Mark 5

Hausa Arabic 2020 (أَتَّوْرَتْ دَ أَنَّبَاوَا)

← Chapter 4 Jump to: Chapter 6 →

1عِيسَىٰ دَ أَلْمَجِرَنْسَ سُكَ كَيْ هَيِنْ تٜىٰكُنْ دَيَكٜىٰ عَيَنْكِنْ غَضَسِنَاوَا؞

2دَ سَوْكَرْ عِيسَىٰ دَغَ جِضْغٍ ضُوً، نَنْ دَنَنْ سَيْغَا وَنِ مَيْ ڧَظَامِنْ رُوحُ، يَڢِتُواْ دَغَ عِنْدَ عَكٜىٰ بِنّٜىٰ مُتَنٜىٰ، يَتَرْيٜىٰشِ؞

3مُتُمِنْ كُوَ، أَوُرِنْ بِنّٜىٰ مُتَنٜىٰنٜىٰ يَكٜىٰ ݣُونَ؞ بَا مَيْ عِيَ طَوْرٜىٰشِ كُمَ، كُواْ دَ سَرْڧَ مَا؞

4دُوانْ دَا أَنْشَا طَوْرٜىٰ حَنُّوَنْسَ دَ ڧَڢَاڢُنْسَ دَ سَرْڧَ، عَمَّا يَكَنْ ڟِنْڟِنْكٜىٰسُ؞ حَرْ بَاوَنْدَ يَكٜىٰدَ ڧَرْڢِے يَبِے دَشِ؞

5كُلُّمْ كُوَ دَرٜىٰ دَ رَانَ يَنَ يَٰوُاْ ثِكِنْ عِنْدَ عَكٜىٰ بِنّٜىٰ مُتَنٜىٰ دَ كَنْ دُوَڟُو، يَنَ إِيهُ، يَنَ ڟَڟَّغٜىٰ جِكِنْسَ دَ دُوَڟُو؞

6دَ يَغَ عِيسَىٰ دَغَ نٜىٰسَ، سَيْ يَتَاشِ دَ غُدُ يَدُرْڧُسَ أَغَبَنْسَ؞

7يَيِ إِيهُ دَ ڧَرْڢِے يَثٜىٰ «إِنَا ضُوَنْكَ دَنِے، عِيسَىٰ طَنْ اللَّهْ مَڢِے طَوْكَكَ ؟ نَا ضُواْڧٜىٰكَ دَ سُونَنْ اللَّهْ ، كَدَ كَبَانِ وَهَلَ؞»

8يَڢَطِ حَكَنٜىٰ دُوانْ عِيسَىٰ يَثٜىٰ مَسَ «رَبُ دَ مُتُمِنَّنْ، كَيْ ڧَظَامِنْ رُوحُ!»

9عِيسَىٰ يَتَمْبَيٜىٰشِ يَثٜىٰ «مٜىٰنٜىٰنٜىٰ سُونَنْكَ؟» سَيْ يَأَمْسَ يَثٜىٰ «سُونَنَ تُلِ نٜىٰ، غَمَا مُنَدَ يَوَ؞»

10سَيْ يَضُواْڧِ عِيسَىٰ سُواْسَيْ كَدَ يَكُواْرٜىٰسُ دَغَ يَنْكِنْ؞

11كُسَ دَ وُرِنَّنْ كُوَ أَݣَويْ وَنِ بَبَّنْ غَرْكٜىٰنْ أَلَدُ دَيَكٜىٰ كِيوُاْ أَغَنْ‌غَرٜىٰنْ تُدُنْ؞

12ڧَذَمَنْ رُوحُواْحِنَّنْ سُكَ ضُواْڧِ عِيسَىٰ سُكَثٜىٰ «كَسَا مُجٜىٰ وُرِنْ أَلَدُنَّنْ، مُشِغَ ثِكِنْسُ؞»

13عِيسَىٰ كُوَ يَيَرْدَ؞ سَيْ ڧَظَامَنْ رُوحُواْحِنْ سُكَ ڢِتَ سُكَ شِغَ ثِكِنْ أَلَدُنْ؞ غَرْكٜىٰنْ كُوَ أَلَدٜىٰ وَجٜىٰنْ دُبُو بِيُ نٜىٰ، سُكَ كُوَ تَاشِ أَغُجٜىٰ، سُكَ غَنْ‌غَرَ سُكَ ڢَاطَ ثِكِنْ تٜىٰكُنْ، سُكَ هَلَّكَ أَ ضُوَ؞

14دَ غَنِنْ حَكَ، مَكِيَايَنْ أَلَدُنْ سُكَ غُدُ سُكَ بَادَ لَابَرِنْ أَغَرِنْسُ دَ كَرْكَرَرْسُ؞ مُتَنٜىٰ سُكَ ڢِتُواْ دُواْمِنْ سُغَ أَبِنْدَ يَڢَرُ؞

