Mark 10

Hausa Arabic 2020 (أَتَّوْرَتْ دَ أَنَّبَاوَا)

1دَغَ نَنْ عِيسَىٰ يَبَرْ وَنَّنْ وُرِے، يَتَڢِے يَنْكِنْ يَهُودِيَ دَ كُمَ ڧٜىٰتَرٜىٰنْ كُواْغِنْ يُواْدَنْ؞ مُتَنٜىٰ دَيَوَ كُمَ سُكَسَاكٜىٰ حَطُوَ أَوُرِنْسَ، يَكُمَ كُواْيَ مُسُ كَمَرْ يَدَّ يَسَابَا؞

2سَيْ وَطَنْسُ ڢَرِسِيَاوَا سُكَذُواْ وَجٜىٰنْسَ دُواْمِنْ سُڠُودَ شِ، سُكَ تَمْبَيٜىٰشِ سُكَثٜىٰ «بِسَغَ كُواْيَرْوَرْ مُوسَٰى دَيْدَيْنٜىٰ مُتُمْ يَسَكِ مَاتَرْسَ؟»

3سَيْ عِيسَىٰ يَأَمْسَ يَثٜىٰ «وَنٜىٰ عُمَرْنِ نٜىٰ مُوسَٰى يَبَاكُ؟»

4سُكَ أَمْسَ مَسَ سُكَثٜىٰ «مُوسَٰى يَبَادَ إِظْنِ مُتُمْ يَرُبُوتَ تَكَرْدَرْ كَشٜىٰنْ عَوْرٜىٰ، يَكُمَ سَلَّمِ مَاتَرْسَ؞»

5عِيسَىٰ يَثٜىٰ مُسُ «دُوانْ تَوْرِنْ كَنْكُ نٜىٰ مُوسَٰى يَرُبُوتَ مُكُ وَنَّنْ عُمَرْنِ؞

6عَمَّا تُنْ ڢَرْكُوانْ حَلِتَّ، ‹ اللَّهْ يَيِ مُتَنٜىٰ نَمِجِ دَ تَمَثٜىٰ؞›

7دُواْمِنْ حَكَ ڢَا، مُتُمْ ذَيْ بَرْ بَابَنْسَ دَ مَامَرْسَ، يَمَنّٜىٰوَ مَاتَرْسَ،

8سُو بِيُنْ كُمَ سُذَمَ طَيَ؞ حَرْ نَنْ غَبَ بَذَاسُ ذَمَ مُتُمْ بِيُ بَ، سَيْدَيْ سُذَمَ كَمَرْ مُتُمْ طَيَ؞

9سَبُواْدَ حَكَ، أَبِنْدَ اللَّهْ يَهَطَ، كَدَ وَنِ يَرَبَ؞»

10دَ سُكَسَاكٜىٰ كُواْمَاوَا ثِكِنْ غِدَا، سَيْ أَلْمَجِرَنْسَ سُكَيِ وَ عِيسَىٰ تَمْبَيَ عَكَنْ وَنَّنْ مَغَنَ؞

11سَيْ يَثٜىٰ مُسُ «دُكْ مُتُمِنْدَ يَسَكِ مَاتَرْسَ، يَ عَوْرِ وَتَ، يَنَ ثِنْ أَمَانَرْ مَثٜىٰ تَڢَرْكُواْ دَ يِنْ لَيْڢِنْ ظِنَ كٜىٰنَنْ؞

12إِنْ كُمَ مَثٜىٰ تَسَكِ مِجِنْتَ تَعَوْرِ وَنِ، تَيِ ظِنَ كٜىٰنَنْ؞»

13مُتَنٜىٰ سُكَيِ تَكَٰوُاْ وَ عِيسَىٰ یَنْ يَارَا دُواْمِنْ يَسَا مُسُ أَلْبَرْكَ، عَمَّا أَلْمَجِرَنْسَ سُكَ ڟَاوَتَا وَمُتَنٜىٰنْ؞

14دَ عِيسَىٰ يَغَ حَكَ، سَيْ يَجِ هَوْشِ، يَثٜىٰمُسُ «كُبَرْ يَارَا ڧَنَانَا سُذُواْ وُرِينَ، كَدَ كُهَنَاسُ؞ غَمَا مُلْكٍ اللَّهْ نَ إِرِنْسُ نٜىٰ؞

15حَڧِيڧَ إِنَ غَيَ مُكُ، دُكْ وَنْدَ بَيْ كَرْٻِ مُلْكٍ اللَّهْ كَمَرْ يَدَّ ڧَرَمِنْ يَرُواْ يَكٜىٰيِبَ، بَذَيْ تَٻَ شِغَ ثِكِنْسَبَ؞»

