2 Kings 18

Hausa Arabic 2020 (أَتَّوْرَتْ دَ أَنَّبَاوَا)

← Chapter 17 Jump to: Chapter 19 →

1أَ شٜىٰكَرَا تَ عُكُ تَمُلْكٍ سَرْكِے هُواْشٜىٰيَ طَنْ عٜىٰلَ نَ إِسْرَٰٓءِيلَ، هٜىٰزٜىٰكِيَ طَنْ أَهَظْ يَڢَارَ مُلْكٍ يَهُودَ؞

2سَرْكِے هٜىٰزٜىٰكِيَ يَنَدَ شٜىٰكَرَا عَشِرِنْ دَ بِيَرْ سَعَدَّ يَذَمَ سَرْكِے، يَيِ مُلْكِ شٜىٰكَرَا عَشِرِنْ دَ تَرَ أَ عُرُوشَلِيمَ؞ سُونَنْ مَامَرْسَ أَبِے، یَرْ زَكَرِيَّا؞

3يَكُوَ عَيْكَتَ أَبِنْدَ يَكٜىٰ دَيْدَيْ أَعِدُوانْ يَهْوٜىٰهْ ، كَمَرْ يَدَّ كَكَنْسَ دَاوُدَ يَيِ؞

4يَرُرُّشٜىٰ وُرَارٜىٰنْ سُجَّدَ دَ بَسُ دَاثٜىٰبَ دَ دُووَڟُنْ سُجَّدَ دَ غُمَكَنْ أَشٜىٰرَ؞ يَڢَرْڢَشٜىٰ مَثِيجِ نَڧَرْڢٜىٰنْ تَغُلَّرْ نَنْ دَ مُوسَٰى يَيِ، وَنْدَ سُكَ بَاشِ سُونَ نَهُشْتَنْ؞ سَرْكِے هٜىٰزٜىٰكِيَ يَيِ وَنَّنْ غَمَا حَرْ ذُوَا ݣُونَكِنَّنْ مُتَنٜىٰنْ إِسْرَٰٓءِيلَ سُنَ ڧُواْنَ وَ مَثِيجِنْ هَدَايُ نَتُرَارٜىٰ؞

5سَرْكِے هٜىٰزٜىٰكِيَ يَدُواْغَرَ غَ يَهْوٜىٰهْ اللَّهْ نَ إِسْرَٰٓءِيلَ؞ سَبُواْدَ حَكَ بَعَسَامِ وَنِ سَرْكِے كَمَرْسَ دَغَ ثِكِنْ دُكَنْ سَرَاكُنَنْ يَهُودَ بَ، وَطَنْدَ سُكَيِ مُلْكِ أَغَبَنْسَ كُواْ عَبَايَنْسَ؞

6هٜىٰزٜىٰكِيَ يَمَنّٜىٰوَ يَهْوٜىٰهْ ؞ بَيْ جُويَا دَغَ بِنْسَبَ، عَمَّا يَكِيَايٜىٰ عُمَرْنَنْ دَ يَهْوٜىٰهْ يَعُمَرْثِ مُوسَٰى؞

7يَهْوٜىٰهْ كُوَ يَكَسَنْثٜىٰ تَرٜىٰ دَشِ؞ كُواْعِنَ دَ هٜىٰزٜىٰكِيَ يَتَڢِے، يَنَ سَامُنْ أَلْبَرْكَ عَيَلْوَثٜىٰ؞ هٜىٰزٜىٰكِيَ يَيِ وَسَرْكِنْ أَسُّرِيَ تَاوَيٜىٰ، يَڧِ يَبَوْتَا مَسَ؞

8يَثِ ڢِلِسْتِيَاوَا دَ يَاڧِ، حَرْ غَاظَ دَ يَنْكُنَنْسَ دَغَ ڧَوْيُكَ ذُوَا بِرَنٜىٰ مَاسُ كَتَنْ‌غَ؞