15دَ سُكَذُواْ وُرِنْ عِيسَىٰ سُكَغَ مُتُمِنْ دَ دَا يَكٜىٰ ثِكٜىٰ دَ أَلْجَنُ، يَنَ ظَوْنٜىٰ دَ رِيغُنَ أَجِكِنْسَ، يَنَ ثِكِنْ حَنْكَلِنْسَ كُمَ، سَيْ سُكَجِڟُواْرُواْ؞

16وَطَنْدَ عَكَيِ أَبِنْ أَعِدُوانْسُ كُوَ، سُكَيِ تَبَادَ لَابَرِنْ أَبِنْدَ يَڢَرُ دَ مَيْ أَلْجَنُنْ دَ كُمَ أَلَدُنْ؞

17سَيْ مُتَنٜىٰنْ سُكَ ڢَارَ ضُواْڧِ عِيسَىٰ يَبَرْ يَنْكِنْسُ؞

18عِيسَىٰ يَنَ شِغَ ثِكِنْ جِضْغٍ ضُوَ كٜىٰنَنْ، سَيْ وَنْدَ دَا يَكٜىٰدَ أَلْجَنُنَّنْ يَضُواْڧٜىٰشِ يَيَرْدَ مَسَ يَتَڢِے تَرٜىٰ دَشِ؞

19عَمَّا عِيسَىٰ بَيْ يَرْدَ مَسَبَ؞ يَثٜىٰ مَسَ «تَڢِے غِدَا وُرِنْ یَنْعُوَنْكَ، كَڢَطَا مُسُ إِرِنْ مَنْيَنْ أَبُبُوَنْ دَ عُبَنْ‌غِجِ يَيِ مَكَ دَ كُمَ يَدَّ يَجِ تَوْسَيِنْكَ؞»

20سَيْ مُتُمِنْ يَتَڢِے، يَڢَارَ بَظَ لَابَرِ عَيَنْكِنْ غَرُرُوَ غُواْمَ عَكَنْ إِرِنْ مَنْيَنْ أَبُبُوَنْ دَ عِيسَىٰ يَيِمَسَ؞ دُكَنْ مُتَنٜىٰ كُوَ سُكَيِ تَمَامَاكِ؞

21دَ عِيسَىٰ يَسَاكٜىٰ حَيٜىٰوَ ذُوَا وَنْثَنْ غٜىٰڢٜىٰنْ تٜىٰكُنْ ثِكِنْ جِضْغٍ ضُوَ، سَيْ مُتَنٜىٰ دَيَوَ سُكَ تَارُ وُرِنْسَ؞ تُنْ يأَنَانً عَبَاكِنْ تٜىٰكُنْ،

22سَيْ طَيَ دَغَ ثِكِنْ شُوغَبَنِّنْ مَجَمِعَ مَيْ سُونَ يَايِرُسْ، يَذُواْ وُرِنْ؞ دَ غَنِنْ عِيسَىٰ كُوَ، يَڢَاطِ أَغَبَنْسَ،

23يَيِتَ ضُواْڧُوانْسَ، يَنَ ثٜىٰوَ «یَتَ ڧَرَمَ تَنَ بَاكِنْ مُتُوَ؞ إِنَ ضُواْڧُوانْكَ كَذُواْ كَتَٻَتَ دُواْمِنْ تَوَرْكٜىٰ تَرَايُ؞»

24سَيْ عِيسَىٰ يَتَڢِے تَرٜىٰ دَشِ؞ مُتَنٜىٰ دَيَوَ سُكَبِيشِ حَرْ سُنَ مَڟَشِ؞

25أَݣَويْ وَتَ مَثٜىٰ أَوُرِنْ وَدَّ تَيِ شٜىٰكَرَا غُواْمَشَا بِيُ تَنَ ظُبْدَ جِنِ؞

26تَا كُمَ شَا وَهَلَ سُواْسَيْ أَ حَنُّنْ مَاسُ مَاغَنِ دَيَوَ حَرْ تَكَشٜىٰ دُكَنْ أَبِنْدَ تَكٜىٰ دَشِ؞ عَمَّا مَيْمَكُواْ تَسَامِ سَوْڧِ، سَيْ ثِيوُانْ يَيِ تَڧَارُوَ؞

27دَا مَا، تَجِ لَابَرِنْ عِيسَىٰ ، دُواْمِنْ حَكَ، تَشِغَ ثِكِنْ مُتَنٜىٰ تَبَايَنْسَ، تَتَٻَ بَاكِنْ رِغَرْسَ،

28تَنَ تُنَانِ أَ رَنْتَ ثٜىٰوَ «كُواْ دَ رِغَرْسَ مَا نَتَٻَ كَوَيْ، ذَنْ وَرْكٜىٰ؞»