16سَيْ يَطَوْكِ يَارَنْ يَضُنْ‌غُمٜىٰسُ يَنَ تَتَّٻَسُ، يَنَسَا مُسُ أَلْبَرْكَ؞

17دَ عِيسَىٰ ذَيْ تَاشِ يَبَرْ وُرِنْ كٜىٰنَنْ، سَيْغَا وَنِ مُتُمْ يَا ذُواْ دَ غُدُ، يَدُرْڧُسَ أَغَبَنْسَ، يَتَمْبَيٜىٰشِ يَثٜىٰ «مَلَمْ مَيْ كِرْكِ، مٜىٰ ذَنْيِ إِنْ سَامِ رَيْ نَهَرْ أَبَدَا؟»

18سَيْ عِيسَىٰ يَثٜىٰ مَسَ «دُوانْمٜىٰ كَكٜىٰثٜىٰ دَنِے مَيْ كِرْكِ؟ أَيْ، بَا وَنِ مَيْكِرْكِ سَيْ اللَّهْ كَطَيْ؞

19كَا دَيْ سَنْ دُواْكُواْكِنْ وَتُواْ، ‹كَدَ كَيِ كِسَنْ كَيْ؞ كَدَ كَيِ ظِنَ؞ كَدَ كَيِسَاتَا؞ كَدَ كَيِ شَيْدَرْ ڧَضْيَا؞ كَدَ كَثُوثِ مُتُمْ؞ كَبَادَ غِرْمَ غَ بَابَنْكَ دَ مَامَرْكَ؞› »

20سَيْ سَوْرَيِنْ يَثٜىٰ «مَلَمْ، أَيْ، دُكْ نَكِيَايٜىٰ وَطَنَّنْ تُنْ إِنَ يَرُواْ؞»

21عِيسَىٰ يَدُوبٜىٰشِ دَ دُوبَنْ ڧَوْنَ، يَثٜىٰ مَسَ «أَبُ طَيَ نٜىٰ تَكْ كَرَسَ؞ كَجٜىٰ كَسَيَرْ دَدُكْ أَبِنْدَ كَكٜىٰ دَشِ، كَبَا تَلَكَاوَا، ذَاكَسَامِ دُوكِيَ مَيْ يَوَ أَ سَمَ؞ سَعَنً كَذُواْ كَبِينِ؞»

22دَجِنْ وَنَّنْ مَغَنَ سَيْ سَوْرَيِنْ يَٻَاتَ ڢُسْكَ، يَتَڢِے يَنَ بَڧِنْ ثِكِ، دُوانْ شِے مَيْ أَرْزِڧِ نٜىٰ سُواْسَيْ؞

23سَيْ عِيسَىٰ يَدُوبِے أَلْمَجِرَنْسَ، يَثٜىٰ مُسُ «ذَيْ ذَمَ دَ وُيَ سُواْسَيْ مَاسُ أَرْزِڧِ سُشِغَ مُلْكٍ اللَّهْ!»

24أَلْمَجِرَنْ كُوَ سُكَيِ مَامَاكِنْ وَنَّنْ مَغَنَ؞ سَيْ عِيسَىٰ يَسَاكٜىٰ ثٜىٰمُسُ «كُو یَیَنَ، ذَيْ ذَمَ دَ وُيَ سُواْسَيْ ڢَا، مُتُمْ يَشِغَ مُلْكٍ اللَّهْ!

25ذَيْڢِ وَرَاڧُمِ سَوْڧِ يَبِے تَرَامِنْ أَلُّورَ دَ مَيْ أَرْزِڧِ يَشِغَ مُلْكٍ اللَّهْ ؞»

26دَجِنْ وَنَّنْ، أَلْمَجِرَنْ سُكَڧَارَ مَامَاكِ سُنَ تَمْبَيَرْ جُونَ ثٜىٰوَ «تُواْ، إِنْ حَكَنٜىٰ، وَ ذَيْ عِيَ سَامُنْ ثٜىٰتُواْ؟»

27عِيسَىٰ يَدُوبٜىٰسُ يَثٜىٰ «أَوُرِنْ مُتَنٜىٰ كَمْ، بَذَيْ يِوُبَ؞ عَمَّا أَوُرِنْ اللَّهْ ذَيْ يِوُ؞ دُواْمِنْ كُواْوَنٜىٰ أَبُ مَيْيِوُوَ نٜىٰ أَوُرِنْ اللَّهْ ؞»

28سَعَنً بِتْرُسْ يَتَادَ مَغَنَ يَثٜىٰ «غَاشِ مُو مُنْ بَرْ دُكَنْ كُواْمٜىٰ مُنْ بِيكَ؞»

