2 Kings 5

Hausa Arabic 2020 (أَتَّوْرَتْ دَ أَنَّبَاوَا)

← Chapter 4 Jump to: Chapter 6 →

1نَعَمَنْ كُوَ شُوغَبَنْ سُواْجُواْجِنْ سَرْكِنْ سُورِيَ؞ سَرْكِنْ سُورِيَ يَنَ غِرْمَمَ شِ يَنَ كُمَ جِنْ دَاطِنْسَ ڨُورَيْ، دُواْمِنْ تَهَنُّنْسَ نٜىٰ يَهْوٜىٰهْ يَبَا سُرِيَاوَا نَصَرَا؞ شِ سُواْجَ مَيْ عِيَ يَاڧِ نٜىٰ، عَمَّا يَنَدَ ثُوتَرْ ڢَتَرْ جِكِے؞

2دَا ثَنْ سُرِيَاوَا سُنْ كَيْ هَرِ عَڧَسَرْ إِسْرَٰٓءِيلَ، سُكَ ڨُوثٜىٰ وَتَ ڧَرَمَرْ يَارِنْيَ دَغَ وُرِنْ، تَذَمَ مَيْيِ وَمَاتَرْ نَعَمَنْ حِدِمَ؞

3وَتَرَانَ يَارِنْيَرْ تَثٜىٰ وَمَاتَرْ نَعَمَنْ «دَاعَثٜىٰ مَيْغِدَا ذَيْ تَڢِے وُرِنْ أَنَّبِنْدَ يَكٜىٰ عَبِرْنِنْ سَمَرِيَ دَ ذَيْ وَرْكٜىٰ دَغَ ثُوتَرْ ڢَتَرْ جِكِنْسَ؞»

4نَعَمَنْ يَتَڢِے وُرِنْ سَرْكِے يَڢَطَا مَسَ أَبِنْدَ يَارِنْيَرْ نَنْ دَغَ ڧَسَرْ إِسْرَٰٓءِيلَ تَڢَطَا مَسَ؞

5سَرْكِنْ سُورِيَ يَثٜىٰ «كَتَڢِے؞ ذَنْ رُبُوتَ وَسِيڧَ غَمٜىٰدَ كَيْ، كَكَيْ وَسَرْكِنْ إِسْرَٰٓءِيلَ؞» سَيْ نَعَمَنْ يَتَاشِ يَطَوْكِ أَظُرْڢَا دُبُو تَلَاتِنْ دَ ظِينَارِيَ دُبُو شِدَ دَ رِيغُنَ كَشِ غُواْمَ؞

6يَكَيْ وَسَرْكِنْ إِسْرَٰٓءِيلَ وَسِيڧَ وَدَّ تَكٜىٰثٜىٰوَ «دَ وَنَّنْ وَسِيڧَ نَكٜىٰ غَبَاتَرْ مَكَ دَ مَيْ حِدِمَتَ نَعَمَنْ؞ إِنَ سُواْ كَوَرْكَرْ دَشِ دَغَ ثُوتَرْ ڢَتَرْ جِكِنْسَ؞»

7سَعَدَّ سَرْكِنْ إِسْرَٰٓءِيلَ يَكَرَنْتَ وَسِيڧَرْ، سَيْ يَيَيَّاغٜىٰ رِيغُنَنْسَ دُوانْ بَڧِنْ ثِكِ يَثٜىٰ «نِے اللَّهْ نٜىٰ، مَيْ عِيَ كَشٜىٰ كُواْ مَيْ عِيَ بَادَ رَيْ؟ دُوانْمٜىٰ سَرْكِنْ سُورِيَ ذَيْ عَيْكُواْ دَ سَڧُواْ ثٜىٰوَ إِنْ وَرْكَرْدَ مُتُمْ دَغَ ثُوتَرْ ڢَتَرْ جِكِنْسَ؟ دُوبِے يَدَّ مُتُمِنَّنْ يَكٜىٰ نٜىٰمَنَ دَ ڢَطَ!»

8عَمَّا دَ أَلْيَسَعَ مُتُمِنْ اللَّهْ يَجِ ثٜىٰوَ سَرْكِنْ إِسْرَٰٓءِيلَ يَيَيَّاغٜىٰ رِيغُنَنْسَ، سَيْ يَعَيْكَ مَسَ دَ سَڧُواْ يَثٜىٰ «دُوانْمٜىٰ كَا يَيَّاغٜىٰ رِيغُنَنْكَ؟ تُرُواْ شِ وُرِينَ، ذَيْ كُوَ سَنِ ثٜىٰوَ أَݣَويْ أَنَّبِے عَ إِسْرَٰٓءِيلَ؞»

9سَيْ نَعَمَنْ يَتَڢِے دَ دَوَكِنْسَ دَ كٜىٰكُنَنْ دُواْكِنْسَ، يَڟَيَ أَغَبَنْ غِدَنْ أَلْيَسَعَ؞

