسُ حَكَ؞ كَبَاسُ عَبِنْثِ دَ ضُوً شَا سُثِ سُشَا، سَعَنً كَسَلَّمٜىٰسُ سُكُواْمَ وُرِنْ مَيْغِدَنْسُ؞»

23دُواْمِنْ حَكَ سَرْكِنْ إِسْرَٰٓءِيلَ يَشِرْيَ مُسُ بَبَّنْ بِكِ؞ بَايَنْدَ سُكَثِ سُكَشَا، يَسَلَّمٜىٰسُ سُكَ كُواْمَ وُرِنْ مَيْغِدَنْسُ؞ تُنْدَغَ لُواْكَثِنْ، سُرِيَاوَا بَسُسَاكٜىٰ كَيْوَ ڧَسَرْ إِسْرَٰٓءِيلَ هَرِبَ؞

24أَنَانً بَايَنْ وَنَّنْ، سَرْكِے بٜىٰنْهَدَدْ نَ سُورِيَ يَتَتَّارَ سُواْجُواْجِنْسَ سُكَ هَوْرَ سُكَ كٜىٰوَيٜىٰ بِرْنِنْ سَمَرِيَ دُواْمِنْ يَاڧِ؞

25سَبُواْدَ دَطٜىٰوَرْ وَنَّنْ كٜىٰوَيٜىٰوَرْ بِرْنِنْ، سَيْ يُنْوَ تَٻَرْكٜىٰ عَبِرْنِنْ، حَرْ أَنَ سَيَرْ دَ كَنْ جَاكِ عَكَنْ أَظُرْڢَا تَمَٰنِنْ، كَاشِنْ ڟُنْڟُ كُمَ عَكَنْ أَظُرْڢَا بِيَرْ؞

26وَتَرَانَ سَعَدَّ سَرْكِنْ إِسْرَٰٓءِيلَ يَنَ تَڢِيَ عَكَنْ كَتَنْ‌غَرْ بِرْنِنْ، سَيْ وَتَ مَثٜىٰ تَيِ كُوكَا غَرٜىٰشِ تَثٜىٰ «رَنْكَيَدَطٜىٰ! كَتَيْمَكٜىٰنِ، سَرْكِے!»

27سَرْكِے يَأَمْسَ مَتَ يَثٜىٰ «عِدَنْ يَهْوٜىٰهْ بَيْ تَيْمَكٜىٰكِبَ، مٜىٰ ذَنْعِيَيِ؟ إِنَدَ حَڟِ كُواْ ضُوً إِنَبِنْدَ ذَنْبَاكِ نٜىٰ؟»

28سَرْكِے يَڧَارَثٜىٰ مَتَ «مٜىٰنٜىٰنٜىٰ دَامُوَرْكِ؟» تَا أَمْسَ تَثٜىٰ «مَثٜىٰنَّنْ نٜىٰ تَثٜىٰ مُثِ طَانَ يَوْ، سَعَنً وَشٜىٰغَرِ مُثِ نَاتَ؞

29حَكَ كُوَ مُكَ دَڢَ طَانَ مُكَثِ؞ عَمَّا وَشٜىٰغَرِ دَ نَثٜىٰمَتَ مُكَشٜىٰ نَاتَ مُثِ، سَيْ تَٻُواْيٜىٰشِ؞»

30دَ سَرْكِے يَجِ حَكَ سَيْ يَيَيَّاغٜىٰ رِيغُنَنْسَ؞ تُنْدَيَكٜىٰ سَرْكِے يَنَ تَڢِيَ عَكَنْ كَتَنْ‌غَرْ بِرْنِنْ، مُتَنٜىٰ سُكَ غَنْشِ سَنْيٜىٰ دَ رِيغُنَنْ نُونَ بَڧِنْ ثِكِ؞

31سَرْكِے يَثٜىٰ «بَرِ اللَّهْ يَطَوْكِ رَيْنَ حَرْ مَا ڢِيٜىٰدَ حَكَ، عِدَنْ بَنْ ثِرٜىٰكَنْ أَلْيَسَعَ طَنْ شَڢَتْ يَوْبَ!»

32سَيْ سَرْكِے يَعَيْكِ وَنِ يَكَامَ أَلْيَسَعَ؞ أَلْيَسَعَ كُوَ يَنَ ظَوْنٜىٰ أَغِدَنْسَ تَرٜىٰدَ دَتَّاوَنْ إِسْرَٰٓءِيلَ؞ عَمَّا كَاڢِنْ طَنْ عَيْكَنْ يَ إِسُواْ، أَلْيَسَعَ يَثٜىٰ وَدَتَّاوَنْ «كُنْ غَنِ كُواْ؟ وَنَّنْ مَيْ كِسَا يَعَيْكُواْ عَثِرٜىٰمِنِ كَيْ! تُواْ، عِدَنْ طَنْ عَيْكَنْ يَ إِسُواْ، سَيْ كُرُڢٜىٰ ڧُواْڢَرْ كُكُلّٜىٰشِ أَوَجٜىٰ؞ بَ دَ جِمَاوَابَ، مَيْغِدَنْسَ ذَيْبِے بَايَنْسَ؞»

33تُنْ أَلْيَسَعَ بَيْ رُڢٜىٰ بَاكِبَ، سَيْ سَرْكِے يَ إِسُواْ يَثٜىٰ «أَيْ، يَهْوٜىٰهْ نٜىٰ يَكَٰوُاْ مَنَ وَنَّنْ مَسِيڢَ؞ دُوانْمٜىٰ ذَنْسَا ذُوثِيَا غَ يَهْوٜىٰهْ كُمَ؟»

← Chapter 5 Jump to: Chapter 7 →