29عِيسَىٰ يَثٜىٰ، غَسْكِيَ إِنَ غَيَ مُكُ، وَنْدَ يَبَرْ غِدَنْسَ، كُواْ یَنْعُوَنْسَ، كُواْ مَامَرْسَ، كُواْ بَابَنْسَ، كُواْ یَیَنْسَ، كُواْ غُواْنَكِنْسَ، سَبُواْدَنِ دَ كُمَ سَبُواْدَ لَابَرِ مَيْ دَاطِے،

30أَبِنْدَ ذَيْسَامُ أَ زَامَانِنَّنْ مَا، ذَيْڢِ سَوْ طَرِے، نَغِدَاجٜىٰ دَ یَنْعُوَ دَ إِيَايٜىٰ دَ یَیَ دَ غُواْنَكِ، عَمَّا تَرٜىٰدَ ڟَنَنِ؞ سَعَنً أَ زَامَانِ مَيْ ذُوَا، سَيْ رَيْ نَهَرْ أَبَدَا؞

31مُتَنٜىٰ دَيَوَ دَسُكٜىٰ نَڢَرْكُواْ، ذَاسُ ذَمَ نَڧَرْشٜىٰ؞ نَڧَرْشٜىٰ كُمَ، ذَاسُ ذَمَ نَڢَرْكُواْ؞

32سُنَ هَوْرَاوَا ذُوَا عُرُوشَلِيمَ كٜىٰنَنْ، عِيسَىٰ يَنَ أَغَبَ، أَلْمَجِرَنْ كُمَ سُنَ بِنْسَ سُنَ مَامَاكِ؞ وَطَنْدَ سُكٜىٰبِنْسُ عَبَايَ كُمَ سُنَ ڟُواْرُواْ؞ سَيْ عِيسَىٰ يَجَا سُو شَا بِيُنَّنْ غٜىٰڢٜىٰ يَسَاكٜىٰ ڢَطَا مُسُ أَبِنْدَ ذَيْ ڢَرُ دَشِ؞ يَثٜىٰ،

33«غَاشِ ذَامُ جٜىٰ عُرُوشَلِيمَ؞ ذَاعَ بَادَ طَنْ مُتُمْ أَ حَنُّنْ مَنْيَنْ ڢِرِسْتُواْثِے دَ مَلَمً كُواْيَرْوَرْ مُوسَٰى؞ ذَاسُ يَنْكٜىٰ مَسَ حُكُنْثِنْ كِسَا، سُبَادَشِ غَ وَطَنْدَ بَا يَهُودَاوَا بَ؞

34ذَاسُيِ مَسَ بَعَ، سُتُواْڢَ مَسَ مِيَوْ، سُيِ مَسَ بُلَلَ، سُكَشٜىٰشِ؞ بَايَنْ ݣُونَ عُكُ ذَيْ تَاشِ دَ رَيْ؞»

35أَنَانً، سَيْ یَیَنْ ظَبَدِ، يَعْڧُوبَ دَ يَحْيَى، سُكَذُواْ وُرِنْ عِيسَىٰ ، سُكَثٜىٰ «مَلَمْ، مُنَ سُواْ مُضُواْڧٜىٰكَ وَنِ أَبُ؞»

36سَيْ يَثٜىٰ «مٜىٰكُكٜىٰسُواْ إِنْيِ مُكُ؟»

37سُكَثٜىٰ «مُنَ ضُواْڧُوانْكَ أَ رَانَرْ دَ ذَاكَ شِغَ طَوْكَكَرْ مُلْكِنْكَ، طَيَنْمُ يَذَوْنَ أَ حَنُّنْ دَامَنْكَ، طَيَنْ كُمَ يَذَوْنَ أَ حَنُّنْ هَغُنْكَ؞»

38عَمَّا عِيسَىٰ يَثٜىٰ مُسُ «بَكُسَنْ أَبِنْدَ كُكٜىٰ ضُواْڧُواْبَ؞ ذَاكُ عِيَ شَا عَݣُوڢْ نَوَهَلَرْ دَ ذَنْشَا؟ كُواْ كُوَ ذَاكُ عِيَ عَيِ مُكُ بَڢْتِسْمَ دَ بَڢْتِسْمَ دَ ذَاعَيِ مِنِ؟»

39سُكَ أَمْسَ سُكَثٜىٰ «عِ، ذَامُ عِيَ؞» عِيسَىٰ يَثٜىٰ مُسُ «عِ، ذَاكُ شَا عَݣُوڢْ دَ ذَنْشَا، ذَاعَيِ مُكُ بَڢْتِسْمَ كُمَ دَ بَڢْتِسْمَرْ دَ ذَاعَيِمِنِ؞