10أَلْيَسَعَ يَعَيْكَرْ دَ طَنْ عَيْكَ يَثٜىٰ وَ نَعَمَنْ يَجٜىٰ كُواْغِنْ يُواْدَنْ يَنُڟٜىٰ سَوْ بَݣَويْ ثِكِنْ ضُوً، ڢَتَرْ جِكِنْسَ ذَيْ كُوَ وَرْكٜىٰ يَذَمَ لَاڢِيَيّٜىٰ؞

11عَمَّا نَعَمَنْ يَيِ ڢُشِے يَكَامَ حَنْيَ يَنَ ثٜىٰوَ «نَاثٜىٰ كُواْ أَنَّبِنْ ذَيْڢِتَ ذُوَا وُرِينَ، يَڟَيَ أَغَبَنَ، يَيِ أَدُّعَ غَ يَهْوٜىٰهْ اللَّهْ نْسَ، سَعَنً يَسَا حَنُّنْسَ يَتَٻَ وُرِنْ دُواْمِنْ إِنْ وَرْكٜىٰ؞

12كُواْغِنْ دِمَشْڧُ نَنْ بِيُ، أَبَنَ دَ ڢَرْڢَرْ، بَسُڢِ دُكَنْ ضُوَيٜىٰنْ إِسْرَٰٓءِيلَ بَ؟ أَيْ دَ نَيِ وَنْكَ عَثِكِنْسُ دَ نَسَامِ لَاڢِيَ؞» سَيْ يَجُويَ دَ ڢُشِے يَتَڢِے؞

13عَمَّا مَاسُ يِمَسَ حِدِمَ سُكَذُواْ وُرِنْسَ سُكَثٜىٰ مَسَ «بَابَ، دَاعَثٜىٰ أَنَّبِنْ يَعُمَرْثٜىٰكَ كَيِ وَنِ بَبَّنْ أَبُ دَ بَذَاكَيِبَ؟ بَلّٜىٰ ڢَا يَثٜىٰ مَكَ كَوَيْ كَتَڢِے كَيِ وَنْكَ ذَاكَ وَرْكٜىٰ؟»

14سَبُواْدَ حَكَ نَعَمَنْ يَغَنْ‌غَرَ ذُوَا كُواْغِنْ يُواْدَنْ يَنُڟَ كَنْسَ سَوْ بَݣَويْ بِسَغَ كَلْمَرْ مُتُمِنْ اللَّهْ ؞ سَيْ ڢَتَرْ جِكِنْسَ يَكُواْمَ كَمَرْ نَطَنْ يَرُواْ، يَكُوَ وَرْكٜىٰ؞

15يَكُواْمَ وُرِنْ مُتُمِنْ اللَّهْ تَرٜىٰدَ دُكَنْ مُتَنٜىٰنْسَ؞ يَذُواْ غَبَنْ أَلْيَسَعَ سَيْيَثٜىٰ مَسَ «يَنْذُ نَسَنِ ثٜىٰوَ بَابُ اللَّهْ كُواْعِنَ عَدُونِيَا سَيْ عَ إِسْرَٰٓءِيلَ؞ إِنَ ضُواْڧُوانْكَ، يَا مَيْغِرْمَ، كَكَرْٻِ ݣَوْتَادَغَ غَرٜىٰنِ؞»

16أَلْيَسَعَ يَأَمْسَ يَثٜىٰ «نَا ضَنْڟٜىٰ دَ سُونَنْ يَهْوٜىٰهْ مَيْ رَيْ، وَنْدَ نَكٜىٰ بَوْتَا مَسَ، بَذَنْ كَرْٻِ كُواْمٜىٰبَ؞» نَعَمَنْ يَمَاڟَ مَسَ يَكَرْٻَ، عَمَّا يَڧِ؞

17سَيْ نَعَمَنْ يَثٜىٰ «عِدَنْ بَذَاكَ كَرْٻَبَ، تُواْ، كَبَرْنِ إِنْ طِبَ غَارِنْ ڧَسَرْكُ وَنْدَ جَاكُنَنْ دُواْكِ بِيُ ذَاسُ عِيَ طَوْكَ عَكَيْ مِنِ غِدَا؞ غَمَا دَغَ يَنْذُ بَذَنْسَاكٜىٰ مِيڧَ هَدَايَ تَڧُواْنَاوَا كُواْ وَطَنْسُ هَدَايُ غَ وَنِ اللَّهْ بَ، سَيْدَيْ يَهْوٜىٰهْ ؞

18عَمَّا إِنَ ڢَاتَا يَهْوٜىٰهْ ذَيْ غَاڢَرْتَا مِنِ أَبُ طَيَ؞ بَرِ يَغَاڢَرْتَا مِنِ سَعَدَّ نَرِڧٜىٰ سَرْكِينَ دَ حَنُّ ذُوَا طَاكِنْ غُنْكِ رِمُّوانْ دُواْمِنْ سُجَّدَ دَ كُمَ سَعَدَّ نَرُسُنَ عَثِكِنْ طَاكِنْ وَنَّنْ اللَّهْ‌نْ سُورِيَ؞»