9أَ شٜىٰكَرَا تَهُطُ تَمُلْكٍ سَرْكِے هٜىٰزٜىٰكِيَ نَ يَهُودَ، وَدَّ عِتَثٜىٰ شٜىٰكَرَا تَبَݣَويْ تَمُلْكٍ سَرْكِے هُواْشٜىٰيَ طَنْ عٜىٰلَ نَ إِسْرَٰٓءِيلَ، سَيْ سَرْكِے شَلْمَنٜىٰظٜىٰرْ نَ أَسُّرِيَ يَكَٰوُاْ يَاڧِ عَكَنْ إِسْرَٰٓءِيلَ أَ سَمَرِيَ، يَكُوَ كٜىٰوَيٜىٰ بِرْنِنْ؞

10بَايَنْ شٜىٰكَرَا عُكُ سَيْ شَلْمَنٜىٰظٜىٰرْ يَڨُوثٜىٰ بِرْنِنْ سَمَرِيَ؞ وَنَّنْ يَڢَرُ أَ شٜىٰكَرَا تَشِدَ تَمُلْكٍ سَرْكِے هٜىٰزٜىٰكِيَ، وَتُواْ شٜىٰكَرَا تَتَرَ تَمُلْكٍ سَرْكِے هُواْشٜىٰيَ نَ إِسْرَٰٓءِيلَ؞

11سَرْكِنْ أَسُّرِيَ يَݣُوشِ مُتَنٜىٰنْ إِسْرَٰٓءِيلَ ذُوَا أَسُّرِيَ، يَذَوْنَرْ دَسُو عَبِرْنِنْ هَلَ، وَنْدَ يَكٜىٰ عَبَاكِنْ كُواْغِنْ هَبُوارْ، وَتُواْ كُواْغِنْ غُواْظَنْ؞ يَكُمَ ذَوْنَرْ دَ وَطَنْسُ عَثِكِنْ بِرَنٜىٰنْ مٜىٰدِيَ؞

12وَنَّنْ يَكَسَنْثٜىٰ حَكَ سَبُواْدَ مُتَنٜىٰنْ إِسْرَٰٓءِيلَ بَسُيِ بِيَيَّ دَ مُرْيَرْ يَهْوٜىٰهْ اللَّهْ نْسُبَ؞ سُكَ كَرْيَ يَرْجٜىٰجٜىٰنِيَرْسَ، وَتُواْ دُكَنْ أَبِنْدَ مُوسَٰى بَاوَنْ يَهْوٜىٰهْ يَعُمَرْتَ؞ مُتَنٜىٰنْ كُوَ سُكَڧِ جِ، سُكَڧِ يِنْ بِيَيَّ دَ دُواْكُواْكِنْسَ؞ ﴿شٜىٰكَرَا 701 كَاڢِنْ حَيْڢُوَرْ عِيسَىٰ ﴾

13عَثِكِنْ شٜىٰكَرَا تَغُواْمَشَا حُطُ تَمُلْكٍ سَرْكِے هٜىٰزٜىٰكِيَ، سَرْكِے سٜىٰنَّكٜىٰرِبْ نَ أَسُّرِيَ يَكَيْ يَاڧِ عَكَنْ دُكَنْ بِرَنٜىٰ مَاسُ كَتَنْ‌غَ نَ يَهُودَ، يَكُوَ ڨُوثٜىٰسُ؞

14سَيْ سَرْكِے هٜىٰزٜىٰكِيَ يَعَيْكَ دَ سَڧُواْ غَ سَرْكِنْ أَسُّرِيَ عَبِرْنِنْ لَكِشْ ثٜىٰوَ «نَيِ لَيْڢِے، بَرِ كَجَنْيٜىٰ سُواْجُواْجِنْكَ، كَبَرْنِ؞ دُكْ أَبِنْدَ كَثٜىٰ مِنِ ذَنْ بِيَ؞» سَعَنً سَرْكِنْ أَسُّرِيَ يَسَا هٜىٰزٜىٰكِيَ يَعَيْكُواْ مَسَ دَ كِلُواْ دُبُو غُواْمَ نَأَظُرْڢَا دَ كِلُواْ دُبُو طَيَ نَظِينَارِيَ؞

15هٜىٰزٜىٰكِيَ يَتَارَ مَسَ دُكَنْ أَظُرْڢَرْ دَتَكٜىٰ أَ غِدَنْ يَهْوٜىٰهْ دَ كُمَ وَدَّ تَكٜىٰ أَطَكُنَنْ أَجِيَ نَغِدَنْ سَرْكِے؞