40عَمَّا ذَمَ أَدَمَنَ، كُواْ أَ هَغُنَ، بَ نِے نَكٜىٰ دَ إِيكُوانْ بَايَرْوَبَ؞ وَطَنَّنْ وُرَارٜىٰ نَوَطَنْدَ عَكَ رِغَا عَكَ شِرْيَ مُسُ نٜىٰ؞»

41دَ سَوْرَنْ أَلْمَجِرَنَّنْ غُواْمَ سُكَجِ وَنَّنْ، سَيْ سُكَ ڢَارَ جِنْ هَوْشِنْ يَعْڧُوبَ دَ يَحْيَى؞

42عِيسَىٰ يَكِرَاسُ يَثٜىٰمُسُ «كُنْ سَنِ، عَثِكِنْ وَطَنْدَ بَا يَهُودَاوَا بَ، وَطَنْدَ عَكَسَنْسُ دَ مُلْكِ، سُكَنْ نُونَ وَمُتَنٜىٰنْسُ إِيكُواْ، مَنْيَنْسُ مَا سُنَ نُونَاوَ مُتَنٜىٰنْسُ إِيكُواْ؞

43عَمَّا بَهَكَ ذَيْ ذَمَ أَڟَكَانِنْكُبَ؞ أَ مَيْمَكُوانْ حَكَ، دُكْ وَنْدَ يَكٜىٰسُواْ يَذَمَ بَبَّ عَثِكِنْكُ، دُواْلٜىٰنٜىٰ يَذَمَ مَيْيِ وَسَوْرَنْ حِدِمَ؞

44كُمَ دُكْ وَنْدَ يَكٜىٰسُواْ يَذَمَ شُوغَبَا عَثِكِنْكُ، لَلَّيْ نٜىٰ يَذَمَ بَاوَنْ كُواْوَ؞

45غَمَا طَنْ مُتُمْ يَا ذُواْ بَدُواْمِنْ عَيِمَسَ حِدِمَبَ، عَمَّا دُواْمِنْ يَيِ حِدِمَ، يَكُمَ بَادَ رَنْسَ دُواْمِنْ ثٜىٰتُوانْ مُتَنٜىٰ دَيَوَ؞»

46سَيْ سُكَ كَيْ يٜىٰرِكُواْ؞ يَنَ ڢِتَ دَغَ يٜىٰرِكُواْ كٜىٰنَنْ دَشِے دَ أَلْمَجِرَنْسَ دَ مُتَنٜىٰ دَيَوَ، سَيْغَا وَنِ مَكَهُواْ يَنَ ظَوْنٜىٰ أَغٜىٰڢٜىٰنْ حَنْيَ يَنَ بَرَ؞ سُونَنْسَ كُوَ بَرْتِمَوُسْ نٜىٰ، وَتُواْ طَنْ تِمَوُسْ؞

47دَ يَجِ ثٜىٰوَ عِيسَىٰ بَنَظَرٜىٰتْ نٜىٰ يَكٜىٰ وُثٜىٰوَ يَڢَارَ طَغَ مُرْيَ يَنَ ثٜىٰوَ «يَا عِيسَىٰ طَنْ دَاوُدَ، كَجِ تَوْسَيِنَ!»

48وَطَنْسُ دَيَوَ سُكَ ڟَاوَتَا مَسَ ثٜىٰوَ يَيِ شِضُ؞ عَمَّا سَيْ يَڧَارَ طَغَ مُرْيَ سُواْسَيْ يَنَ ثٜىٰوَ «يَا طَنْ دَاوُدَ، كَجِ تَوْسَيِنَ!»

49سَيْ عِيسَىٰ يَڟَيَ يَثٜىٰ «كُكِرَا مِنِشِ؞» سَيْ سُكَ كِرَوُاْ مَكَهُوانْ، سُكَثٜىٰ مَسَ «كَيِ مُرْنَ! تَاشِ، يَنَ كِرَنْكَ؞»

50سَيْ يَيَرْ دَ مَيَاڢِنْسَ، يَيِ وُڢْ! يَتَاشِ يَتَڢِے وُرِنْ عِيسَىٰ ؞

51عِيسَىٰ يَتَمْبَيٜىٰشِ يَثٜىٰ «مٜىٰكَكٜىٰسُواْ إِنْيِ مَكَ؟» سَيْ مَكَهُوانْ يَأَمْسَ يَثٜىٰ «مَيْغِدَا، إِنَ سُواْ إِنْ سَامِ غَنِنْ غَرِ؞»

52سَيْ عِيسَىٰ يَثٜىٰ مَسَ «تَڢِے، بَنْ‌غَسْكِيَرْكَ تَوَرْكَرْ دَكَيْ؞» نَنْ دَنَنْ يَسَامِ غَنِنْ غَرِ، يَبِے عِيسَىٰ ، سُكَ تَڢِے؞

← Chapter 9 Jump to: Chapter 11 →