19أَلْيَسَعَ يَثٜىٰ مَسَ «كَسَوْكَ لَاڢِيَ؞» سَيْ نَعَمَنْ يَتَڢِے؞ عَمَّا تُنْ نَعَمَنْ بَيْيِ نٜىٰسَ سُواْسَيْبَ،

20سَيْ غٜىٰهَظِ مَيْ حِدِمَرْ أَلْيَسَعَ، مُتُمِنْ اللَّهْ ، يَثٜىٰ وَرَنْسَ «غَاشِ ڢَا، مَيْغِدَانَ يَبَرْ نَعَمَنْ مُتُمِنْ سُورِيَنَّنْ يَتَڢِے حَكَنَنْ؞ بَيْ كَرْٻِ كُواْمٜىٰ أَ حَنُّنْسَبَ؞ نَا ضَنْڟٜىٰ دَ سُونَنْ يَهْوٜىٰهْ مَيْ رَيْ، ذَنْبِيشِ إِنْ كَرْٻِ وَنِ أَبُ دَغَ حَنُّنْسَ؞»

21سَيْ غٜىٰهَظِ يَبِے نَعَمَنْ أَغُجٜىٰ؞ سَعَدَّ نَعَمَنْ يَغَ وَنِ يَنَ بِنْسُ دَ غُدُ، سَيْ يَسَوْكَ دَغَ كٜىٰكٜىٰنْ دُواْكِنْ يَتَرْيٜىٰشِ يَثٜىٰ «لَاڢِيَ كُوَ؟»

22غٜىٰهَظِ يَأَمْسَ يَثٜىٰ «كُواْمٜىٰ لَاڢِيَ لَوْ؞ شُوغَبَنَ نٜىٰ يَعَيْكٜىٰنِ وُرِنْكَ ثٜىٰوَ يَنْذُ مُتَنٜىٰ بِيُ دَغَ ڧُنْ‌غِيَرْ أَنَّبَاوَا سُنْ شِغُواْ دَغَ يَنْكِنْ تُدَّنْ إِڢْرَيِمْ؞ يَنَ ضُواْڧُواْ كَبَاسُ أَظُرْڢَا دُبُو عُكُ دَ رِيغُنَ كَشِ بِيُ؞»

23نَعَمَنْ يَأَمْسَ يَثٜىٰ «كَكَرْٻِ أَظُرْڢَا دُبُو شِدَ؞» نَعَمَنْ كُوَ يَمَاڟَ مَسَ يَكَرْٻِ أَظُرْڢَا دُبُو شِدَ، يَڧُنْسَ مَسَ عَثِكِنْ جَكَ بِيُ، تَرٜىٰدَ رِيغُنَ كَشِ بِيُ؞ يَ عُمَرْثِ بِيُ دَغَ یَنْ حِدِمَرْسَ سُكَ رِڧٜىٰوَ غٜىٰهَظِ؞

24دَ سُكَ كَيْ كَنْ تُدُ كُسَدَ غِدَنْ أَلْيَسَعَ، سَيْ غٜىٰهَظِ يَكَرْٻَ، يَشِغَرْ دَسُو ثِكِنْ غِدَا؞ سَعَنً يَسَلَّمٜىٰسُ سُكَ كُواْمَ؞

25غٜىٰهَظِ يَكُواْمَ ثِكِنْ غِدَا وُرِنْ شُوغَبَنْسَ؞ سَيْ أَلْيَسَعَ يَثٜىٰمَسَ «إِنَا كَتَڢِے، غٜىٰهَظِ؟» سَيْ يَأَمْسَ «رَنْكَيَدَطٜىٰ، بَنْ تَڢِے وَنِ وُرِيبَ؞»

26عَمَّا أَلْيَسَعَ يَأَمْسَ يَثٜىٰمَسَ «أَيْ، إِنَ أَوُرِنْ ثِكِنْ رُوحُ سَعَدَّ مُتُمِنْ يَسَوْكَ دَغَ كٜىٰكٜىٰنْ دُواْكِنْسَ دُواْمِنْ يَسَدُ دَكَيْ؞ كَنَ غَنِ وَنَّنْ لُواْكَثِ نٜىٰ دَ ذَاعَ كَرْٻِ كُطِ دَ رِيغُنَ دَ غُواْنَرْ إِنَبِے دَ تُمَكِ دَ بِجِمَيْ دَ بَايِ مَظَا دَ مَاتَا؟

27دُواْمِنْ حَكَ ثُوتَرْ ڢَتَرْ جِكِنْ نَعَمَنْ ذَاتَ مَنّٜىٰ مَكَ دَ ذُرِيَرْكَ حَرْ أَبَدَا؞» غٜىٰهَظِ يَڢِتَ دَغَ غَبَنْ أَلْيَسَعَ دَ ثُوتَرْ ڢَتَرْ جِكِے، يَذَمَ ڢَرِ ڢَتْ كَمَرْ أَوْدُغَ؞

← Chapter 4 Jump to: Chapter 6 →