16أَ لُواْكَثِنْ كُوَ هٜىٰزٜىٰكِيَ يَكَنْكَرٜىٰ ظِينَارِيَرْ دَتَكٜىٰ عَڧُواْڢُواْڢِنْ غِدَنْ يَهْوٜىٰهْ دَ كُمَ ظِينَارِيَرْ دَشِ دَ كَنْسَ يَشَاڢَ عَكَتَكَنْ ڢِرَمْ نَڧُواْڢُواْڢِنْ، يَعَيْكَ وَ سَرْكِے سٜىٰنَّكٜىٰرِبْ نَ أَسُّرِيَ؞

17سَيْ سَرْكِنْ أَسُّرِيَ يَعَيْكَ دَ بَبَّنْ شُوغَبَنْ سُواْجُواْجِنْسَ دَ شُوغَبَنْ دَتَّاوَنْسَ دَ وَكِيلِنْسَ دَغَ بِرْنِنْ لَكِشْ تَرٜىٰدَ ڧُنْ‌غِيَرْ سُواْجُواْجِ مَاسُيَوَ ذُوَا عُرُوشَلِيمَ دُواْمِنْ سُيَاڧِ سَرْكِے هٜىٰزٜىٰكِيَ؞ دَ سُكَ هَوْرَ سَيْ سُكَ ڟَيَ أَوُرِنْ لَمْبَتُنْ دَيَكٜىٰ كَٰوُاْ ضُوَ دَغَ تَڢْكِ نَتُدُ، كُسَدَ حَنْيَرْ ڢِيلِنْ مَاسُ وَنْكِ؞

18سَعَدَّ سُكَ كِرَا سَرْكِے هٜىٰزٜىٰكِيَ، سَيْ دَتَّاوَنْسَ غُدَا عُكُنٜىٰ سُكَ ڢِتُواْ، وَتُواْ عٜىٰلِيَكِمْ طَنْ هِلْكِيَ شُوغَبَنْ غِدَنْ سَرْكِے دَ شٜىٰبْنَ مَرُبُوثِنْ سَرْكِے دَ يُواْوَ طَنْ أَسَڢْ مَرُبُوثِنْ تَارِيحِ؞

19سَيْ وَكِيلِنْ سَرْكِنْ أَسُّرِيَ يَثٜىٰمُسُ سُڢَطَا وَ هٜىٰزٜىٰكِيَ ثٜىٰوَ «بَبَّنْ سَرْكِنْ أَسُّرِيَ يَثٜىٰ، ‹عَكَنْ مٜىٰكَكٜىٰ دُواْغَضَ؟

20كَنَ ڟَمَّنِ مَغَنَ ثٜىٰ دَبَرَرْ يَاڧِ دَ ڧَرْڢِنْ يَاڧِ؟ عَكَنْ وَ كَكٜىٰ دُواْغَضَ يَنْذُ دَ حَرْ ذَاكَيِ مِنِ تَاوَيٜىٰ؟

21غَاشِ، يَنْذُ كَنَ دُواْغَضَ عَكَنْ مَصَرْ، وَدَّ تَكٜىٰ كَمَرْ كَرَنْ مَصَرَ، وَدَّ إِنْ كَجِنْ‌غِنَ عَكَيْ، ذَاتَ كَرْيَ تَسُواْكِ حَنُّنْكَ؞ حَكَ ڢِرْعَوْنَ سَرْكِنْ مَصَرْ يَكٜىٰ غَ دُكَنْ وَنْدَ يَدُواْغَرَ عَكَنْسَ؞

22كُواْ ذَاكُ غَيَ مِنِ ثٜىٰوَ كُنَ دُواْغَضَ عَكَنْ يَهْوٜىٰهْ اللَّهْ نْكُ نٜىٰ؟ تُواْ، بَا وُرَارٜىٰنْ سُجَّدَرْسَ عَكَنْ تُدَّيْ دَ كُمَ بَغَدٜىٰنْ هَدَايَرْسَ نٜىٰ، كَيْ هٜىٰزٜىٰكِيَ كَا رُرُّشٜىٰبَ؟ بَكَكُمَ ثٜىٰ وَمُتَنٜىٰنْ يَهُودَ دَ عُرُوشَلِيمَ «عَبَغَدٜىٰنَّنْ دَيَكٜىٰ أَ عُرُوشَلِيمَ نٜىٰ كَطَيْ ذَاكُيِ سُجَّدَ» بَ؟› »

