2 Kings 17

Hausa Arabic 2020 (أَتَّوْرَتْ دَ أَنَّبَاوَا)

1أَ شٜىٰكَرَا تَغُواْمَشَا بِيُ تَمُلْكٍ سَرْكِے أَهَظْ نَ يَهُودَ، هُواْشٜىٰيَ طَنْ عٜىٰلَ نَ إِسْرَٰٓءِيلَ يَڢَارَ مُلْكِ أَ سَمَرِيَ؞ يَيِ مُلْكِ شٜىٰكَرَا تَرَ؞

2يَعَيْكَتَ مُغُنْتَا أَعِدُوانْ يَهْوٜىٰهْ ، عَمَّا بَكَمَرْ يَدَّ سَوْرَنْ سَرَاكُنَنْ إِسْرَٰٓءِيلَ وَطَنْدَ سُكَ رِغَاشِيبَ؞

3سَرْكِے شَلْمَنٜىٰظٜىٰرْ نَ أَسُّرِيَ يَكَٰوُاْ وَ سَرْكِے هُواْشٜىٰيَ يَاڧِ يَكُوَ ثِ نَصَرَا؞ سَبُواْدَ حَكَ إِسْرَٰٓءِيلَ تَكُواْمَ ڧَرْڧَشِنْ مُلْكٍ أَسُّرِيَ، سُنَ بِيَنْ مُسُ هَرَاجِ؞

4سَيْ سَرْكِے هُواْشٜىٰيَ يَيِ وَسَرْكِنْ أَسُّرِيَ تَاوَيٜىٰ؞ هُواْشٜىٰيَ يَعَيْكَ دَ مُتَنٜىٰ ذُوَا وُرِنْ سَرْكِے سُواْ نَ مَصَرْ يَتَيْمَكٜىٰشِ؞ هُواْشٜىٰيَ يَكُمَ دَيْنَ بَا شَلْمَنٜىٰظٜىٰرْ هَرَاجِنْ دَ يَكٜىٰبِيَنْسَ كُواْوَثٜىٰ شٜىٰكَرَا؞ سَبُواْدَ حَكَ سَرْكِے شَلْمَنٜىٰظٜىٰرْ يَكَامَ هُواْشٜىٰيَ يَسَا عَكُرْكُكُ؞ ﴿شٜىٰكَرَا 722-721 كَاڢِنْ حَيْڢُوَرْ عِيسَىٰ ﴾

5سَرْكِنْ أَسُّرِيَ كُوَ يَكَٰوُاْ يَاڧِ كُواْعِنَ عَڧَسَرْ إِسْرَٰٓءِيلَ؞ يَكٜىٰوَيٜىٰ سَمَرِيَ دُواْمِنْ يَاڧِ حَرْ شٜىٰكَرَا عُكُ؞

6أَ شٜىٰكَرَا تَتَرَ تَمُلْكٍ سَرْكِے هُواْشٜىٰيَ نَ إِسْرَٰٓءِيلَ، سَرْكِنْ أَسُّرِيَ يَثِ سَمَرِيَ دَ يَاڧِ، يَݣُوشِ مُتَنٜىٰنْ إِسْرَٰٓءِيلَ ذُوَا ڧَسَرْ أَسُّرِيَ؞ يَذَوْنَرْ دَسُو عَبِرْنِنْ هَلَ وَنْدَ يَكٜىٰ عَبَاكِنْ كُواْغِنْ هَبُوارْ، وَتُواْ كُواْغِنْ غُواْظَنْ؞ يَكُمَ ذَوْنَرْ دَ وَطَنْسُ عَبِرَنٜىٰنْ مٜىٰدِيَ؞

7أَنْ ثِ سَمَرِيَ دَ يَاڧِ سَبُواْدَ مُتَنٜىٰنْ إِسْرَٰٓءِيلَ سُنْيِ ذُنُوبِ غَ يَهْوٜىٰهْ اللَّهْ نْسُ، وَنْدَ يَڢِتَرْ دَسُو دَغَ ڧَسَرْ مَصَرْ دَغَ حَنُّنْ ڢِرْعَوْنَ سَرْكِنْ مَصَرْ؞ مُتَنٜىٰنْ سُنْ كُمَيِ وَ وَطَنْسُ أَلُّواْلِ سُجَّدَ،