29نَنْ دَ نَنْ ظُبَرْ جِنِنْتَ تَڟَيَ، تَكُمَجِ أَجِكِنْتَ أَنْوَرْكَرْ دَ عِتَ؞

30نَنْ دَنَنْ عِيسَىٰ يَجِ وَنِ إِيكُواْ يَڢِتَ دَغَ غَرٜىٰشِ، سَيْ يَجُويَ عَثِكِنْ تَارُوانْ، يَثٜىٰ «وَ يَتَٻَ رِغَاتَ؟»

31سَيْ أَلْمَجِرَنْسَ سُكَثٜىٰ مَسَ «حَبَ! كَنَ غَنِنْ مُتَنٜىٰ سُنَ مَڟَرْكَ حَكَ، كَثٜىٰ، ‹وَ يَتَٻَنِ؟› »

32عَمَّا عِيسَىٰ يَدُدُّوبَ دُواْمِنْ يَغَ وَنْدَ يَيِ وَنَّنْ أَبِنْ؞

33مَاتَرْ كُوَ دَ تَسَنْ أَبِنْدَ عَكَيِ مَتَ، تَذُواْ ثِكِنْ ڟُواْرُواْ دَ ضَوَرْ جِكِے، تَڢَاطِ أَغَبَنْسَ، تَڢَطَا مَسَ دُكَنْ غَسْكِيَ؞

34سَيْ يَثٜىٰ مَتَ «یَتَ، بَنْ‌غَسْكِيَرْكِ تَوَرْكَرْ دَكٜىٰ؞ كِسَوْكَ لَاڢِيَ، كِنْ وَرْكٜىٰ دَغَ ثِيوُانْكِ؞»

35يَنَ ثِكِنْ مَغَنَ كٜىٰنَنْ، سَيْغَا وَطَنْسُ مُتَنٜىٰ دَغَ غِدَنْ يَايِرُسْ سُكَثٜىٰ «أَيْ، یَرْكَ تَمُتُ! مٜىٰيَسَا كَنَ تَدَامُنْ مَلَمِنْ؟»

36عَمَّا عِيسَىٰ بَيْ كُلَ دَ أَبِنْدَ سُكَ ڢَطَابَ، يَثٜىٰ وَشُوغَبَنْ مَجَمِعَ «كَدَ كَجِڟُواْرُواْ، كَيْ دَيْ كَبَادَ غَسْكِيَ؞»

37بَيْ بَرْ كُواْوَ يَبِيشِيبَ سَيْ بِتْرُسْ دَ يَعْڧُوبَ دَ كُمَ يَحْيَى طَنْعُوَنْ يَعْڧُوبَ؞

38دَ سُكَ كَيْ غِدَنْ يَايِرُسْ، عِيسَىٰ يَغَ مُتَنٜىٰ سُنْ ضِكِثِے سُنَ تَكُوكَا سُنَ إِيهُ؞

39يَشِغَ ثِكِ، يَثٜىٰ مُسُ «دُوانْمٜىٰ كُكٜىٰ كُوكَا كُنَ إِيهُ حَكَ؟ أَيْ، يَارِنْيَرْ بَتَمُتُبَ، بَرْثِ تَكٜىٰيِ؞»

40سَيْ سُكَيِ مَسَ دَارِيَارْ رٜىٰنِ؞ عَمَّا يَڢِتَرْدَ دُكَنْ مُتَنٜىٰ وَجٜىٰ، يَطَوْكِ بَابَنْ يَارِنْيَرْ دَ مَامَرْتَ دَ كُمَ أَلْمَجِرَنْسَ وَطَنْدَ سُكٜىٰ تَرٜىٰدَشِ، يَشِغَ عِنْدَ يَارِنْيَرْ تَكٜىٰ؞

41يَكَامَ حَنُّنْتَ، يَثٜىٰمَتَ « تَلِتَ كُمِ ،» وَتُواْ «يَارِنْيَ، كِتَاشِ؞»

42نَنْ دَ نَنْ يَارِنْيَرْ تَتَاشِ تَيِ تَڢِيَ؞ شٜىٰكَرُنْتَ كُوَ غُواْمَشَا بِيُ نٜىٰ؞ وَنَّنْ كُوَ يَسَا سُكَيِ مَامَاكِ سُواْسَيْ؞

43عَمَّا عِيسَىٰ يَجَا مُسُ كُنّٜىٰ سُواْسَيْ ثٜىٰوَ كَدَ كُواْوَ يَجِ وَنَّنْ لَابَرِ؞ يَكُمَ ثٜىٰمُسُ سُبَاتَ عَبِنْثِ؞

← Chapter 4 Jump to: Chapter 6 →