23وَكِيلِنْ يَثِيغَبَدَ ثٜىٰوَ «تُواْ، سَيْ كَذُواْ كَدَيْدَيْتَ دَ مَيْغِدَانَ سَرْكِنْ أَسُّرِيَ؞ إِنَ عِيَ بَاكَ دَوَكِ دُبُو بِيُ، عِدَنْ كَيْ ذَاكَ عِيَ سَامُنْ مَاسُ هَوَنْسُ؞

24بَذَاكَ عِيَثِنْ نَصَرَا عَكَنْ سُواْجَ مَڢِے ڧَنْڧَنْتَ نَشُوغَبَنَبَ، كُواْدَيَكٜىٰ كَنَ دُواْغَضَ عَكَنْ مَصَرْ سُبَاكَ كٜىٰكُنَنْ دُواْكِنْ يَاڧِ دَ مَاسُ هَوَنْ دَوَكِنْ!

25بَنْدَ حَكَمَا، بَاتَرٜىٰدَ نُڢِنْ يَهْوٜىٰهْ نٜىٰ مُكَ هَوْرَ ذُوَا نَنْ دُواْمِنْ مُهَلَّكَ ڧَسَرْبَ؟ أَيْ، يَهْوٜىٰهْ نٜىٰ يَثٜىٰ مِنِ، ‹كَهَوْرَ ذُوَا ڧَسَرْ نَنْ، كَهَلَكَاتَ؞› »

26سَعَنً عٜىٰلِيَكِمْ طَنْ هِلْكِيَ دَ شٜىٰبْنَ دَ يُواْوَ، سُكَثٜىٰ وَوَكِيلِنْ «مَيْغِرْمَ، مُنَ ضُواْڧُواْ كَيِ مَغَنَ دَمُو عَيَرٜىٰنْ أَرَمَيَ؞ أَيْ، مُنَجِنْسَ؞ كَدَ كَيِ مَغَنَ دَمُو عَيَرٜىٰنْ يَهُودَاوَا غَمَا مُتَنٜىٰنْ دَسُكٜىٰ عَكَنْ كَتَنْ‌غَرْ بِرْنِ سُنَ جِنْكَ؞»

27عَمَّا وَكِيلِنْ يَأَمْسَ يَثٜىٰ «أَيْ، بَ أَغَرٜىٰكُ دَ سَرْكِنْكُ نٜىٰ كَطَيْ شُوغَبَنَ يَعَيْكٜىٰنِبَ؞ عَمَّا حَرْ غَ مُتَنٜىٰنْ دَسُكٜىٰ ظَوْنٜىٰ عَكَنْ كَتَنْ‌غَرْ بِرْنِنْ، وَطَنْدَ تَرٜىٰدَكُو عَكَ ڧَدَّرَ سُشَا وَهَلَ حَرْ سُثِ كَاشِنْسُ، سُشَا ڢِڟَرِنْسُ؞»

28سَيْ وَكِيلِنَّنْ يَتَاشِ ڟَيٜىٰ يَطَغَ مُرْيَرْسَ دَ ڧَرْڢِے سُواْسَيْ يَيِ مَغَنَ عَيَرٜىٰنْ يَهُودَاوَا يَثٜىٰ، «كُسَوْرَرِ مَغَنَرْ بَبَّنْ سَرْكِے، وَتُواْ سَرْكِنْ أَسُّرِيَ!