8سُنَ تَڢِيَ ثِكِنْ أَلْعَادُنْ ڧَبِيلُنْ دَ يَهْوٜىٰهْ يَكُواْرَ دَغَ ڧَسَرْ دُواْمِنْ مُتَنٜىٰنْ إِسْرَٰٓءِيلَ سُذَوْنَ أَوُرِنْ، سُنَ كُمَ تَڢِيَ ثِكِنْ أَلْعَادُنْ دَ سَرَاكُنَنْ إِسْرَٰٓءِيلَ سُكَ غَبَاتَرْ؞

9مُتَنٜىٰنْ إِسْرَٰٓءِيلَ سُكَ عَيْكَتَ وَطَنْسُ أَبُبُوَ عَٻُواْيٜىٰ وَطَنْدَ بَ دَيْدَيْبَ غَ يَهْوٜىٰهْ اللَّهْ نْسُ؞ سُكَ غِنَاوَا كَنْسُ وُرَارٜىٰنْ سُجَّدَ دَ بَسُ دَاثٜىٰبَ ثِكِنْ غَرُرُوَنْسُ دَغَ ڧَوْيُكَ حَرْ ذُوَا بِرَنٜىٰ مَاسُ كَتَنْ‌غَ؞

10عَكُواْوَنٜىٰ كَنْ تُدُ دَ ڧَرْڧَشِنْ عِتَتُوَ مَاسُ بَادَ إِنُوَ سُكَ غِنَا دُووَڟُنْ سُجَّدَ دَ كُمَ غُمَكَنْ أَشٜىٰرَ؞

11سُكَ ڧُواْنَ تُرَارٜىٰ أَوُرَارٜىٰنْ سُجَّدَ دَ بَسُ دَاثٜىٰبَ كَمَرْ ڧَبِيلُنْ دَ يَهْوٜىٰهْ يَكُواْرَ دَغَ ڧَسَرْ دُواْمِنْ مُتَنٜىٰنْ إِسْرَٰٓءِيلَ سُذَوْنَ أَوُرِنْ؞ مُتَنٜىٰنْ إِسْرَٰٓءِيلَ سُنْ عَيْكَتَ مُوغَيٜىٰنْ أَبُبُوَنْ دَ سُكَسَا يَهْوٜىٰهْ يَيِ ڢُشِے،

12غَمَا سُنْ سَا كَيْ غَ يِنْ سُجَّدَ غَ غُمَكَنْ دَ يَهْوٜىٰهْ يَعُمَرْثٜىٰسُ كَدَ سُيِ مُسُ سُجَّدَ؞

13كُلُّمْ يَهْوٜىٰهْ يَايِ تَغَرْغَطِے إِسْرَٰٓءِيلَ دَ يَهُودَ تَبَاكِنْ كُواْوَنٜىٰ أَنَّبِے دَ كُواْوَنٜىٰ مَيْ غَنِ ثٜىٰوَ «كُجُويَا دَغَ مُوغَيٜىٰنْ هَنْيُواْيِنْكُ! كُكِيَايٜىٰ عُمَرْنَيْنَ دَ ڧَٰعِدُواْدِنَ بِسَغَ كُواْيَرْوَاتَا، وَدَّ نَعُمَرْثِ كَاكَنِّنْكُ، وَدَّ كُمَ نَعَيْكَ مُكُ تَبَاكِنْ بَايِنَ أَنَّبَاوَا؞»

14عَمَّا مُتَنٜىٰنْ إِسْرَٰٓءِيلَ سُكَڧِيجِ، سُكَيِ تَوْرِنْ كَيْ كَمَرْ كَاكَنِّنْسُ وَطَنْدَ سُكَڧِ يِنْ أَمِنْثِ غَ يَهْوٜىٰهْ اللَّهْ نْسُ؞

15سُكَ ڧِ ڧَٰعِدُواْدِنْسَ دَ يَرْجٜىٰجٜىٰنِيَرْ دَ يَيِ دَ كَاكَنِّنْسُ دَ كُمَ غَرْغَطِنْسَ؞ سُكَبِے غُمَكَنْ بَنْظَ، سَيْ سُكَ ذَمَ بَنْظَ؞ سُكَ كُمَبِے أَلْعَادُنْ ڧَبِيلُنْ دَسُكٜىٰ كٜىٰوَيٜىٰ دَسُو، كُواْدَيَكٜىٰ يَهْوٜىٰهْ يَا عُمَرْثٜىٰسُ ثٜىٰوَ كَدَ سُكُواْيِ رَايُوَرْسُ؞

16مُتَنٜىٰنْ إِسْرَٰٓءِيلَ كُمَ سُكَڧِ عُمَرْنَنْ يَهْوٜىٰهْ اللَّهْ نْسُ؞ سُكَيِ صِڢُّواْڢِنْ ظُبِے نَیَنْ بِجِمَيْ بِيُ دَ كُمَ غُنْكِنَّنْ أَشٜىٰرَ دُواْمِنْ كَنْسُ؞ مُتَنٜىٰنْ سُكَيِ سُجَّدَ غَ رَانَ دَ وَتَ دَ تَوْرَرِنْ سَمَ، سُكَ كُمَيِ وَ بَعَلْ سُجَّدَ؞

17سُكَ مِيڧَ یَیَنْسُ مَظَا دَ مَاتَا هَدَايَ تَڧُواْنَاوَا غَ أَلُّواْلِ؞ سُكَيِ دُوبَا، سُكَيِ مَيْتَنْثِ؞ سُكَ بَادَ كَنْسُ غَ يِنْ أَبِنْدَ يَكٜىٰ مُغُنْتَا أَعِدَانُنْ يَهْوٜىٰهْ ، وَنْدَ يَسَا شِ يَيِ ڢُشِے؞

18سَبُواْدَ حَكَ يَهْوٜىٰهْ يَيِ ڢُشِے مَيْ ڟَنَنِ دَ إِسْرَٰٓءِيلَ، يَكَوَرْ دَسُو دَغَ ڢُسْكَرْسَ؞ بَابُ ذُرِيَرْ دَ عَكَ بَرِ سَيْ تَ يَهُودَ كَطَيْ؞

19يَهُودَ عِتَمَا بَتَكِيَايٜىٰ عُمَرْنِنْ يَهْوٜىٰهْ اللَّهْ نْسُ بَ، عَمَّا سُنْيِ تَڢِيَ ثِكِنْ أَلْعَادُنْ دَ مُتَنٜىٰنْ يَنْكِنْ إِسْرَٰٓءِيلَ سُكَ كُواْيَ؞

20سَبُواْدَ حَكَ يَهْوٜىٰهْ يَڧِ ذُرِيَرْ إِسْرَٰٓءِيلَ، يَسَاسُ ثِكِنْ وَهَلَ، يَكُمَ بَادَسُو أَ حَنُّنْ أَبُواْكَنْ غَابَنْسُ، حَرْ سَيْ دَ عَكَ كَوَرْ دَسُو دَغَ ڢُسْكَرْسَ؞

21سَعَدَّ يَهْوٜىٰهْ يَرَبَ إِسْرَٰٓءِيلَ دَغَ غِدَنْ دَاوُدَ، سَيْ مُتَنٜىٰنْ إِسْرَٰٓءِيلَ سُكَ نَطَ يٜىٰرُواْبُواْوَمْ طَنْ نٜىٰبَتْ سَرْكِنْسُ؞ عَمَّا يٜىٰرُواْبُواْوَمْ يَتُورَ إِسْرَٰٓءِيلَ دَغَ بِنْ يَهْوٜىٰهْ ، يَسَا سُكَ شِغَ عَيْكَتَ بَبَّنْ ذُنُوبِ؞

22مُتَنٜىٰنْ إِسْرَٰٓءِيلَ كُوَ سُكَ ثِيغَبَدَ عَيْكَتَ دُكَنْ ذُنُبَنْدَ يٜىٰرُواْبُواْوَمْ يَيِ؞ بَسُ كُوَ جُويَا دَغَ بِنْسُبَ،

23حَرْ سَيْ دَ يَهْوٜىٰهْ يَكَوَرْ دَسُو دَغَ ڢُسْكَرْسَ كَمَرْ يَدَّ يَيِ مَغَنَ تَبَاكِنْ دُكَنْ بَايِنْسَ أَنَّبَاوَا؞ سَبُواْدَ حَكَنٜىٰ عَكَ ݣُوشِ مُتَنٜىٰنْ إِسْرَٰٓءِيلَ دَغَ ڧَسَرْسُ ذُوَا بَوْتَا عَڧَسَرْ أَسُّرِيَ، عِنْدَ سُكٜىٰ هَرْوَيَوْ؞

24سَرْكِنْ أَسُّرِيَ يَݣُوشِ مُتَنٜىٰ دَغَ بِرَنٜىٰنْ بَابِيلَ دَ نَ كُتَ دَ أَوَّ دَ هَمَتْ دَ سٜىٰڢَرْوَيِمْ يَذَوْنَرْ دَسُو عَثِكِنْ غَرُرُوَ نَ سَمَرِيَ، أَوُرَارٜىٰنْدَ يَڢِتَرْدَ مُتَنٜىٰنْ إِسْرَٰٓءِيلَ؞ مُتَنٜىٰنَّنْ سُكَ كَرْٻِ ڧَسَرْ سُكَ ذَوْنَ عَبِرَنٜىٰنْتَ؞