29إِنْجِ سَرْكِنْ، ‹كَدَ كُيَرْدَ هٜىٰزٜىٰكِيَ يَرُوطٜىٰكُ، غَمَا بَذَيْ عِيَ ڢِتَرْ دَكُو دَغَ هَنُّونَبَ؞

30كَدَ كُمَ كُيَرْدَ هٜىٰزٜىٰكِيَ يَسَا كُدُواْغَرَ عَكَنْ يَهْوٜىٰهْ دَ ثٜىٰوَ «بَابُ شَكَّ، يَهْوٜىٰهْ ذَيْ كُٻُتَرْ دَمُو، كُمَ بَذَاعَ بَادَ بِرْنِنَّنْ أَ حَنُّنْ سَرْكِنْ أَسُّرِيَ بَ؞» ›

31«إِنْجِ سَرْكِنْ أَسُّرِيَ، ‹كَدَ كُسَوْرَرِ هٜىٰزٜىٰكِيَ؞ كُشِرْيَ ذَمَنْ لَاڢِيَ دَنِے؞ كُڢِتُواْ كُذُواْ وُرِينَ؞ تَهَكَ ذَاكُ ذَوْنَ لَاڢِيَ، كُواْوَنّٜىٰنْكُ ذَيْ عِيَثِنْ یَیَنْ إِتَاثٜىٰنْ إِنَبِنْسَ دَ یَیَنْ إِتَاثٜىٰنْ ٻَوْرٜىٰنْسَ، يَكُمَشَا ضُوً رِجِيَرْسَ؞

32ذَاكُيِ حَكَ حَرْ سَيْ نَاذُواْ إِنْ ݣُوشٜىٰكُ ذُوَا وَتَ ڧَسَا كَمَرْ تَاكُ، ڧَسَرْدَ تَكٜىٰدَ حَڟِ دَ ضُوً إِنَبِے مَيْݣَوْ، ڧَسَرْدَ تَكٜىٰدَ عَبِنْثِ دَ غُواْنَكِنْ إِنَبِے دَ عِتَتُوَنْ ظَيْتُنْ دَ كُمَ ظُمَ؞ كُذَاٻِ رَيْ مَيْمَكُوانْ مُتُوَ! كَدَ كُكَسَ كُنّٜىٰ غَ هٜىٰزٜىٰكِيَ يَرُوطٜىٰكُ ثٜىٰوَ «أَيْ، يَهْوٜىٰهْ ذَيْثٜىٰثٜىٰمُ؞»

33أَݣَويْ وَنِ اللَّهْ نَوَتَ أَلْعُمَّ وَنْدَ يَتَٻَ كُٻُتَرْدَ ڧَسَرْسَ دَغَ حَنُّنْ سَرْكِنْ أَسُّرِيَ؟

34إِنَا نٜىٰ أَلُّواْلِنْ هَمَتْ دَ أَرْڢَدْ؟ إِنَا نٜىٰ كُمَ أَلُّواْلِنْ سٜىٰڢَرْوَيِمْ دَ هٜىٰنَ دَ إِوَّ؟ كُواْ أَلُّواْلِنْ سُنْ عِيَ كُٻُتَرْدَ سَمَرِيَ دَغَ هَنُّونَ نٜىٰ؟

35دَغَ ثِكِنْ دُكَنْ أَلُّواْلِنْ ڧَسَاشٜىٰنَّنْ، وَنٜىٰ اللَّهْ نٜىٰ يَتَٻَ كُٻُتَرْدَ ڧَسَرْسَ دَغَ هَنُّونَ، حَرْ دَ ذَاعَ ثٜىٰ يَهْوٜىٰهْ ذَيْ عِيَ كُٻُتَرْدَ عُرُوشَلِيمَ دَغَ هَنُّونَ؟› »

36عَمَّا مُتَنٜىٰنْ سُكَيِ شِضُ، بَسُ أَمْسَ مَسَ كُواْ دَ كَلْمَ غُدَا بَ، غَمَا سَرْكِے يَبَادَ عُمَرْنِ ثٜىٰوَ «كَدَ كُ أَمْسَ مَسَ؞»

37سَيْ عٜىٰلِيَكِمْ طَنْ هِلْكِيَ شُوغَبَنْ غِدَنْ سَرْكِے دَ شٜىٰبْنَ مَرُبُوثِنْ سَرْكِے دَ يُواْوَ طَنْ أَسَڢْ مَرُبُوثِنْ تَارِيحِ، دُكَنْسُ سُكَذُواْ وُرِنْ هٜىٰزٜىٰكِيَ دَ رِيغُنَنْسُ عَيَاغٜىٰ، سُكَ غَيَ مَسَ مَغَنَرْ وَكِيلِنْ سَرْكِنْ أَسُّرِيَ؞

← Chapter 17 Jump to: Chapter 19 →