25أَ ڢَرْكُوانْ ذَمَنْسُ أَوُرِنْ، بَسُيِ وَ يَهْوٜىٰهْ سُجَّدَ بَ، دُواْمِنْ حَكَ يَعَيْكَ دَ ذَاكُواْكِ ثِكِنْسُ، سُكَ كَكَّشٜىٰ وَطَنْسُنْسُ؞

26عَكَ كَيْوَ سَرْكِنْ أَسُّرِيَ لَابَرِ ثٜىٰوَ مُتَنٜىٰنْدَ يَذَوْنَرْ دَسُو عَبِرَنٜىٰنْ سَمَرِيَ بَسُ سَنْ دُواْكُواْكِنْ اللَّهْ‌نْ ڧَسَرْ بَ، سَبُواْدَ حَكَ اللَّهْ‌نْ ڧَسَرْ يَعَيْكُواْ مُسُ دَ ذَاكُواْكِ وَطَنْدَ سُكٜىٰ تَكَشٜىٰسُ؞

27سَرْكِنْ أَسُّرِيَ يَبَاسُ عُمَرْنِ يَثٜىٰ «كُعَيْكَ دَ وَنِ ڢِرِسْتِ أَوُرِنْ دَغَ ثِكِنْ مُتَنٜىٰنْ إِسْرَٰٓءِيلَ وَطَنْدَ كُكَ ݣُوشٜىٰ ذُوَا نَنْ أَسُّرِيَ؞ كُسَا يَكُواْمَ ذُوَا ثَنْ يَذَوْنَ دَ مُتَنٜىٰنْ يَكُواْيَ مُسُ دُواْكُواْكِنْ اللَّهْ نَڧَسَرْ؞»

28سَبُواْدَ حَكَ سَيْ طَيَ دَغَ ثِكِنْ ڢِرِسْتُواْثِنْ دَ عَكَ ݣُوشٜىٰ دَغَ سَمَرِيَ، يَكُواْمَ يَذَوْنَ عَثِكِنْ بٜىٰتٜىٰلْ؞ سَيْ يَكُواْيَ مُسُ يَدَّ ذَاسُيِ وَ يَهْوٜىٰهْ سُجَّدَ؞

29عَمَّا مُتَنٜىٰنَّنْ دَ عَكَ ذَوْنَرْ دَسُو دَغَ وُرَارٜىٰ دَبَمْ دَبَمْ سُكَ ثِيغَبَدَ ڧٜىٰرَ أَلُّواْلِنْسُ؞ سُكَسَا أَلُّواْلِنْ أَطَكُنَنْ ڟَاڢِ أَوُرَارٜىٰنْ سُجَّدَ، وَطَنْدَ مُتَنٜىٰنْ إِسْرَٰٓءِيلَ أَ سَمَرِيَ سُكَ غِنَا؞ كُواْوَثٜىٰ ڧَبِيلَ تَيِ حَكَ عَبِرْنِنْ دَ تَكٜىٰدَ ذَمَ؞

30مُتَنٜىٰنْ دَ سُكَ ڢِتُواْ دَغَ بَابِيلَ سُكَ ڧٜىٰرَ غُنْكِنْسُ سُكُّواتْ بٜىٰنُواتْ؞ مُتَنٜىٰنْ كُتَ سُكَ ڧٜىٰرَ غُنْكِنْسُ نٜىٰرْغَلْ؞ مُتَنٜىٰنْ هَمَتْ سُكَ ڧٜىٰرَ غُنْكِنْسُ أَشِمَ؞

31مُتَنٜىٰنْ أَوَّ سُكَ ڧٜىٰرَ غُنْكِنْسُ نِبْهَظْ دَ تَرْتَكْ؞ مُتَنٜىٰنْ سٜىٰڢَرْوَيِمْ سُكَ مِيڧَ یَیَنْسُ هَدَايَ تَڧُواْنَاوَا غَ غُنْكِنْسُ أَدْرَمّٜىٰلٜىٰكْ دَ أَنَمّٜىٰلٜىٰكْ، غُمَكَنْ سٜىٰڢَرْوَيِمْ؞

32وَطَنَّنْ مُتَنٜىٰنْ سُكَ كُمَيِ وَ يَهْوٜىٰهْ سُجَّدَ؞ عَمَّا سُكَ نَطَ مُتَنٜىٰ دَغَ ثِكِنْسُ بَرْكَتَيْ دُواْمِنْ سُذَمَ ڢِرِسْتُواْثِے نَطَكُنَنْ ڟَاڢِ أَوُرَارٜىٰنْ سُجَّدَ دَ بَسُ دَاثٜىٰبَ، دُواْمِنْ سُمِيڧَ مُسُ هَدَايُ أَوُرَارٜىٰنْ؞

33سُكَيِ سُجَّدَ غَ يَهْوٜىٰهْ ، عَمَّا سُكَ ثِيغَبَدَ يِنْ وَ غُمَكَنْسُ سُجَّدَ، بِسَغَ أَلْعَادُنْ ڧَبِيلُنْ دَسُو سُكَ ڢِتُواْ؞

34هَرْوَيَوْ سُنَ بِنْ أَلْعَادُنْسُ كَمَرْ يَدَّ سُكَ سَابَايِ؞ بَاسَ سُجَّدَ غَ يَهْوٜىٰهْ ، بَاسَ كُمَ بِنْ ڧَٰعِدُواْدِ، كُواْ دُواْكُواْكِ، كُواْ كُواْيَرْوَرْ مُوسَٰى، كُواْ عُمَرْنَنْ دَ يَهْوٜىٰهْ يَعُمَرْثِ ذُرِيَرْ يَعْڧُوبَ، وَنْدَ اللَّهْ يَثَنْجَ مَسَ سُونَ ذُوَا إِسْرَٰٓءِيلَ؞

35يَهْوٜىٰهْ يَايِ يَرْجٜىٰجٜىٰنِيَ دَ ذُرِيَرْ يَعْڧُوبَ يَعُمَرْثٜىٰسُ يَثٜىٰ «كَدَ كُيِ سُجَّدَ غَ وَطَنْسُ أَلُّواْلِ، كُواْ كُرُسُنَ مُسُ، كُواْ كُيِ مُسُ حِدِمَ، كُواْ كُوَ كُمِيڧَ مُسُ هَدَايَ؞

36عَمَّا يَهْوٜىٰهْ وَنْدَ يَڢِتَرْ دَكُو دَغَ ڧَسَرْ مَصَرْ دَ حَنُّ مَيْ إِيكُواْ دَ كُمَ أَيُّكَنْكَ نَبَنْ مَامَاكِ، شِ كَطَيْ ذَاكُيِ مَسَ سُجَّدَ؞ شِ كَطَيْ ذَاكُ رُسُنَ مَسَ، شِے كَطَيْ ذَاكُ مِيڧَ مَسَ هَدَايَ؞

37ذَاكُ دِنْ‌غَ تَبَّتَرْ كُنَ يِنْ بِيَيَّ دَ ڧَٰعِدُواْدِ دَ دُواْكُواْكِ دَ كُواْيَرْوَرْ مُوسَٰى دَ عُمَرْنَيْ وَطَنْدَ يَرُبُوتَ مُكُ؞ كَدَ كُيِ وَ وَطَنْسُ أَلُّواْلِ سُجَّدَ؞

38كَدَ كُمَنْتَادَ يَرْجٜىٰجٜىٰنِيَرْدَ نَيِ دَكُو؞ كَدَ كُيِ وَ وَطَنْسُ أَلُّواْلِ سُجَّدَ؞

39عَمَّا ذَاكُيِ سُجَّدَ غَ يَهْوٜىٰهْ اللَّهْ نْكُ؞ شِينٜىٰ ذَيْ كُٻُتَرْ دَكُو دَغَ حَنُّنْ أَبُواْكَنْ غَابَنْكُ؞»

40عَمَّا دُكْدَهَكَ سُكَڧِيجِ، سُكَ ثِيغَبَ دَبِنْ ڟُواْڢَڢِّنْ أَلْعَادُنْسُ؞

41وَطَنَّنْ أَلْعُمَّنْ دَ عَكَ ذَوْنَرْ دَسُو عَڧَسَرْ سَمَرِيَ سُكَيِ سُجَّدَ غَ يَهْوٜىٰهْ ، عَمَّا سُكَ كُمَ ثِيغَبَدَ يِنْ سُجَّدَ غَ غُمَكَنْسُ؞ هَرْوَيَوْ یَیَنْسُ دَ جِيكُواْكِنْسُ سُنْثِيغَبَدَ يِنْهَكَ كَمَرْ كَاكَنِّنْسُ؞

← Chapter 16 Jump to: Chapter 18 →